तुमच्या वेदनांमधे इतकी शांतता ठेवा की तुमच्या आनंदात सगळीकडे राडा होईल ..true 👌👌

स्वतःच्या कर्मावर आणि प्रामाणिकपणावर नि:सकोच विश्वास ठेवा, योग्य वेळ आली की तो इतकं देणार, की मागायला काहीच उरणार नाही.

सुंदर बोधकथा

एक दिवशी एक बैल विहिरीत पडला. बैल जोराने ओरडत होता. आणि मालक विचार करत होता, याला बाहेर कसे काढायचे. त्याने विचार केला बाहेर काढणे अवघड आहे.  नाहीतरी बैल म्हातारा आहे. त्याला वाचवून  काही फायदा नाही, त्यापेक्षा त्याला विहिरीतच पूरून टाकू.

मालकांने आजूबाजूच्या लोकांना मदतीला बोलावले. सगळेजण विहिरीत माती लोटत होते. बैल आणखीनच हांब्रू लागला. थोडा शांत झाला. थोड्यावेळाने मालकांनी विहिरीत डोकावले, पाहतो तो काय बैलाच्या पाठीवर जशी माती पडत होती तसतसा ती माती झटकून तो मातीतून पाय काढून उभा राहत होता शेवटी विहीर बुजली. बैल विहिरीच्या बाहेर आला व वाट दिसेल तिकडे पळू लागला.

तात्पर्य :- तुमच्या आयुष्यात अनेकदा तुमच्यावर माती फेकली जाईल, वेगवेगळ्या प्रकारची घाण तुमच्यावर फेकली जाईल, पुढे जाण्यापासून तुम्हाला रोखले जाईल ,तुमच्यावर टीका होईल, तुमचे यश पाहून मत्सराने वाईट बोलतील, अशावेळी खचून जायचे नाही. निराशेच्या विहिरीत पडून राहायचे नाही. धाडसाने अंगावरील घाण झटकून योग्य तो धडा घेऊन त्याचीच शिडी करून पुढे जायचे. त्यासाठी सकारात्मक विचार करा सकारात्मक जगा.

**श्री कृष्ण ने साफ कहा है कि
बस कर्म तुम्हारा कल होगा..

और कर्म में अगर सच्चाई है तो
कर्म कहां निष्फल होगा ...

हर एक संकट का हल होगा...
वो आज नही, तो कल होगा...**

🌷
डॉक्टरांच्या समोर जोडपं बसलं होतं.

डॉक्टर,
आम्हाला मुलगी नकोय !"
होणाऱ्या बाळाचे बाबा बोलले.

"तुम्हाला कसं कळलं
मुलगीच आहे म्हणून?"
डॉक्टरांनी विचारलं.

"तुम्ही टेस्ट करायला नकार दिलात.
मग आम्ही शेजारच्या राज्यातील सोनोग्राफी सेंटरवर टेस्ट करून आलो."
बाळाचे बाबा बोलले.

"मग तिथंच का केलं नाहीत अबॉर्शन?"
डॉक्टर म्हणाले.

"तिथं सोय नव्हती.
त्यांनी दिला होता पत्ता एका डॉक्टरचा. पण त्यांची फी खूपच जास्त वाटली. मग म्हटलं की तुम्ही ओळखीचे आहात. लाखाऐवजी हजारात काम होईल."
बाळाचे बाबा निर्विकारपणं बोलले.

"मी काय कसाई वाटलो काय तुम्हाला?" डॉक्टर संयम ठेवत पुढं म्हणाले,
"अहो, तुम्हाला पहिली मुलगीच आहे"

इतका वेळ गप्प बसलेली बाळाची आई म्हणाली, "म्हणून तर दुसरी मुलगी नकोय आम्हाला. दुसरा मुलगाच हवा. दोन मुली नकोत!"

