الى الشخص الذي سبَّب أرق للـ ليل الحافظ عشرته ومِن يا محل طوگه ، الك نصًّا الك ، هذا الحچي المرصوص و كل من بينه لازم ياخذ احگوگه ، اجيلك حلگي لاذني و مبتش و فرحان و ارد منك بقايه آثار محروگه ، من گد ما صفگت چفوفي چي ندمان لهسه اليسره فوگ اليمنه مطبوگه…

**الى الشخص الذي سبَّب أرق للـ ليل
الحافظ عشرته ومِن يا محل طوگه ،

الك نصًّا الك ، هذا الحچي المرصوص
و كل من بينه لازم ياخذ احگوگه ،

اجيلك حلگي لاذني و مبتش و فرحان
و ارد منك بقايه آثار محروگه ،

من گد ما صفگت چفوفي چي ندمان
لهسه اليسره فوگ اليمنه مطبوگه ،

الندم ما عرفه گبلك ، من عرفتك لا
جرَّبته و عرفته و ميَّزت ضوگه ،

لا ساگي النخل لا لگّحيته وياي
واجيبلك الزهدي بسلته و اعثوگه ،

شنهي الحصّليته و وين اريدن بيك
گلبك شوكه يكثر واليقل شوگه ،

صاحب عين خضره وكل زرع ما بيك
چا هلبت يمرلك بخت العلوگه .

إكتَملت ..
يوم الاثنين
الحادي عشر من نوفمبر ،
2024/11/11
قصيدةٌ ذات عنوان
" مُسبِّب الأرق "**

#شاعر_منتدى_قمم

#عبد_الله_الحسيني

ودوم اطمْـطـِملك    واذا سئلو ، أگول عِطره باقي وجيته تَچلوبة حِبر #زينب كولي الله😔

نامو بالكراسي وكلها سدت عين
يِخلصوها نهب والجيب مملي فلوس

عقلهم بالفلس والباقي عادي يروح
ماعدهم  ضمير وما يشتغل ناموس

إنرجِح كل رئيس نشوفه بالاعلام
لمن يستقر أعلينه جَن جاسوس

تركو كل فقير وتركو المحتاج
من بعد الأمير أنغلق هالقاموس

من بعدك علي كل الفضل مسدود
هاي الفقرة ظلت بس تدك عالروس

أبوضح النهار وعمية عين أبليس
وانت بليل تطلع بيدك الفانوس

ابو الفقره علي وكل البشر جواك
مثل غربان انت البس جنت طاووس

خسيسين الطبع محد مشه بممشاك
كل الصار بعدك بي طبع مغروس

يحجون بشهامة وغيرة عل مسكين
توصل للصدك ماخَذو أي دروس

دوله وريس وحاكم وِجه ابن الجود
توصل للفقير يصير كطع الروس

مولاي ارجعلنا كافي خل نعيش
ارجع دنيا ظلمة وبيك تضوي اشموس

مولاي الكلت لو زلمة جا مكتول
دشوفلنه الفقر يتوزع بنص طوس!

#شاعرة_منتدى_قمم
#وردة_الحسين

ماهزيت ايدي لأي شخص راح
افرغ الدلة والفنجان ماهز
ترف وبكلمة انزف مو من سلاح
الطريق يجوز يجرح دودة القز
قلم واكتب ضحكتي ابين الجروح
وناس براسي كاعد بالحجي تجز
احلم يومي اخلصة ويالعصافير
ماكو غراب يوصلني وينشز
ويلومونك لان عايش بالاحلام
بس من واقعك ما تكدر تفز
هي المشكلة من تختفي الناس
هاي التوجعك وبكلبك تحز
رغم العشتة لكن لمن انشاف
ذاك المن بعيد تكول ابن عز
انه كلمة هلا ما تخطي للضيف
تلكة الساني كبل جفوفي يخبز
المفتاح اضمة واكسر الباب
على يا ساس كالوا بالحجي يبز
ومهذب لو بضهري يغلط انسان
قليل ارباية اكول ومو ادب سز
صور مرفوعة فوكي الوادم هواي
جثثهم حدري كلهم لو تركز

#قائد_منتدى_قمم
#علي_دلي

انه عله طولي سما
وانته عله طولك ارض
ويه العواهر عشت
بس انه عايش فرض
ما ادري مني شحصل
ماخذني طول بعرض
عطشان اجيتك صخر
واقرضني ميك قرض
ارويني كتلك لجن
والدين ارجعه شرط
بجروحي بالك ترض
وكل ضني بيك اتروي
صبعي انه خلص كرض
شبسرعة صابك خبث
بالله اذكرك جنت
بس انته ما تتعض
كفار اصافح كمت
صبع الشهادة خلص
من حكي خلص اعض
ادعي الله تصبح فلم
عطشان اشوفك طحت
كل ساعه ازيد العرض
واضحك عله سوايتك
بالتربه تكرط جنت
بس هسه وكت الفرض

