هي من كد ماتغار مني وخاصه لان هي مايصير عدها اطفال قررت تنهي حياتي او على الاقل اكون لا حول ولا قوه
جمانه السعيدي
راح بابا قدم بيه بلاغ الشرطه اول ما لزموها نكرت بس بعدين قدمنا كل الادله
حتى الاكل كنا محتفضين بي اخذو للتحليل
حكمو عليه بلسجن سبع سنوات
بعدها ابوي طلكه
مجرمه ماكو بكلبه رحمه تشوفني اموت كل يوم كدام عيونه ومارحمت حالي ابد
مع اني جنت احبه
رجع اخذني اتعالج الحمد لله صرت احسن بس ماكدرو يعالجون سلس البول
اني بلنهار تمام بس بليل مااكدر اسيطر على نفسي

علا...دنك مسح دموعه وبعدين وكف مالتفت عليه خاف اشوف نضرة الانكسار بعينه
واثق...هاي قصتي وانتي هسه الج الخيار اذا تعوفيني مراح االومج ابد
من حقج ترتبطين بواحد يتمتع بصحه وقوه احسن مني

عافني وطلع واني كمت ابجي بلزايد صعب كلش صعب عليه اعوفه اني احبه ومتعلقه بي
بقيت كاعده بغرفتي وابجي سمعته كام يكسر بلغراض بذيج الغرفه
كمت طلعت لكيته يشيل بلغراض ويكسر
قربت علي حضنته واني ابجي
علا...لا فدوه لا لا تسوي هيج اني احبك ومااكدر اعوفك
واكف ويلهث من العصبيه
واثق...عوفيني عوفيني اني فاشل اني مااستحق اعيش
رجال شكبرني وعاجز يحجي ودموعه تطفر من عيونه منا ومنا
علا...حضنته حيل لا انت موعاجز انت رجال كامل وماناقصك شي انت احسن شي صار بحياتي فدوه لا تسوي هيج جاي تخوفني بلزايد
حسيت كلبي من الخوف كام يدك بلعومي وصخنت بلزايد
ماحسيت على نفسي اله واني بلمستشفى وواثق كاعد بصفي ولا زم ايدي
علا...اني وين
واثق....بلمستشفى وكعتي وجبتج حرارتج جان حيل مرتفعه
راح نص حيلي من شفتج وكعتي
علا....اريد مي عطشانه
واثق...اي بسبب الصخونه
جاب مي كعدني خلاني بحضنه وشربني مي
خله ايده على كصتي
واثق...الحمد لله حرارتج نزلت
جمانه السعيدي
علا....لا تعوفني واثق ابد لا تعوفني اني مااسوه شي بدونك اسفه إذا ضوجتك ماجنت فاهمه السالفه
واثق...اني الي بعمري مااكدر استغني عنج ابد خفت تعوفيني من عرفتي قصتي كمت اكسر بلغراض من حركة كلبي
اسف لان وكعتي بسببي
علا...لا تتاسف بعمري مراح اعوفك انت مالك ذنب بكلشي صار

رجعنا البيتنا ومحد عرف للي صار غيري اني ويااا
بعدها بطل واثق ينام بلغرفه الثانيه ينام يمي بس اكيد يلبس حفاضه
٣ سنوات واحنا بدون اطفال بدينا نراجع بااحسن المراكز
كل الدكاتره اكدووو صعب الحمل لان الحيامل ضعيفه
ومستحيل تلقح البيضه كل هذا بسبب مضاعفات المرض
القديم عنده
بعدين قررنا نسوي طفل انابيب اكو دكتور شاطر
أكد النا ممكن يستخرج الحيمل ويقوي ويتم القاح خارج الرحم قررنا نجازف واذا مقسوم النا شي يصير
فعلا تم اللقاح لقحنا ٣ اجنه خاف واحد يموت يبقون البقيه فعلا وواحد مانجح وثنيين نحجو الحمل كان بايام كورونا وواثق النهار كله يعقم بلبيت والاكل يخاف عليه
ويرفض زيارة اي احد يخاف من العدوه
حتى امي ماتجيني احجي وياها كامره الحد ماكمل الحمل
بس خلصت تسع أشهر واني نايمه
اخاف يصير عندي اسقاط
رب العالمين لطف بحالنا
وتم الحمل ولله اعتبرها معجزه من رب العالمين
رب العالمين ماحب بكسر خاطر واثق ورزقه من أوسع الابواب الحمد لله هسه عدنا ولد وبنيه
مومل ورياحين الف الحمد لله والشكر

