وفاة مولاتي زينب ع

               راح اموتن..ابديره مـا بيهه اخوا
               راح اموتن..وهلي البتهم ما اجوا
اشموع الفرح حضّروا والياس..الموت اجاني وماكوا عباس
                       وّهلي البتهم ماجوا
==================================١
       اليفارگ حنين ايموت..وَانه ما ينحسب مـوتـي
       كلشي ميت ابزينب..بقت بـس دمعتي وصوتي

مـتّ ابكـربلــه مــن حــرگـوا الخيمه
              وراسه اعله الرمح شالوه ابو الشيمه
              مـن فَـيّ الـصياط اعلـه المـتـن غيمه
              ياهو المثل زينب مـــات مـــن ضيمه

                هيه موته..وتمحي البگلبــه اثر   
                هيه موته..بس عليّه انه اشكثر
محـد ابضيـم الـعَـلَـي ينقـاس..الموت اجامي وماكوا عباس
                       وّهلي البتهم ما اجوا
==================================٢
        يبطّل ونتّـــه يعقـوب..لـو شـاف الجـره ابحالـي
        فارگلـه ولـد وينــوح.. وَانـه مـاتالـي چم غالـي

مثـل قصـت حياتـي مـا جــــرت قصّـه
            المصايب كلهه من زينب خذت حصّــه
            عــدوي واحــــد الـواحـــد عَلَي وصّــه
            الشمر من راس اخوي امن الضهر گصّه

طلعوا زينب..صـاح اسمعنّه الشمر
               طلعوا زينب..خله تسحگع عالجمر
خلاني اشوف احسين ينداس..الموت اجاني وماكوا عباس
                       وّهلي البتهم ما اجوا
==================================٣
        شمالك مـا صبت زينـب..انشلّت حـرملـه يمنـاك
        انـه انطيته عبد الله..وگلت لحسين اخذه وياك

امنين ابدي المصيبه اليوجعني اهواي
           مــن ذبّـاح اخـوتـي جــاب ليـه الـمـاي
           لا اگـــــدر اعـــوفـــه ولا اســد اضماي
          ويفشلنـي اخـافــن مــــن امـــد يمنـاي

والله صعبه..الشمر من يمي گرب
            والله صعبه..گلي اخيچ مـا شرب 
عطشان گلي ابگطعت الـراس..المــوت اجاني وماكو عباس
                     وّهلي البتهم ما اجوا
==================================٤
       مـن اول جـدم ركضيت.. گمت المات احسدنّــه  
       وآنه ابرگضتـي ادعــي..الاهـي الـمـــوت اتمنّــه 

              تطيح اسنـين عمـري ابنگلت اجدامي
              عثرت وطحت بس مـا طايـح الثامي
              انه العطشانه اصيحن والگلب ضامي
              مـــــو للمـاي للينسحگ جـــــــــدامي

صعدوني..روحي ضلت بـس جسم
                صعدوني..مـوش زينـب بـس رسم
درب الـسبـي يگطع الانفـاس..المـوت اجاني وماكوا عباس
                          وّهلي البتهم ما اجوا
==================================٥
        مشـه للشـام ضعن المـوت..ياروح التظل بيــه
        من گد ما نسيت اسمي.. التفت للصاح مسبيه

مرار الموت ضگته من صعدت النوگ
            متـت مـن مستحاي ابطبّتي بالسوگ
            اخافن بـالعبايه السـوط خلـه افتوگ
            نسيت احجارهم مـن باعـوا المبيوگ

محبس احسين..انباع گدامي وصحت
           محبس احسين..ومن عله الناگه طحت
انباع سيفـه ودرعـه والطاس..الموت اجاني وماكوا عباس
                       وّهلي البتهم ما اجوا
==================================٦
       هـايـه ذكـريـات الـشـام..اگبـالـي تـنرسـم صوره
         مـو بيــدي رجعـت الهه..مــن رديــت مجبوره

نسـوان وزلم فـوگ السطح وگفـت
              لسن شمّاتـي ليحد هسـه مـا كفـّت
              الـمـن رادّه المسبيـــه مـــن هتفـت
              مـو بچفوفهم فوگي اللسن گطفـت

ضموا الماي..حته اموت ابلا غسل
              ضموا الماي..وحضروا بـس الحبل
لا تشيعوهـه صاحـت الـناس..الـموت اجاني وماكوا عباس
                      وّهلي البتهم ما اجوا
===================================
✍حيدر الشغانبي            

