Jimce wanaagsan.

Saladdu waa tiirka labaad ee Islaamka, wana lafdhabarta cibadada oo dhan.
qof bilaa salaad ahi waa qof Allihii abuurtay ka xidhiidh furtay, sida awgeed Saladdu waxa ay u baahantahay ilaalin iyo kawar hayn badan.
Kow: waxa ay u baahantay in aad si dagan ku gasho si daganna kaga baxdo. Marka aad bilaabayso ilaa marla aad kabaxayso.
Waa in aad iska ilaalisaa in aad samayso fal aan aan haboonayn sida:
in aad iska dhaqdhaqaaqdo, maryaha iska hagaajisato, sanka ama afka aad fara galgaliso. Dhaqammadaasi waa kuwo buux ah oo bulshadeena badankoodu ay sameeyaan marka ay tukanayaan, mana aha wax habboon, oo dhaqamada noocaas ah xitaa adanaha hortooda ķuma samayn kartid, balse Allihii ku abuuray waxa laga yaba falalka noocaas ah in aadan kala xishoon!

Waxa mudan ayana baraarujin marka aad Allihi ku aburay hor tagan tahay in aad qalbigaaga ilaaliso oo anad kaga fakerin saladda gudaheeda aduunyadaada, hawlahaaga gaarka ah iyo dhamman wax kasta oo saladda ka baxsan.Bal kasoo qaad adiga oo u yumi nin boqor ah kadibna aad damacday in aad lasheekaysato marka aad sheekadii bilawdayna aad iska mashquusho aad baxdaba, sidee ayuu kuula dhaaqmi lahaa ayaad isleedaay ninkaasi?
Marka uu ugu yar yahay waa marka uu yidhaahdo iga saara ninkan.
Bal kawarran adiga oo Eebbe hortaagan in aad iska baxdo oo aad farahaaga, iyo maradada aad kumasbquusho? Ama qalbigaagu uu dhex muquuranayo xasuuso hore ama mustaqbal soo socdaba?
Intee in leeg ayaad Alle yaraysatay? Intee in leeg ayaadse Alle fudaydsatay?

Waan ogay oo dhaqamada badankeennu waynu leenahay balse in aynu falawgeed galno sidii aynu isaga dayn lahay dadkana uga wacyi galin lahayn in ay dhaqamada ka dheeraad ayaa muhiim inoo ah.

Qormadan yar waxa aan kasoo dhanbashay buugga: "Maslakiyaat" ee uu qoray Ibraahin Al Sakraan.

"Waxa uu ku dhashay sanaddii 1962-dii xero qaxooti oo ku taallay Khan yunus oo dhacda koonfurta marinka Gaza oo xilligaas ay Masaaridu gacanta ku hayeen. Waxa ay waalidkii kamid ahaayeen dadkii dhulkooda laga qaatay ee usoo qaxay Gaza, waxa ayna ka soo qaxeen magaaladoodii Casqalaan oo ay deegan ku ahayeen hadase ah magaalo Israel ka tirsan oo ay ula baxday Ashkelon. Jaamacadda Islamiga ah Gaza ayuu ka baxay. Waxa uuna u xuubsiibtay inuu noqdo kacdoon wade u dagaallama xuquuqda dadkiisa.

Waxa uu dhowr mar galay xabsiyada Israel oo markii u danbaysay sanaddii 1988-dii la xiray laguna xukumay xabsi daa'in maadama uu dilay laba askari oo Yahuud ah iyo afar Falastiniyiin uu tillmamay inay la shaqynayeen cadowgooda. Waxa uu xabsiga ku jiray muddo 22sanadood ah, 2004-tii ayay ahayd markii uu ku sigtay inuu geeriyoodo oo maskaxda buro fariistay balse Israel ayaa ka dawaysay oo buradii kasoo saartay, waxaa la tilmaama inuu codsaday in dhakhtaraddii qaliinka ku samaysay fariin loogu geeyo oo u dhigan inuu u mahadcelinayo maadama diintiisu amrayso mahadnaqa. Waxa uu ahaa nin dhiirran oo markasta isku dayayay inuu xabsiga ka baxo. Waxa uu dajiyay qorshe xabsiga uu uga bixi karo kaaso ahaa inuu u gudbiyay Xamaas inay afduubtaan askar Yahuud ah taa badalkeedna ay ku badashaan isaga iyo Falstiniyiinta la xiran.

