Туркиянинг Болу музофотидаги тоғ-чанғи курортида юз берган кучли ёнғин оқибатида кўплаб инсонлар қурбон бўлгани ва жиддий жароҳат олгани муносабати билан Ўзбекистон Президенти Шавкат Мирзиёев Туркия Президенти Режеп Таййип Эрдоғанга ҳамдардлик йўллади.

Қардош Туркия етакчиси ва халқига чуқур таъзия изҳор этиб, давлатимиз раҳбари марҳумларнинг оила аъзолари ва яқинларига сабр-тоқат ва бардамлик, жабрланганлар тез фурсатда соғайиб кетишини тилади. 

Telegram | Facebook | Instagram | Youtube | Медиабанк

❗️Мудофаа вазирлиги огоҳликка чақирди

Муддатли ҳарбий хизматга юбориш, контракт бўйича ҳарбий хизматга кириш, мудофаа ишлари бошқармаси ва бўлимларида амалга ошириладиган ҳар қандай ҳужжат ишлари мутлақо бепул.

Ушбу масалалар юзасидан ишингизни моддий маблағ эвазига ҳал қилиб беришни таклиф этишдими? Ундай кимсаларга ишонманг! Жиноятчиларга шерик бўлиб, келажагингизни барбод қилманг.

Telegram | Facebook | Instagram | Youtube | Медиабанк

2024 йилда судлар томонидан биринчи инстанцияда 3 015 189 та (фуқаролик, жиноят, маъмурий ҳуқуқбузарлик, иқтисодий, маъмурий) иш мазмунан кўриб тамомланган бўлиб, ушбу кўрсаткич 2023 йилга нисбатан 43 фоизга, шу жумладан, фуқаролик ишлари 59 фоизга, иқтисодий ишлар 61 фоизга ошган.
Биринчи инстанция судлари томонидан қабул қилинган суд қарорларининг 3,5 фоизи бўйича келтирилган шикоят ва протестлар асосида вилоят ва унга тенглаштирилган судларнинг апелляция ва кассация инстанцияларида қайтадан кўрилган. Шу билан бирга 96,5 фоиз ишлар бўйича суд қарорлари устидан шикоят (протест) келтирилмаган. Яъни, бу ишлар бўйича қабул қилинган суд қарорлари билан ишда иштирок этган тарафлар тўлиқ рози бўлишган.
Шунингдек, биринчи инстанция судлари томонидан кўрилган ишлар бўйича чиқарилган суд қарорларининг юқори инстанцияларда атиги 0,8 фоизи бекор қилиниб, янги қарорлар қабул қилинган, 0,7 фоизи эса ўзгартирилган.

Telegram | Facebook | Instagram | Youtube | Медиабанк

⚠️ Январ ойининг дастлабки 15 кунлигида 2035 та табиий газдан ноқонуний фойдаланиш ҳолатлари аниқланди

"Ҳудудгазтаъминот"АЖ Ахборот хизмати раҳбари Дилором Жуманиёзова иштирокидаги брифингда аҳоли ва улгуржи истеъмолчиларни табиий газ билан таъминлаш борасида амалга оширилаётган ишлар юзасидан маълумот берилди.

✅ “Ҳудудгазтаъминот” акциядорлик жамияти томонидан 2025 йил январ ойининг дастлабки 15 кунида аҳоли ва улгуржи истеъмолчиларга 1 миллиард 575 миллион 28 минг метр куб табиий газ етказиб берилди.

✅ Жумладан, аҳолига 1 млрд 110 млн 123 минг метр куб, улгуржи истеъмолчиларга 464 млн 905 минг метр куб, хусусан, иссиқлик таъминоти корхоналарига 92 млн 294 минг метр куб, ижтимоий соҳа объектларига 18 млн 427 минг метр куб, автомобилларга газ тўлдириш компрессор шохобчаларига 165 млн 659 минг метр куб “зангори ёқилғи” етказилган.

✅ Мазкур давр оралиғида суюлтирилган газга мослаштирилган
1 миллион 376 мингта хонадонга 27 минг 517 тонна суюлтирилган газ маҳсулоти етказиб берилди.

✅ Шунингдек, олис ва етиб бориш қийин бўлган ҳудудлардаги истеъмолчилар ҳам режа-график асосида ўз вақтида суюлтирилган газ баллонлари билан таъминланмоқда.

✅Қиш мавсумида истеъмолчиларнинг маиший газ баллонларига бўлган эҳтиёжи ошишидан келиб чиқиб, жойларда 24 минг дона маиший газ баллонлари ва 4,1 минг тонна суюлтирилган газ ҳажмлари захираси яратилган.

✅ Тармоқларда юзага келаётган носозликларни кечиктирмасдан таъмирлаш мақсадида 848 нафар мутахассислардан иборат 271 та авария бригадалари туну кун ишлаб, жойларда юзага келаётган муаммоларни тезкорлик билан бартараф этмоқдалар.

✍️ Батафсил

Telegram | Facebook | Instagram | Youtube | Медиабанк