2 ой ишсиз юрдим

Ич-ичимдан ўйлардим. Мен ҳеч қачон ишсиз қолмайман.

Мабодо ишсиз қолсам ҳам:

а) Инглиз тили билан «любой» жойга кириб кетаман;
б) Диплом балим 96%. Давлат ишхоналари шундоқ ишга олади;
с) Иш тажрибага эгаман, умуман муаммо бўлмайди;
д) Рус тилини мулоқот даражасида биламан, талаб юқори;
э) Блогим бор. 1000 тача одам ўқийди;
ф) Амакимга алоқага чиқаман, мактабга жойлаб қўяди;
ҳ) Ўлдим деганда, устозларимга ёзаман — иш топиб беради.

Хуллас, ҳамма сабаблар бор. Ҳеч ким мени тўхтатиб қололмайди!

Ичимда ўйлаган кун келди. Бирдан ишсиз қолдим:

а) Инглиз тили мактаблари тўлган;
б) Диплом баҳойим билан итам қизиқмади;
с) Қаерларда ишлагансан дейдиган одам йўқ;
д) Рус тилини идеал билиш керак дейишди;
э) Блогимда ёздим. Ёрдам бўлмади;
ф) Амаким ишга жойлай олмади;
ҳ) Устозлар дуо қиламиз деёлди холос..

2 ой қийналдим. Қарзга ботдим. Эркак киши ишсиз қолиши азоб экан..

Охири тушундим — обрўли жойда ўқишим, яхши жойларда ишлашим, хуллас барчаси — тиришқоқлигимдан эмас, балки Аллоҳнинг раҳматидан экан.

Биз унутувчимиз. Сабаблар билан ўралашиб қоламизда, барча нарсанинг ортида Аллоҳ турганини эсдан чиқарамиз. Ўзим эришяпман деган ҳиссиёт ўтади.

а, б, с, д... алфавит тўла сабаб бўлмайдими — Аллоҳ изн бермаса бир тийн экан.

Сиз ишонаётган — амаки, тоға, амма. хола, оппоқ дода ёрдам беришга қодир эмас. Ишонаверинг.

Охири синиқлик билан таҳажжудда дуо қилдим.

Бирдан йўлим очилди. Бир нечта жой ишга чақиришни бошлади. Ҳаммаси жойига тушди.

Хулоса, дунёнинг илми сизда бўлса ҳам, 20 йиллик мутахассис бўлсангиз ҳам, 88 та тил билсангиз ҳам — Аллоҳ изн бермаса бир тийн.

Ва уларга: «Сизлар Аллоҳни қўйиб ибодат қилиб ўтган бутларингиз қани?!

Улар сизларга ёрдам бера олурми ёки ўзлари ёрдам ола билурми?!», дейилди.

Шуъаро (92,93)

@Ustoz_kundaligi

https://aktyabirov.blogspot.com/2024/11/blog-yuritishning-foydali-tomonlari.html

Ushbu kitob sun'iy intellektdan qanday to‘g‘ri foydalanishni o‘rgatadi. Ko‘pincha sun’iy intellektdan foydalanganda biz xohlagan natijani ololmaymiz, chunki to‘g‘ri savol bera olmaymiz. James Phoenix va Mike Taylor ushbu kitobda qanday qilib sun’iy intellektga to‘g‘ri tarzda “so‘rov” yuborish, ya’ni savol va topshiriqlarni to‘g‘ri shakllantirish orqali kerakli javoblarni olish mumkinligini sodda qilib tushuntiradilar. Kitob sizga sun’iy intellektni matn, tasvir va kod yaratishda to‘g‘ri boshqarishni o‘rgatadi.

