*📗 *Bugun — Xalqaro bolalarni himoya qilish kuni !

Agrobank jamoasi yurtimizdagi barcha bolajonlarni bugungi bayram — "Xalqaro bolalarni himoya qilish kuni" bilan tarbriklaydi.

Farzandlarimizning doimo sog'lom, tinch va baxtli yashashlari — biz kattalarning asosiy maqsadimizdir. Barcha bolalar doimo ota-onasi bag'rida, chinakam bolalik baxtini tuyib yashashlarini tilaymiz!

Agrobank Matbuot xizmati

Rasmiy munosabat
Telegram ijtimoiy tarmog‘idagi “Eltuz” kanali orqali "Namangan viloyati “Agrobank” ATBdagi o‘g‘irliklar" sarlavhasi ostida eʼlon qilingan materialda keltirilgan holat yuzasidan “Agrobank” aksiyadorlik tijorat banki masʼul bo'linmalari tomonidan tegishli tartibda o‘rganishlar olib borilmoqda.

O‘rganish natijalari bo‘yicha qo‘shimcha axborot taqdim qilinadi.

Agrobank Matbuot xizmati

E’tiroznoma
(raddiya e’lon qilish haqida)

Joriy yil 28 may kuni platina.uz saytida “Agrobankdan olingan mablag‘ni talon-taroj qilgan bosh hisobchi jazolandi” sarlavhali material joylashtirilgan.

Ma'lum bo'lishicha, bankning Sherobod filiali tomonidan 2021 yil dekabrda “BARAKALI DUNYO-M EKSPORTI” MCHJ bosh hisobchisi Gʻ.J. ga naqd pulda ish haqi uchun 50 mln so‘m miqdorida mablag‘ berilgan. Chiqim amaliyoti belgilangan tartibda, me'yoriy hujjatlar talablari asosida amalga oshirilgan.

Biroq, MChJ bosh hisobchisi ushbu pullarni talon-toroj qilgan va bu yuzasidan jinoyat ishi qo‘zg‘atilib, sud hukmi e'lon qilingan.

Mazkur holatda Agrobank tomonidan qonun buzilishi kuzatilmagan bo‘lsa-da, material sarlavhasida bank nomini keng jamoachillikni jalb etish maqsadida, noo‘rin qo‘llanilgan. Bu bilan tahririyat O‘zR “Jurnalistik faoliyatni himoya qilish to‘g‘risida”gi Qonuni (6-modda), “Axborot erkinligi prinsiplari va kafolatlari to‘g‘risida”gi Qonuni (7-modda), “Axborot olish kafolatlari va erkinligi to‘g‘risida”gi Qonuni (11-modda) hamda “Ommaviy axborot vositalari to‘g‘risida”gi Qonuni (2-moddasi)da qayd etilgan — “OAVda tarqatilayotgan axborotlar haqqoniy va xolis bo‘lishi shart”ligi haqidagi talablarni buzib, noxolis tayyorlangan maqolani e’lon qilgan. Bu esa o‘z navbatida, tijorat tashkiloti hisoblangan Agrobankning ishchanlik obro‘siga salbiy ta’sir qiluvchi oqibatlarni yaratadi.

Yuqoridagilardan kelib chiqib, noo‘rin qo‘yilgan sarlavha va material yuzasidan “Ommaviy axborot vositalari to‘g‘risida”gi Qonunida ko‘rsatilgan muddat va tartibda raddiya berish lozimligi, aks holda internet-nashrga nisbatan “raddiya berish majburiyatini yuklash va moddiy zarar undirish” yuzasidan sudga murojaat qilishga majbur ekanligimiz haqida tahririyatga e’tiroznoma yuborildi.

Agrobank o‘z faoliyati davomida xolis jurnalistika va jamoatchilik fikrini qo‘llab-quvvatlaydi hamda bankka doir e’lon qilinayotgan materiallar avvalo o‘rganilib, so‘ngra chop etilishi maqsadga muvofiq bo‘lishini eslatib o‘tadi.

Agrobank Matbuot xizmati

Agrobank yoshlari "Yashil makon"da faol ishtirok etmoqda

Prezidentimiz tashabbusi bilan 2021 yildan boshlab har yili "Yashil makon" loyihasi doirasida ko‘chat ekish va ko‘kalamzorlashtirish tadbirlari o‘tkazilib kelinmoqda.

Bankning Bosh ofis yoshlari ishtirokida Toshkent viloyatining Bo‘stonliq tumanida Agrobank uchun ajratilgan maydonda 5 mingdan ziyod manzarali ko‘chatlari ekildi.
Yil yakuniga qadar 12 mingdan ortiq ko’chat ekish rejalashtirilgan.

Bu kabi tadbirlar bankning hududiy filiallari xodimlari ishtirokida ham tizimli ravishda davom ettirilmoqda.
Ko’chat ekish tadbirining qanday o’tganligini quyidagi videorolikda ko’rishingiz mumkin.

#agrobankyoshlari
#yashilmakon

Agrobank Matbuot xizmati

London Qirollik kollejida ta'lim olish uchun grantlarni qo'lga kiriting!

😇 UDEA va Times Higher Education reytingi bo’yicha dunyo miqyosida TOP 38-o’rinni egallagan nufuzli London Qirollik kolleji hamkorligida tashkil etilgan "Moliyaviy siyosat va boshqaruv" yo'nalishi bo‘yicha 2 yillik magistratura uchun 6 ta ta'lim grantlaridan birini yutib oling.

Talabalar Londonda ta'lim olish imkoniyatiga ega bo'ladi!

Shoshiling, hujjatlar 4-aprelgacha qabul qilinadi.
*👉 *Batafsil ma'lumotni udea.uz sayti yoki (97) 166-00-08 raqami orqali olish mumkin.

Hurmatli kanalimiz kuzatuvchilari!

Bugun soat 21:00 dan 21:30 gacha bo‘lgan vaqt oralig‘ida "O‘zbekiston 24" telekanalining "Axborot" dasturida bank tomonidan Sayxunobod tumanida tomarqa yer egalari bilan hamkorlikda olib borilayotgan amaliy ishlar yuzasidan lavha efirga uzatiladi.

Agrobank Matbuot xizmati

Rasmiy munosabat

Ijtimoiy tarmoqlar orqali bankning Bo‘ston tuman filialiga qarashli “Smart ofisi”dagi bankomatlarda naqd pul yechishda muammolar mavjudligi, naqd pul qabul qiluvchi ADM qurilmasi ishlamayotganligi to‘g‘risida fuqaro tomonidan murojaat qoldirilgan.

Holat o‘rganilganda bankomatlar 24/7 rejimda ishlab turganligi faqat, naqd pul qabul qiluvchi ADM qurilmasida texnik nosozliklar kuzatilganligi ma’lum bo‘ldi.

Mazkur qurilmadan mijozlar foydalanishini tiklash maqsadida O‘ztelekom mutaxassislari bilan hamkorlikda ishlar olib borilib, aloqa kanallaridagi nosozliklar bartaraf etildi.

Hozirda ADM qurilmasi ishchi holatda bo‘lib, mijozlar bank xizmatlaridan foydalanmoqda.

Agrobank Matbuot xizmati