يعطيكم العافية جميعاً بري١٠ الاكابر 🥳❤️

النصف الثاني من الرسالة
فيو كلام عن موعد امتحاناتكم 👇🏻

غداً عنا آخر ٣ فصول من مادتنا الممتعة الفيزياء الطبية ..
ومعها منختم رحلتنا يلي أتمنى كون ساعدتكن فيها ..

▫️الفصل ١٥ :
غالباً رح تطلع مدته ساعة ونص
لسا ما خلصت تصويرو ضاللي فقرتين ..
غداً صباحاً بتلاقوه عالتطبيق بإذن الله

▫️الفصل ١٧ :
رح نزل فيديوهات كورس السنة الماضية
لأن الفصل سهل جداً وأسهل من سابقه حتى 😂
مدة الشرح فقط ساعة واحدة شاملة لجميع الأفكار بالإضافة لأوفر فيو نهاية كل فقرة كالعادة ..🔥

▫️الفصل ١٩ :
نازل من قرابة ٣ أسابيع عالتطبيق
فيديوهين بمدة ٥٥ دقيقة فقط ..

بس ينزل ١٥-١٧ صباحاً بخبركن عالقناة ان شاء الله كالعادة 👍🏻

يعني اذا بتلاحظ المدة الإجمالية للفصول الثلاثة أقل من ٤ ساعات ..
ولذلك العام الماضي وما قبل الماضي كتير طلاب خلصتن التلاتة سوا بيوم ..
ولكن المدة غير مهمة عادي ياخدوا معك يوم ونص او يومين المهم تختمن وتفهمن 🤹🏼‍♂️🔥

*🚨 مشان الامتحان وموعده للطلاب يلي آكلة هم*
انتو امتحانكم ما تقرر ايمت لحتى يتأجل أساساً ولكن عادةً عادةً بكون بعد امتحان كليات دمشق بأسبوع
ودوماً بكون يوم سبت
لذلك الأغلب كان متوقع امتحانكم ١/١٨
(هي بداية العام طبعاً)

حالياً الوكيل الإداري بجامعة دمشق قال انو ان شاء الله رح يتأجل امتحان دمشق
(كان ١/١٢)
وما حكى بالضبط قديش رح يتأجل ..
ولكن بطبيعة الحال مع تأجيله رح يتأجل امتحان التحضيرية
وخصوصاً انو التحضيرية تشمل كل محافظات سورية
وفي طلاب بمحافظات معينة وقفت دراستن اكتر من اسبوعين ..
لذلك حسب المعطيات بالغالب امتحانكم رح يكون يا بداية شهر ٢ يا نص شهر ٢ (والله أعلم)

قرار وزاري للآن مافي ولكن هاد كلام استنتاجي من خلال المعطيات ..
أي حدا عم ينزلك الامتحان موعده كذا ف هو توقع فقط ممكن يصيب وممكن يخيب ..

حالياً مافي ولا أي شخص بيعرف بالضبط امتحان التحضيرية ايمت وبأي يوم سبت رح يكون ..
ولكن كرأي شخصي بقلك تفاءل بالخير تجده
واكيد ما رح يضل الامتحان بنص شهر ١
ف هاد فيو ظلم كبير الكن ❤️

ولا تخافوا سواء كان ببداية ٢ او بنصفه
ف رح نلحق نعمل بروفا فيزيا
ورح نلحق نراجعها كاملة ان شاء الله 🔥
ونصورلكن فيديوهات مراجعة لكامل الفصول
ويلي مقصر بفصول معينة رح يرممها ان شاء الله
أهم شي انت ما تضل واقف بمكانك
يعني بجوز بكرا يتأجل الامتحان وانت ما تستفاد من هاد التأجيل اذا لساتك لهلق ما عم تحرك حالك وتدرس !!