#شاعر_منتدى_قمم

#احمد_اليوسف

مجارةً لقصيدة الشاعر #عبد_الله_الحسيني

زليخه ارماح نادت هيتلحسين
رفض وبصدرة صارت هيتلحسين
بقت زينب تصيح هيتلحسين
وذر صار وتبده عله الوطيه

#شاعر_منتدى_قمم

#احمد_اليوسف

الضوه قدَّت قميصه الظَّلمه امام النَّاس

والهندس فلا رادك شمس تشهد

شكد الله🥺

#شاعر_منتدى_قمم
#محمد_حسين_اليعكوبي

حلم رؤيه الـ يشوفك يا رسول الله

أضغاث، اعلن الـ فرض العمه اتهجَّد

جزر بحر العقيده بكل بشر وانشاف

منِّ ابعيد وصلك إلها جاي ابمد

وما مرسول إلَّا رحمه بس مرَّات

عالحط عينه عالإنسان عين وخد

أخلاقك تدل بيهم حقد مدفون

علامه الگبَّه تصبح للـ هُنا مرقد

ألـ بگلبه الصَّنم للباري لا تنخاه

صيح الـ فارغ الـ يفزعلك الـ محَّد

الـ ما صدَّگ دعوتك دِينه يطلب دَين

حديث النَّسمه لكتاب الهوه يُسند

وطبيعي الچَّف ضمه ايجرلك تراچي الماي

ألـ بعقله كفر هذا لهواه وحَّد

والـ بجُنَّة وساوس نفسه مِنَّك لاذ

تره بـ شرِّ الـ ينفثن بالعُقد يُعبد

نوايا اگلوبهم قبلة حَضِرة الليل

تستغفر تظل يا شيب روس اشگد

وبني هاشم علت بحرورة املاگاك

الدلال الـ تكشخ بـ تفصالة الـ موگد

يالـ بيك الحرف يطلع رسم شبَّاچ

وبثغرك علگ صار الملح وانشد

الضوه قدَّت قميصه الظَّلمه امام النَّاس

والهندس فلا رادك شمس تشهد

وتبديت راحه لكل گلب متعوب

والورد بترافة چفَّك اتوسَّد

وصوغة كحله لعيون الفقير وياك

وچلمة إفتح لكل باب حگ مُؤصد

#شاعر_منتدى_قمم
#محمد_حسين_اليعكوبي

**تٌـمرني بطيف أخرس بي سوالف عين
تخنكني البواجي وبَـس وِنــين أسمَـعْ

وشيل آنه وي ليلي هـمومي الـمعثرات
شــلِّي بناسي كِــلهـا وانـتَ مـا تـرجـَعْ؟

يـِلاكيـني المـْكابـر وَي صَــلاة الـشـوك
وتــسـبيـح الـوفه وآيــات ( لاتِـخْضَـعْ)

وأصــبٌر وآنــه حالـي لو تـٌعرفه شـلون
مَتــلــوم الـوَكــت لـو شـيَّـب الــرِّضـَعْ 

يــِفز كــَلبي بــغيابـك لو يـِهل طــاريك
لو نِتـلاكـَـه روحــي تــفـرفـح وتــطلَـعْ

أناديـك بوحشـتي لـو  يــجـيـني اللــيل
سـودة الــدنيا صارت وانتَ بَس تـِلمَـعْ

والبَس ثوب شـٌوكـي وأكـشخ بــمـلكاك
كلــشي الــبيَّــه دونــك سيـَّدي أمـْركَـعْ

يَوجه الخـير شَمْسَك لو ضِوَّت فد يـوم
نــِفدي تــراب جـِـدمك تــدري مـانـِركَـعْ

بيــدك ســيَّـدي طِــلـسـم يــِحِّـل ألــغـاز
تِـفـرزِن كِل خـَـبـيث وطــيّـب الــمـَـنْبَـعْ

تـٌـعرفه الــزين مــِن هو بـوسط الارحـام
كــَاع الطــف تـِـتـانـي وانـتَ جــا تــِزرَعْ

يـِدليني إعـله شٌـورك حـاجــِتي الـيِمناك
وأدري بـيمـنتـَك أعــمالــي بــَس تٌــرفـَعْ

يــَفارس تــِبجي لــَجلـَه عٌــيون الأيـتـام
تــِمسـَح بــالــدمع لو شــافـِتــَك تــِفــزَعْ

يَبو المـٌهرة الأصـيلة ابسيفك أحنه إنلوذ
تــِعـيد الـحَك بأدينه ،إتــرجـعــة أمــْرَبـع

ضــاكَـت يابــو صــالـِح رايـدلـها احـلـول
يَمــك بـَس بــقــت راس الـفِـتَن نِكْــطَـعْ

عجِّل ســَيـّدي أغــراب كـِـلــنا أنــعــيش
جـَـوازي  ابـدولتـك مَــهديــنا يــتـوقَــعْ

لـــٌبــابة آلــ يــاسين
٢٤ أكتوبر ٢٠٢٤**

#شاعرة_منتدى_قمم
#لبابة_ال_ياسين