स्वामी म्हणतात - जिव्हाळायाचे ऋणानुबंध असल्याशिवाय कोणी कोणाच्या आयुष्यात येत नाही.?
संकटातून वाचल्याशिवाय जिवाची किंमत समजत नाही आणि जीव गुदमरल्या शिवाय श्वासाची किमंत समजत नाही.?*
मालमत्तेचे वारस कितीही असू शकतात, परंतु कर्माचा वारस आपण स्वतःच आहोत.*
?!!श्री स्वामी समर्थ!!?**
https://www.instagram.com/reel/C8xXd8hOxiy/?igsh=MTNycjZ2eHMzNjZ4Yg==

श्री स्वामी समर्थ जय जय स्वामी समर्थ अशक्य ही शक्य करतील स्वामी ??? माझी आई स्वामी माऊली ??
https://www.instagram.com/reel/C66Rux6M3Ym/?igsh=MTVkbGtzbndidjY4Ng==

??? श्री स्वामी समर्थ ??*? भगवंताचे प्रेम लागायला सत्संगतीचा मार्ग अतिशय उत्तम आहे यात शंकाच नाही.नाम हे एकच साधन असे आहे की आपल्याला ते प्रयत्‍नाने घेता येईल. ते नाम तुम्ही सर्वांनी निःशंकपणे घ्या. त्या नामाच्या विरुद्ध तुम्हाला कुणीही सांगितले तरी त्याचे ऐकू नका. ते नाम कसे घ्यावे वगैरे चिकित्सेत तुम्ही पडू नका. तुम्ही नाम घ्यायला लागा, भगवंताचे प्रेम तुम्हाला आल्याशिवाय राहणार नाही. अगदी सतत निश्चयाने नाम घ्या.... श्री श्री स्वामी समर्थ जय जय स्वामी समर्थ ??
◆■◆■◆
https://www.instagram.com/reel/CyyCBhEI-T2/?igshid=MTc4MmM1YmI2Ng==

??? श्री स्वामी समर्थ ???
?? १७ जानेवारी - नाम व इतर साधने. ??

नवविधा भक्तीचा श्रवण, कीर्तन, विष्णुस्मरण इत्यादि क्रम हा सृष्टिक्रमाला धरून आहे. मनुष्यप्राणी जन्माला आला की शिकायला सुरूवात करतो ती श्रवणापासूनच. मुके लोक बहिरे असलेच पाहिजेत, कारण श्रवण न झाल्याकारणानेच त्यांना बोलता येत नाही. मनुष्यप्राणी ज्या देशात जन्माला येतो त्या देशाची भाषा बोलतो. म्हणून श्रवणानंतर कीर्तन म्हणजे बोलणे; आणि बोलणे झाल्यानंतर कृती म्हणजे नामस्मरण असा स्वाभाविक क्रम लागतो.

नामस्मरण होऊ लागले की आपले काम झाले कारण पुढल्या सर्व भक्ती नामस्मरणात येतात. त्यांच्याकरिता निराळी खटपट करण्याचे कारण नाही.

एका इसमाला दुसर्‍या एकाला भेटण्यासाठी नऊ मैल अंतरावर असलेल्या ठिकाणी जायचे होते म्हणून तो घरातून निघाला. पण तीन मैल चालून गेल्यावर ज्याला भेटायचे होते तोच मनुष्य त्याला भेटला. अशा वेळी आपले काम झाले म्हणून तो जसा पुढे जाण्याच्या खटपटीत पडणार नाही, त्याचप्रमाणे तिसरी म्हणजे नामस्मरणभक्ती केल्याने पुढल्या सहाही प्रकारच्या भक्तींचे फळ मिळते.

भगवंताच्या स्मरणात सर्वस्व आहे ही अगदी खूणगाठ बांधून ठेवा. भगवंताचे स्मरण कसे आहे ? बाकी सगळया गोष्टी, सगळी सत्कर्मे, दानधर्म म्हणा, तीर्थयात्रा म्हणा, पारायण म्हणा, बाकीच्या सगळ्या गोष्टी ह्या इंद्रियांसारख्या आहेत. ही सगळी इंद्रिये मानली तर भगवंताचे स्मरण हा प्राण आहे. बाकीची सर्व इंद्रिये जरी असली आणि प्राण नसेल तर इंद्रियांचा काही उपयोग नाही. तेव्हा नामस्मरण हा प्राण समजून तुम्ही प्रपंचात सुखी राहा. कर्तव्याला चुकू नका, कर्तव्य करीत असताना परमात्म्याचे स्मरण राखा; मुखामध्ये राम असू द्या.

