Nu itti siquuf fiigna
Inni nurraa siqa
Kaachoon dafqisiisee
Nafa nurraa dhiqa.

Nu qaqqabuuf kaanna
Innimmoo nu dheessa
Qileef gaara baasee
Beermudaa nu geessa.

Miiraaf fedhii yeroo
Hiinee of adabnee
“Hin nyaadhu, in dhugu”
Jennee of agabnee
Bor ol jennee buluuf
Har’a gad of qabnee
Joorree mankaraarree
Humna fixnee, cabnee...

Geenyee harkaan qabachuu
Utuu nu dharraanuu
Utuu akkas dhamaanee
Faanasaa rarraanuu

Garaa nuj-jabaatee
Achi nurraa kaataa
Jireenyi yoomuma
Nuuf qabama laataa?

Abjuu egereetiin
Gowwoomsee nu ulaa
Innoo gad hin dhufu
Qaala’aama bulaa...

Akka korma re’ee
Baala jimaa suuftuu
Ijaan in argita
Qaqqabattee'n quuftu.

Eeyyee....!
Nuun taphata malee
Gowwoomsee akka geemaa
Jireenyi achi fiigdi
Du’atu as adeemaa

Badiinkee kan ormaaf
Qalbii kee hiruudha
Male akki itti jirtu
Mataa keef jiruudhaa

Tirikaa dhabdullee
Qabadhuu herookee
Waan qabduun gammadii
Jiraadhu yerookee!

@Riyaad_Raayyaa tiin

Akkuma waan samiin
Fulla’ee harcaasuu
Rooba yandoo soree
Tasa waa mancaasu,

Duumessa wal xaxee
Ifa aduu haguugu,
Lolaa biyyee dhiqee
Biqilaa daguugu,

Hurrii tulluu dhoksee
Samaa’ii taasisu
Bakakkaa gungummiin
Nama nannaasisu,

Laga lolaan guutee
Yaa’a keessaa lufu
Bacaqiif mucucii
Lukti dheessaa kufu,

Qorra akka cabbii
Nama hollachiisu
Kan dhiirsi niitiisaa
Guyyaa hammatee ciisu.
Waqtii fuudha diqqaa
Nama niyyachiisu.

Uggum waqtii gannaa
Kan biqilaaf lubbuu
Dabareetu keeti
Ati hin qabdu cubbuu.

Bu’aa keetu caala
Qabaattullee balaa
Si'iin oomishanna
Wanta waggaaf galaa.

Wabii qonnaan bulaa
bu’uura midhaanii
Toluuf baduun maasii
Murtaa'uun sidhaani.

Riqicha ittiin ceenu
Gidduu arfaasaaf birraa
Qorruma kee malee
Komii'n qabnu sirraa!

@Riyaad_Raayyaa tiin

Gaaf-tokko naafis, siifis
Dabareen nutti dhuftee
Duuti nu fuutee deemti
Faayila jiruu cuftee.

Gariin janaazaa keenya
Sodaatee nu baqataa,
Kuunis imimmaan naachaa
Lolaasee nuuf haqataa,
Sireerratti nu baachaa
Qabirii nuun dhaqata.

Reeffi keenya maramee
Firaan boolla ka’ama
Biyyeen nutti deebi’ee
Miilaan nutti dha’ama
Sadaqaanis nyaatamee
Taaziyaan nuuf ta’ama.

San booda....
Guyyaan ooltee bubbultee
Laftis dhiitee bariiti
Yaadannoonkee dhumattee
Gadda maatii ariiti.

Wanti ati dhiiftee deemte
Ahlii keetiif qoodama
Ati hin yaadatamtu
Maqaa keetiin oodama.

Inni gaafati jirtu
Sagal sitti marmaaru
Yaadatee siin mil’atu
Qabrii bira darbaaru.

Nuun ala biyyi lafaa
Hir’uu inni nu seenu,
Yaada ofittummaa ture
Male, ittiin laga'n ceenu.

Hireen anaaf si qofaaf
Du’aan faayila cufti
Addunyaan warra jiruuf
Gammachuun itti fufti...

Eeyyee...!

Hawwii jiraachuuf qabnuun
Haqni isaa nu dhokate,
Malee, nu kara-deemaa
Yeroof karaa boqate!