رودجوا شوي شوي لا تفكر حالك فجأة رح تدرس وكأنك بشهر الانقطاع بالبكلوريا ..
كل يوم دروس كم ساعة
وبعد كم يوم زيدن
وهيك خلال اسبوع بترجع مكنة
أما تعطي حالك كميات كبيرة ولسا عقلك مشغول بالأحداث المجاورة طبيعي ما تخلص هالكمية
وطبيعي بعدها تحس بالفشل والاحباط 👍🏻

موفقين جميعاً ما بدنا احباط وما بدنا توتر بلا طعمة
متل ما بقول دوماً التوتر مؤشر إيجابي
دليل ع أنك خايف ع مستقبلك ..
ولكن لا تخليه يسيطر عليك فترة طويلة ❤️❤️
بالنهاية موعد الامتحان مو بإيدك انت يلي بإيدك هو جهدك والتزامك بدراستك 🔥

شاركوا هالرسالة مع رفقاتكم
مشان ما تضلوا متوترين وعم تسألوا عن الامتحان ..

نراكم غداً ❤️🔥

https://t.me/Elphysics

احلى شي طلاب التحضيرية
مجبورين يدرسوا بس نسيوا كيف الواحد بيدرس😆

https://t.me/Elphysics

مساء الخير يا اكابر ❤️

البوست فيو شقين
الشق الأول تذكرة بالفصول يلي ضلت
والشق الآخر تذكرة بأنك لساتك طالب تحضيرية🤓

▫️من ٣ اسابيع نازل الفصل ١٤ وفي كتير منكن درسوه ..
ولكن عالخطة هو خطة غداً وبعد غد ..

الفصل ١٨ فيديو بمدة ٤ ساعات ونصف ..
لا تشوف عدد الفيديوهات كتير
في فيديوهات مدتها ٣ دقائق او ٥ دقائق
وبنهاية كل فيديو فورا عم روح عالنوطة مشان دغري تحفظ معي وما تتعذب بدراسته

▫️وهو عالعموم الفصل سهل وفيو شغلات كتير مكررة مسبقاً
(معادلة الاستمرارية + برنولي + شغلات بديهية الخ..)
بس فيو بعض الفقرات يلي ممكن تكون غريبة عليك وبدا توضيح كلا وضحناها باذن الله ..
(المانومتر + التوتر السطحي الخ..)

الأسبوع القادم عنا ١٥-١٧-١٩
وهدول ال٣ اكيت من بعضن
غالباً شرحن ال٣ سوا ما يتجاوز ال٤ ساعات
وبس نزلن كلن بخبركن ..
ومنكون أنهينا المادة رسمياً ..

برجع بكرر مانكن اطفال ،
انا ما بقدر ادرس بكرا 🥺
انا ما عندي كهربا ما عم اقدر اشحن الموبايل 🥺
انا كذا ، انا كذا ..🥺

الفصول كلن ١٤-١٥-١٧-١٩ مستحيل ياخدوا معك اكتر من ٣ أيام مع الفيديوهات
(وبجوز أقل اذا مركز معي)
كتيييير طلاب خلصت ١٤ بيوم بكامل أفكاره مع الدورات ..
وبالتالي من هون ليبين معنا ايمت الامتحان ايمت بتلاقي جاي عبالك تدرس فيزيا بتدرسن وبتفرمن بيومين تلاتة ..
برجع بكرر الخطة فقططط للتنظيم 🤹🏼‍♂️🔥
ونحن معكن دوماً ان شاء الله ..

ما بدا نكد وما بدا اكتئاب ..
الوقت ملكك والفرصة فرصتك
والكرة بملعبك ..

قعود هيك كم ساعة وفكّر شو حابب تصير بالمستقبل ؟
فكّر قديش رح تكون مزعجة لما تطلع علامات الفصل الاول وتكون يا دوب مرفّع موادك ؟🤔

وبنفس الوقت فكّر قديش رح يكون يوم سعيد ورح تكون انت واهلك فخورين بتعبك
لما تكون علاماتك مميزة جداً ؟ 🤹🏼‍♂️🔥

بعد هالتفكير وبعد ما ترجع تذكر حالك انت ليش هون ،
بترجع بتكمل رحلتك يلي بلشتا من سنين
ويلي من الغير منطقي تخربا بأهم وقت ..