भक्ताने उपाधी बेताची, म्हणजे गरजेपुरतीच ठेवावी. भगवंताचे अनुसंधान न चुकेल एवढीच उपाधी असावी. तसेच पचेल तेवढेच म्हणजे आनंदाने जेवढे करवेल तितकेच नामस्मरण करावे. ते कष्टाने करू नये कारण त्यापासून आनंद होणार नाही. नामात प्रेम येणे जरूर आहे, याकरिता ते नाम अत्यंत आवडीने आणि त्याच्याशिवाय दुसरे काही साधायचे नाही आहे अशा भावनेने घेतले पाहिजे, म्हणजे त्यात प्रेम येईल.

नामात प्रेम येणे ही फार उच्च कोटीची स्थिती आहे. ती अगदी सहजासहजी प्राप्त होणारी नाही. म्हणून यातले मर्म ओळखून योग्य तर्‍हेने आणि चिकाटीने सतत नामस्मरणाचा अभ्यास ठेवणे जरूर आहे.

भगवंताच्या नामाशिवाय मला काही कळत नाही असे ज्याला कळले त्याला सर्व कळले.

1. नामस्मरणाची बुध्दी झाली की आपले काम झाले.
   !!! श्री स्वामी समर्थ जय जय स्वामी समर्थ !!!

तुम्हीच तारणहार हा
विश्वास ठाम आहे
तुमच्यासाठी जीवन माझे
समर्पित आहे

तुमच्या चरणांवरी वाहिल्या
मी माझ्या निष्ठा
तुम्ही प्रसन्न होण्या करीन
प्रयत्नांची पराकाष्ठा

तुम्हीच माझे माय बाप गुरु
सर्वस्व तुम्ही माझे
नकळे किती काळचे
ऋणानुबंध तुमचे माझे

तुम्हीच केले धन्य मला
पाठिशी राहुनी
तुमचाच एक आधार मला
माझ्या जीवनीं

श्री मिलिंद द करमरकर
०४-०७-२०२२

.