الى مولاتي زينب ع

متت من حبل أديه_گبـل يـوم الــمنيــه
                       سَنه وماطابن اجروحي
                       حزينه ومـابطل نوحـي
           گبل يوم المنيه             گبل يوم المنيه
==================================١
                 متت من ساعة البيها الشمر گلي
                 حبل جايب الچ گتله بحبل شلي
                 يگلي الموتتچ بيـدچ يظل حبلي
                 يحله من ادي محـد بقـه مناهلي

وآنـــه احبـال بيــه_اروح الــيا نــويـــه
                      شفت الموت الي يوحي
                      حزينه وما بطل نـوحي
           گبل يوم المنيه            گبل يوم المنيه
==================================٢
               الـبرجلي واديــه اسنيـن بــاگنـي
               هنــه الـگصـرن عمـــري ويأذنـي
               گبال الـشمر چـم مــره يعثـرنـي
               مثل حيـه وتصيد الطير يلونـي

طحـت بـالغاظريـه_مـن التــف عليـــه
                       الحبل هوه الاخذ روحي
                       حـزينه ومـابطل نـوحي
           گبل يوم المنيه          گبل يوم المنيه
==================================٣
             خشن حبل البديه ومعصمي ماكول
             رغم كل الوجع مستحيه بيه ماگول
             خله اشچم جرح بيه علاجه ايطول
             اجروحه يوجعني المر عليهن حـول

اجــروح الـبالـزچيـه_عشنـاهــن ســويـــه
                        خله لصدري حد لوحي
                        حزينه ومابطل نـوحي
          گبل يوم المنيه               گبل يوم المنيه
==================================٤
           مثل ميته مشيت وصاعده اعله النوگ
           علـه وجهي اطيـح شما حبل مسحوگ
           الـف مـوتـه متت مـن طببوني ابسوگ
           الشماته اعيـونهم صـارن عليه احلوگ

أنكـــت مـيـــه مـيـــه_امـن العيـون العليـه
                      يعين الناس بس روحي
                      حزينه ومـابطل نـوحي
         گبل يوم المنيه                گبل يوم المنيه
==================================٥
              گلبـي وگـف منهـا وگفـت الـكــوفــه
              اغطـي ابمعصمـي لا وادم اتشـوفــه
              رحــت منهـا اميـره وارد مچتـوفــه
               سكتّ إمن الحزن ودموعي مذروفه

ياهـو الـگالــي حيــه_مشــت زينب سبيــه
                         تساويت انه وسفوحي
                         حزينه ومابطل نوحي
            گبل يوم المنيه                گبل يوم المنيه
==================================٦
              حچيت اعله الحبل منه سبب علتي
              ما أحجي الـجروح هـواي الـبقصتي
              الـچبير الـبيهـا هاك استمع سـالفتي
              وگلـي ابكـربلـــه بعيـونــچ اشفتــي

شفــت تذبـح اميــه_بـالـحسيـن او أخيــه
                       ابرمح طعنوه مذبوحي
                       حزينه ومـابطل نوحي
           گبل يوم المنيه               گبل يوم المنيه
===================================
✍حيدر الشغانبي

وفاة مولاتي زينب ع

البحجارهم يرموني بالسوگ
               وتشمتـوا مـن طبـت الـنـوگ
               وعيونهم صارت الي احلوگ
                      راح اموت ابينهم
===============================١
مـاريـد انـدفن عبـاس ابـديـره ماتحب اسمـي
اذا گالــولهـم زينـب مَسَبَّــه احلـوگهـم تـرمـي
الـضحك وعيـون شماتـي هنـه لغيـرن رسمـي
حچيهم بلگلب ماطاب مثل چويات البچدمي

گَربـت مـن عـدي المنيـه
             الـحگ يبو فاضـل عليـه
             ناس الـتسمينـي سبيــه
                   راح اموت ابينهم
===============================٢
مـاتلحگ عَلَي عباس تجـي وتغمض اعيـونـي
اصيحـن زينب الـحگها والـشمـات سمعــونـي
مثل مابلخرابه الـيوم جنازه الوحدي خلونـي
تعال وشيلني ابيدك استحي الوادم يشيلوني

باخـر نفـس واتلفـت اعليك
           تحضـرنـي ياخـويـه اتانيك
           صوتي تسمعه من احاچيك
                  راح اموت بينهم
===============================٣
عـدلــه وميتـه ليـش انعـاف ياذنـب الـمسـويتـه
ابكـل ديـــره اثـر مـوزيـــن مـا اذكــــر مخليتــه
ترس اذني الحجي الشمات سمعته وگوه عديته
اشـوف الـناس متندميـن وكلمـن كاض بلحيتـه