Xamaas waxa ay afuubatay askari Yahuudi ahaa waxaan ay ka dalbadeen Israel in looga badasho Falastiniyiin badan oo uu kamid ahaa Sinwar oo xabsiyada Israel ku jiray. Qorshahaas waa ay ogolaatay Israel waxaan xabsiga laga sii daayay sanaddii 2011-kii. Sinwar waxa uu sheegay inuu aad u farxay markii uu maqlay warka ah in Xamas ay afduubatay aksari Yahuudi ah, waxa uu sheegqy inuu ogaa in qorshihiisu hirgalayo.

Sanaddii 2017kii ayaa loo doortay hogaamiyaha Xamaas ee marinka Gaza isaga oo booska kala wareegay Ismaaciil Haniya oo u dallacay hogaamiyaha Xamaas ee garabka siyaasadda iyo maamulka. Waxa uu sii adkeeyay afkaarihiisa la dagalanka Israel isaga oo soo rogay amarro cusub. Dhowr iskuday dil ayuu ka badbaaday. Waxa uu bishan oo kale sannadkii hore qaaday weerar uu qorsheyay oo ku ekeeyay Israel kaso ay ku dhinteen kun qof wax badan oo Israeliyiin ah. Lixidi bishii sideedaad ee sanndkan ayaa loo doortay hogaamiyaha Xamaas isaga oo booska kala wareegay Ismaaciil Haniyah. Laba bilood iyo bar kadib maanta ayaa ay Israel si aysan filayn ugu dishay koonfurta Gaza isaga oo dagaallamaya. Yaxye Ibraahim Xasan Sinwar waxa uu ka tagay saddex ilmood"

Waxa jira wadaado badan oo xisbiyada waddanka kajira u kala olalaynaya,si cad oo muuqata, si qarsoon,si koox-diimeed kusalaysan iyo siguudba,sidaa darteed waxa aan leyahay kollayba haddii aad nin u ololaynaysaan qorshe kudarsada in xisbigaasi idinka taageero kor uqaadida waxbarashada diiniga ah gaar ahaan Qur'aanka.
Oo sida aynu ognahay inta badan madaariska Quraanka lagu bartaa waxa ay kujiraan guryo kira ah ee ugu yaraan heshiis kula gala in uu magaalooyinka waawayn kadhiso 10-madarasadood ama kuwa shaqaynaya in uu kirada kasaaro oo uu dhul ama guri u dhiso.

Samayso Mashruuc nololeed.

Qofka ibnu adanka ahi waxa uu haysta wakhti aad u kooban.Suubanuhu(SCW) isaga oo tilmaamaya wakii laha: “ Umadayda da’deedu waa 60-70,inta u dhaxaysa,inta dhaafta ayaa iska yar”. Inaga oo sidaa u dhaadan in wakhtigeennu u koobanyahay,hadana waa ay yartahay inta wakhtigaa yar u qoondaysata mashruuc nololeed oo uu wakhti,dhaqaale,iyo juhdiba galiyo.Taa badalkeeda qofku marka uu bilaa mashruuc yahay maalinba madal iyo meel kale ayuu kasoo muuqanaya.dhabtu se waxa ay tahay dhallinyarooy aynu samaysanno mashruuc aynu ku qaadanno nolosheenna inta hadhay si aynu guul dhammaystiran uga gaadhno.Maanta aynu baaranno mashruucaas aqoonta uu u bahan yahay,iyo farasamada lagama marmaanka u ah.Si aynu hadhaw mashruucaas ugu duk binaynni.Wayo mashruuc adan aqoon u lahayb ma dhisi kartid.
Haddii aan inyar sooyaalka dib idiinku celiyo,waxa aynu arkaynna culimadeennii iyo sidi ay u lahaayen mahsaariic nololeed,si gaara haddii aynu ugu sii fiirsanno,culimadeenna ninka hal majaal dadaal galiyay ee samaystay mashruuc iyo ka sida guud ee bilaa qorshaha ahayd wax u waday way kala saamayn bateen,aqoontooda iyo wax soosaarkooduna isku qiima ma aha maanta.
Tusaale ahaan:
1-Sheekhii Ibnu Cabdi barri la odhan jiray 30 sanno ayuu qorayay kitaabka Al Tamhiid.
2-Sheekhi Mizi la odhan jiray 26-sanno ayuu qorayay kitaabka Tuxfatul ashraaf.
3-Sh.Xaafid Ibnu Xajar 25-sanno ayuu ururinayay kitaabka Fatxul baariga.
4-Imaamu Maalik 60-sanno ayuu qorayay kitaabka Al Muwada.
5- Sarkali 60-sanno ayuu gacanta kuhayay qorida kitaabka Al Aclaam.
6-bukhaari iyo muslin 16-sanno iyo 15-sanno ayuu mid waliba kitaabkiisa qorayay.
7-qurdubi,tafsiirkiisa waxa uu qorayay 20-sanno oo gaw ah.
8-Dabaraani,kitaabkiisa Al Mucjam,waxa uu xusaa in uu qorayay intii uu noola,oo cimrigiisaba ku qaatay!

