Dunyoda ko‘rishni istagan o‘zgarishingizni o'zingiz amalga oshiring

Insonlar mehribon va shirinso'z bo'lishini xohlaysizmi? Oldin o'zingiz yanada mehribonroq bo'ling.

Nima olmoqchi bo'lsangiz shuni bering.
Sizga qanday muomala qilishlarini istasangiz, boshqalarga ham shunday muomala qiling. Odamlar bilan muloqot qilganda mehribon, tushunadigan, hamdard bo‘lish yoki befarq, qo‘pol, mensimasdan yondashishni o'zimiz tanlaymiz. O‘zimiz boshqalarga qanday muomala qilayotganimiz ko‘pincha ularning bizga qanday javob berishini aks ettiradi.

Tasavvur qiling, do‘konda navbatda turibsiz, yangi kassir sekin ishlayabdi. Bu vaziyatda asabiylashish oson, ammo o‘zingiz ularning o‘rnida bo'lganingizda siz ham hayajonlangan va qo‘lidan kelganicha harakat qilayotgan bo'lardingiz. Birgina tabassum va samimiy so‘zlar ko'p narsani hal qiladi. Aksincha, sabrsizlik ko‘rsatish nafaqat ular uchun, balki siz uchun ham kun davomidagi salbiy kayfiyatni yaratishi mumkin.

P/s. Keyingi safar salbiy javob berish istagi paydo bo‘lganda, to‘xtab, "Menga qanday muomala qilishlarini xohlardim?" deb o‘zingizdan so‘rang. Bu kichik burilish, ko'p narsani ijobiy tomonga o'zgartira oladi.
@things_simple

O'qishga qiziqqanlar uchun Tomas Erikson yozgan "Surrounded by idiots" kitobining elektronniy varianti.
Kitob "Ahmoqlar bilan o'ralgan" deb tarjima qilinadi. Bu bilan u "Odamlar xarakterini yaxshi tushunib olmaguningizcha atrofingizdagi hamma ahmoqdek ko'rinishda davom etaveradi" demoqchi bo'lgan.

To'g'ri har bir individual shaxs takrorlanmas xarakterga ega. Ularni bunday kategoriyalarga osongina ajratib qo'yib bo'lmaydi. Buni yozuvchining o'zi ham tan olgan. Lekin odamlar bir-biri bilan muloqot qilganda osonroq tushunishi uchun har xil xulq-atvor egalarini shu yo'l orqali tushuntirishga harakat qilgan.
@things_simple

"Surrounded by idiots" kitobida inson xarakterini 4 xil rang orqali ta'riflaydi.

❤️ Qizil rangdagilar tug'ma liderlar va o'zlari boshqaruvda bo'lishni yoqtirishadi. Ular tez qaror qabul qilishadi, ularni natija va g'alaba qozonish qiziqtiradi. Juda raqobatdoshligidan 6 yoshli bolakayni ham o'yinda yutishni xohlaydi. Boshqaruvchi bo'lishga va boshqalarga nima qilishni buyurishga moyil xarakter egalalari.

? Sariq rangdagilar ilhomlantiruvchi. Ular gapirishni sevadilar. Shuning uchun ham ularni ko'rishdan oldin ovozini eshitasiz. Doim xursand, do'stona va boshqalar kayfiyatini ko'tarib yuradi. Har doim yangicha qiziqarli idealar o'ylab topadi, lekin boshlagan narsasini yakunlab qo'ymaydi, o'ylab topishga ustasi farang, bajarishga emas.

? Yashil rangdagilar sokin va suyansa bo'ladigan. Ular ranglar ichidagi eng tinch, o'zini bosib olgan xarakter egasi. Ularga o'zgarishlar, baxslar yoki kutilmagan syurprizlar yoqmaydi. Tartib va jadval asosida ishlashni yoqtirganidan, kutilmagan o'zgarishlarni eplay olmay qolishi mumkin.

? Ko'k rangdagilar tahlil qiluvchi. Ular boshqalar sezmagan detallarni ham payqashi mumkin va hamma narsa kamchiliksiz bajarilishini xohlaydi, ta'minlaydi. Xato qilishni yomon ko'radi va hamma ishlarini ikki martalab tekshirib ko'zdan kechiradi. Unga 50 betli qo'llanma bersangiz, bir so'zini ham qoldirmay o'rganib chiqadi va aniq tushunganini bilishi uchun qo'shimcha ham so'raydi.