Walaloo; @Riyaad_Raayyaa

BEEKSISA
""""""""""""""""'"
Namoonni dhimmoota garaagaraa kanneen akka;-

- Eebba Markazaaf
- Muhaadaraaf
- Wal-tajjiif
- Gaa'ilaaf
- Maatiif
- Jaalalaaf
- Nashiidaa fi sirbaaf
- Eebbaa fi Ayyaanaaf
- Beeksisa sagantaalee adda addaatiif
- Beeksisa dhaabbilee fi oomishaalee garaagaraatiif
- Haala yeroo fi mata-duree feetan kamirattuu.....

Kanneen #Walaloo barbaaddan keessaan nu qunnamuu dandeessu. Yeroo fi haala feetaniin dhimma barbaaddan irratti walaloo ajaa'ibaa yeroo gabaabaa keessatti nubiraa argachuu dandeessu.

Karaalee armaan gadiitiin nu qunnamaa
? @Riyaad_Raayyaa

Dabalata; lakk bilb. 0979095669 ☎️

Akka waan simalee
Hireen naaf hin hirree,
Akka waan simalee
Namni biraa’n jirree,
“Si dhabee'n jiraadhuu”
Seetee du’a lubbuu
Boonuu hin barbaadin
Sitti taatii cubbuu.
•••
Jechama jaalalaan
Si hawwachuu fedhee
Isan jedhameedhaaf
“Siifan du’a” jedhe,
Sittan kenne seetee
Lubbuu kiyya qaalii
“Qabaa, gad-nadhiisaa”
Inni jettuuf maalii...?
•••
Tolli ammaa silas
Namatti tolla’aa
Jaalalli sin gahuu
Maaltu si 'qolla’aa'?
Akka daa’ima kichuu
Qananiin qelqella’uun
Akka jabbilee reefii
Oliif gad bexxella’uun,
Akka lolaa gannaa
Akka bubbee birraa
Galma malee fiiguun
In bareedaa sirraa..?
•••
Lakkii dhiisi intaloo
Addaa jechaaf gochi
Booda ni gaabbitaa
Adeemsa kee tolchi.
•••
“Jiruunkoo siin ala
Hin qabaatu bu’aa,
Si malee'n jiraadhu
Si dhabnaan nan du’aa”
Jechuun kiyya jaalala
Sitti mi’eessuufani
Miirakee dadammaksee
Itti si’eessuufanii....
•••
Malee, gochatti hiiktee
Jechamoota afaanii
Siif du’uukoo maaf eegda?
Na ga’achuuf lafaani.
•••
Utuman siif du’eeyyuu
Anaan biyyeetu nyaataa
Atoo boru dabartee
Kan nama biraa taataa,
Eessatti na jaallachuuf
Siif du’uukoon naaf ootee,
Funyoon ittiin of hudhu
Jabeessitee naaf footee?
•••
Atillee....
Siif duunaan maqaa kootiin
Dabalachuufii boona,
Qarri qara hin muruu
Beekeera woliif goonaa,
Hireen harka Rabbiiti
Kan garaakoo hin dhabuu
Jiraadheetan ilaala
Nama inni sitti qabu!

©️ @Riyaad_Raayyaa

@Dhangaa_Walaloo join godhaa

#TAPSWAP

Link gadii kana tuqaatii coin kana irraa fayyadamaa! kaffaltii guddaa qaba. guyyoota muraasaaf qofa waan turuuf ammuma jalqabaa!?

https://t.me/tapswap_mirror_1_bot?start=r_546492889 ? +2.5k Shares as a first-time gift

Elaa.....

Nuti Oromoonni Shanan Gibee fi Oromoon Harargee haada obbolummaa dachaatiin walitti hidhamnee jirra. haadni 1ffaan obbolummaa Islaamummaa isa khalaamni Rabbii guddaa nu ajajuufi amaanaa nutti kennate yoo ta’u, haadni 2ffaan Obbolummaa Oromummaa isa dhiigaafi lafeen goototaa Irbuu Shinniggaatii jalqabee hanga ammaatti golee Oromiyaa hundumaatti imaanaa woreegamtoota keenyaan nutti kennamaa jirudha.