Ragga culimada ah ee asxaabul mashaariicda ah ee xiliyadan danbe noola waxa kamid ah:
Sheekh Mustafe xaaji Ismaaciil,waxa uu ku qaatay intii badnayd wakhtigiisa iyo noloshiisa hal mashruuc,kaasi oo ah: “so gudbinta muxaadarooyin cilmi ah”
mashruucaasna kama uu dhex bixin maalinkii uu bilaabay ilaa maanta,waxaanu noqday mashruuc guulaysatay.Muxaadaaraadkiisana 30-sanno oo xidhiidha ayay dhagaha bulshada soomalida haystaan.

Sheekh Ismaaciil Tabliiq(AHU)waxa uu ku hawlana dacwada Tabliiqa iyo faafinteeda,axa uu dhulka soomalida ka bilaabay 1975-isaga oo kaligii ah.wakhtigiisa intii ugu badanayd dacwaddaas ayuu ku qaatay,aakhirkiina guul wayn ayuu kasoo hoyiyay,oo maalinta kulamada waawayn ee ay jameecadu qabato waxa kasoo qayb gala kumanaan kun oo qof.
Sidaa awgeed,raggaasi waxa ay lahaayeen mahsaariicdaa aynu xusnay,mid waliba mashrucaas ayuu kudul mitiday,wakhtigiisi ugu badnaana uu kudul qaatay.
Sidaas awgeed waxa qasab ah in aynu inaguna yeelanno mashaariic nololeed.si aynaan u noqon qof iska dhashay hadhawna iska dhintay uun,taa badalkeeda aynu u noqono kuwo adanaha garaadkooda,aqoontooda,xirfadooda,iyo wacyigoodaba wax kusoo biiriya.
Qasabna maaha in aad maanta bilawdo,balse waxa lagama maar-maan ah in aad ugu yaraan fikirkeedii aad ledahay,jidkii aad kuxaqiijin lahaydna aad hayso.

Salama.

https://www.facebook.com/share/v/dHCW5yaQLTk3ENsx/?mibextid=qi2Omg

Facebook

Log in or sign up to view

See posts, photos and more on Facebook.

"Ama waynu guulaysan oo libinta waan gaadhi,ama geeri sharaflaynu dhiman gocasho waa ceebe"

Ismaaciil Cabdisalaan Axmed Haniye.(1963-2024).
Sida ay sheegen ururka Xamaas,waxa saaka oo arbaca ah magalada Dahraan caasimada waddanaka Iiraan lagu khaarijiyay midkamid ah hogaamiyihii ruuxiga ahaa ee ururka Xamaas.
Ismaaciil,waxa uu shalay aadhay waddanka Iiraan,isaga oo la kulmay madaxda dalkaasi,saakana waxa lasoo sheegayaa geeridiisa.
Ismaaciil waxa uu ahaa falasdiin, kubarbaaray magalada Mikhyam Shaadi.
Waxa uu shahaadada heerka koobaad ka qaatay-1987- Jamacadda Islaamiga ah ee qasa,isaga oo bartay Suugaanta.Isla jamacadaas ayaanu shahaadada heerka sare ee(PHD) kadiyaariyay.
Intii uu jmacadda kujiray waxa kamuuqday firfircooni iyo dadaal isbadal doon ah oo uu kaga soo horjeeday Yuhuuda.
Kolkii uu jamacadda ka qalin badashay waxa jeelka dhigay ciidanka Israa’iil 1989-kii,isaga oo jeelasha Israa’iil kujiray muddo saddex sanno ah

