لا خيال ولا فلم يوصف قضيتك
يلي دمك للسلم جانت هديتك
دعوه منك بيها رافع ل الله أدينك
تلگي عصّة موسى تكشخ في يمينك
بل عصى تنادي النهر ويكول أجيتك
يگسم الكاع ويجي يتعنى بيتك

#شاعر_منتدى_قمم

#عبد_الله_صالح

وگف عل مشرعه وبيمينه فقاره
ما ضل للزلم غير الركض جاره

ومن كثر الرگاب الطارت هناك
وصل طفار دم لحدود العماره

#لواء_العماري

السلام على ابا الفضل العباس

ماكدرت ابقه وياك ولا كدرت انساك
يل عمت عيني عليك بجفاك
يل بدونك احس حتى لفجر ضالمني
واحس طلعته بوكت ج انته عايفني

زيد الجنابي

الوردة تذبل لو كطع بيها اليشمها
ينـطفي اللـون وذبلها يضل يلـمها
هـذا وضع الـحرّة مـن تفكد زلـمها
وآنـه اخوتي الكربله شـدو عزمها
ليـل مـايطلـع صـبح
نــور ســافـر للـذبـح
روح متوشمة بجرح عاليهمها
ضلّتي نـحيلة چـي لفاني المرض
كنيـتي العليلة هيچي ربي فرض

- بيت من قصيدة منبرية الى
مولاتي فاطمة العليلة
الزهرائي صباح العزاوي .

بــِت الجــَنة انـــتي بهــاي ادريــــها
بس تـِــسعر فركتــج ياهــو يطفيها؟

صغيرة اعله دفن هالجفن حاير بيج
ياخــذهن ايديــج ابــسرعه يــِلويهـا

اباوع حسرتج شجرة وعطشها الماي
يل عـــينج وفـه بكل وركَة حطيها

أحسـده تراب لحدج حاضنج بهداي
لأن يــدري الترافه هـواي حـَط بيها

يا نَـبــعة محــبة وخــير للعــِرفوج
ســاعــتها الحــصـادج بأيــد راعيـها

كبرتي بساع هالجنة تحب طاريــج
بــس دموعه كلــبي ويــن أوديــها؟

- لٌبابة آلـ ياسين

الفاتحة لروحك الطاهرة
#جوان_السعيدي

ألج ذي قار فزعت كل بواجيهه
ياحيف الكبر يلمس معانيهه

خنيث الموت يشلع من ورد ذي قار
خذه الطيبت گلب وصبح يبجيهه

بعد لا من قصايد وبقلم جوان
حسبتج آيت الله حسين يتليه

- أنور صگر .

رثاء المرحومة جوان علي .

**ماذا لو جاء هواء الطف معتذرا  ؟

شعذرك ياهوه وزدت الجره اعلي
سمومك كبرت أزغر جرح بي

طردت اغيومك وصار المَهب حار
عمت عيني الرمل بجروحه يچّـوي

وكلش زين تدري بشحة الماي
اولا غيمه جبت والماي تـبّدي

وچانت فرصه عندك يم الخيام
تموت وموتتك كل ناره تطّفي

لچن الهمّـتك بس صرخ الاطفال
شفت عَطّـش الّجمر نفّخك يروّي

وشفت لو دارو بصوب النهر ذاك
سراب الشاطي يمهم خُبثه تدِّني

وعلي الاصغر عجيبه شلون خليت
وما ادري الرضيع شلون خليت
يجي يخرزه السهم تگدر تخطّي

وابو فاضل بقت من عنده بس عين
تفزز بالتراب وناوي تعّمي !!

ولك لو عاصف بذنيج السهام
گمر هاشم شرط كل ضامي يسّگي

لچن ماتت جربته وطاح عباس
واجه يدوره الحنين وظهره حاّني

صرت وتعمدت تقهر بالحسين
عَجاج گبال اخيه وماتدلّي

ولك احنه المشينه وكلنه تقصير
أنته الماشي ضده شلون توفـّي ؟!**
#شاعر_منتدى_قمم

#محمد_كريم

شكَد ثكَيل يصير يومك
من تحَسب للدقيقه
من تكَول بخير حالي
وعينك اتطلع الحقيقه
من تغادر وانت باقي
كَلبك مضيع طريقه

فاطمة هاشم الحسيني

وصفار البرحي بي ما بي صفار الخوف
وكلّش حلوه اعله الحر مستحه المُذنب

تناقض شو ادور على الاصبع ناس
وناس بأصبع ادور على المنصب

أبا سيف مهند حمود ✍️

عــلى دروب الــوفة طـــشِّيــتلك  أيَّــام
ألِّــم لـحظــاتــنــه وكِــل الوكــت أَنــشِد

غِــربـيل الـزمن خـضكُم بـطـاري الـعوز
طَـيَّحـكم حــطب وآنــه أشعـل المـوكِـد

هـزِّيـتـه الجـِذع وأدري التــَمٌر ميــطيح!
بِعــثــوك الــسِـــتــر  صــَح لازم أتـوجِـد

ردتـك مـاي  صافي . ذنوبي أغـسل بيك
وردتــك جَن  أذان إبــكَــشخـة الـمسجد

طـيَّرتـــك جـــِنـح والـعـالـي ربًّـــك دوم
ياطير الـــطِرت... تالــيــهـا هــَم  تِــركِـد

ظنيتك شـمـس تـالي أطلـعت بــَس ليـل
و نجــومــَك غـــَصٌب صَـف الكٌـمـَر تكعِد

من شِــفتك حــِلــم طــلَّكت مَلـكَـه النوم
ما يـِنــفع عَــتــَب يِـتـلاكَــه وي مــوعـِـد

علــمتِّــك عَــلِّي وآنــه أشبعت بس شوغ
نـصــّها  أهــمـومنه بــِـسبّـاحــة الــيِـعـبـِد

خاويــت ألمـِـلح بـَـس حــتى تِـشــبـع زاد
سبَع عيون لــجــلـك. ماخِــنت واحــسِــد

ردتـك مـِــن  تجيني إتشِــيِّم الـصــعــبـات
تِـــفِّــل حِبــالــها.. لـلــشــدة لــو  تِــعـكِــد

شـــبجه أعــله الجٌـرف تـتنسه كون المـاي
خــضار  بــروحي  بــس اليابِـسَك يِـسجِد

حِرثــت الكاع بــِسمَك ، طَــشَّرت لــبــذور
وأمــطـرلك دَمِــع .كِــلي إشـوكت تـِحصِد؟

#شاعرة_منتدى_قمم

#لبابة_ال_ياسين