واحـد يكـول اشلـون خليت
             مـن الــحجـار الالهــه لميـت
             كلهــن يطگنهــــا تمنيـــــت
                   راح اموت ابينهم
===============================٤
الغريب العاش بين اجواد عليه ماتنحسب غربه
غريبـه ومتت بين ارجـاس والله حالتي صعبـه
اختكـم يـابنـي هـاشــم نعشهــا محــد يگــربــه
الـسجاد اشكثر خجـلان وتشبـه گصته الجربـه

يشبه الجربه اسهام مصيوب
           يغرگ ابدمعـه الگلبه معيوب
           الـبيبان دکها ويـرجـع انـوب
                  راح اموت ابينهم
===============================٥
يگلهـم عمتـي بالـعباس خفيفـه ومـا تتعبكم
مثل سعفه ويهزها الريح من طبت خرابتكم
الـمايقبل يجي معذور بس ردت اربعه منكم
مقابـل أنطي للتشييع وحسبـوها اباچارتكم

اول اجنــازه ابأجــر تنشـال
           وتشيعت بـس باربـع ارجال
           مشيت الناگه بلمشي اثگال
                 راح اموت ابينهم
===============================٦
الـميت يسمـع الـيبچـون قبـل لا تندفـن جثتـه
أخــوه يميـزه مـن الـناس عنهـم تختلـف ونتـه
من گلبه البچي يطلع الاخو مـن يبجي الاختـه
يلـف انگاب دايـر حـول وتصيـر الـونه سالفتـه

خـوان مـاعنــدي يحـزنــون
               وبجنـازتــي اسمـع يـونــون
               محد بچالي وصاح يم عون
                      راح اموت ابينهم
===============================
✍حيدر الشغانبي

الى مولاتي ام البنين ع

متت من اجت زيَنب شايله اظروف
         انكتـب عنـوانهـن بسهــام وسيــوف

رسائل كربلائيه..من اربع فدائيه..للخوه الحسينيه
            شايله اظروف..شايله اظروف
===================================
          امـنّاجت وحـدهــه گتله ياعمّـر كافي
          ابيض لـون عيني امـن الـدمـع صافي
          روحـي مگبــره وبيهـــا الــحزن لافـي
          عشت شي مابقه الزينب حظن دافـي

عــدهــه اخبــار تشبـه ملك عـزريــل
           مـن تحجيهــا تاخـذ روحي وتشيــل

الزغير ايوگف الريه..مثل امصيبت ارقيه..للخوه الحسينيه
              شايله اظروف..شايله اظروف
===================================
           عفتهــن كلهــن وگلتلهــا حــاجينــي
           يزينــب كلهـا فـدوه تروح لحسينـي
           تـدرينــه الـهوء والـشـوف الـبعينـي
           ظـرف احسين يمــه وينــه دلـينـي

يزينــب جــاوبينــي ولا تسكتيـــن
           ليــش الــوحـدچ چاويـن الـحسين

اثر بيدچ يعلويه..بس لاچنتي مسبيه..للخوه الحسينيه
              شايله اظروف..شايله اظروف
===================================
           فتحـت اول رسـالــه وباوعــت بيهـا
           اربـــع روس بــس ظايــــع معانيهــا
           بيهـا اعيـون حلـوه الــسهم عاميهــا
           فـوگ الـخـد اثر حـرگــت بـواچيهــا

زنـــود مّگطعـــه الــواحــــد لگيتــه
           امـن الـحرگـه الـدمع حارگ لحيتــه

كاتب بَلدَمه ليه..الچ نفذت الاوصيه..للخوه الحسينيه
               شايله اظروف..شايله اظروف
===================================
            بيهـــن دوريـــت وشــاهــدت نبلــه
            مكتـوب الـكماط امــن الوچع حَلـه
            الـحسين اعلـه ايـده منذبـح طفلـه
            الـمثلــث ابنحـره كلشــي مـا خلــه

سهامــه حـرملـه تحصـد بالــرگاب
            منـه مـا سلم حتـه الــطفل صـاب

السهم بايگ بواچيه..ذنبه يطلب اميه..للخوه الحسينيه
              شايله اظروف..شايله ظروف
===================================
           واحـد اسـود ومـاعَـرف بيـه اشصـار
           فتحتٕه وشفـت بيـه مـن الـجمر اثـار
           بيـه مرسومـه خيمـه وتشتعل بالنـار
           الجمر گد كربله وتسحگ عليه ازغار

