جروح والام العليله روحي لها الفداء
في وحشت الديار تأن وتحن الئ من تركوها
غريبه حزينه متألمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

انه العليله الكلي لجمات
عافوني وحدي اجر ونات
عافوني وحدي يا حرامات٠٠٠٠٠ماخذوني

زغيرة عمر ومهدم الحيل
فركت هلي راوتني الويل
مثل الجمر يا هدوت اليل٠٠٠٠٠٠٠ماخذوني

زغيره ومحتاره٠كلبي تشب ناره
الوالد،شخباره٠مادري ظليت

كل هلي عافوني٠راحو ما جوني
انحب خلوني٠ياوحشت البيت

هلي هلي مشتاكه الكم٠هلي هلي طول سفركم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زغيره ومريظه وتهمل العين
وطول سفرهم هلي الطيبين
لا ما نسوني اشكد حنينين. ٠٠مانسوني

ما ادري بيهم هجي يبطون
بحسابي جم يوم اويردون
الاكبر يجي لو كافل ام عون٠٠مانسوني

بحسابي الكبر٠يرد ما يتاخر
ظليت اتصور٠ياخذني ونروح

بس تالي ماتالي٠الاخو ماجالي
ولا عمي الغالي٠عافوني لنوح

هلي هلي مشتاكه الكم٠هلي هلي طول سفركم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حظرت الهدوم اوتمنيت
وياهم امشي وغلك البيت
بس ماخذوني وحدي ظليت٠٠٠٠٠ياهظيمه

فراك الاهل ما ينحمل دوم
زادت العله من مشوحد اليوم
اتنشد عليهم وسف ماكو علوم٠٠٠٠ياهظيمه

بل وادم اسئل٠كربله ما اندل
التراب تحول٠صار احمر الون

نكلبت الصوره٠تراب القاروره
دم بيه حروره٠صار اظلم الكون

هلي هلي مشتاكه الكم٠هلي هلي طول سفركم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ظليت الطم فاكده الراي
فكد الغوالي يتعب هواي
بعيوني صارت ظلمه دنياي٠٠٠راحو اهلي

شله بحياته الفكد غالين
اليفكد ابو مثلك يلحسين
يظل منكسر ودموعه بلعين٠٠٠٠٠راحو اهلي

ظليت مكسوره٠ظليت معصوره
اشكد ناذره نذوره٠ابجيت الحنان

الطف ازرعنه٠وبدموعي ارشنه
بجفوفي احط حنه٠وزرع الريحان

هلي هلي مشتاكه الكم٠هلي هلي طول سفركم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم العليله علي خزعل الاسدي

صول وجول ،،، عرض وطول  ملاحظه
    طشر كل كتايبها  شاعره علي عكاب

هـز اللـواك  ،،، يالتنخاك 
    ناس تفض طلايبها  
+-+-+-+-+-+ 
.
خيل بخيل يانوماس  طگها وطشرالعسكر
يامـهوال بالمـيدان   هوس وارتجل واشعر 
ذب رباط ياعباس   خـل روس الزلم تفتر
طب لجيش يامرواح ذرهم يابو فاضل ذر 

يامضخور  ،،،  خلها نحور
وأخذ من الحرب لبها 
صول وجول ،،، عرض وطول 
طشر كل كتايبها 
••~•~•~••~•~•~•• 

صول وجول ياكرار  يالحيل الله بچفوفك 
للميدان طب زعلان  خلي حسينك يشوفك 
لوح الغيم يامغوار  وأكتب عالسمه حروفك 
هذا ليوم يومك حان  گوم وزلزل طفوفك 

صيح بصوت  ،،، سوح الموت 
اتحب سيفي ويحبها 
صول وجول ،،، عرض وطول 
طشر كل كتايبها 
<=<=<=<=<=>=>

يابركان  كـلك  نار  طگ وكربله حرگها 
شيل الگاع بيدك فوگ  وبوجه السمه طبگها 
صدر الماي دوسه بغيض  دوسه ورايتك دگها 
خيط حلوگ شگ حلوگ  خيط وارجع افتگها 

ياعباس  ،،، هاي الناس
 خلها تذب شواربها  
صول وجول ،،، عرض وطول 
طشر كل كتايبها 
©©©©©©©©©© 

ضب عنان مهرك حيل ولسوح الحرايب كد 
والا گـاك خل يحتار يحفر گبره لو يشرد 
ينشد وين من ياصوب كلها مذبحه شينشد 
ماكو حساب ملچ ألموت مايلحگ عليها يعد 

عيد وزيد  ،،، ياصنديد 
واحذف وارجع اكتبها 
صول وجول ،،، عرض وطول
 طشر كل كتايبها 
--------*

صفحه اطيح صفحه تكوم صفحه بلاوعي وتركض 
بس اجساد مامش روس بيها ولا گلب ينبض 
وين تروح خلها تشوف سيفك بالعرض يعرض 
صار بصار خلها تصيح امر ياگـمر وافرض 

ياخو حسين ،،، هاي العين 
ما تعله اعله حاجبها 
صول وجول ،،، عرض وطول 
طشر كل كتايبها 
&+&+&+&+&+&

خادم العباس -ع - 
عـلي عگـاب ألــعمري 

زينب امنصوط زركه امتونه
من عكب عباس حادي اظعونه
٠٠٠٠٠٠٠٠٠٠٠٠٠٠٠٠٠٠٠٠٠٠ر
من عكب عباس شيال العلم
زينب امنصوط شبعانه الم
ماكو عده خيام محتركه الخيم
اشلون كلي اتنام الله ابعونه
٠٠٠٠.    ٠٠٠٠.  ٠٠٠٠.  ٠٠٠٠ر
عل متن بل صوط طكاه النذل
امذبحه الخوان ولمدمع يهل
فوك هاذه الظيم مجتوفه ابحبل
مجتفه بحبال ويشتمونه
٠٠٠٠٠. ٠٠٠٠. ٠٠٠.  ٠٠٠٠. ر
بت علي الكرارهاي ام الخدر
وسفه يا هل ناس يسبيه الشمر
شافت امنظيم نجمات الظهر
شافت النجمات ذني اعيونه
٠٠٠٠٠ ٠٠٠. ٠٠٠٠. ٠٠٠٠. ٠٠٠٠ ر
تنظر العباس راسه اعل رمح
او من تصد لحسين يزداد الجرح
تحجي وي الروس ويطول الشرح
تحجي بل دمعات ويحاجونه
٠٠٠. ٠٠٠٠. ٠٠٠٠. ٠٠٠. ٠٠٠ر
خادم العقيله زينب٠ع٠
علي خزعل الا سدي