لا تغركم المضاهر ليس كل مايلمع ذهب
اكيد مااقصد البطل اقصد الحياة بشكل عام
دمتم سالمين

ليلة زفافي
البارت السابع والاخيرررر
جمانه السعيدي

بس احب أوضح البعض البنات الي كالو مافهمنا شنو المرض
علا من فتحت العلاكه لكت حفاظ مال كبار السن وهنا عرفت هو عنده سلس بول ومن فتحت الكنتور لكت بي حفاضات واثق ضامهن وقافل الكنتور خاف علا تشوفهن
للتوضيح فقط
نرجع القصتنا

واثق...اني كنت الزغير والمددل بلعائله مدلل من الكل وخاصه ابوي لان اجيت ورا ثنيين بنات
صحتي تمام ومااعاني من اي شي امي تكول قبل السنه كمت ماتريد الحفاظ وتخبص الدنيا اذا انحصرت اشتريتلك قعاده مال اطفال تكعد بيه
ابوي جان صاحب املاك عندا بمكان الشركه ثنيين وبمكان البيت اربعه الحد لمن صار عمري ٩ سنوات امي تمرضت
مرض خبيث كان منتشر بجسمه واحنا مانعرف
شكد حاولنا نعااجه بس الموضوع صعب الوقت فات
توفت امي وعافت فراغ جبير بحياتنا محد يكدر يسده
بعد سنه من وفاته ابوي قرر يزوج وحده تعرف عليه بشغله جمانه السعيدي
اخواتي ماقبلن بهذا الزواج بس هي لزكة الابوي لزكه
لان عنده فلوس
اخواتي الاخر لحظه كانن رافظات هذا الزواج
بس ابوي صمم عليها اخواتي ثنيبنهن عافن البيت وراحن يعيشن بيت خالي بقيت بس اني اني حيل متعلق بابوي ماكدرت اعوفه

علا...العرك يصب من وجها وكل شويه يمسح وجهه وصوته وهو يحجي بي عبره وكانما يريد يبجي بس يستحي

واثق...المهم ابوي مااهتم المعارضة خواتي للزواج عافهن بيت خالي وازوج بس يدزلهن مصرف كل راس شهر وإذا يحتاجن شي يتصلن بي ويدزلهن فلوس
طبعا هنا هسه مزوجات ولد خالي الي كانن ساكنات عدهم
بقيت بس اني بلبيت
جمانه السعيدي
زوجة ابوي هلكد ماشافت ابوي متعلق بيه ويدور رضاي
ومايقبل عليه اي شي
رغم هو مامقصر وياها ابد مدلله دلال مامعقول
بدت تغار من معاملة ابوي اليه
حاولت شكد تحرضه عليه حتى يطردني ورا خواتي بس
هو كان يكول واثق خط احمر انتي اطلعين من البيت وهو مايطلع
اني بس واثق طلعت بي من هاي الدنيا
زاد حقدها عليه وخاصة من طلعت عاقر مايصير عدها اطفال رغم ابوي كان يطمنه دائما ويكول عادي اني عندي اطفال مااريد
هاي الكلمه زودت نار الغيره والحقد بكلبه عليه
هلمره بطلت الحرب العلنيه بدت وياي الحرب البارده

حولت كل تعامله وياي كامت تعاملني احسن معامله حتى اطمن اله وابوي هم كان فرحان بتعامله وياي
وتغير اسلوبه
جمانه السعيدي
علا....رفع راسه حسيته اختنك لان اذكر الماضي
مسح عيونه ورجع يحجي مره ثانيه