P/s. Men bunga mos kelmayman desangiz, 5% atrofidagi odamlar bitta rangga mos, 80% atrofidagilar 2 xil rang xarakter egalari, qolganlar esa boshqa ranglar aralashuvidagi xarakterga ega bo'lishi mumkin.
@things_simple

**Dunyodagi mashxur 2 ta qonun:

1. Morfi qonuni:
   Biror narsa sodir bo'lishidan qanchalik qo'rqsangiz, shu narsa sodir bo'lish ehtimoli shunchalik yuqori bo'ladi.

Hayotingizda bo'lishi kutilayotgan narsalarga har doim optimist bo'ling. Faqat yaxshi bo'lishini o'ylasangiz, chindan ham yaxshi bo'ladi. Nimadir noto'g'ri bo'lishidan qo'rqib xavotirlansangiz, bu ham xuddi o'ylaganingizdek bo'ladi.

1. Kidlin qonuni:

Agar siz muammoni aniq qilib qog'ozga yozsangiz, uning yarmini hal qilgan bo'lasiz.

Ya'ni, bu orqali siz hatto muammodek ko'rinmagan narsalarni ham muammoligini anglab yetasiz. Yozish jarayonida miya o'z o'zidan muammoni tahlil qiladi va yechimini topshingiz osonlashadi. Muammoni qog'ozga yozmaslik, miyani bu haqida o'ylashga undamaslikdek gap.**@things_simple

Intelektning 9 turi ?

1. Raqamli intelekt ?
Bunday intelektga ega insonlar hamma narsaga raqamlar orqali yondashadi. Hamma narsa ular uchun burchaklar, formulalar, sonlar, sanalar, statistikalar. Ular jumboqlar, boshqotirmalar, krosvordlar bilan ishlashni yaxshi ko'radi.

2. Musiqiy intelekt ?
Ular musiqa asbobini olib tabiiy ravishda qanday chalishni o'rganishga tushib ketishi mumkin. Eshitayotgan musiqani ritmi, ohangini chuqur his qila oladi. Qo'shiq matnini tez esda saqlab qolishi va ohanga oson moslashib kuylashi mumkin.

3. Joylashuvga oid intelekt ?
Bir uyni noldan boshlab dizayn tanlab bezab chiq, deyishsa hamma ham buni xohlamaydi. Lekin shunday odamlar borki, buni o'z o'zidan bajarib qo'yadi va jarayondan mazza qiladi. Bu yerda bu rangdagi soat turishi kerak, u yerga kreslo qo'yish kerak va h.k kabi fikrlar miyasida tabiiy ravishda aylanadi. Kreativ fikrlaydi, nimadir yangilik yaratishga, uyg'unlik kiritishga harakat qiladi.

4. Linguistik intelekt ?
Bu intelekt egalari yozish qobilyati kuchli, gapirayotganda qanday vaziyatga qaysi so'zlar aynan nutqqa tusha olishini yaxshi biladi. Bunday insonlarning yozma va og'zaki nutqini o'qigan, tinglagan odam berilayotgan fikrni bittada tushunib oladi.

5. Kinesetik intelekt ?‍♂
Ya'ni, ta'nani va muskullarni qanday harakatlantirish va bir holatda ushlab turishga aloqador bo'lgan. Bunday intelekt sohiblari raqsga tushganida, yurganida, sport kabilarni bajarganida tabiiy ravishda qoyilmaqom chiqadi. Masalan, kinesetik intelekti yo'q inson 2 yilda o'rgangan tana harakatini, bu intlelektga ega bo'lgan inson 2-3 urinishda ajoyib o'xshata olishi mumkin.

6. Intrapersonal intelekt ?
Hissiyotlarga, ichki sezgilarga bog'liqlik. Bunday intelektga ega insonlar yolg'izdek tuyiladi. Lekin ular uchun hayoti o'zi bilan go'zal. Ularning atrofida odamlar bo'lishi shart emas. O'zlari o'z muammolarini hal qila oladi. Ularni eng yaxshi tushuna oladigan inson ham ularning o'zi.

7. Ijtimoiy intelekt ?
Ya'ni interpersonal intelekt. Ular ko'p do'st orttirishga, odamlar bilan oson kelishib ketishga moyil. Odamlarni bir jamoa qilib to'play oladi. Ular samimiy bo'lishadi va boshqalar ichki emotsiyalarini oson o'qiy olishi mumkin.

