⚽️ **АНОНС!

? “НАВБАҲОР” ? “НАСАФ” ?**

? |Ўзбекистон Суперлигаси. 18-тур.
? | 14.09.2024 (шанба)
? | “Марказий” стадиони. Наманган 
⌚️| 19:30

1️⃣ Birinchi liga jamoalarining uy o‘yinlariga bu mavsum qancha muxlis tashrif buyurdi? Top-10 ro‘yxat bilan tanishing.

? https://t.me/BirinchiLigaUZB

?? #MilliyJamoa Qirg‘iz Respublikasi bilan o‘zaro 8 bor to‘qnash kelgan va ularning barchasida g‘alaba qozongan.

♻️ Artel | ? Uzcard | ? Coca-Cola | ? BMB | ⚫️ Apex

Эътиборингиз учун раҳмат, азиз мухлислар!

U-19 чемпионати. 13-тур. "Навбаҳор-U-19" - "Пахтакор-U-19" - 0:1
Гол: Абубакир Шукуруллаев (53)..
#Tugadi.

Учрашув якунланди.

Ўзбекистон Суперлигасининг 17-туридан ўрин олган “Сурхон” – “Навбаҳор” (0:1) учрашувидан кейинги матбуот анжуманининг иккинчи қисмида мезбонлар бош мураббийи Февзи Давлетов қатнашди
Қуйида унинг фикрларини эътиборингизга ҳавола этамиз.

Термизликлар устози одатдагидек, ўз сўзини ўйин ҳақидаги фикрлари билан бошлади.

-Жуда аламли тарзда мағлубиятга учрадик. “Навбаҳор”нинг жамоамизга қараганда, тўрт кун кўпроқ дам олгани сезилди. Биз эса “Пахтакор”га қарши қийин учрашув ўтказдик. Бизга ҳаракат етишмади. Қўпол хато голга сабаб бўлди. Агар хато қилсак, ўйинга қайтишимиз қийин бўлар эди. Буни билар эдик. Иккинчи бўлимда ўзгаришлар қилдик, аммо вазият ярата олмадик. Агрессия етишмади. 

- “Андижон”га қарши кечадиган Ўзбекистон кубоги ярим финали доирасидаги баҳс ҳақида фикрингиз?
- Бизни осон бўлмаган беллашув кутиб турибди. Бу ярим финал эканлигини барча жамоа билиб турибди. Ғалаба финал йўлланмасини беради.
- Дарвозабон Дилшод Йўлдошевнинг жароҳати ва унинг амплуадоши Даврон Мергановнинг ҳаракатлари ҳақидаги фикрингиз?
 - Ўйлашимча, сентябрь ойида Йўлдошевнинг масаласи тўлиқ ҳал бўлади. Даврон яхши ўйин ўтказди. Унда ҳеч қандай муаммо йўқ.
"Навбаҳор-лочинлар" канали.

Ўзбекистон Суперлигасининг 17-туридан ўрин олган “Сурхон” – “Навбаҳор” (0:1) учрашувидан кейинги матбуот анжуманининг биринчи қисмида жамоамиз бош мураббийи Сергей Лушан иштирок эти.

Қуйида унинг фикрларини эътиборингизга ҳавола этамиз.

Сергей Иванович одатдагидек, ўз сўзини ўйин ҳақидаги фикрлари билан бошлади.

-Ўйин ва натижадан кўнглим тўлди. Менинг бошқарувимда жамоа илк бор ўз дарвозасидан тўп олиб чиқмади ва биринчи бўлиб, гол урди.

Йигитларга бугун ўзларининг бор маҳоратларини ишга солган ҳолда ҳаракат қилишгани учун раҳмат айтаман. Ҳисоб адолатли бўлди, деб ҳисоблайман.
Таркибимизда номдор ва тажрибали футболчилар бор. Шундай экан, албатта биздан натижа кутилади. Таъкидлаш жоиз, чемпионлик учун кураша оладиган футболчиларимиз бор. Бироқ, биринчи даврада бой берилган очколар, ҳозирга келиб, жамоадаги дуранглар сони 8 та етиши бизга мавсум чемпионлиги ҳақида ўйлашга фурсат қолдирмайди. Бироқ, бўшашмасдан давом этсак, натижа ўзи келади. Бугун дарвозабондан тортиб, ҳужумчигача барча яхши ўйнади.
 - Умид қиламизки, ушбу ғалаба “Пахтакор”га қарши кечадиган Ўзбекистон кубоги ярим финали ўйини олдидан жамоага руҳий далда бўлади?!
- Албатта, ҳозир айнан биз ишлаётган иккинчи аспект руҳий холат билан боғлиқ. Футболчиларимизнинг ўйин даражаси рақибларникидан баланд, бироқ, гол уришга келганда оқсаяпмиз. Нега эканлигини билмайман. Ваҳоланки, машғулотларда мўъжиза кўрсатиб ташлаяпмиз. Йигитлар биринчи даврада керагидан ортиқ ўйинда очко йўқотишгани боис,  чўчиб қолишган. Чемпионлик мақсади қўйилган жамоага ташаббусга эга бўлган холда,  биринчи даврада 7 та дуранг ўйнаши салбий таъсир қилган. Мана шундай оғир учрашувлардан сўнг, барчада руҳий ҳолат яхшиланиб, ўз кучига ишонч пайдо бўлишни бошлайди. Ярим финалдаги ғалаба ўзимизни янада яхшироқ ҳис қилиш имконини беради.