Muddo sanad ah oo uu dibad joog ahaa, waxa uu ku laabtay Qasa, waxaana loo magacaabay hormuudka Jaamacadda Islaamiga ee Qasa. Sannadkii 1997-dii,isla sannadjaa waxa loo magacaabay madaxa xafiiska Sheekh Axmed Yaasiin oo ahaa hoggaamiyihii ruuxiga ahaa ee dhaqdhaqaaqa Xamaas.Tubtii uu Shewkhiisii iyo macallinkiisii maray ayaanu saaka Ismaaciil maray.

Ismaaciil geeridiisa kahor,waxa uu kabadbaaday saddex iskuday dil oo loomaleegay.
2003-dii,diyaarado ay Israa’iil leedahay ayaa weerar kuqaaday xubno katirsan ururka Xamaas oo uu Ismaaciil Haniye kamid yahay,balse waxba kuma uu noqon.
20-Oktoobar,2006,waxa rasaas ku furay gaadhi ay wateen Ismaaciil iyo xubno katirsan ciidankisa, qaybo kamid ah ururka Fatxi.
14-Diiseenbar,isla sannadkaa 2006-di ayuu shirqool kale oo ay yuhuudu umaleegeen kabadbaaday.

Ismaaciil Haniye,mudooyinkii u danbeeyay waxa uu ku noola waddanka Qadar,maadama oo uu ahaa xubnaha ugu firfircoon ee ururka xamaas,waxa indho gaar ah ku hayay dhaqdhaqaaqiisa Israa’iil,maanta ayana lagu weeraray gurigii uu kadaganaa magalada Dahraan.

Waxyabah lagu xasuusan doono Ismaaciil Haniye waxa kamid ah halgankii uu lagalay Israa’iil.Waxa dhab ah oo aan marwalba indhaha laga lalin karin geesinamadii codkarnimadii,iyo sidii uu af iyo Adinba ugula diriray gumaysta Israa’iil.
Sideedabana noloshu waa qadiyad,qadiyadaasna waa in uu qofku unoolada,geeriba haku sababto e,taana Ismaaciil waa uu ku sifoobay.
Waxanan u rajaynayanaa in halgankiisaasi guulasyto,isagana janadii Fardawsa.

Isku dheellitirnaantu waa muhiim!

Garaadka,iyo caadifaddu,waa laba shay oo uu Eebbe qof kasta oo inaga mid ah ku galaday.Labada mid kasta oo kanid ahi waxa uu u bahanyahay in la kobciyo oo laga warhayo,si loohelo isku dheellitirnaan qofeed.
Caqligu waa waxa aynu ku fekerno,kutaxliilinno,waxna kusoo saarno,halka ay caadifaddu tahay dareen gudeed(farxad iyo murugo),iyo sido kale dareenada aad kaga falcelinayso hadba arimaha kusoo wajaha,amaba aad bulshada kula dhaqmayso.
Waxayna kaalin wayn ka qaataan nololmaalmeedkeenna,go'aan qadashadeenna,iyo furfurida mashaakisheenna nololeed.
Sidaa oo ay tahay hadana waxa aad arkaysaa dhallinyarada qaarkood waxa ay xoogga saaran oo ay marwalba kor u qaadan waxyaabaha dareenka ama caadifadda qofka kor u qaada,sida Heesaha iyo waxyaabaha lamidka ah,halka qaarkoodna ayba hilmaaman dareenadaa cadifadeed ee Eebbe ku galaday in ay adeegsadaan.Labada qolo midna sax kuma taagna.
Waxase gefka ugu wayn kujira kooxda hore ee dareenka cadifadeed uun ahmiyadda siiya,garaadka iyo kobcintiisana hilmaama.

Jumce boqran.

Dhamman hanbalyo ayaa an leeyahay walaalaha kujira madashan,ramadaantan ramadaanteeda bashbash iyo cafimad qab Eebbe haynagu gaadhsiiyo.