ركضــت والــصيــاط اطــگ عليهــا
           مـا تشگـــف لئن محتـــرگــه اديهــا

الرجلين مچويه..اعيون اشگثر معميه..للخوه الحسينيه
              شايله اظروف..شايله اظروف
===================================
           ظـرف مسحـوگ بـالكـوات بيــه اقرا
           مـن دوس الـحـوافـر بيـه الـف وذره
           نحـر مـذبـوح بيه شاهدت من ظهره
           الـعجيبه بهالمـر بيـه ريحـت الـزهره

اشمنــــه ردت مـا أعــــرف اشلــون
           ابكثر مـافـوگـه بـالـحافر يسحگون

عمّر ماظل بعد بيه..منهد جثته المرميه..للخوه الحسينيه
              شايله اظروف..شايله لظروف
===================================
✍حيدر الشغانبي

قصيده الى مولاتي ام البنين ع

أجاني الموت ياهو اجنازتي ايشيل
    عله امتـونه يحطها ودمعته اتسيل
موقف بلگلب جاس..وينـك يمــه عبـاس
                      يمه يمه
===============================
صارت بالگلب لچمه..عليـه الــغربـه ملتمه
     ردت تـدفني يا يمه..بـديك بديك
طاح العمر من همه..مثل ماي وصعب لَمه
     يخنگني هوه لنسمه..عليك عليك

نحيله امن الحزن والموت داهمني
    وداعـت شـاربـك يايمـه مـا همنـي
    الــراح يمـــر عَلَـي كلــش يئلمنــي
    مـا عنـدي ولـد والـغربــه تـدفنــي

وين اولادها الوادم يگولون
          امهم للمغيسل خل يشيلون
الميت يسمع الناس..وينـك يمــه عباس
                       يمه يمه
===============================
الغربه بموتت الغربه..عله الماله اهل صعبه
    تطلع ونـه مـن گلبـه..تطوف تطوف
يوادم عدي بس طلبه..جفنـي لحـد يگربـه
    تانوا راعي الـچربـه..أشـوف أشوف

متانيتك تجي وتغمض اعيـونــي
     امـك تستحي الوادم يشيعـونــي
     اوصيمن ابهيـده مـن يشيلـونــي
     خمـس سهـام بيـه لا يلجمـونــي

اول سهـم مـن فارگت الــحسين
      والــباقــي عليكـــم يـا مياميـــن
فگدكم شيب الراس..وينـك يمـه عبـاس
                      يمه يمه
===============================
ماي المغتسل مو ماي..اذا ما يَنصب ابهداي
    مـا يلچمنـي الــسگاي..حنيــن حنيــن
بهاي لساعه اريد ارباي..اعـرفك يلگمروفاي
    الحزن سواني مثل الناي..ونين ونين

ابچفـن ياهو اليلـف امــك الـمضلــومـه
   ويصلي اعلـه الـجنازه وروحـه مـا لـومه
   على اخدودي وصيتي ابدمعي مرسومه
   وي اجنازتـــي دفنـــوهــن اهــــدومــــه

احلـه اهـدوم آخــذهـن للكبـور
         اردانـك گطعـوهن يـوم عاشـور
  کشختك لمك انفاس..وينــك يمــه عباس
                         يمه يمه
===============================
كل الناس شافوني..موش اولادي شالوني
     كل ساعه يحطوني..حـرام حـرام
الف موته يموتوني..امـك مـن يـدخلـوني
     اذا عل سوكَ مروني..ختام ختام

بعيــده الـمگبــره ويتعــب الــتابــوت
     ثگيل اعلـه الـغريب الـمايهمه الـمـوت
     اخاف يحاچي رَبَعه واسمعنه الصوت
     يگلهم مختصـر بالسـوگ خلي انفوت

مثل زينب يطبوني عله السوگ
          انه اعله الچتاف وهيـه عالنوگ
  شجره وعينهم فاس..وينــك يمــه عباس
                         يمه يمه
===============================
چـانت ياگمـر ودي..تحفـرلـي الـگبر ولـدي
    تراب بچفك اتبـدي..وتطول وتطول
الدفان الحفر لحدي..يگلهم مَگدر الوحدي
    يطلع گبري مو گدي..يگــول يگــول

حچـي الـدفان تـدري ايزيد الــونّة
    يگلهــم ويــن ابنها يمــي يتــدنــه
    يساعدني ابدفنها اطلب طلب منه
    يمـد طـولــه ابقبـرها ارد اگــدرنــه

