HAQIQIY RO‘ZA

Bir necha yigit Ramazon oyida bir mo‘ysafid otaxonning odamlar ko‘zidan pana joyda taom yeyayotganini ko‘rib qolishibdi:
- Iye, Otaxon! Siz ro‘zadormasmidingiz?

Otaxon:
- Nega? Albatta ro‘zadorman. Faqat suv ichib, taom yeyapman, xolos.

Yigitlar qah-qah kulib yuborishibdi:
- Rostdanmi Otaxon?

Otaxon dedi:
• Kimsaga yomon nazar tashlamayman,
• Birovni mazax qilmayman,
• Insonlarni g‘iybat qilmayman,
• Hech kimning ko‘ngliga ozor yetkazmayman,
• Odamlar bilan qo‘pol muomala qilmayman,
• Birovning moliga ko‘z olaytirmayman.
• Lekin... ming afsuski kasalim bor... Oshqozonim kasal. Shunga me’damni ro‘zador qilolmayapman.

So‘ngra otaxon yigitlardan so‘radi:
- Sizlar ham ro‘zadormisizlar, bolalarim?

Yigitlardan biri hijolatdan boshini egib ohista ovozda javob qaytardi:
- Yo‘q! Biz faqat ovqat yemayapmiz, xolos...

©Shams_Tabriziy - Oshiqlarga salom

| Telegram | Instagram | Tik tok |
| Threads | Facebook |

💐💐💐Bayram muborak, aziz ayollar!

Lirik chekinish—Shaxriyor—Farishta ayol

Sadoqat bog'ida ungan chechaklar
Yulduzlar yuzidan tomgan ertaklar
Buloqlar ko'zida kulgan tilaklar
Jannat farishtasi emasmi ayol?

Bog'larga bahorni yetaklab kelgan
Farzandi qoshida oy bo'lib to'lgan
Ilk aytgan qo'shig'i allalar bo'lgan
Jonimiz rishtasi emasmi ayol?

Ko'nglin olmaganim, lo'ppi hilolim
Ming bora kechirgan mening malolim
Ona – nuridiydam, mehri zilolim
Tangrining tuhfasi emasmi ayol?| Telegram | Instagram | Tik tok |
| Threads | Facebook |