- Бугун рақибни яхши ўрганганингиз ҳақида айтингиз. Абдусаломовни зич зонада қолдириш ҳам режада бормиди?
- Такрорлайман, биз жуда кичик деталларгача ўргандик. Бир ҳафта давомида айнан шу учрашув учун тайёргарлик кўрдик. “Сурхон” шаклланган яхши жамоа. Биз устунликни рақибга топширган ҳолда, иккинчи рақамда ўйнадик. Менимча, натижа адолатли бўлди. Якунда, ҳисобни катталаштиришимиз ҳам мумкин эди. Рақибда 100 фоизлик имконият бўлганини эслай олмайман. Йигитлар бугун ҳимояда ишончли ўйин намойиш этишди.

"Навбаҳор-лочинлар" канали.

Ўзбекистон Суперлигаси.17-тур
“Сурхон” – “Навбаҳор” – 0:1 (0:1)
26 август. Самарқанд. “Динамо” стадиони. 1036 томошабин.  
Ҳакамлар: Акобирхўжа Шукуруллаев, Ҳусниддин Шодмонов, Шавкат Раҳматов, Маъруф Тиллоев.
VAR ҳаками: Аҳрол Рисқуллаев.
AVAR: Хайринисо Эркинова.
Назоратчи: Жаҳонгир Саидов.
Комиссар: Бекзод Арипов.
Гол: Сияваш Ҳақназари (18).
“Сурхон”:86.Даврон Мерганов, 3.Суннатуллоҳ Хамиджонов, 5.Жамалдин Ходжаниязов, 6.Беҳзод Шамсиев, 10.Дмитрий Плетнёв (8.Ҳумоюн Шербўтаев,57), 17.Жаҳонгир Абдусаломов, 19.Муҳаммад Али Абдураҳмонов (11.Абдуғафур Ҳайдаров,57), 23.Егор Кримец, 27.Асилбек Жумаев (77.Асадбек Каримов,73), 66.Бехрўз Шайдулов, 98.Фаррух Икромов (7.Достонбек Турсунов,57).
“Навбаҳор”: 35.Санжар Қувватов, 8.Сияваш Ҳақназари, 9.Одилжон Ҳамробеков, 10.Жамшид Искандеров, 13.Филип Иванович, 14.Жамшид Болтабоев, 21.Гиорги Никабадзе (88.Асадбек Жўрабоев,81), 23.Йован Жокич, 34.Фаррух Сайфиев, 55.Комилжон Тожидинов (12.Саидазамат Мирсаидов, 86), 77.Аброрбек Исмоилов (17.Русланбек Жиянов,75).
Огоҳлантиришлар: А.
Каримов (78) – С.Қувватов (90+1). 

Суперлиганинг 17-туридан ўрин олган баҳсда жамоамиз Самарқандда “Сурхон” (Термиз) меҳмони бўлди.

Термизликлар миллий чемпионатимизнинг сўнгги ўйинларида ғалаба қозониб, айниқса, охирги иккита баҳсда “Андижон” (3:2) ва “Пахтакор” (1:0) жамоаларини мағлубиятга учратган ҳолда, мазкур ўйинга юқори кайфиятда етиб келишганди.
Ҳар икки жамоа турнир жадвалида кетма-кет поғоналарни эгаллаб турган, 30 август санасида эса Ўзбекистон кубоги ярим финали доирасида вакилларимиз “Пахтакор”, “Сурхон” эса “Андижон” меҳмони бўларди.

Шу боис, мазкур учрашувнинг кескин курашлар остида, қизиқарли тарзда кечиши кутилганди ҳамда амалда ҳам шундай бўлди.

Таъкидлаш жоизки, ушбу ўйинга Сергей Лушан шогирдлари жиддий тарзда тайёргарлик кўришгани боис, бутун учрашув давомида ташаббусга эга бўлиб, “учар тулпорлар” дарвозаси олдида кўплаб хавфли вазиятларни юзага келтиришди. Аммо улардан фақат биттасинигина голга айлантира олишди ва мазкур ягона гол вакилларимизга ғалаба келтирди.
“Лочинлар”нинг ушбу голига учрашувнинг 18-дақиқасида жамоамизнинг эронлик тажрибали ярим ҳимоячиси Сияваш Ҳақназари муаллифлик қилди. Ўша вазиятда майдон марказида рақибдан тўпни Комилжон Тожидинов олиб қўйиб, Гиорги Никабадзега етказиб берди. Никабадзе эса катта тезликда рақиб жарима майдончасига яқинлашиб, коптокни ўнг қанотдаги жамоадоши Аброрбек Исмоиловга оширди. Исмоилов термизликлар жарима майдончаси ичига ёриб кирган ҳолда, тўпни дарвозага йўналтирди. Лекин унинг зарбасидан сўнг, копток дарвоза устунига тегиб қайтди. Қайтган тўпни эса Сияваш Ҳақназари дарвозага аниқ йўллади – 0:1.

Айтиш лозимки, мазкур беллашув давомида эронлик ярим ҳимоячида “Сурхон” дарвозасини ишғол этиш учун яна 3-4 та вазиятлар юзага келди. Аммо айрим вазиятларда Ҳақназарининг зарбаларига аниқлик етишмаган бўлса, баъзи ҳолатларда термизликлар дарвозабони Даврон Мерганов ҳамда ҳимоячилар коптокнинг дарвозага киришига йўл қўйишмади.

Натижада таъкидлаганимиздек, ушбу ягона гол жамоамизга ғалаба келтирди ва очколарини 23 тага етказиб олди.
Биз ушбу ютуқ билан жамоамизни табриклаб, вакилларимизга навбатдаги баҳсларда ҳам куч-қувват, омад ва зафарлар ютуқлар бардавом бўлишини тилаймиз.
"Навбаҳор-лочинлар" канали.