موفقين يا اكابر ❤️❤️❤️

https://t.me/Elphysics

فيديوهين اهم الافكار للفصل الاول
صاروا عالتطبيق اوفلاين ..
نص ساعة فيهن ٩٥٪ من معلومات الفصل
وفعلياً هي هية المعلومات الامتحانية
يلي رح تنسأل عنا ??‍♂️?

حضرن ولملم افكارك وعريف شو المهم وشو الشي يلي مطالب بحفظو بصم?

قبل ما نبلش بالاتمتات
رح خليهن عالساعة ٩ لنخلص ع بكير ?
https://t.me/Elphysicsmcq

بالاضافة لانو نزلت نوطة الدورات عالتطبيق بخانة حل الدورات ??‍♂️
فيها جميع الدورات مصنفة حسب الفصول?

موفقين ❤️?

تعقيباً عالبوست السابق ..

اليوم بما انو موعودين بنتائج فرز الدفعة التاسعة ..

فرصة مميزة لطلاب الدفعة العاشرة
ليشوفوا كيف الفيسبوك حيكون معبى :
بدأ الدراسة في كلية الطب البشري ?

ويشوفوا المباركات والفرحة بين الطلاب المقبولين واهاليهن واصدقائهم ?❤️

طلاب الدفعة التاسعة اشتغلوا وتعبوا وسهروا سنة كاملة ليوصلوا لهاد اليوم ??‍♂️

لهيك يا بري١٠
شوف الفرحة يلي رح تصير واشتغل واتعب صح لتوصلها العام القادم ونباركلك باذن الله بالفرع يلي بدك ياه ❤️❤️❤️

مبارك سلف بري٩ ?❤️

https://t.me/Elphysics

صباح الخير يا اكابر ❤️?

? عصف ذهني لما سيحصل اليوم ?

▫️١- خلال ساعة-ساعتين رح ينزل فيديوهين عالتطبيق بخانة اهم الافكار ..
مدتن سوا نصف ساعة تقريباً فقط
رح يكونوا افضل فيديوهين نعملوا للفصل الأول ???

حضرن وعطيني رايك فيهن لنطبقن ع جميع الفصول ان شاء الله ..??‍♂️
طبعاً لاول فصل مجاناً باقي الفصول بيفتحوا ليلي معن الكود ??

▫️٢- عالساعة ٩-١٠ مساءً اتمتات الفصل الاول كامل ورح نركز عالقسم الثاني منه ?
بخبرك قبل كم ساعة ، ع قناة الاتمتة ?
https://t.me/Elphysicsmcq

راجع من فيديوهين اهم الافكار قبل ما تجي ودعيلي ??‍♂️?

▫️٣- رح تنزل نوطة الدورات كاملة عالتطبيق ليلي معك الكود اليوم
وبعدا رح ينزل فيديو حل وشرح دورات الفصل الاول عالتطبيق بخانة حل الدورات

هيك بتحل دورات الفصل واذا لقيت اشكال بأحد الاسئلة بتشوف الفيديو وبتشوف كيف حليتو انا ??‍♂️
طبعا كالعادة لاول فصل رح يكون مجاناً
وباقي الفصول ليلي معن الكود ..

واساسا اليوم ع قناة الاتمتة رح خلي نص اسئلتي من الدورات لتعرف كيف بيجي السؤال
والنص التاني من عندي للعقول الراقية فقط?

جهز حالك لازم بعد اليوم ما يضل عندك أي شي مبهم بالفصل الاول ونختمو سوا باذن الله ?

? ملاحظة هامة :
وصلت كمية كبيرة من النوط عاللادقية
يلي مسجل اسمو وحاجز نوطة نوطتك محفوظة
وحتى يلي مو مسجل
في عدد كبير باذن الله بكفي الجميع ??

