"Yashil makon" umummilliy loyihasi doirasida dala maydonlari chetlariga ekish uchun dastlabki 40 ming tup daraxt ko'chatlari olib kelindi.

Ma'lumot o'rnida, umummilliy loyihaning ushbu mavsumida dala maydonlari chetlariga 386 ming tup ko'chat ekish rejalashtirilgan.

📲Rasmiy sahifalarimiz:
Telegram|Facebook|Instagram|You tube

Xovos tumanida energiya tejamkor texnologiyalar va muqobil energiya manbalaridan samarali foydalanish bo'yicha amaliy seminar bo'lib o'tdi

Rivojlanib borayotgan dunyoni elektr va issiqlik energiyasiz tasavvur qilib boʻlmaydi. Bugungi kun texnikalarining koʻpchilik qismini ushbu energiyalar xarakatga keltiradi. Hozirda butun dunyoda energetika muammosi dolzarb boʻlib turibdi. Muammoning eng maqbul yechimlari esa energiya isteʼmolida tejamkor bo'lish va muqobil energiya manbalaridan foydalanishdir.

Bugun Xovos tumani hokimligining katta majlislar zalida aynan energiya tejamkor texnologiyalar va muqobil energiya manbalaridan foydalanish bo'yicha amaliy seminar tashkil etildi. Unda tadbirkorlik sub’yektlari ta'sischilari, tuman tashkilotlari rahbarlari, fuqarolar va tomorqa yer egalari ishtirok etishdi.

Seminarda, tadbirkorlik sub’yektlari, ijtimoiy soha obyektlari, xonadonlar va elektr energiya yordamida sug'oriladigan yer maydonlariga quyosh panellari o'rnatish qulayliklari, istiqbollari va daromad keltirish ko'rsatgichlari bo'yicha batafsil tushuntirish berildi. Shu bilan birga, tabiiy gazdan oqilona foydalanishga xizmat qiluvchi energiya tejamkor jihozlar xususida so'z yuritildi.

Shuningdek, seminar yakunida elektr va gaz ta’minoti tizimini yanada takomillashtirish, bozor mexanizmlarini keng joriy qilish orqali energiya resurslaridan oqilona foydalanishni ta’minlash, shuningdek, mazkur sohada ko‘rsatilayotgan xizmatlar sifatini yaxshilash borasida soha rahbarlariga tegishli ko'rsatmalar berildi.

?Rasmiy sahifalarimiz:
Telegram|Facebook|Instagram|You tube