واثق...بعد ماعدلت اسلوبه وياي اني تمرضت فجئه
وبدون سبب بحيث انتهيت
وهي الي كانت اداريني تطبخ وتغسل وتبدل وتبجي عليه كدام ابوي
ابوي تخبل عليه ماكو دكتور بلعراق مااخذني اله
محد عرف اني من شنو اعاني
المشكله شكد اخذ علاج بدون فايده
كل دكتور اروحله يتعجب من حالتي محد يعرف اني من شنو اعاني وليش مجاي اتحسن
ابوي عاف شغله وبس كاعد كبالي وببجي عليه باع واحد من البيوت وطلعنا للهند
على العلاج اتسحنت هناك
بس رجعت للعراق رجعت انتكست حالتي
رجع ابوي باع الشركه وطلعني اللمانيه حتى اتعالج صرت احسن بس رجعت للعراق انتكست حالتي
كل الدكاتره متعجبين مني
صرت هزيل وجسمي كلش ضعيف بلكوه اوكف على حيلي
ابوي تخبل
كبر الف سنه من شاف حالتي
سنه كامله واحنا بس للمستشفيات والدكاتره
بدون فايده
الحد ماوصل ببه الحال ادعي على نفسي بلموت
لان تعذبت واهلي تعذبو وياي
الي ان يوم كنت كلش عطشان صحت اريد مي محد يمي
واني هم مااكدر اصيح بصوت عالي
كمت لزمت الحايط وامشي على كيف
الحد ماوصلت للمطبخ
شفت زوجت ابوي طلعت جيس وخلت على الاكل مالتي
تخلي وتحرك الاكل حتى مايبين
ساعته عرفت هي الي جاي تخليني اتمرض
شفته وين خلت الجيس رجعت امشي على كيف
من الصدمه مااكدر امشي وخفت منه حيل
جابت الاكل وكالت اكل

واثق...مااشتهي
...لا شنو ماتشتهي لازم تاكل اني اوكلك
واثق..جنت كلش خايف منه كتله عوفي الاكل اني هسه اكل
عافت الاكل وهي مطمنه اني راح اكل
دخلت تسبح بلحمام
شويه واجا ابوي
شاف الاكل
بابا...هاا بابا ليش ماتاكل لو تريد شي ثاني
واثق...اني عرفت ليش مريض وما تتحسن حالتي
بابا...ليش
واثق...انعام جاي تخلي شي بلاكل وهو الي مرضني
بابا...ليش بابا تحجي هيج مو هي الخادمتك
واثق...روح افتح الكاونتر اول خانه على اليمين فوك
تلكه جيس زغير هو هذا الي تخلي منه بلاكل
خلته ورا علب البهارات
راسا ابوي راح وجاب الجيس
هو هذا سئلني رديت علي اي هو هذا
أخذه وطلع كبل
الشغله مال عطارين مو شغلة سحر
راح سئل عنه
كل العطارين أكدو هذا ينهي الاعصاب ويحطمه
رجع للبيت لزم زوجته موته كتل
ابوي...احجي حيوانه ليش هيج تسوين اني بيش قصرت وياج ودمرين حياة هذا المسكبن
بلبدايه نكرت بس بعدين اعترفت

تقريبا نص ساعه ووصل
دخل كله لهفه عليه يمشي بسرعه
دخل للغرفه
واثق...هااا حبيبتي سلامتج
دنك عليه باسني براسي ولزم وجهي مصخنه
كلش مصخنه
كومي اخذج للمستشفى لو اخذج للعياده كبل
يوجعك شي
علا...اي يوجعني كلبي
واثق...الله يستر كلبج من يمته بوجعج
علا...رجعت ليوره وعدلت كعدتي من زمان من يوم عرفتك
واثق...نزلت حواجبي انتي بيج شي شنو من يوم عرفتيني يعني
علا...انت تعرف اني احبك
واثق...ياروحي واني اموت عليج
علا...وليش ضميت عليه هيج موضوع

راسا كعد على الجربايه وكال اي موضوع تقصدين
علا...انت تعرف أي موضوع احجي عنه
واثق...لا مااعرف
جمانه السعيدي
بين علي الارتباك والخوف ووجهه صار اصفر

