السلام عليكم

شنو ممكن يصير اذا فتحت حساب ابل عشوائي ( حساب صديق، حساب من احد القنوات، حساب لكيته بالنت ) بالاعدادات مال جهاز ؟

في حال جانت المزامنة تشتغل

فالصور و الملاحظات و التقويم و التذكيرات و جهات الاتصال و ممكن بعض الملفات حسب مكانهن

راح تنرفع بالحساب

وهذا خطر عليكم اكيد

مو بس هيج ، اذا الحساب انغلق او تغيير الباسوورد مالته و انت بعدك ما سجلت خروج
فجهازك بعد متكدر تستخدم الكلاود مالته ولا تفرمته ( واصلاحه يكون مكلف )

لهذا لازم تفتحون الحسابات العشوائية ( مثلا حتى تحمل تطبيقات مدفوعة ) داخل تطبيق المتجر فقط app store
وتحمل فقط التطبيق المدفوع
ولمن يكمل اخرج من الحساب .

طريقة فتح الحساب داخل المتجر :

https://t.me/generaltutorial/192

السلام عليكم ورحمة الله وبركاته.

اللهم صل على محمد وال محمد

نبارك لمولانا صاحب العصر والزمان الامام المهدي المنتظر عجل الله تعالى فرجه الشريف
بذكرى ولادة مولانا امير المؤمنين علي بن ابي طالب عليه السلام

اسعد الله ايامنا وايامكم وجعلنا واياكم من شيعته

هذا المنشور نشرته سابقا داخل تليغراف، بس شو فقط 200 شخص شافوه.

السلام عليكم.
معلومات مهمة جدا للجميع،
اساسيات الحسابات Accounts
بعالم الانترنت
اكو حساب تكدر تسويه برقم موبايل فقط
واكو حساب تكدر تسويه بايميل فقط
واكو حساب ( لازم ) تسويه بالشغلتين
لهذا لازم يكون عندك رقم موبايل ثابت وشغال ولازم ميبقى معلق ( انتهاء صلاحية الرصيد ) لمدة سنة كحد اقصى ( وهي الشركة المفروض تظل تدزلك رسائل وتكول الك ترة راح نسحب الخط منك ).
لان اذا عندك حسابات مربوطة بالرقم وانسحب منك، راح صاحب الرقم الجديد يكدر ياخذ كل حساباتك ( عدا بعض الاستثناءات ).
الايميل الي عندك ايضا لازم يكون ثابت وشغال، ايميل من موقع حقيقي وموثوق  مثل ( gmail مال كوكل ) يعتبر الاوسع انتشارا.
الايميل لازم يكون شغال وتستقبل عليه الرسائل وتقراهن ( على الاقل بس رسالة خلال السنة )
لان اذا تركت الايميل مدة سنة بدون نشاط راح ينحذف، ( شركة كوكل تنطي صلاحية سنتين ).

والحماية الثنائية ضرورية جدا لكل الحسابات، لان ترتبط برقم الموبايل مالتك ومحد يكدر يفتح الحساب الا يوصل الك رمز على الموبايل.

السلام عليكم.

الشهر السابق، القناة جان بيهة 350 متابع فقط،

حاليا 888 متابع ( طبعا الرقم عجبني، لهذا نشرت )

اني ما اهتم بالرقم كعدد متابعين للقناة، انما اهتم بوصول المواضيع لاكثر عدد، والا شنو فائدة قناة بيهة الف
وفقط 200 مثلا توصل الهم المعلومة؟

فان شاء الله تكون اكو فائدة من القناة
وكذلك ان شاء الله صرتوا اكثر حذر بالتعامل في عالم الانترنت.

وكالعادة اذا تشوف بيهة فائدة، وتكدر تشاركها
فمسموح الك ان تنسخ المنشور بدون ذكر المصدر او الحقوق
لان متهمني.

السلام عليكم.
معلومات مهمة جدا عن الحسابات والايميل
اضغط هنا

Telegraph

معلومات مهمة عن الحسابات

السلام عليكم. معلومات مهمة جدا للجميع، اساسيات الحسابات Accounts بعالم الانترنت اكو حساب تكدر تسويه برقم موبايل فقط واكو حساب تكدر تسويه بايميل فقط واكو حساب ( لازم ) تسويه بالشغلتين لهذا لازم يكون عندك رقم موبايل ثابت وشغال ولازم ميبقى معلق ( انتهاء صلاحية…