ما همداسې نا بينا ګڼه دلبره
لکه ړوند چې وي لړم په دواړو سترګو

کله کله په مونږ داسې ديدن بند کړي
لکه بند چې وي تورخم په دواړو سترګو

ستا تصوير ته مې ويل که دې پکار وي
دا خپل سر به کړم قلم په دواړو سترګو

ګوزاره کوه دلبره غريبي ده
بې له دې که څه لرم په دواړو سترګو

مطيع‌الله تراب

........................???
https://whatsapp.com/channel/0029VaU8QwCGOj9mCnbkjj3j

"ما زندګي تل په خپلې شا روانه کړې ده"
تن کې مې په زوره باندې ساه روانه کړې ده

ستا د تورو زلفو د خوشبو وېش ته يې بيايمه
لاس نه مې له ځان سره هوا روانه کړې ده

ته به د سندرو چم کې کومې ټپې ووايې؟
ما خو د حمزه د شعر نوا روانه کړې ده

نشته دی ارزښت په دغه ښار کې د غميو هېڅ
ولې دې د خپل حُسن سودا روانه کړې ده؟

ځمه د رڼا پر اس د خپلې مينې کلي ته
ځان سره مې تالنده برېښنا روانه کړې ده

را به وړو حيرانه! د ګلونو د خوشبو ډولۍ
موږ د پسرلي کلي ته ورا روانه کړې ده

" ډ. حنیف حیران "

............................✨??
https://whatsapp.com/channel/0029VaU8QwCGOj9mCnbkjj3j

پۀ خواږۀ نظر را وګوري ګلرنګۀ
لکۀ یو لک خرابات راباندې وکړي

وایي زما یې زه دې نۀ ورکوم چاتۀ
یو قسم هم پۀ جومات راباندې وکړي

باران خضر

د حضرت مُحَمَّد ﷺ ستاینه( نعت ):

درود په دِلبر درود په دِلدار درود په جانان مُحَمَّد
نُور مي د سـترګو دى رڼا مي د ايـمان مُحَـــمَّد

د ابوجــهل لښــــکر ګوتي په غـــوږونو کي ږدي
چي خلک حــق ته رابلي په لوړ آذان مُحَــــمَّد

ننګ يې په ذات کي وو په شور د بُت شکن ابراهيم
مات کړل په زړونو کې د کاڼو ټول خدايان مُحَمَّد

د خپلو اوښــــکو او خولو وينــو او درد په بدل
د خپل امت په هره ساه کړى احسان مُحَمَّد

د خداى نه جار شمه څه بل شاني ښايست لري نو
د خداى نه جار شمه مَيين کړمه په ځان مُحَمَّد

ما يو حديث ليده مفهوم يې دى دروېش روښانه
ما يو حديث ليده چې خداى لري جانان مُحَمَّد. "ﷺ"

درویش روښان
•••••••••••••••••••••?•✨•?
https://whatsapp.com/channel/0029VaU8QwCGOj9mCnbkjj3j

غزل
محبتونو نه راتېر شولو
انقلابونو نه راتېر شولو

له غبارونو نه راتېر شولو
له کتابونو نه راتېر شولو

له بېوسۍ مو په زړه لاس کېښود
له ګلابونو نه راتېر شولو

ورک شو په خپله تنهايۍ کې بيا
او له ښارونو نه راتېر شولو

سږکال به خوند له پسرلي واخلو
اذيتونو نه راتېر شولو

اجمله پوه شو د لويۍ په درد
له لويو غرونو نه راتېر شولو

اجمل ښکلی
.......................?✨?
https://whatsapp.com/channel/0029VaU8QwCGOj9mCnbkjj3j

ستا زړه له کرکــې ډک دی او ما غــواړي زوروره
بې مینــې ژوند خو نــه کیږي د مینـې نه منکره

پـه لار کـې یـې بلا خــوري قافــلـې د امیـدونـــو
چـې درومـې بــې هدفـه، بې څاروانه بې رهبـره

هـر ځل چې مې کابل د چا د دار تختې ته خـیژي
رســـۍ ورلـه لـه تـا راوړي نـاځــــوانــه پیـښـوره

اوس مــړې ډیــوې ته کینـه پاپه خپله کلیسا کې
زما یې جومات سوی دی ستا څه حال دی مندره؟

د خپل وطن دردونــه مې په زړه کې میلمانه دي
د مخ پـه چړه مـې بیا راشـه د اوښکـو سمنــدره

بابا احـمد شاهــي دې د افغـان د تاریــخ ویاړ دی
بچـي دې الله هیڅ مه کړه بـې تـورې بـې لښکــره

ستا هــرڅـه مونـږ لیلام کـړه د غلــیم په بازارونو
نـه تخت لري نه تاج شته نـه دې توره او نه زغره

نه څــوک د غزا ډول وهي نـه ستا په لاره درومي
نه خوند په ژوند کې پاتې دی نه خوند کوي سندره

راځــه نــو زمزمـه شـه زړه مــې ستړی دی کاتـبـه
تـا بـیـا غـــــزل لیـکلــی د لفظــونـــو جــادوګــره

کاتب شاه کاتب
.........................?✨❤️
https://whatsapp.com/channel/0029VaU8QwCGOj9mCnbkjj3j

شونډې دې پيکه منګولې يخي دي
دا د بې وفاؤ خلکــــــــو نښې دي

لاس دې پۀ نکريزو باندې سرۀ نۀ دي
دا زما د زړۀ د شـونډو غوښې دي

دود لۀ رقیبان به ورته وسوځي
سترګې د ټول کلي پۀ مونږ ښخې دي

زۀ هم پۀ داغونو زړۀ رنګین لرم
ستا پۀ اننګو کهر نرۍ زخې دي

خپله مې ترخه د ژوند خوړلي دي
تا له مې خوږې ورځې پرېښې دي

دا د کائنـــــات د زړۀ رګــــونه دي
ځکه خو مې ستا خبرې خوښې دي

اوس وايه چې زور د اباسّين منې
دا دي غورځنګونه ستا د مخې دي

" اباسين يوسفزی "
........................♥️??
https://t.me/PashtoPoetry1

غزل

ګرانې په څېره کې دې اثر د ماشومانو دی
دا معصومې سترګې دا نظر د ماشومانو دی

خامه خوله مې واخلې په غزل کې درنه پاتې وي
تا باندې باور خو مې باور د ماشومانو دی

اور د نظرونو راوريږي سترګې پټې کړه
لاره خطرناکه ده خطر د ماشومانو دی

اوس دې په ګلابو په نرګسو مخ مینځلی دی
تا خو ماته وویل چې اختر د ماشومانو دی

هسې موږه پېغلو په ټټر پورې نیولی و
دا لیونی نه دی! دا شرر د ماشومانو دی

" شرر ساپي "
............................??
https://t.me/PashtoPoetry1

د چینل ټولو ګډونوالو ته د کوچني اختر مبارکي وایو؛
الله دي وکړي، په خوښۍ او نیکمرغۍ درباندي تیر شي.

♥️?☘

غزل

د چا خوږو خوږو خیالونو کې یم
ګډه په باغ د امیدونو کې یم

څه د بد ذوقو ښاریه کې اوسم
د خپل احساس اذیتونو کې یم

زنده ګۍ شور دې زندۍ شوی بیخي
د خاموشۍ بدو وهمونو کې یم

د زړه له زخمه مې وجود خوږیږي
د سترګو فعله! په اورونو کې یم

یمه ملاله شرابڼه نجلۍ
چا ته توې شوې په جامونو کې یم

" ملاله کلیواله "

............................??♥️
https://t.me/PashtoPoetry1