علا....اني اليوم طلعت وشفت شنو الشي الي تشمره كل يوم بلحاويه ليش اني مااعرف
اعتقد من حقي اعرف هذا الشي قبل الزواج

راسا دنك ولزم راسه بثنتين ادي
علا...لا تسكت احجي اني من البارحه مانايمه ومصخنه
احس جسمي كله يوجعني من الصدمه
ليش اني مو من حقي اعرف
ليش ضحكت عليه

بقه ساكت ومدنك
علا...احجي اريد مبرر اريد اعرف ليش صحكت عليه
ليش ماحجيت من الاول
اخذتني بلسانك الحلو واللبس الكشخه والفلوس
وانت عندك مرض مثل هذا واني ماادري
ترا الثقه بالعلاقه الزوجيه اهم من الفلوس

سمعته تحسر بعدين نزلت دمعه من عينه مسحه
علا...احجي اني بدون نوم وبدون اكل وعقلي يجيب ويودي اريد اعرف ليش ماحجيتلي
اعتقد من حقي اختار اقبل بهذا الزواج لو لا
من اول ليلة بعرسي واني عندي شك بس ماعندي تفسير
وكلما اسئلك تتهرب مني
حتى كمت اشك بنفسي كلت ايجوز تندم على زواجنا
او اكتشف شي بيه ماعجبه

قاطعني وكال اسكتي ممكن تسكتين
علا...سكتت انت احجي اسمعك

نزع الستره وفتح دكم القميص وكام يفرك بلحيته بايده بعصبيه
واثق...اني اعترف بغلطي اسف المفروض تعرفين بهذا الموضوع قبل زواجنا
بس اني جنت رافض الزواج ومااريد ازوج نهائيا حتى لا انحط بهيج موقف صعب
بس خواتي مايقبلن يعوفني بحالي يلحن اله تتزوج
ولمن اختارنج حسيت هذا الاختيار موفق
حسيتج قريبه على روحي خفت احجيليج الحقيقه
وتعوفيني لان اني اقسم بلله احبج
وعمري ماحبيت وحده بكد ماحبيتج
اول وحده خطبته وفاتحته بهذا الموضوع رفضتني

من بعدها رفضت الزواج الحد مااخواتي اختارنج اليه
اني عندي تبول لا ارادي وهذا الشي صار وياي
بعمر عشر سنوات
تمرضت وأثر المرض صار عندي هذا السلس
على حجيج
شخصيه وهيبه والناس كله تحترمني
وعندي فلوس
بس ماكدرت اعالج هذا المرض
واني هسه راح احجيلج شلون صار عندي هذا المرض
بعمر عشر سنوات

من اكمل كلامي ساعته انتي اختاري اما تكملين وياي
وتحفضين سري
او اطلعين من حياتي وتاخذين كل حقوقج
وهم اريدج تحفظين سري الخاطر العشره الي بينا
اعتقد اني أكرمتج وماقصرت وياج
واستحق تحفظين سري بلمقابل

هسه راح احجيلج قصتي

للحكايه بقيه اتمنى ماتخلون سمايل ضحك لان
احنا مانعرف شنو الامراض او المواقف الي ممكن نتعرض اله
واحترام المشاعر صاحبت القصه

ليلة زفافي
البارت السادس
جمانه السعيدي

علا....مااعرف السر الي ورا شنووو بس مستحيل اسكت لازم اعرف شنو القصه

كعدت افكر واخطط شلون راح اعرف شنو الي ورا وليش
هلكد متمسك بلبيت ومايقبل يطلع
وشنو هذا الشي الي جاي يشمره برا
وليش من الفجر
لان الشارع فارغ بهيج وقت لو لان اني نايمه
اذا مااعرف يمكن انجلط لازم اعرف شنو اكو ورا

قررت اخلي خطه حتى اعرف شنو هذا الشي الي جاي يشمره من الصبح

بليل ضميت كل العلاليك خليت بس علاكه وحده بلمجر
وصبغته بصبغ اضافر من جوه
صبغ قليل مايبين حتى إذا خله بيه شي اعرفه شنووو
هذا الشي

