يارب خيّرة هالضحكة وخيّرة هالفرحة وخيّرة هالونس يارب يا كريم ❤️.

( حتى فلسطين تحررت يا حبيبي ! )
كنت بنكتب هكي مبدائيًا، لين جتني لحظة ادراك انها سوريا مش فلسطين !

امبكري نهدرز أني وصاحبتي على انها فاينلي تحررت
قولتلها يُمهل ولا يُهمل .. قالتلي زي ديما !

زي ديما أي .. بدون ذرة شك !

الأيامات هادم نفكر إن ربي رسالته كاملة، استجاب دعوة في دعاء طويل غير مُنقطع .. يعني حيستجيب الباقي مع فرق التوقيت

زي التوقيت بين بلادي وبلادك
بلادي اللي هيا نفسها بلادك
اللي أنت مش فيها

أوبس ! .. مش فيها وأني هني ؟ ( حتى عيب )

المهم أن حيستجيب
ماهو قداش مرة أني دعيته إن لو مش حيستجيب يصرف قلبي من على هالموضوع، وينحي مِني هالأمل اللي مايبيش ينقطع أو يموت، دعيت ان لو خلاص مافيش نصيب تطلع من حياتي وقلبي وعقلي

تطلع وخلاص ! .. معاش نبي نكمل

لكن .. حني قاعدين
حتى نمشوا قاعدين
حتى نمشي قاعدين
حتى تمشي قاعدين
قاعدين .. نلودوا العالم كله ونرجعوا لهالمكان
اللي كل مانجوه نتعاركوا ونرجعوا نطلعوا نمشوا

الفكرة زي الحوش
تتعارك فيه .. تبكي منه .. تتعب فيه .. تتعب حتى منه .. تطلع .. تتباعد .. تمشي لأخر العالم .. تضحك بعيد عليه .. ترتاح حتى .. لكنك توليله

لانه اكثر مكان يعرفك
اكثر مكان يعرف نسختك الشريرة
وأكثر مكان يعرفك قداشك حنيّن !

غريبة .. حنيّن وأدير اللي درته !
ماعلينا

المهم أنه في نهاية الرحلة ربي ياخد بخاطرنا، ياخدني ليك أو بعيد عليك .. المهم نلقوا حل جدرّي يا يختم هالقصة للأبد، يا يخليها تكمّل للأبد

للأبد
من غير مانستمر نحس أن في جزء مهم مني اشبح وينه !

أجر ليا وليكم 🤍

@na20ba044 .. @lAlMosahfl
@lohc79 .. @qurankaremx

حبـي الراجل الي بيحبك
بس وانتـي بتحبيه
متنسيش ان هوا عيل
كثر الدلع بيبوظـه
❤️

اللَهُمَّ صَلِّ وَسَلِمْ عَلى نبِيِّنَا مُحَمَّـدْ ﷺ .

في ناس خاطري نسألهم وين عابيين بيمشوا من ربي !

حسبي الله ونعم الوكيل .. لين ربي ياخد الحق

ممكن أن يكون مُرحب بك مرة أخرى إكرامًا لأيامك القديمة، لكن ماعاد المكان مكانك .

حتكبر وتعرف أن الناس مايحبوش اللي
يحبهم .. يحبوا اللي يحب روحه بس .

- بأمانة! أني أنسانة نخاف لما تبدأ المظلمة بيني وبين العبد مش بيني وبين الي خلقه.

يعني مهما كان الذنب الي درته، لما يكون بينك وبين الله تقدر تتوب، تستغفر، تصلي، تندم، ترجعله مهما كانت الخطيئة هائلة.

إنما لما يكون مع إنسان فهني لا، القضية تختلف..

يعني دعوة مظلوم وحدة ترقى لباب العرش في دعوة إستجابة ممكن تهِد الي عشت عمرك كله تبني فيه، حسبي الله ونعم الوكيل وحدة في ساعة كسرة خاطر ممكن تكمّل بسببها باقي عمرك تعاني، كلمة وحدة جارحة ممكن تحول بينك وبين الجنة.

تخيّل معاي خلال هالدنيا ( الي مش رافع منها شيء ) أنتَ مش قاعد تدير في شيء غير إنك تأذي في خلقه بكلامك، بتصرفاتك، مش قاعد تدير في شيء غير إنك تلقّط في الدعي وترفع فيه لآخرتك معاك!

مؤسف..

فـصدقًا، أني أنسانة مهما غلطت نولي ونتأسف، ونسعى إني منكونش سبب في كسرة خاطر حد على وجه هالكوكب، لأني مش مثالية، ونخاف من دعوة المظلوم.

ومِن هالمنبر .. حسبي الله ونعم الوكيل."