8. Naturalistik intelekt ?
Ya'ni, tabiatshunos. Atrof-muhitni borini boricha yaxshi ko'radi va energiya oladi. Quyosh, bulut, mushuk, kuchuk, qush, daryo, sohil, baliq, maysa, yomg'ir, shamol bularning barchasi naturalistik intelekt egasi uchun sevimli narsalar bo'la oladi. Bu intelekt sizda bo'lsa, sayohat qilish, ovchilik yoki fermerlikni siz uchun yoqimli hobby yoki kasb bo'lishi mumkin .

9. Borliq intelekti ?
Bir so'z bilan aytganda falsafa... O'y-xayolida chuqur ma'noga ega savollar ayalanadi: insoniyat nimaga mavjud, tiriklik nima kabi. Faylasuf Aristokrat, Platonlarning qarashlarini o'rganadi va h.k. Bu intelekt egalaridan ajoyib tanqidiy fikrlovchilar chiqadi. (Oq qora bo'lib qora oq bo'lib chiqsa-chi?)
P/s. Qaysi intelekt xususiyatlarini o'zingizda ko'rdingiz?
@things_simple

Xulosa o'zingizdan...

Metroda transport kelishini kutib o'tirgandim. Bir ayol yonimga kelib:
— Assalomu alaykum, kechirasiz... 10 ming so'm pul berolmaysizmi, marshrutkada Kelesga banisaga yetib olishim kerak edi.
— Ho'p mayli. (Sumkamni titdim)
— 15 ming bersangiz ham bo'ladi.
(Hayron bo'ldim)
— Mana oling.
— Rahmat.
Borishim kerak bo'lgan joy kutilmaganda bekor qilindi. Ortga qaytadigan bo'ldim. Ayol metrodan chiqib ketayotgan ekan. Ketayotib shunchaki ortidan kuzatdim. Bankomat oldidagi yigit oldiga ham borib xuddi shu ishni qildi. Men yana hayratda edim. Metrodan chiqishi bilan marshrutkaga, mayli taksiga o'tirsa ham ko'nglim tinchirdi. Lekin u metrodan chiqdi-yu, kiyim do'koniga kirib ketdi.
Juda g'alati his. Har doim ko'chada yordam so'raganlarni chindan ham yordamga muhtojmikin, degan o'y qiynardi. Bu holatdan keyin... Yana o'rtaga sog'liq masalasini aralashtirganiga achindim.

Meni shtraf to'lashdan saqlab qolgan shaxsga katta rahmat??. Insofga kep qoldim endi?
(Kino ko'rgisi keganlar kinoteatrga borurasiz? yoki saytlarga joylanishini kuting?‍?)

#Диққат

⚡️«Жаннат оналар оёғи остида» фильми тармоқларда ўғринча тарқалди. Тарқатганлар 340 миллион сўмгача жаримага тортилади
Фильмни тарқатиш қай даражада қонуний? Агар кишилар бир-бирига шахсий хабарлар орқали жўнатишсачи? Фильмни рухсатсиз тарқатганлик учун қандай жавобгарлик бор ва уни кино ижодкорларнинг аризасисиз ҳам қўллаш мумкинми?

Яқинларга юбориб қўямиз, 340 миллион сўмгача жаримага тортилади.

@Militsiya_Uzb??

Shu paytgacha kinoteatrlarda kino ko'rishdan, uyda yoki boshqa qulay joyda telefon/noutbukda ko'rgan yaxshi derdim.

To'g'ri har doim ham iloji yo'q kinoteatrga borib ko'rishni. Lekin kichkina ekranga tikilib o'tirishdan, u yerdagi katta ekran boshqacha zavq beradi. Yana kinoteatrga borgan odam faqat kino ko'rish uchun boradi. Zalda tolib turgan odamlarga halaqit bermaslik uchun ham ortiqcha harakat qilinmaydi. Butun diqqat kinoda bo'ladi.

Uyda yoki boshqa joyda kino ko'rsangiz kichkina narsalar ham hadeb sizni kinodan chalg'itadi, bu degani butun kinoni his qilolmaysiz, ba'zan aytilgan gaplarni ham eshitmay o'tkazib yuborishingiz, voqea rivojida chalg'ishingiz mumkin.

Birinchi marta kinoteatrga tushishim) Ilk bor kinoteatr zavqini sinab ko'rish uchun, "Jannat onalar oyog'i ostida" kinosini tanlaganimdan xursandman. Ketqizgan vaqtimga achinmiyman.