حاولت اكون طبيعيه كد مااكدر مااريده يشك بتصرفاتي
بس ماكدرت انام بليل من كد التفكير الزايد
عقلي اشتغل منبه مايقبل ينام
وهاي اليله صارت أطول ليله مرت عليه بحياتي
اكلب بلموبايل بس فكري كله يم واثق شنو الشي الي مايرردني اعرفه

حقيقتا للصبح ماكدرت انام عبالك فلفل بعيوني
منا لمن سمعته كعد بقيت بغرفتي
فتحت الباب شفته طلع وبيده العلاكه رحت امشي على كيف
باوعت من الباب ورا شفته خلاها بلحاويه مالت الشارع
راسا رجعت الغرفتي وسويت نفسي نايمه
هو مايطلع من الصبح الساعه بلتسعه اله يطلع
تمددت انتضره يطلع لان سهرانه غفيت ماادري بنفسي
فزيت من النوم
الساعه عشره ونص راسا طفرت تكرمون لبست شحاطه
ولفيت شعري
طلعت للمطبخ عندي جفوف بلاستك لبستهن حتى ادور بلحاويه براحتي

جمانه السعيدي

طلعت للشارع وصلت للحاويه ناس تكرمون شامربن
زباله
وخرت الزباله واخرت العلاليك نفسي كامت تلعب من الربحه
بس ابد مراح ارجع اله اعرف شنو الشي الي يشمره كل يوم
وأثق
بقيت اكلب الحد مالكبت علاقتي بيه صبغ اضافر احمر
سحبته ثكيله
ابتعدت عن الحاويه وفتحته كانت الصدمه الي مامتوقعته
بقيت بمكاني
احس رجليه انشلت
مااكدر اتحرك
فقدت الاحساس حتى ريحة الحاويه الي ماتطاق
كمت مااشم الريحه
واكفه من الصدمه ومااعرف اتصرف
رجليه شثكل الوحده مااكدر احركهن

بعدين شفت الناس الي جاي تعبر كله تباوع عليه
رجعت العلاكه للحاويه ونزعت الجفوف شمرتهن بلحاويه
ورجعت للبيت
لا ابد ماجاي اصدك مومعقول الي شفته
مستحيل
هسه عرفت ليش شارد مني ليش مايقبل ينام وياي بنفس الغرفه
ليش مايقبل نسافر
ليش ماقبل ليلة زواجنا تكون بلفندق
ليش يرتبك أثناء العلاقه
ليش يتهرب مني ومايقرب عليه
جمانه السعيدي
ضجت احس الحراره كامت تطلع من راسي ليش هيج
ليش ماصارحني من البدايه
ليش ماكال اني مريض

معقوله كل هذا الاهتمام بيه حتى يداري ضعفه ومرضه
بس الزواج شراكه العمر كله
المفروض يحجيلي
وبنطيني وقت افكر واني اختار اكمل وياا لو مااكمل
هذا يسمونه غش
ياترى لو اني بمكانه وضامه علي هذا السر الخطير
راح يغفرلي
يسامحني يقبل بيه بهذا وضعي

عيوني كامت تحركني هم قلت نوم وهم قهر وصدمه
اكبر صدمه اتعرضت اله بحياتي
رجعت كعدت بغرفتي
مااعرف اتصرف مااعرف شراح اسوي
اواجه لازم أواجه واعرف الحقيقه شنووو
مو من حقه يضم عليه هيج شغله

ياترى بعد شنو ضام عليه الكنتور شنو ضام بلكنتور
ياربي شلون خاف يطلع مجرم واني ماادري
كلشي اتوقع بعد هاي الصدمه

طلعت من غرفتي اخذت سجينه ورحت لازم افتح الكنتور
اربد اشوف شنو اكو بداخله
وليش مقفول طول الوقت

بقيت احاول اكثر من ساعه اصبعي انجرح ربطته ورجعت احاول
منا لمن انفتح
اكيد القفل خرب يله كدرت افتح الباب