डॉक्टरांनी आईच्या मांडीवर बसलेल्या त्या पहिल्या मुलीकडं पाहिलं. निरागस, निष्पाप, बोलके डोळे. हसरा चेहरा. नजरानजर होताच ती बाहुली डॉक्टरांकडे झेपावली. त्या चिमण्या जिवाला डॉक्टरांनी कवेत घेतलं.

डॉक्टर काही बोलत नाहीत हे बघून मुलीचे बाबा म्हणाले, "फी व्यवस्थित देऊ आम्ही. शिवाय ही बातमी कुठेही लीक होणार नाही याची खात्री !"

डॉक्टरांचे डोळे आता लकाकले. होणाऱ्या बाळाच्या आईबाबांना ते म्हणाले, "तुमचा विचार पक्का आहे?
तुम्हाला खरंच दोन मुली नको आहेत?
परत विचार करा."

मुलीचे बाबा म्हणाले,
"पक्का आहे विचार.
दोन मुली नकोत."

"ठीक आहे तर मग.
आपण आईच्या पोटातली मुलगी राहू देऊ . या पहिल्या मुलीला मी मारून टाकतो. म्हणजे तुम्हाला एकच मुलगी राहिल." असे म्हणत डॉक्टरांनी टेबलवरची सुरी उचलून त्या पहिल्या मुलीच्या गळ्याला लावली.

आणी त्या मुलीची आई मोठ्यांदा किंचाळली,
"थांबा डॉक्टर...
काय करताय?...
तुम्ही डॉक्टर आहात का कसाई?"

डॉक्टर शांतपणे मंद हसत दोघा आईबाबांकडे बघत होते. निष्पाप बाहुली हसत खेळत होती.

दोनच क्षण ...
दोनच क्षण शांततेत गेले.
अन आईबाबांच्या लक्षात सारा प्रकार आला. ते भयानक खजिल झाले.
इतकंच म्हणाले,
"आम्हाला माफ करा डॉक्टर.
आम्ही कसाई व्हायला निघालो होतो. आमची चूक आम्हाला कळली."

ते जोडपं कडेवरच्या आणी पोटातल्या आपल्या दोन्ही राजकन्यांसह केबिनमधून बाहेर पडते झाले.

ते बाहेर पडत असताना डॉक्टर म्हणाले
"आणखी एक सांगायचं राहिलंचं..
आणि तेही तुम्हाला सांगायचं कारण असं कि, मला तुमचा निर्णय बदलल्याची मनोमन खात्री झाली म्हणुनच".

"आमच्या व्यवसायात देखिल काही राक्षसी प्रवृत्तीचे लोक आहेत हे दुर्दैव आहे. पण ते इतक्या नीच थराला गेले आहेत की, सोनोग्राफीत मुलाचा गर्भ दिसत असुनही, पैशासाठी तो मुलीचा आहे असे तुम्हाला सांगितले आहे !"

आता मात्र आईबाबांच्या पायाखालची जमिनच सरकली !

👸👸👸👸👸👸👸👸

Credit goes to Writer 🌼🙏

सत्याला जिंकायला
थोडा उशीर लागतो
पण सत्य कधीच
हरत नाही

🌹 शुभ सकाळ 🌹

लोहाराकडील अनेक हातोड्या तुटतात,पण ऐरण मात्र कायम टिकून रहाते, अर्थात जे घाव घालतात ते त्यांच्या कर्मामुळे  तुटतात पण जे घाव सहन करतात ते कायम आयुष्यात अभंग राहतात.

यशवंतराव चव्हाण तेव्हा भारताचे संरक्षणमंत्री होते.

त्यांच्या मोटारींचा ताफा पंजाबा मधून दिल्लीच्या दिशेने येत होता. रस्त्यात एका मोठ्या गावात "पानिपत' नावाचा नामफलक त्यांना दिसला.

आपला प्रवास खंडित करून जेथे पानिपताचा घणघोर असा रणसंग्राम घडला, त्या "काला आम' नावाच्या ठिकाणी यशवंतराव चव्हाण गेले.