रोही पंचाक्षरी

धन्य पंढरी

धन्य पंढरी
अवनीवरी
वसे तिथे तो
अमुचा हरी ॥१॥

धावे अधीरा
भीमा ती वीरा
इंद्रायणीसी
भेटते नीरा ॥२॥

वेग तो उरी
देव तो दुरी
शांत जाहली
पंढरपुरी ॥३॥

जोडूनी कर
ते कटीवर
युगानुयुगे
तू विटेवर ॥४॥

दर्शना आस
भक्तांसी खास
जळी स्थळी तो
तुझा आभास ॥५॥

विठू गजर
तो शुभंकर
चराचरात
शुभ प्रहर ॥६॥

तू ह्रदयात
कणाकणात
वसलासी तू
अंतर्मनात ॥७॥

जप अखंड
कधी ना खंड
विठ्ठल नाम
गुंजे त्रिखंड ॥८॥

मन हो दंग
गाता अभंग
आवडे जीवा
तुझाच संग ॥९॥

देह पावन
चिंता हरण
नमितो आम्ही
तुझे चरण ॥१०॥

मुखी ते नाम
दुजे ना काम
पंढरपूर
पावनधाम ॥११॥

ठेवूनी कर
ते कटीवर
युगानुयुगे
उभा ईश्वर॥१२॥

शिव ध्यानात
राम मुखात
पाहिला सदा
कृष्ण तुझ्यात॥१३॥

शांत ते मुख
पाहू सन्मुख
देई मजला
स्वर्गीय सुख॥१४॥

जरी सावळा
दिसे आगळा
विठ्ठल रंग
असे वेगळा॥१५॥

तुझीच आस
मनी तो भास
एकादशी ती
आषाढी खास॥१६॥

भक्तीचा मळा
फुले आगळा
तुझ्या नामाचा
मनासी लळा॥१७॥

मनी सजली
भावे वसली
शब्दफुलांची
ही पुष्पांजली ॥१८॥

आषाढी वारी
ओढ ती भारी
विठूनामाच्या
घोषात सारी ॥१९॥

भक्तीचा ज्वर
तो तनूवर
साथ देई ती
मेघाची सर ॥२०॥

तू विठूराया
रूक्मिणी छाया
ह्रदयात ती
आभाळमाया ॥२१॥

सावळी मूर्ती
इच्छांची पूर्ती
ओढ भेटीची
मनात स्फूर्ती ॥२२॥

तुज शरण
हे तनमन
चरणी माथा
देह पावन ॥२३॥

देव आगळा
रंग सावळा
भक्तांना तुझा
भारीच लळा ॥२४॥

यंदा चुकली
संधी हुकली
विठूची भेट
ती दुरावली ॥२५॥

गुन्हा कसला
देव रुसला
भक्तांसी कसा
तू विसरला ॥२६॥

टाळांचा नाद
भक्तीची साद
पाव आम्हाला
आर्त निनाद ॥२७॥

अधीर मन
आतुर तन
दर्शना तुझ्या
व्याकुळ जन ॥२८॥

डोई तुळस
नाही आळस
आस जीवाला
दिसो कळस ॥२९॥

दुरावा जरी
खंत ना तरी
दिसेल देव
तो कधीतरी ॥३०॥

कर जोडून
पाहू भरून
देहभानही
ते विसरून ॥३१॥

भेट ना घडे
हदय रडे
जीव बापुडा
तो तडफडे ॥३२॥

होते सुदिन
गेले ते दिन
दीन झाली रे
तुझी भक्तीन॥३३॥

मनात भक्ती
देई ती शक्ती
थांबली परि
आता ती गती॥३४॥

निसर्ग कोप
झाला प्रकोप
वर दे होवो
धरा निकोप॥३५॥

कर सुकर
जीवन स्तर
कृपावंत हो
हे विश्वंभर ॥३६॥

झाली आबाळ
कर सांभाळ
दूषित झाले
धरा आभाळ ॥३७॥

टळू दे घात
देवा दे साथ
विठ्ठला तूची
वैकुंठनाथ ॥३८॥

हो तगमग
शांत हे जग
कसा धरील
जीव हा तग ॥३९॥

भेट घडव
मुख दाखव
चमत्कार हो
करी आर्जव ॥४०॥

ही विनवणी
मनधरणी
माथा नमू दे
तुझ्या चरणी ॥४१॥

मन दंगते
चित्त हरते
तुज सदेह
जेव्हा पाहते ॥४२॥

भेटीचे मोल
रिंगण गोल
काही ना यंदा
दु:ख सखोल ॥४३॥

कशी ही वारी
मन हो भारी
आत्मा परि हा
पंढरी द्वारी ॥४४॥

शांत तू असा
राहशी कसा?
प्रश्न मनाला
रात्रंदिवसा ॥४५॥

सोड ते कर
धाव सत्वर
निर्दालन ते
पापाचे कर ॥४६॥

समज मना
देते आज ना
पुढच्या वारी
तू दिसेल ना ॥४७॥

प्रत्यक्ष भेट
होईल थेट
मनाशी माझ्या
केला समेट ॥४८॥

देव आगळा
रंग सावळा
भक्तांना तुझा
भारीच लळा ॥४९॥

सजवा साज
विठूला आज
सुवर्ण दिन
सुखाची गाज ॥५०॥

सजवू न्यारी
पंढरी सारी
देवासवे तो
मंडप भारी ॥५१॥

फुले ती वाहू
देवासी पाहू
दर्शनाविना
कसे ते राहू ॥५२॥

सुर्याचे तेज
मुख सतेज
तुजसाठी ती
फुलांची सेज ॥५३॥

भक्तीत दंग
गाऊ अभंग
विठू जपाचा
जडला संग ॥५४॥

पंढरी द्वारी
भक्त गाभारी
चित्र दिसू दे
पुढील वारी ॥५५॥

विठ्ठल चरणी भावसुमनांची
काव्यपुष्पात शब्दांजली अर्पण

*?? स्वरागिणी ??
© Kranti Patankar
दि.२१/०७/२०२१
क्रांती पाटणकर, बोरिवली*