وبهكي تكون انتهت رحلتي معاكم بالنسبة لمادة الأناتومي، ان شاء الله نكون كفيت ووفيت ودرت الواجب معاكم، وان شاء الله تكونوا استفدتوا من القناة ولو بالقليل، ونعتذر أشد الإعتذار عن اي تقصير صار من طرفي، منعرفش يمكن نتلاقوا في العملي السيم الجاي؟ الله اعلم.

ربي يوفقكم ويفتحها عليكم ونشوفكم في اعلى المراتب، أعانكم الله ووفقكم في باقي مشواركم. 🤍

طمنونا دكاترة شن صار معاكم اليوم؟

السلام عليكم ورحمة الله وبركاته.

عارف الكلام اللي بنقوله توا حيزعلكم، بس للأسف مش حنقدر نستكمل باقي الشرح، عارف روحي قصرت معاكم هلبا وعندكم الحق، بس والله معاش نقدر نلايم، سامحوني وآسف جداً جداً.

بالنسبة للجزئيات اللي قعدوا تلقوا زميلكم عبد الرزاق بادي ف شرحهم وتلقوا د. محمود شارح المنهج كامل.

ومرة ثانية آسف بس والله مش بإيدي الموضوع، ولكن بإذن الله حنديرلكم كويزات لما يقرب امتحانكم.

ربي يوفقكم وماتنسونيش من دعائكم ?

السلام عليكم ورحمة الله وبركاته، عدنا والعَودُ أحمدُ، على بركة الله غدوا نبدو في جزئية الLigaments، نحاولوا نتموا شرح المنهج قبل ما نبدا امتحانات بعون الله.

شدو حيلكم، موفقين ?

السلام عليكم ورحمة الله وبركاته.

كان مفروض نبدا في تنزيل شرح الLigaments من الاسبوع اللي فات، بس مالحقتش لان غدوا عندي امتحان عملي وقعدت نجهزله ومعاش لحقت عالشرح.

قعدولنا اربعة جزئيات حالياً اللي هما :-

- Ligaments
- Cardiovascular System
- Lymphoid System
- Nervous System

الLigaments في الشرح حتى يوم يسده، بالنسبة للCardiovascular system والNervous system كل واحد منهم يبي من يومين الى اربعة ايام بالكثير، الLymphoid system ينشرح حتى ف يوم او يوم ونص.

نعتذر عن التأخير عارف روحي مقصر معاكم، ادعولي نجاوب في امتحاني غدوا، ولكم بالمثل اضعافاً مضاعفة. ?

موفقين جميعاً ?

السلام عليكم ورحمة الله وبركاته، كيف حالكم دكاترة؟
ان شاء الله تكونوا توفقتوا في امتحان البايو اليوم.

وين واصلين مع الدكتورة في الاناتومي؟

القناة هاذي خاصة بجماعة الصيدلة فقط فيما يخص مادة الأناتومي https://t.me/ANpharmacists04

طمنونا على درجات النصفي دكاترة، شن صار فيكم؟ ?

السلام عليكم ورحمة الله وبركاته، كيف حالكم وشن جو الاناتومي معاكم؟

نعتذر منكم اليومين هاذو كان مفروض انزللكم جزئية الاوعية الدموية والجهاز اللمفاوي، لكن جتني بردة الحق وصوتي هارب شوية وصداع وراسي رزين، لكن بعون الله لو تحسنت حالتي بعد العيد نحاولوا نكملوا شرح المنهج قبل امتحان الاناتومي ان شاء الله.

اعتذر منكم جداً، ربي يوفقكم. ?