څادر مې نشته او ساړه بې وسې نه پیژني!
مورې مرغۍ شمه بڼې وکړم، که څه وکړمه؟

~صعود

د ژمي او ساړه موسم په را رسیدو د خپلو ګاونډیو بېوزلو احوال واخلیٔ، د پوښاک هغه توکې چې تاسې یې نه کاروﺉ دوی ته یې تحفه کړﺉ، رب به یې ډیر لوی بدل درکړي.
حیران د دې زمانې انسانانو ته یم چې ګاونډ کې څوک وچه ګوله نلري چې و یې خورې خو دوی په لکونو پيسې په شوقیانه بنډار، قمار، او نورو عیاشیو کې مصرَفوي.
ګاونډی به یې په ورځو، ورځو د خواړو څکه نه وي کړې خو د ده به په سترخوان د کبابونو او بیلابیلو خواړو د اېښودلو ځای نه وي.
ربه! اشرف‌المخلوقات انسان ولې دومره بې‌اِحساسه شو؟
😭

کوم اشخاص چې د نورو عیبونه لټوي، په واقعیت کې د خپلو باطني کمزوریو نسبت نورو ته کوي.

پند | 📖👤🧠 | ح. نورمل

بېل‌ګېټس د نړۍ لوی شتمن دی.

دی یو چا وپوښت:
له ځان نه زیات بل شتمن پېژنې؟
بل ګېټس: هو!
کلونه وړاندې د نیویارک په هوایي ډګر کې مې په یوه مجله سترګې ولګېدې.
پښتۍ او مضامین یې په زړه پوري ول،
ومې غوښتل چې مجله را نیسم، جیب ته مې لاس کړ ماتې پېسې نه وې.
له اخیستو یې تېر شوم.
تور پوستي هلک را غږ کړ: در وا یې خله.
ما ورته کړل چی زه خو ماتې پېسې نه لرم.
هلک: در وا یې خله، مجله مې در وبخښله...
درې میاشتې وروسته په هماغه ډګر کې مې په یوه ورځپاڼه سترګې ولګېدې، مطالب یې په زړه پوري ول؛
جېب ته مې لاس کړ چې بیا پېسې نه وې او روان شوم.
هلک غږ کړ: ورځپاڼه پورته کړه ستا شوه!
ما ورته کړل چې ماشومه! هر چا سره چې ماتې نه وي، نو ته یې ورته همداسې وړیا بخښې؟!
ماشوم: هو چې زړه مې وغواړي بخښم یې. له خپلې شخصي ګټې یې پېسې پرېکوم.
کلونه مې ذهن په دې مشغول و چې دا ماشوم دا کار د کوم احساس له مخې کوي؟
پوره ۱۹ کاله وروسته له مایکروسافټ سره د قدرت اوج ته ورسېدم.
پرېکړه مې وکړه ترڅو د یاد ماشوم نیکي ور جبران کړم؛ امر مې وکړ چې هر ډول کېږي تور پوستې هلک را پېدا کړئ.
وروسته له یوې نیمې میاشتې اطلاع راغله چې یاد تور پوستې چې اوس ۳۲ کلن ځوان دی د تئاتر او سینما په یوه سالون کې کار کوي، نو خپل شرکت ته مې را وغوښت.
پوښتنه مې وکړه: ما پېژنې؟
هلک: هو، بل ګېټس خو ټوله نړئ پېژني، ما ورته د ورځپاڼې کیسه وکړه چې هغه دې یاده ده؟
هلک: هو، هغه زما طبیعي او د زړه احساس و.
ګېټس: غواړم ستا هغه نیکي او محبت چې ما سره دې کړی جبران یې کړم.
هلک: هغه څنګه؟
ګېټس: هر څه چې وغواړې در کوم یې.
تور پوستی هلک په خندا شو: هر څه چې وغواړم را کوی یې؟
ګېټس: هو، هرڅه چې وغواړې.
ما ۵۰ افریقایي هیوادونو ته قرضه ور کړې، نو که ته وغواړې د هغو ټولو هومره پېسې درکوم.
هلک: ښاغلی ګېټس، تاسې زما احسان نشئ جبرانولی.
ګېټس: نه یې شم جبرانولای؟ دا څه وایې؟
هلک: ما د خپلې بېوسې په اوج کې تاته یو څه در بخښلي خو ته یې د شتمن کېدو په اوج کې را بخښې.
دا هېڅ د پرتلې وړ حالت ندی او نه هم کوم څه جبرانولای شي. همدا مهرباني او احساس دې کافي دی.
تر اوسه همدا فکر کوم چې له دغه تور پوستي ۳۲ کلن هلک پرته بل هېڅوک له ما زیات سرمایه دار ندی....
بخښنه او ورکړه د عشق تر ټولو غوره لار ده.