خلافك مالگه واحد يحاچيه
        غريبه الوادم ومحد طلع ليه
الميت خده ينباس..وينـك يمـه عباس
                    يمه يمه
===============================
عمـري مـاخلـص يمك..بارد صدري مـاظمك
    هم يجمعني واشتمك..وصال وصال
راحـت تنـدفـن امــك..ياللي مخضب بدمك
    چم مـره صحت بسمك..تعـال تعـال

ابلحـدي نزلـوني وروحـي الــتفتت
    مثـل طلعـت هـلال الـكربله نظـرت
    هاي اخــر ثـوانـي ابـدنيتـي ضلـت
    اشـوفـن واحـد امـن الاربعـه هلبت

اخـر لحضـه اترجــه وأتانيـك
      تجـي عبـاس وبگبـري أدليـك
حالي بيش ينقاس..وينك يمه عباس
                    يمه يمه
===============================
✍حيدر الشغانبي

الى مولاتي الزهراء ع

حسين يريد حضنچ من يجي الليل
                  آنــه امــك گلتلـه ودمعتــي اتسيـل
             خمس اسنين عمري_وانومنه اعله حجري
                             من يجي الليل
===================================١
                   لبست اهدومچ وگلبي انهدم حيله
                   ابحضنـي نـوميتـه وگمـت الـوليله
                   الـولــي اعليــه مــرّه ومــرّه انعيله
                   يشــم ابشيلتــچ وينـام كــل لــيله

عليچ حسين يمٍـه يهدّم الحيل
                      الليل الفاگد امه ابنومته ايعيل
             ينام ودمعـه يجــري_وانومنه اعله حجري
                              من يجي الليل
===================================٢
                   أنه ابعازت حضن بس الوكت حتم
                   اصيـرن أُم لخـوي وبـالـحـزن أكتم
                   يتيمــه وجـرح گلبـي بعـد مـا يلتم  
                   تنام الـناس وآنـه انصب الـچ مـأتم

انشف دمعي لو دمعات الحسين
                     هـوّه الـفاگـد امـه يلكه أُم ويـن
        خلص صبره ويَّه صبري_وانومنه اعله حجري
                             من يجي الليل
===================================٣
                   الفاگـد حضن امه اعيونـه ما تغفـه
                   يضـل بردان ليله وسـاعه ما يدفـه
                   يا هــو الـيلوليلـه ابچلمــة الـتـرفـه
                   الـيذكر امــه مـا يلحگ عليـه چفـه

ما تلحگ تنشف ادموعه اديه
                      يفز حسين ويصيـح الـزچيه
              اريـد اتبـوس نحري_وانومنه اعله صدري
                               من يجي الليل
===================================٤
                   مـا اذكـر نمـت بـالليـل حــد فجــره
                   يفـززنـي ســؤال احسيـن كـل مــره
                   يگلي ليش امـي اخـدودهـه حمــره
                   مرض لـو اثـر مـن الـباب لـو سطره

سطـرات امـن اگلـه ابخـدچ ايمـوت
                   سكتت واحس من گلبي طلع صوت
          يشلـع اضلـوع صـدري_وانـومنـه اعله حجـري
                             من يجي الليل
===================================٥
                  ابـد ما لاعبه ويَّه اطفال مـن زغـري
                  خمس اسنين عمري ودمعتي تجري
                  يتيمه ومارحمني امـن الـزغر دهري
                  سولفتيلي بـالـطـف شنهـي الـيجري

اصبر الروح بيش وكلبي ايهيد
                     ومـن احسين راح ايحز الوريد
          الشمر يذبح ابذخري_وانـومنـه اعلـه حجري
                            من يجي الليل
===================================٦
                    يـاراحــه الـتمـرنـي وكـربلـه اتانـي
                    اجيهه وتنـذبـح گــدامـي خـوانــي
                    وخمسين الـعمـر والــرکـض اذانـي
                    بـالـگــوه اجـــر الـنفــس خــلانــي

مــن عثـريـت ويشــوفـونـي الـناس
                   صاحوا من طحت هاي اخت عباس
           الهضم حانيلي ظهري_وانومنه اعله حجري
                               من يجي الليل
===============================
✍حيدر الشغانبي

قصيده الى مولاتي فاطمه ع

يا باب..يامخيب ضنوني
                         يا باب..خلفك يعصروني
       انتـــه و أبـــو كلمـــة وإن..تكسرون ضلعي وانه اون
                                 يا باب يا باب
===================================١
                يا باب تنحط للستـر لبيوتنـه ايخلـونك
                تندك قبـل لا تنفتح خطـار مـن يلفونك
                مو ذاك بابـي الاولي احمـر تغيـر لـونك 
                مادكو اعليك الاجو برجليهم يرفسونك

