Rasmiy munosabat

Telegram ijtimoiy tarmog‘idagi guruhlarda Yoshlar ishlari agentligi Toshkent shahar boshqarmasi tomonidan imzolangan shartnomalardagi xatoliklar yuzasidan bir qator postlar eʼlon qilinmoqda.

Mazkur holatni shaxsan nazoratimga oldim va ishontirib aytamanki, postda keltirilgan maʼlumotlarni o‘rganib chiqish maqsadida Agentlik masʼul xodimlaridan iborat ishchi guruh tuzilib xizmat tekshiruvi olib borilmoqda, o‘rganishlar natijasi bo‘yicha maʼlumotlar va choralarni jamoatchilik eʼtiborga havola etamiz.

Agar mazkur holatda qonun buzilganligi aniqlanadigan bo‘lsa tegishli masʼullarga qatʼiy jazo qo‘llaniladi.

Yoshlar tashkiloti faoliyatiga befarq bo‘lmagan barcha ommaviy axborot vositalari, mustaqil blogerlar va jamoatchilik vakillariga o‘z minnatdorchiligimizni bildiraman.