«Зімовы» Марс ад арбітальнага апарата Mars Express.

Mars Express атрымаў выяву ландшафту ў рэгіёне Australe Scopuli на Марсе, недалёка ад паўднёвага полюса планеты. На здымку бачная сумесь сухога лёду і пылу, якая ўтварыла кантрасны чорна-белы малюнак.

І не спадзявайцеся на калядныя шпацыры па Чырвонай планеце. Умовы ў гэтым рэгіёне куды больш суровыя, чым на Зямлі. Зімой тэмпература тут можа апускацца да -125 °C.

#навіны

Ялінка і касмічны вянок 🎄

Здымак зорнага «вянка» ці зорнага скопішча NGC 602 — гэта вынік працы двух касмічных тэлескопаў: рэнтгенаўскай абсерваторыі «Chandra» і касмічнага тэлескопа James Webb. NGC 602 — гэта яркае скопішча маладых, гарачых блакітных зорак, якое ўтварылася ў выніку калапсу велізарнага газавага воблака.

NASA таксама прадставіла святочнае фота зорнага скопішча NGC 2264, вядомага як «Калядная ялінка». Чырвоныя, фіялетавыя, сінія і белыя іскры атрыманы з дапамогай дадзеных «Chandra», а зялёны і фіялетавы фон створаны па аптычных дадзеных.

#навіны

SpaceX: Starship Flight 5 рыхтуецца да запуску ўжо 13 кастрычніка, чакаючы атрымання ліцэнзіі.

Flight 5 будзе самым амбіцыйным з усіх. SpaceX паспрабуе злавіць звышцяжкі паскаральнік Super Heavy з дапамогай вежы. Вежа пад назвай Мехазіла мае «рукі», з дапамогай якіх плануецца лавіць ступень ракеты. Гэта будзе першы раз, калі SpaceX паспрабуе вярнуць звышцяжкі паскаральнік.

Стартавое акно адкрыецца ў 15:00 па беларускім часе. Прамая трансляцыя пачнецца прыкладна за 30 хвілін да старту. Як і ў выпадку з усімі выпрабаваннямі, час можа мяняцца.

#падзея