صاحو علي وينه..خـل يطلع اعلينه
                  لـونحـرگ سنينـه..اللاذت وره الباب

تخليت..من أطلبت عونك
                        تخليت..تقبـل يـدفعــونك
       مـن ثگلك اضلوعي التون..تكسرون ضلعي وانه اون
                                  ياباب ياباب
===================================٢
           چنت انه اضنن بالعسر تحمي اليلوذ بسدك
           مـن جابوا النار واجوا فاجئني مـوقف ردك
           احـدود ربــك حـط الي يالعلي عابـر حــدك
           الـحايط ويـاك اشترك ضلعي انكسر ما ردك

صدري تعصرونه..وضلعي تكسرونـه
                 وابني تطيحـونه..انته ويَ الاصحاب

مكسور..ضلعــه مثــل ضلعي
                      مكسور..دم يجري ويَ دمعي
       ابنارك اچفــوفــــه انچون..تكسرون ضلعي وانه اون
                                  ياباب ياباب
===================================٣
            من النار ردت اطلـع لجــن بسمـارك اللازمني
            بسمارك بصـدري نبت واعلـه الحجر سامرني
            تحرمني ركض المحترك بلايه رحم عاصرني
            الـموت چـم مـره شفت مـن كثـر ما يلچمني

رايـــــد تخلينـــــه..وبنـــار تجـــوينـــه
              محسن غفت عينه..وي ضلعي منصاب

من طاح..متخضب بدمـه
                        من طاح..ما گال الي يمه
     جمـــراتـك ابوجهــه غفــن..تكسرون ضلعي وانه اون
                                ياباب ياباب
===================================٤
            الوياك ماعدهم رَبع يسحگون جمرك من طفه
            مذلول تاليهه اصبحت يالتحرگ بـروحي عفه
           مـن كل كتر بيـه الم جمرك عله اجـدامي غفه
           امنـت بالـخان الـنبي ارمــاد مـن عـــدك صفه

دار النبي وعونه..انتم تحركــونه
                  حتـه تـرفعـــونه..معبود الاعراب

واللات..يقسملي الكافر
                        واللات..نرفع هبل باچر
      ديـن الــصنم بيــه يطمئن..تكسرون ضلعي وانه اون
                                 ياباب ياباب
===================================٥
             المـا طلع للعامـــري زلمــــه يصيـــر اعليــه
             ماضرب واحد  بالحرب يضرب وجه علويه
             يـدري الضلوع مكسره وبالرمح يـدفـع بيـه
             يگلوله بت المصطفى يگول الاسم مـر بيـه

من عدهه سلبينه..صارت فدك لينه
                 مـانؤمـن بـدينـــه..ولاهــذا الـكتاب

زهراء..خَلـوا اثـر بيهـه
                        زهراء..منهو اليحاميهه
      چـفـوفـه ابخــدودي كلـن..تكسرون ضلعي وآنه اون
                                 ياباب ياباب
===================================٦
         آنـــه امــان اهـــل الارض وبهـاي ربـك يــوحــي
         البسمار مـا عنـده ذنـب حصـل امــان بــروحــي
        يذوب الـحديد امن الجمر ماذاب من اجروحــي
        دمي اعله وجهه ومستحي ينزل دَمه ويَ نوحي

ربـك امخلينـه..نحمي الاجه لينه
                 مانحرك ايدينه..وچفوفـه عطاب

بسمار..بضلوعــي ضميتـه
                     بسمار..امن الجمر حاميته
      جـذوعـك علينـه اتوجرن..تكسرون ضلعي وانه اون
                                ياباب ياباب
===================================
✍حيدر الشغانبي

