Joriy yilning 11 oyida tabiiy gaz taʼminotidagi noqonuniy holatlarni aniqlash boʻyicha “Hududgaztaʼminot” AJ mutaxassislari ishtirokida 25 mingga yaqin nazorat tadbirlari oʻtkazildi

“Hududgaztaʼminot” AJ Komplayens nazorat tuzilmalari tomonidan muntazam ravishda energiya resurslaridan oqilona foydalanish va noqonuniy holatlarni aniqlashga qaratilgan tadbirlar oʻtkazib kelinmoqda.

Joriy yilning 11 oyi davomida Jamiyatning masʼul xodimlari tomonidan huquqni muhofaza qiluvchi organlar bilan hamkorlikda 25 mingga yaqin tadbirlar oʻtkazilib, ularda qiymati 444,7 milliard soʻmlik 187,6 million kub metr tabiiy gaz hajmlari qonunga xilof ravishda sarf qilinganligi aniqlanib, qayta hisob-kitob qilingan.

Suyultirilgan gaz taʼminotida rejadan tashqari tekshiruv va monitoring tadbirlari natijasida 487 ta qoidabuzarliklar aniqlanib, 6 mingdan ziyod maishiy gaz ballonlari noqonuniy saqlanayotgani aniqlangan 100 ta “bunker” faoliyatiga chek qoʻyildi. Buning natijasida aholi isteʼmolchilariga yoʻnaltirilishi lozim boʻlgan 87,1 tonna suyultirilgan gaz hajmlari talon-tarojining oldi olindi.

Aniqlangan noqonuniy holatlar va qoidabuzarliklar hamda ularga aloqador shaxslarga nisbatan jazoning muqarrarligini taʼminlash maqsadida, barcha materiallar huquqiy baho berilishi uchun huquq-tartibot organlariga yuborilgan.

Qayd etish kerak, sohaga joriy etilgan “ASKUG” tizimi tabiiy gaz isteʼmolini har bir isteʼmolchi kesimida chuqur tahlil qilish imkonini beradi. Tabiiy gaz isteʼmoli hajmlarini doimiy ravishda monitoring qilish evaziga tabiiy gazdan foydalanishda qoidabuzilish holatlari tezda aniqlanmoqda. Shu munosabat bilan “Hududgaztaʼminot” AJ isteʼmolchilardan qonunchilikka rioya qilib, “zangori” yoqilgʻidan oʻgʻrincha foydalanmaslikni va tabiiy gazdan foydalanish qoidalariga rioya qilishni soʻraydi.
“Hududgazta’minot” AJ matbuot xizmati

*?Facebook| ?Telegram *|*▶️YouTube *| *?Instagram *| *?***hududgaz.uz

Янги Ўзбекистон энергетикасида тарихий воқеа: 24 та лойиҳа, 4,4 гигаватт қувват, 7,2 миллиард доллар

Prezident.uz|Facebook|Instagram|YouTube|X

Изчил ва қатъий ислоҳотлар туфайли Ўзбекистонда "нолдан" бутунлай янги - "яшил энергетика" тармоғи яратилди

Prezident.uz|Facebook|Instagram|YouTube|X

Jondor tumanida suyultirilgan gaz toʻldirish shoxobchasi ishga tushirildi

“Hududgaztaʼminot” AJ Boshqaruv raisi Maʼrufxon Xodjayev mazkur shoxobchaga tashrif buyurib, ish jarayoni va yoʻlga qoʻyilgan sharoitlar bilan tanishdi.
?Facebook | *?Telegram *|*▶️YouTube *| *?Instagram *| *?***hududgaz.uz