طفل ، خجول، متردد، صامت، يفضل ان يبقى وحده بعيداً عن تجمعات أصدقائه ، يخاف من التجارب الجديدة ، و الوجوه الغريبة .. طفل جريء، محبوب، واثق بنفسه، لديه شعبية كبيرة بين رفاقه ، يستمتع بالتجارب الجديدة و يحب لقاء الأشخاص الجدد .. ?قال أدمغتن لهالتنين بتختلف…

طفل ، خجول، متردد، صامت، يفضل ان يبقى وحده بعيداً عن تجمعات أصدقائه ، يخاف من التجارب الجديدة ، و الوجوه الغريبة ..

طفل جريء، محبوب، واثق بنفسه، لديه شعبية كبيرة بين رفاقه ، يستمتع بالتجارب الجديدة و يحب لقاء الأشخاص الجدد ..

?قال أدمغتن لهالتنين بتختلف ..

عند الاول الدوائر العصبية الي باللوزة سريعة الاستثارة وبالتالي عندو استعداد يقلق و يستثار عاطفياً لأقل مؤثر، لهيك بيتجنب التجارب الجديدة ..

أما التاني فعتبة الاستثارة مرتفعة عندو يعني مو بسهولة بيقلق تجاه المواقف والمؤثرات، بالتالي بيتعامل بشكل أسهل مع التجارب الغير مألوف ..

?اختلاف تشريحي تاني بين المتشائمين و المتفائلين :

المتفائلين الفرفوشين الإيجابيين عندن زيادة نشاط بالقشرة الأمامية اليسرى

المتشائمين النكديين الكئيبين عندن زيادة نشاط بالقشرة الأمامية اليمنى

برأيكن بعد كل هاد..
هل تركيبة دماغنا كافية لتحدد كيف منتعامل مع المواقف بحياتنا؟ بشكل سوداوي أو منبسط؟
خجول أو منفتح ؟

الجواب جملة شهيرة لدانييل متذكرينها؟?

إعادة التعلم العاطفي..
معنى هالمصطلح هو كيف بيرجع المريض اللي تعرض لصدمة ما وبالتالي اضطراب ما بعد الصدمة (PTSD)، كيف بيرجع يتعلم من جديد الاستجابة العاطفية السوية و السليمة لمحرضات هي الصدمة بكل مرة ..

بقول دانييل جملة كتير حلوة:
"يجب ألّا ننظر للحياة كأنّها حادثة طارئة توشك أن تقع"

وبحسب دانييل إعادة التعلم العاطفي تحتاج لهي الخطوات :
1. الشعور بالأمان
2. ذكر تفاصيل أحداث الصدمة
3. الشعور بالندم على الخسارات

وصولاً إلى الشروع بإعادة بناء حياة طبيعية من جديد خالية من هجوم ذكريات الصدمة في أوقات غير محكومة ❤️??‍♀️

الذكاء العاطفي _ 1995

مثلث التعاطف .. و الدوائر العصبية الخاصة بالعقل الحكيم .. الاقتتال على النت

ملاحظة : قلت أنو الدماغ يقرأ بشكل لا واعي خلال الاجتماع
أخطأت و قصدي هو مزج الواعي مع اللاواعي

كيف بتتعامل قشرتنا المنطقية الواعية مع ردات فعلنا السريعة ونحنا معصبين أو منفعلين؟

قريت اليوم جملة معبرة جداً و حبيت شاركها هون ?

قال :
"الأمر أشبه برجلٍ حكيم منطقي يحاول إقناع رجال الإطفاء الغاضبين أنّ حفيده أطلق جرس الإنذار عن طريق الخطأ" ??‍♀️

اللطيف دين برنيت ❤️

Happy new year ?❤️
وكلّ الحب إلكن جميعاً ❤️

تخيلوا انو التعليم العاطفي من الأهل لأولادن بيبدا من عمر الشهرين ..
بقدملنا الذكاء العاطفي سيناريوهين حلوين :

طفل بعمر الشهرين يبكي طلباً للرضاعة، تأخذه أمه و تحاول تهدئته و ترضعه بينما هي تنظر إليه بمحبة و حنان. 

طفل آخر بعمر الشهرين يبكي طلباً للرضاعة، تأخذه أمه و هي متوترة و تبدأ بالصراخ : "هل ستستمر بالبكاء هكذا؟ لقد طفح الكيل معك ، الآن تريد أن ترضع؟" و تستمر و هي تنظر أمامها بعيداً عن عيني طفلها و تتذكر مشاكلها في العمل و غيرها
(ذكرتني بجارتنا الي بتضل تصرخ على بنتها الي بعمر 5 شهور ، من يومين كانت عم تبهدلها لأنو عم تبكي! عم تقلها : "اخرسي بقا صرعتيني")☹️

المهم هي المرحلة بالذات هي أساس التعلم العاطفي، ومع استمرار هي الرسائل بين الطفل و أهلو:

الطفل الأول رح يصير عندو ثقة بحالو ، بصير يعبر عن احتياجاتو براحة ، و عندو ثقة انو رح يتم الاهتمام بطلبو ..

الطفل التاني رح يصير عندو قلة ثقة بحالو ، قلة تقدير لنفسو ،و اعتقاد انو ما بيستاهل المحبة ولا المساعدة ..

لهيك لما نحنا نشتغل على حالنا مو بس كرمالنا ❤️