نعي الى مولاتي فاطمه ع

يم الـحسن عنــّي لا تــروحيــن
بعد من شوفتچ ماشبعت العين
انحنه ضهري عليچ وزاد الونين
يــون الــگلب مــا بطل نـوحــه
==========ونّـي اعليچ يفطر روس الـجبال
غسّلتچ ودمعي اعله الضلع سال
فرحت بيتي أنتي شلـون تنشال
ويه اجنازتـچ شيعــت روحــــي
=======بعيني الدنيه ظلمه والوكت دار
مـن يـوم الشفت بالـضلع بسمار
يـم الـحسن ضلوا ولــدچ زغــار
تختلــف ونتــــه الــفاگــد امـــه
=======سَـكَّتّ الــحسيـن وزينـب تنــــــوح
وصـوت الحسن من البچي مبحوح
دفنت المحسن وظل گلبي مجروح
فــــاگــــد ولـــد ويـــــه الــزچيــــه
=======أتانــي الليـل والــوادم ينامـــون
بسكتــه اطلع طفالي مايحسون
يفظـه ديـري بالـچ لا يگعـــدون
رايــــــح اوشـل دمــع عينـــــي
========غمضت العيــون وبيچ حلميـت
اتگــوليـــن رد يـا علـي للــبيـت
فــز الـحسين وصـوتـه سمعيت
رد يـاعلـي نشــف ادمــــوعــــه
======== ~~✍~~حيدر الشغانبي

الى مولاتي الزهراء ع

ماتت امك_يعني ماتت ضحكتك
                   ماتت امك_دمـع عينـك سلـوتـك
ليــل الـيتيـم يهـدّم الــحيـــل_ما تغفه عينك من يجي الليل
                          ماتت امك - ماتت امك
===================================١
       حسين الــوادم يصيحـون مـاتـت امـــك الـزهـره
       شماته وعـالـضلع يحجون يكـولـون السبب كسره
       يسمعوني الحجي الموزين وما ندموا عله العصره
       اجــه يعزينـه بـس شمتان الـبخدهــه تـرك سطـره

فوگ خدهه_يگـول ضـل چفـي أثـر
                 فوگ خدهه_تعبت ايدي امن السطر
حتـه الـعبـد ضل بمـك ايعيـل_ماتغفه عينك مـن يجي الليل
                          ماتت امك - ماتت امك
===================================٢
       ثلـت تشهـر يگلــي ليـش عـاشـت فاطمـه وسفــه
      كسـر الـضلـع مـا يجبـر شعجـب ما ماتـت ابنـزفــه
       اذا مـا تعــرف الـچتـال عَلـه خــدهــه اثـــر جفــه
       اطلــب ثـار مـن حيـدر ابثلــث اضلــوع مـا وفّــه

ادفـع الباب_وادري خلفـه فاطمـه
                 ادفـع الباب_لحد ما شفـت الدمـه
طَيَحت ابنـها اتصيـح يا ويل_ما تغفه عينك من يجي الليل
                        ماتت امك - ماتت امك
===================================٣
       ثلث ميـه الاجوا للـدار حتـه امـك يعصــروهـه
       بيــن الــبـاب والـحايــط تطلــع مـا يخلـــوهـه
       تصيح انكسرن اضلوعي وهمه الباب رفسوهه
       شعلـوا نارهـم بـالـباب متعمـديـن حــرگـــوهـه

احترگ چفهه_الـباب سـويناه جمر
              احترگ جفهه_اتلچمه نسمات التمر
ادموعهه اعلى خدودهه اتسيل _ماتغفه عينك من يجي الليل
                         ماتت امك - ماتت امك
===================================٤
       بيـن الـبـاب والـحايــط بــس دخـان تشتمـه
       اختنگت والـهوه ضايع تـدور ضلـت الـنسمه
       سمعنـه اتصيح يا بويه ونوبـه اتصيح يايمه
       شماصاحت يبويـه الحگ نسمعه الـف شتمه

طاح ابنهه_شافته وسال الـدمع
              طاح ابنهه_والسبب كسر الضلع
مـا بيهه حيل المحسن اتشيل_ماتغفه عينك من يجي الليل
                        ماتت امك - ماتت امك
===================================٥
       مـا نقبــل تـون بـالـبيـت تــون ابــدار غــربتهـه
       اميره وعايشه ابصحراء سلبنه التاج من عدهه
       اشكثـــر نفــرح اذا نسمــع تــون وتعلــه ونتهـه
       احنــه الـحــدبيناهــه وعـيــــونــك الــشافنهــه

تمشي گوه_مـن گبـر جـدك تـرد
                 تمشي گوه_على الحايط تستند
حته ابمشيهه چانت اتميل_ماتغفه عينك من يجي الليل
                     ماتت امك - ماتت امك
===================================٦
       گـل الــوالـــدك يحسيـن خــل امـــك يِيَممهـه
       اذا فوگاهه صب الماي اجـروح شكثر يلچمهه
       هيـه اشلـون تتغسـل الـبعـد مـا منكطـع دمهه
       خل يحسب المكسورات قبل لا بالثره ايطمهه