Egaa obbolummaa 2n wolitti nu hidhu kana bu’uura godhannee nuti ilmaan keessan dhaloonni qubee kunis uummata kana 2‘n obbolummaa irra dabarree jireenya hawaasummaatiin walirraa fuunee, heerumnee firooma hidda dhiigaan wolitti hidhuutti jirra. gaafa roorroo buqqaatii fi hongee akkasumas hundeen jireenya Oromoota baha biiftuu, gaafa Jimaan ugguramee gabaa dhabuun sabni beela’ee godaanuuf dirqamu adda durummaan iyya birmannee sagalee dhageessisaa jirra. kun kan ta’eef imaanaa obbolummaan sun 2n nutti laateefi firooma hidda gad fageeffateefi addaan cituu hin dandeenye kana bakkatti eeguuf, akkasumas isin abboota keenyarraa fkn fudhannee akkuma kutaalee Oromiyaa hafan hundumaa woliin tokkummaa Oromummaan jiraannu hariiroo keenya itti fufsiisuufidha.

Egaa waa malee kana hunda hin dubbanne... ajandaa gidduu kana dhimma kana ilaalchisee afarfamaa jirurratti hanga wollaalummaakoo yaada dhuunfaa kootii ibsachuu barbaadeeni. akkuma Oromoon "gaafa arbi wal nyaatu margatu gidduutti miidhama" jedhu gaafa beekaan xiqqoo wal dhabus kan gidduutti burjaaja’u nu warra jara jala yaa’aa jirudha. kanaaf daangaa obbolummaa kana 2n darbuun hin dandahamu waan ta'eef dureewwan keenya miidhama dhufu bu'uura godhatanii, nuffii fi aarii dhuunfaa cinaatti dhiisuun jalqaba Rabbiif jechaa, itti aansees nu warra isin jala jala deemuuf jecha akka araaraan nagaa buuftan maqaa Rabbiitiin isin gaafanna!

Kanuma! ani wollaala; yoon dogoggore na sirreessaa!??

Ani....
Akkati na jaalattu
Utuun sirriitti beekuu
Akkati na laalattuuf
Sitti bubbutee ceekuu,
Akkati na jibbitee
Garaa narraa murattuu
Badii baayyeen dalage
Ija kan kee durattuu.

Ati garuu...
Onneekee qulqulluu
Erga naaf kudhaamtee
Akkuma waan duuddee
Agartuun kees jaamtee,
Dabakoo ni beekta
Ijaan ni agarta,
Dhiibdee dhidhiibbattee
Na bira dabarta,
Jaalala naaf qabduuf
Hundumaa sabarta.

Isan sitti dabu
Jedhee “yoos na dhiiftii”
Kan kee onneen diddee
Jaalaluma biiftii..
Miidhaan sitti ooleef
Deebiin kee jaalalaa,
Dhugaan na jaallatta
Miirrikees naa-galaa...

Garuu.....
Miidhama kee aartee
Maaf booree'n baafanne,
Waanan sin simanneef
Maaliif nan gaafannee?
Madaa garaa keetii
Afaanii baafattee,
Sababan si dheessuuf
Osoo na gaafattee...?

Waan akkana sirraa
Garaakoo na mure
Iccitii duubasaa
Sittan himan ture.

Sittan hima ture...

Addunyaa jaalalaa
Kanaan dura lixee
Humnaafi yerookoo
Keessatti akkan fixe,
Dhugaadhaan jaaladhee
Amanee ganamee
Hangam akka ceephoon
Mataan na baname,
Keessatti caccabee
Mataa hanga miilaa
Addunyaa kanarraa
Akkan qabu jiila...
Xiyyisaa woraanee
Onneekoo na huree
Madaa akkan qabu
Sittan himan ture.

Egaa.....
Of-miidhuuf, wal miidhuuf
Maaliif bututama
Maafan gufuu tokkoon
Lama rukutamaa?

Kanaaf.....
Si gowwoomsuun fedhu
Siif rukutee dibbee,
An si jibbees miti
Jaalaluman jibbee,
Murtiin kun si miitus
Borimmoo si kiiftii
Anis sin hubadhaa
Naaf hubadhu giiftii...

Jaalala hin qabne
Madaa, gaabbiif aarii
Naaf ta’ii jiraadhu
Obboleettii gaarii!

©️ Riyaad Raayyaa

@Dhangaa_Walaloo join godhaa!♥️