موفقين ?❤️❤️

https://t.me/Elphysics

شو ما كان وضعك

لا تخاف ..
لا تضايق ..
لا تحمل الموضوع اكبر من حجمو ..
لا تخليه يضغط عليك نفسياً وتكتئب ..
طلاع بكرا من الامتحان مبسوط كيف ما قدمت?❤️

آمن انو انت عملت يلي عليك و هي هي استطاعتك و قدرتك و ما تبقى هو توفيق من رب العالمين

وصولك لهي النقطة ولهاد المكان هاد لحالو يعتبر إنجاز ..??‍♂️
انت حالياً بس لمجرد تقديمك لهاد الامتحان تعتبر من افضل ٨٠٠٠ شخص دراسياً

◽رأي شخصي :

اذا ضاللك كم فصل مو داقرن وبنفس الوقت في شغلات دارسا بس بدا تركيز
مو منطق تنام ٦-٧ ساعات وتتركن
ساعتين تلاتة او اقل نوم كافيات
كمل يلي ضالينلك من فيديوهات الربع ساعة بصمجة
النوم مهم ولكن مو بوضعك اذا ضاللك ..
وبالنهاية انت بتعرف شخصيتك واسلوبك

موفقين يا اكابر ❤❤
ان شاء الله اغلبكن رح يطلع رضيان عن تقديمو بكرا..

مسا الخير يا ابطال ❤️

مبارح كنا عم نرحب فيكن ونباركلكن بدخولكن للسنة التحضيرية للكليات الطبية ..

واليوم انتو على مشارف امتحانات الفصل التاني بهالسنة الصعبة

◽كل ما تحس بضعف وعجز ويجيك شعور انو خلص فلتت الامور من ايدك
بهي اللحظة تحديداً قرارك هو يلي بحدد مصيرك
لهيك كون قوي وشجاع واستغل الوقت يلي ضالل عندك

◽كل ما يجيك هاد الشعور تذكر اللحظات والليالي الصعبة يلي مريت فيها بحياتك لتوصل لهالحظة ولهاد المكان ..
من البكلوريا وانت جاي ..

◽المكثفات يلي انت حضرتا بعز الشوب
ولا باص المدرسة يلي مضطر تفيق وش الصبح لتلحقو
ولا كاسات الشاي والنسكافيه بليالي الامتحان يلي كانت تعملك ياهن امك مشان ما تضيع وقت وانت تساويهن
ولا الاستاذ يلي هلكتو وانت تحاكيه ليرضى يجي لعندك
ولا قبل بيوم من امتحان الفيزيا الطبية يلي قضيتو عم تحضر فيديوهات المراجعة مسرعة لتقدر تضمن اعلى علامة ممكنة
ولا المليون مسألة تبع الرياضيات من عدة اماكن (نماذج وزارية ودورات وكتاب)
يلي هلكت وانت تحلن بس لحتى تضمن وصولك لهاد المكان

معقول كل هالشي الصعب يلي مريت فيه تكبو مشان لحظة هزيمة وضعف ؟؟

◽الموضوع صعب جدا ومو سهل
وانا عايش هي التجربة متلك
سواء عليي او ع آلاف الطلاب كل سنة بحكم اني بضل معن لآخر لحظة ..

◽ما حدا رح يحس فيك وبالتوتر والقلق يلي انت عايشو غير انت ..
قد ما وصفت للعالم ما رح تفهم الضغط يلي انت عايشو

◽والتوتر "اذا ما زاد عن حدو" متل ما بحكيلكن دائما
هو مؤشر ايجابي على انك مهتم بأنك تجيب علامة عالية وتفوت الفرع يلي حلمك فيه ..

بس فعلياً بكرا بالمستقبل رح تشوف هالايام الصعبة يلي عشتا ورح تحس بشعور الفخر انك قدرت تتخطاها وما استسلمت
ورح تضحك ع حالك انو لهالدرجة كنت متوتر وهو الموضوع بدو شوية وعي ..