باوعت صدك جذب يعني كلشي شفته حقيقه
مو حلم
مااعرف اكول علي مسكين
لو شيطان ليش ضام عليه اكيد احنا عايشين بنفس البيت
واذا مو اليوم باجر راح اعرف حقيقته
إلى متى راح يبقى ضام عليه

عفت الكنتور مفتوح وطلعت كعدت بغرفتي انتضره
اليوم لا سبحت ولا نضفت ولا طبخت
احس نفسي مريضه
استغفر الله ربي واتوب اليه
صدك الناس مضاهر معقوله واثق غشني بمضهره وفلوسه
وكشخته
بس واثق كلبه طيب ويحبني اني اعرف هو يحبني
بلعكس يعاملني احلى معامله
ليش ضم عليه
ليش ماصارحني بلحقيقه

بقيت بمكاني لا اكدر انام ولا اكدر اهدء ولا اكدر احجي الاي احد اريد اسمعه بلبدايه
اريده يبررلي اريد اسمعه شراح يكول
تمددت وتغطيت احس جسمي نار ومشتعله
يمكن صخنت

بقيت مدده وكل شويه عيني على الساعه
هو يعرف اني ابقى نايمه
الساعه ثنتين لو تلاته يله يتصل عليه

الساعه بتلاثه اتصل بلبدايه مارديت

رجع الساعه ٣ ونص اتصل مارديت ضل يتصل
اتصل اكثر من خمس مرات
رديت علي طلع صوتي عبالك مبحوح
واثق...هااا حبيبتي شبي صوتج تعبانه مريضه
علا....سكتت وبعدين كتله اي مريضه
واثق...هسه جاي اخذج للطبيب ليش لسه مااتصلتي عليه
كل شويه اتصل وماتردين
علا...تجي هسه
واثق...اي اجيت دقايق واني يمج
جمانه السعيدي
علا ...سديت التليفون وبقيت على نفس وضعي مدده

مايقبل نسافر يكول ماتكدر اعوف شغلي واسافر
امي...اسبوع واحد غيرو جووو
علا...اليوم احجي وياا بلكت يوافق اني كلش محتاجه سفره حتى تتغير نفسيتي

من رجعت من اهلي

انتضرته لمن اجا كعد على الكرسي
اجيت كعدت بحضنه
علا...عندي طلب
واثق...كولي عيوني انتي
علا...اني مو اطلبك سفره مال شهر العسل

حسيته ضاج جان حاضني حيل شويه بعد جسمه عني
واثق...اذا تردين تسافرين سافري وياا اهلج
علا...شنو وياا اهلي اريد وياك حتى ننجمع بغرفه وحده
اني وياك اكيد من نسافر مراح اتاجر غرفه وحدك

واثق....اسف حبيبتي مااكدر اسافر اذا تردين تسافرين وياا اهلج ماعندي مانع واني انطيج مصرف يكفيج

علا....كمت من حضنه وكتله شكرا اني زعلت اني اريد اسافر وياك لو مااسافر

واثق....حبيبتي ليش الضغطين عليه مااكدر

علا كلش ضجت مااعرف شبي ولله شغلته تحير
جمانه السعيدي

علا الحد مافات على زواجنا شهرين بيوم طفت الكهرباء بلسته الصبح طبعا اني مااكعد هيج وقت
اني ابقه بليل على النت وانام وجه الصبح اكعد بلثنتين الضهر من النوم
ابدي انضف واسبح واحضر نفسي لواطبخ

المهم الساعه بلسته الفجر طفت الكهرباء واني بعدني مانمت
سمعت واثق كعد استغربت بعد وكت ليش كاعد من الصبح

طلعت من الغرفه اريد اسئله اذا محتاج شي
شفته طلع من باب المطبخ بيده علاقه سوده
مشيت ورا طلع للشارع وعاف الباب مفتوح استغربت
طالع هيج وقت وبملابس البيت
لا بس برمودا وبدي
رحت ورا اشوف وين رايح وهاي العلاكه شنووو

شفته شمرها بلحاويه الي بلشارع يعني مو بحاوية البيت وورجع
من شافني واكفه بلباب مثل الكمز اتفاجئ بيه

