Bir zamonlar yozilib, daftarlarda qolib ketgan she'rlar tasodifan qarshingdan chiqib, olis xotiralarni qaytaradi.

https://youtube.com/watch?v=W044-fip1Zs&si=6Rh-xJCwvi5Gcz1u

https://t.me/zarif_gussa/1

БАХТ

Димоғимда қизғалдоқ иси,
Руҳим қанот қоқар самода.
Йўқламасин Ҳазрати Хизр
Мен шундоғам бадавлат одам.

Воҳ-ей-воҳ-ей, шоирман тағин,
Мадх этгали ҳайрату ҳолим.
Юрагимга йўламас яқин
Бахтиқаро  ғуллар замони.

Ким оламни олган жахонгир?
Унга тенгман,
Йўқ, ундан баланд.
Бағримдаги митти баҳорнинг
Қошларини сийпалаган пайт.

Бу лахза минг севишга арзир,
Димоғимда қизғалдоқ иси.
Қизғонади ўғлим - йўлбарсим,
Ачом қилиб ухлайди қизим.

✍ Нурмуҳаммад АЗИЗ

https://t.me/zarif_gussa/1

Камалакни кафти билан ушлаганлар,
Сояси ҳам тавозени хушлаганлар,

Жиғилдондан бўлак жавҳар лоф аларга,
Ақча бўлсин, балчиқда ҳам соф аларга,

Ҳар хатосин шароб ила ювган қавм,
Шоир бўлсанг шаккок дея қувган қавм,

Маишатга дуру гавҳар сарфлаганлар,
Овлоқларда Ватанни ҳам нархлаганлар,

Ҳақиқатнинг ҳассос тилин суғургандир,
Ой қароли, шамоллар ҳам югурдакдир,

Кўз олдингда кўз ўйнатиб, кўз ўярлар,
Мажнун бўлсанг мозорингга ўт қўярлар.

✍ Нурмуҳаммад АЗИЗ

https://t.me/zarif_gussa/1

Ичимда бир бургут,
ичимда бир ғул,
ичимда бир турку,
ичимда бир хун,
ичимда бир ҳадис,
ичимда минг шарҳ,
ичимда бир жадид,
ичимда бир шайх,
ичимда бир нолиш,
ичимда бир ҳамд,
ичимда бир золим
найранг билан банд,
ичимда бир қарғиш,
ичимда бир oҳ,
ичимда бир дарвеш,
ичимда бир шоҳ,
ичимда бир жоно,
ичимда бир ҳирс,
ичимда бир Раҳмон,
ичимда Иблис,
ичимда бир ҳаёт -
манглайимдай талх,
ичимда бир мамот -
ичимда минг завқ.

✍ Нурмуҳаммад АЗИЗ

https://t.me/zarif_gussa/1

На пирим, на йўлим бордир,
Ёқамда ўз қўлим бордир,
Бир бошга бир ўлим бордир,
Юракда ранжу додим бор.

Мен-да Чўлпон - ёғду бўлиб,
Қад ростладим ботир бўлиб,
Алдади ким Боту бўлиб?...
Хавотир бор, хавотир бор.

Жийрон эдим, жон жўралар,
Бу не кун қалб қон жўралар?
Ёлғон-яшиқ мафкуралар
Хароб қилган ҳаётим бор.

Кўзим равшан, сўзим қушдир,
Оёғим бут, тойиб тушдим.
Бутун ақлим, бутун муштим
Ва мажруҳ эътиқодим бор.

✍ Нурмуҳаммад АЗИЗ

https://t.me/zarif_gussa/1

Шоир - чақмоқ,
мудроқ лаҳзага
Уйғотгувчи ҳаяжон сочар.
Юракларни солиб ларзага
Она, чақмоқ бўламан қачон?

Бир сеҳрлаб, сўнг дом-дараксиз
Мўжизакор сўзлар бор экан.
Неча замон ташнаман, шаксиз
Шеърсизликда дўзах бор экан.

Бисотимда ширин гуноҳлар,
Қудуқмиди кўнгил - тўлмади?
Азиз бўлди оғриқлар, оҳлар,
Нурмуҳаммад Азиз бўлмадим.

Эй, қалби ҳам қароғи дарё,
Мен - ёмғирда адашган сўқир.
Япроқдай чирт узилган фарёд -
Кўз ёшим бу - йиғламай ўқи.

✍ Нурмуҳаммад АЗИЗ

https://t.me/zarif_gussa/1

Эшик тарс ёпилди, зарбидан
сесканди паришон дераза.
Жаҳлинг ҳам жозибдир, фусунгар,
Жон берсам, сен жабр берасан.

Эшик тарс ёпилди, зарбидан
юраги ёрилди хонанинг.
Аччиқ дуд сачради юзимга,
Кўз олдим бемисл қоралик.

Эшик тарс ёпилди, зарбидан
булутлар ҳўмрайди ғашланиб.
Аразинг умримдан узундай,
Ҳузндай ёприлди ташналик.

Эшик тарс ёпилди, зарбидан
на дунё татир, на тожу тахт.
Қоларга бу оғриқ фузундай,
Кетарга макон йўқ ложувард.

Эшик тарз ёпилди...

✍ Нурмуҳаммад АЗИЗ

https://t.me/zarif_gussa/1

Қўштепанинг боғларида куз,
Видо айтар яшил япроқлар.
Одимлайди изғирин томон
Декабрни соғинган боғлар.

Қўштепанинг боғларида куз,
Йўллар ухлар хазон ёпиниб.
Шитир-шитир варақлар шамол
Туннинг сокин куллиётини.

Қўштепанинг боғларида куз,
Кўлмакдаги ойга мўлтираб
Юлдузлари сержилва само
Меҳваримда ғамгин ўлтирар.

Қўштепанинг боғларида куз,
Лайлу наҳор суради хаёл.
Куздай маъюс, йўл пойлар ҳамон
Шоир туғиб адашган Аёл.

Қўштепанинг боғларида куз...

✍ Нурмуҳаммад АЗИЗ

https://t.me/zarif_gussa/1

Ёмғир!
Аста ўй босиб келар,
Хотиралар уйғонар қадим.
Аршдан шунча йўл босиб келар
Кимнинг ашки, кимнинг нафрати?!

Деразадан кафтим тутаман,
Сергакланар атроф-жавониб.
Жавоб излаб гулу бутадан,
Ёмғир - кўкнинг мунгли саволи.

Сиёҳ бўлиб оқар андуҳим,
Сатрларда ситилар сабр.
Саҳаргача бўзлайди руҳим
Тегманозик булутлар каби.

✍ Нурмуҳаммад АЗИЗ

https://t.me/zarif_gussa/1

"KITOB DUNYOSI"!

https://t.me/zarif_gussa/1