حقیقي شتمني | 📖🧠 | پند

ما همداسې نا بينا ګڼه دلبره
لکه ړوند چې وي لړم په دواړو سترګو

کله کله په مونږ داسې ديدن بند کړي
لکه بند چې وي تورخم په دواړو سترګو

ستا تصوير ته مې ويل که دې پکار وي
دا خپل سر به کړم قلم په دواړو سترګو

ګوزاره کوه دلبره غريبي ده
بې له دې که څه لرم په دواړو سترګو

مطيع‌الله تراب

........................???
https://whatsapp.com/channel/0029VaU8QwCGOj9mCnbkjj3j

"ما زندګي تل په خپلې شا روانه کړې ده"
تن کې مې په زوره باندې ساه روانه کړې ده

ستا د تورو زلفو د خوشبو وېش ته يې بيايمه
لاس نه مې له ځان سره هوا روانه کړې ده

ته به د سندرو چم کې کومې ټپې ووايې؟
ما خو د حمزه د شعر نوا روانه کړې ده

نشته دی ارزښت په دغه ښار کې د غميو هېڅ
ولې دې د خپل حُسن سودا روانه کړې ده؟

ځمه د رڼا پر اس د خپلې مينې کلي ته
ځان سره مې تالنده برېښنا روانه کړې ده

را به وړو حيرانه! د ګلونو د خوشبو ډولۍ
موږ د پسرلي کلي ته ورا روانه کړې ده

" ډ. حنیف حیران "

............................✨??
https://whatsapp.com/channel/0029VaU8QwCGOj9mCnbkjj3j

پۀ خواږۀ نظر را وګوري ګلرنګۀ
لکۀ یو لک خرابات راباندې وکړي

وایي زما یې زه دې نۀ ورکوم چاتۀ
یو قسم هم پۀ جومات راباندې وکړي

باران خضر

د حضرت مُحَمَّد ﷺ ستاینه( نعت ):

درود په دِلبر درود په دِلدار درود په جانان مُحَمَّد
نُور مي د سـترګو دى رڼا مي د ايـمان مُحَـــمَّد

د ابوجــهل لښــــکر ګوتي په غـــوږونو کي ږدي
چي خلک حــق ته رابلي په لوړ آذان مُحَــــمَّد

ننګ يې په ذات کي وو په شور د بُت شکن ابراهيم
مات کړل په زړونو کې د کاڼو ټول خدايان مُحَمَّد

د خپلو اوښــــکو او خولو وينــو او درد په بدل
د خپل امت په هره ساه کړى احسان مُحَمَّد

د خداى نه جار شمه څه بل شاني ښايست لري نو
د خداى نه جار شمه مَيين کړمه په ځان مُحَمَّد

ما يو حديث ليده مفهوم يې دى دروېش روښانه
ما يو حديث ليده چې خداى لري جانان مُحَمَّد. "ﷺ"

درویش روښان
•••••••••••••••••••••?•✨•?
https://whatsapp.com/channel/0029VaU8QwCGOj9mCnbkjj3j

غزل
محبتونو نه راتېر شولو
انقلابونو نه راتېر شولو

له غبارونو نه راتېر شولو
له کتابونو نه راتېر شولو

له بېوسۍ مو په زړه لاس کېښود
له ګلابونو نه راتېر شولو

ورک شو په خپله تنهايۍ کې بيا
او له ښارونو نه راتېر شولو

سږکال به خوند له پسرلي واخلو
اذيتونو نه راتېر شولو

اجمله پوه شو د لويۍ په درد
له لويو غرونو نه راتېر شولو

اجمل ښکلی
.......................?✨?
https://whatsapp.com/channel/0029VaU8QwCGOj9mCnbkjj3j

ستا زړه له کرکــې ډک دی او ما غــواړي زوروره
بې مینــې ژوند خو نــه کیږي د مینـې نه منکره

پـه لار کـې یـې بلا خــوري قافــلـې د امیـدونـــو
چـې درومـې بــې هدفـه، بې څاروانه بې رهبـره

هـر ځل چې مې کابل د چا د دار تختې ته خـیژي
رســـۍ ورلـه لـه تـا راوړي نـاځــــوانــه پیـښـوره

اوس مــړې ډیــوې ته کینـه پاپه خپله کلیسا کې
زما یې جومات سوی دی ستا څه حال دی مندره؟

د خپل وطن دردونــه مې په زړه کې میلمانه دي
د مخ پـه چړه مـې بیا راشـه د اوښکـو سمنــدره

بابا احـمد شاهــي دې د افغـان د تاریــخ ویاړ دی
بچـي دې الله هیڅ مه کړه بـې تـورې بـې لښکــره

ستا هــرڅـه مونـږ لیلام کـړه د غلــیم په بازارونو
نـه تخت لري نه تاج شته نـه دې توره او نه زغره

نه څــوک د غزا ډول وهي نـه ستا په لاره درومي
نه خوند په ژوند کې پاتې دی نه خوند کوي سندره

راځــه نــو زمزمـه شـه زړه مــې ستړی دی کاتـبـه
تـا بـیـا غـــــزل لیـکلــی د لفظــونـــو جــادوګــره

کاتب شاه کاتب
.........................?✨❤️
https://whatsapp.com/channel/0029VaU8QwCGOj9mCnbkjj3j

شونډې دې پيکه منګولې يخي دي
دا د بې وفاؤ خلکــــــــو نښې دي

لاس دې پۀ نکريزو باندې سرۀ نۀ دي
دا زما د زړۀ د شـونډو غوښې دي

دود لۀ رقیبان به ورته وسوځي
سترګې د ټول کلي پۀ مونږ ښخې دي

زۀ هم پۀ داغونو زړۀ رنګین لرم
ستا پۀ اننګو کهر نرۍ زخې دي

خپله مې ترخه د ژوند خوړلي دي
تا له مې خوږې ورځې پرېښې دي

دا د کائنـــــات د زړۀ رګــــونه دي
ځکه خو مې ستا خبرې خوښې دي

اوس وايه چې زور د اباسّين منې
دا دي غورځنګونه ستا د مخې دي

" اباسين يوسفزی "
........................♥️??
https://t.me/PashtoPoetry1