ضلوع فاطم_مانضن واحـد سلم
              ضلوع فاطم_من كثر رفس الزلم
خلينــه دمهـا يشبــه الـسيـل_ماتغفه عينك من يجي الليل
                       ماتت امك - ماتت امك
====================================
✍حيدر الشغانبي

استشهاد مولاتي فاطمه ع

الــبقاء ابعمــرك ايعـازون بيه
                    وأنه عمري شايله ويّا الزچيه
           مــا خــــذه للـمكبـــره..ابروحي ادفن مو مره 
                          ويّا الزجيه..ويّا الزچيه
====================================١
        البقاء ابعمرك يكولون وجوابي ابدمعه لو حسره
        يـاعمـــر الـبقــه عنــدي وآنـه امفــارگ الــزهـره

شنـو نفـع الـعمر واعزازي مـــــدفونين
                 ابـــــــن فاگـد ازغيـر وفاگد ام احسين
                 اگبالّ الشامت اسكت بس دموع العين
                 تكتب عله اخدودي علي امضيع اثنين

أنه الماتت فرحته ومن وكت شاب
                   طاحت امنياتي ابعتبت الــــــــباب
          مــر عليهـه الـما جـــره..ابروحي ادفن مو مره
                          ويّا الزچيه..ويّا الزچيه
===================================٢
          چدامـي الگبـل تطـوي الگاع مـا گـدرن يشيلنّي
          واديـــه الــقـالـعــه الـبيبـان احفّـــر مـا يعيننـي

مثل هليله مــــــــا مرت عَلي ليله
                  علي مكسور گلبه وخاطره وحيله
                  ويـــــن الگه مثل فاطمه وحجيله
                  ثگيلّ الهم عليـــــه وياهو اشكيله

                      دفنت العافيه وفرحة سنيني
                      وصحت يـافاطمـه لا تخليني
            فــوگـي اذبـن بـالثـره..ابروحي ادفن مو مره
                           ويّا الزچيه..ويّا الزچيه
===================================٣
          الـورد مـا ينـدفـن ياناس بـس مجبـور ادفننـه
          الـتـراب اشچم جـرح يلچم عليهه مـن اهيلنـه

گبرهه ابدمعي مو بالماي رشيته
                  يلجم فاطمه من يطيح حسيتـه
                  عليهه ابچفـي مـن ينزل تلگيتـه
                  الـمـوت وياهـه چم مـره تمنيتـه

اصبــّر گلبـي بيــش وعينــي تغفـه
                  واشوف السطر خدهه اگبالي چفه
         الضلع هوه الكسره..ابروحي ادفن مو مره
                        ويّا الزچيه..ويّا الزچيه
===================================٤
          رجعت امن الدفن تعبان عفت الحيل والفرحه
          يحس بيه الفگدله اعزاز العليهم ماشفه جرحه

والـفوگاهــه كلهــه وزيـدت همــي
                شگل لحسين مـن يگلي اريد امـي
                يعيني الخاطر الله ابدمعتچ ضمي
                ابو الاحزان مو ابتراب صار اسمي

گَعدت ويَـه الايتام وصرنه لمّه
                  حسين يريد يغفه ابحظن امّـه
          عيـونـه ضلت ساهـره..ابروحي ادفن مو مره
                        ويّا الزچيه..ويّا الزچيه
===================================٥
         شله ابعمره الفگدله اعزاز يتمنه الموت والكعبه
         ابفـرد بيت الـيعيش وياك والله فـرگتـه صعبـه

وين اگعد تصير گبالي صورتهه
                    اشـم ابكل كتر بالبيت ريحتهـه
                    انه دافن حنينه وصعبه فرگتهه
                    اخـذ عمري يربي وفاطمه ردهه

ابَـدل فاطمه ابـروحي تمنيت
                     تَسَكت اطفالهه من ترد للبيت
          شفــت زينـب حـايـره..ابروحي ادفن مو مره
                         ويّا الزچيه..ويّا الزچيه
===================================٦
           اشبقالي من حياتي ابنوح والدمعات اخلصنه
           ليليـه اوشــــل الـعين گبــرهـــه مــن ازورنــه

طفت شمعت شبابي وماتت احلامي
                افـز بـالليل وشبـــه بچيــت ايتامــي
                مـابيهن فـــرح عـالـزهـــــره ايـامــي
                مـو للماي گلبـي لـم حســن ضـامــي

شكثر مشتاگ للكسروا ضلعهه
                   العليهه اعيوني مابطل دمعهه
           نلتقــــي بــالاخــــــره..ابروحي ادفن مو مره
                         ويّا الزچيه..ويّا الزچيه 
====================================
✍حيدر الشغانبي