तेथे मराठी वीरांच्या काळ्या ओबडधोबड दगडी समाधीच्या समोरच त्यांनी शेतात अचानक बसकण मारली.

त्या शेतातील पांढुरकी माती त्यांनी आपल्या दोन्ही मुठींमध्ये धरली व हळव्या मनाचे यशवंतराव चव्हाण मराठ्यांनी देशरक्षणासाठी दिलेलं बलिदान आठवून हमसून हमसून रडू लागले.

त्यांची ही अवस्था पाहून सोबतचा स्टाफ आणि लष्करी अधिकारी यांची तारांबळ उडाली. भावनांचा पूर ओसरल्यावर आपल्या ओघळत्या अश्रूंना कसाबसा बांध घालत यशवंतराव उपस्थितांना सांगू लागले,

"दोस्तहो, हीच ती पवित्र माती. राष्ट्रसंकट उद्‌भवल्यावर त्या विरोधात लढावे कसे, शत्रूला भिडावे कसे, याचा धडाच लाख मराठा वीरांनी पानिपताच्या या परिसरात गिरवला आहे."

अहमदशहा अब्दालीच्या रूपाने राष्ट्रावर आलेलं संकट थोपविण्यासाठी छातीचा कोट करून लढणारया व पानिपताच्या धरतीवर धारातीर्थी पडलेल्या रणझुंणार मराठ्यांना मानाचा मुजरा व विनम्र अभिवादन!
:
🖋 अमर गोडसे

#पानिपत_शौर्य_दिन
(बाळासाहेब कदम यांच्या फेसबुक वॉलवरून साभार..)

पुर्ण जग जिंकता येते
ते "संस्काराने",
आणि जिंकलेलं ही निघून
जात ते "अहंकाराने".

उबुंटू

उबुंटू ही आफ्रिका देशातील एक सुंदर गोष्ट आहे.
उबुंटू हे प्रेरणादायी मानवतावादी तत्त्वज्ञान आहे. 

आफ्रिकेतील आदिवासी लहान मुलांचा एका तत्त्ववेत्याने एक खेळ घेतला.  त्या खेळामध्ये एका झाडाखाली एक मिठाई चे बास्केट ठेवले. सर्व मुलांना त्या झाडापासून 100 मीटर अंतरावर उभे केले. तिथून धावत जाऊन ते मिठाई चे बास्केट घ्यायचे, जो आधी पोहोचेल त्यास ती मिठाई मिळेल असे सांगण्यात आले. आता त्या व्यक्तीने खेळ सुरू करण्याची सूचना केली. परंतु त्या नन्तर जे घडले ते आश्चर्य वाटणारे होते. त्या सर्व मुलांनी एकमेकांचे हात हातात धरले आणि सर्वच्या सर्वजण एकत्रितपणे झाडाखाली ठेवलेल्या मिठाई च्या बास्केट कडे धावत सुटले. एकाचवेळी तिथे पोहोचले. ती मिठाई सर्वानी समान वाटून घेतली व सर्वानी मिळून त्याचा आस्वाद घेतला.
यावर त्या तत्त्वज्ञाने मुलांना असे करण्याचे कारण विचारले असता, उत्तर मिळाले.....उबुंटू.

उबुंटू चा अर्थ आहे... 'I am because We are.'
म्हणजेच 'मी आहे कारण आपण सर्व आहोत'.

इतर दुःखात असताना मी एकटा कसा सुखी होऊ शकतो ?? या प्रश्नाचे उत्तर उबुंटू आहे.
'सर्वांचे सुखी असणे हेच मला सुखी बनविणारे आहे'
हा फार मोठा माणुसकीचा, समतेचा, एकीचा संदेश, सर्व च पिढ्यांना उबुंटू देत आहे.

चला तर मग आपण सर्वजण उबुंटू  जगूया अणि जिथे जाऊ तिथे सगळीकडे आनंद पसरवुया.

I am Because We are.✨

Credit goes to Writer 🌼🙏