ظلمتوه بالوصف
لمن وصفتوه
حبيبي شگد حلو بس ما نصفتوه
أحسه بـروحي
و بـگلبي
و العيون
احلى من الحلو لو ما تصدگون
هاكم هاي عيني و بيها شوفوه.

من أشوفك شلون بية
انت و عيونك علية
و من اشوفك صدفة
بگلبي أگول ..
معقوله هذا يصير اليه؟

وعاونتك علي
من شفت عذرك خاب
قنعت النفس گلتلها يتغير
لا گصرك طول
لا فاض بيك الطيب
لا شمسك علت والراكد تبخر
لا مدك وصل
والعين شافت نور
لا كسرك جبر
لا لغزك تبخر.

ولو چلبت بيك هوايَ
بس هذا قرارك وآنه نفذته
يومية أطوي صفحة
و أبدي صفحة وياك ،
لو قاري مُجلد چان خلصته
روح براحتك لكن خسرت أنسان
يذكرك حتى من تخونه ذاكرته

بعد مَاراح اشوفك وأنتَ تدعيلي
ولا تتغزل بصَوتي وتفاصيلي
ولانسهَر سوة لحَد مَانخلص الليل
وتفز الصُبح بالشوگ تحچيِلي
هوَ الماخذك مومايحبك حيَل
ليش شوية منك مايبقيلي؟
وليش الناس ماتعرف تغنيلي؟
واذا شديت جرحي
شلون أشد حيلي؟
أحبك وأنتَ مامقسوم
ولااعرف شسويلك
ولااعرف شسويلي .

ناري ما تطفى
ولا نارك طفت
وعيني گبلك تبجي
اذا عينك بچت
يالعزيز الما غبت
عن بالي لحظه
ماكول انت بعدت
وشلون اظلمك
ومن يذكرونك گبالي
يبين بوجهي القلق
لوجابوا اسمك
انتَ نقطة ضعفي انتَ
ولو احب ثاني
ارد وارجع احبك .

- يا بَعد ناسي و هَلي ، لا والله يا بَعدي .

شجريان :
انت يا كافر القَلب !
لا تسدُل النقاب على وجهك
فيصبح محراب صلاتي
حاجِباك المثنيان !
عريان السيد خلف :
على طولَك اشعلني
و صيح بية الصوت
انا بطرگ النَفس
بين الحياة و الموت
و اسري بنبض دَمي
لشهگة الزردوم
حُب تالي العمر
علته من البسكوت..

ردت افتهم ليش اختلف..!؟
مو هو كايلي وحلف.!
ميعيش لحضه بدوني.؟
ساعتهه حيل تعلقت
والله احلى من عنده شفت
بس كلبي غش عيوني!
بمراية اصفن وانتبه شو !
مختلف هذا الوجه واتردد امشي
بيتنه خاف اهلي ميعرفوني ؟
مرات احتاج العتب بس قررت
ما عاتبة واصعب احاسيس البعد من يمشي وابقى مراقبه جنه مثل ماي
بهوى حالة صداقه وحب سوه
هسه اني واحد منهدم واحد
فارگ حبيبه وصاحبه

ـ بعَدني معلعل بدونك
شما كثرت علية عِيون
فدوة تروح لعيونَك
وإذا ويايَ صارو ناس
كُل عَقلك يعوضونَك
لا تتوقع اتخطيت
اني بگلبي مَا أخونك .