◽بالمجمل انت عليك تعمل يلي بتقدر عليه
لا تقعد تفكر ،
"اذا عملت هيك بجيب هيك"
اذا ساويت كذا بجيب علامة كذا"

العلامة مو شغلتك تفكر فيها حالياً
وارهاق تفكر فيها اساسا

انت بتعرف قدراتك استغل الوقت يلي ضالل بكل شي عندك ولا تضيع وقت ابدا
صدقني رح تطلع مبسوط من الامتحان مهما كانت النتيجة لما تكون تعبان كتير ومشتغل عالمادة
والله ما بضيع تعب حدا لا الجسدي ولا النفسي ..
ووقت النتائج رح تكون مسرور ورح تقول الحمدلله
لان انت بتعرف انك عطيت كل شي عندك
ورح تعرف ليش نحطيت بالمكان يلي رح تكون فيه

خلي بذهنك دائماً يكون في شخصية تانية
تكون واعية غير عاطفية توجهك بهي الاوقات الصعبة ..

◽ختاماً ، بالتشريح حاول لا تترك ولا فصل
امّن عالمراجعة واخر شي الفصل يلي ضاللك مثلا
اكتفي بقراءتو من الكتاب او حضور فيديو مراجعة تبعو قبل الامتحان
هاد الشي كفيل يا يحللك كل الاسئلة او اغلبا

لان الاسئلة كلا رح تجيكن من الكتاب ..

⬜ يوم غد الجمعة مهم جداً لتحديد علامتك بامتحان التشريح مهما كان وضعك
استغله جيداً وحاج تفتح مواقع تواصل اجتماعي

موفقيني يا اكابر ❤️❤️❤️

https://t.me/Elphysics

مسا الخير للوحوش المرابطين على جبهات التشريح ❤❤❤??

حاليا انا كشخص جايب 100 بهي المادة
ماني جاية انصحك او قلك عميل هيك و لا تساوي هيك

?بس جاية قلك الموضوع بسيط كتير و ابسط من توقعاتك
لا تتوتر و لا تخاف و لا تكتئب
بكرا حتفوت عالامتحان و حتعرف تحل و حتطلع بنتيجة ترضيك و ترضي تعبك و سهرك

لما كنت بعمركن و قبل التشريح بكم يوم
حسيت حالي نسيان كلشي حرفيا
و قلت لحالي لعما كيف بدي اتذكر كل هالكتاب و كل هالتفاصيل و كل هالصور بالامتحان
حسيت حالي ماني دارس شي
بس اول ما بلش يجيني شعور الاكتئاب و التوتر
رجعت قلت لحالي
= يلا يا ابو حميد عميل يلي عليك هنن هالكم يوم و بتخلص من هالتعب و كيف ما اجت تجي?❤

هاد الموضوع كتير ساعدني باني كبيت هي المشاعر السلبية ورا ضهري و بعد ما كبيتهن قدرت راجع الكتاب كلو باخر يومين بشكل سريع

وفتت عالامتحان و طلعت مبسوط الحمد لله

بكرا انتوا كمان رح تفوتوا و رح تطلعوا مبسوطين ان شاء الله و بعد ما تطلع رح تستسخف هي المشاعر السلبية و حتقول لحالك انك كنت محمل الموضوع اكبر من حجموا

و كمان حتفوت حتلاقي كتير اسئلة بسيطة
ورح تشوف ملاحظات الياس كلها قدامك و صوتو رح يطن بادنك طن ❤?

وبرجع بقلك لا تخاف و لا تتوتر الموضوع كتير بسيط
الخوف و التوتر رح ينزل من انتاجيتك الدراسية بشكل كبير
لا تخافوا .... لكن احذروا

موفقين يا حبايب ❤❤❤❤❤

بما انو اغلبكن مهتمين
تقريباً ٧٠٠ تفاعل بنصف ساعة

نزلتلكن البوست ما رح انطر ليصيروا ١٠٠٠ ?

بوست بعنوان :
" فلاش باك لأهم لحظة بالفصل الأول"

بوست مهم برأيي بالفترة الحالية
بس تلاقي معك دقيقة فراغ اقرأو ❤️?
https://www.facebook.com/share/p/ZdLjLwg5P1Eebssg/?mibextid=oFDknk

موفقين يا اكابر ❤️?