واثق...هااا حبيبتي اسم الله حلمانه
علا...صباح الخير
واثق...صباح الخير
علا...وصل يمي حسيته مرتبك
واثق...ليش واكفه بلباب
علا...لا سمعتك كعدت واجيت اشوفك خاف محتاج شي
وشفتك طلعت وبيدك علاكه

راسا دخلني للبيت وطبك الباب
واثق...هاي أوراق مامحتاجه خليته بعلاكه وشمرته
اذا اكو بعد زباله اشمرها
علا...جان خليته بلحاويه هاي الي بابنا ليش رحت بعيد

واثق...يالله أليوم تحقيق من الصبح
اربد اتمشى بيه شي
علا...سكتت
واثق...شنو رائيج نروح نشوف مطعم ونترك ونرجع للبيت

علا... حسيته يريد يضيع السالفه رديت علي هسه لا مااروح بعدني مانمت اريد انام
واثق...براحتج حبيبتي

علا...دخلت غرفتي ونمت
وهو سمعته دخل للحمام بعدين غفيت ماادري

بعدها بديت اتملل اكثر من كعدت البيت خاصه هو يطلع الصبح يرجع المغرب
صح يتصل بيه اكثر من خمس مرات باليوم يطمن عليه
بس هم اضوج

علا...واثق اريد اشتغل شنو مخلصه النهار كله نوم
واثق...حبيبتي اني ماااريدج تعبين
علا...مو هيج حتى راح اصير سمينه من النوم والكعده على النت

واثق...شنو رائيج تشتركين بالجم تغيرين جووو وتتنشطين
علا...برائيك هذا حل
واثق...اشتركي شهر واحد واذا ماعجبج الوضع عوفي

علا...اوكي موافقه

فعلا اشتركت بلجم اروح العصر ومن يخلص واثق يمر عليه ونرجع للبيت سوا
شويه غيرت جووو
سوالف وضحك وعلاقات جديده وياا البنات
بس اني الوحيده الي كلشي مااحجي عن حياتي الخاصه
بس باقي البنات من يجن يحجن كلشي عن حياتهن الخاصه

بعد زواجنا بشهرين ونص صار موقف ثاني
طبعا الكابتن بلجم توصينا نشرب ماي هووواي علمود الرشاقه وهم زين للكبد والدماغ الماي
اني بليل شربت مي هواي كعدت تقريبا بلسته وربع تكرمون اربد ادخل للتواليت رغم اني مااصارغير ساعتين من نمت بس هواي شربت مي بليل
كعدت اريد ادخل تواليت
جان انعاد نفس المنضر كدامي مره ثانيه
واثق طالع وبيده علاقه سوده
شنو قصة هاي العلاكه وليش هذا الوقت بلذات

لا هلمره مراح اسئله السالفه مو خاليه ابد
شنو هذا الي يشمره بلحاويه كل يوم الصبح

دخلت للتواليت ورجعت سويت نفسي نايمه
بس طلع رحت اشوف شنو هذا الي شمره وصلت للحاويه
لكيت هواي علاليك سود
فتحت وحده بيه حفاض والثانيه ببه بقايا اكل
ووحده بيه ووورد صناعي مكطع
مافهمت اي علاكه الي هو شمرها

رجعت للبيت وقررت اشوف شنو الموضوع
وليش جاي يتكرر اكثر من مره

مامعقوله تكون أوراق واذا أوراق ليش مايشمرها بحاوية البيت ليش يشمرهن بعيد

للحكاية بقيه البارت الجاي راح نكتشف شنو السر الي
يحاول يخفي واثق

سلام عليكم اشلونك حبايبي اعتذر مقصره وياكم انتظروني شهر السادس اتفرغلكم وارجعلكم بقصص وسوالف حاليا محتاجة منكم خدمه https://t.me/didnejj/18665

كروبنه على التلكرام دردشه?
انظمي ونوريها حبي?

https://t.me/+7Z5mASv_tGw2Yjli

سلام عليكم متابعيني الحلوين ممكن متابعه للصفحة عالانستا
https://instagram.com/proview_design_office_?igshid=YWJhMjlhZTc=