Murojaat Madaniyati: Tez va Samarali Javob Olish Uchun Tavsiyalar

Murojaat qilayotganingizda to‘g‘ri va aniq muloqot ko‘p narsani belgilaydi. Ko‘p odamlar avval salomlashib, javob olishgach, keyin o‘z so‘rovini bildirishadi. Bu jarayon ko‘p vaqtni oladi va murojaat qilayotgan shaxsga ham, javob berayotgan insonga ham qo‘shimcha yuk yuklaydi. Samarali javob olish uchun quyidagi tavsiyalarga amal qilishni o‘ylab ko‘ring.

1. Hammasini Bir Joyda Yozing

Salomlashishdan keyin darhol o‘z savolingiz yoki so‘rovingizni yozing. Bu narsa javob beruvchi shaxsga sizning nima kerakligini tezda tushunishga yordam beradi va vaqtni tejaydi. Misol uchun, quyidagi shaklda yozishingiz mumkin:

Assalomu alaykum! Menga yordam kerak edi. Men [so‘rov yoki savolni qisqacha tushuntirish]. Yordam bera olasizmi?

Bu yondashuv har ikki tomon uchun ham muloqotni osonlashtiradi va javob olish ehtimolini oshiradi.

2. Ovozli Xabar Yubormaslikka Harakat Qiling

Ovozli xabarlar qulay bo‘lishiga qaramay, har doim ham eng samarali usul emas. Har bir inson ovozli xabarlarni tinglashga vaqt topa olmaydi yoki tinglash imkoniyati bo‘lmaydi. Agar ovozli xabar yuborishni istasangiz, avval yozma ravishda ruxsat so‘rashni tavsiya qilaman. Masalan:

Ovozli xabar yuborsam, qulaymi?

Bu yondashuv muloqot madaniyatiga hurmat bilan qarash va vaqtni tejashga yordam beradi.

3. Hurmat va Vaqtni Qadrlash

Murojaat qilayotganingizda, qisqa va lo‘nda bo‘lishga harakat qiling. Murojaatchilar ko‘p hollarda ortiqcha izohlar bilan murojaat qilishadi, bu esa javob berishni sekinlashtiradi. Shuningdek, o‘zingizga javob berilishi uchun vaqt kerakligini inobatga oling va shoshilmasdan kutishga tayyor bo‘ling.

4. O‘z So‘rovingizni Aniq Ifodalang

Savolingizni aniq va tushunarli tarzda ifodalash ham javob olish tezligiga ta’sir qiladi. Noaniq va chalkash savollar ko‘pincha ortiqcha vaqt talab qiladi, shuning uchun qisqa va tushunarli yozishga harakat qiling. Misol uchun:

Assalomu alaykum. Men [muammo yoki so‘rovning qisqacha va aniq izohi]. Shunga yechim topishda yordam bera olasizmi?

5. Ko‘p Savol Berishdan Oldin Asosiy Savollarni Bittada Bayon Qiling

Bir necha marta xabar yozish o‘rniga, barcha savollaringizni bitta xabarda jamlashga harakat qiling. Bu shaxs javobni tezroq va samaraliroq tayyorlashi uchun qulay sharoit yaratadi.

To‘g‘ri muloqot qoidalariga rioya qilish orqali siz murojaatingizga javob olish ehtimolini oshirasiz va o‘z vaqtini tejashga yordam berasiz. Bu tavsiyalarga amal qilgan holda siz nafaqat tezroq javob olasiz, balki muloqot madaniyatini ham yaxshilaysiz.

Eng yaxshi kasb bo‘yicha maslahat:

Har qanday ishda siz o‘rganishingiz yoki pul topishingiz kerak. Qaysi biri bo‘lsa ham yaxshi. Ikkalasi bo‘lsa, ajoyib. Lekin agar ikkalasi ham bo‘lmasa, ishdan chiqib keting.

Ar-Raheeq Al-Makhtum (Muhrlangan Nektar) bu, Payg‘ambarimiz Muhammad Musatafo (s.a.v)ning hayoti haqidagi eng mukammal va ishonchli asarlardan biridir. Bu asar Safiur Rahman Mubarakpuri tomonidan yozilgan bo‘lib, 1979-yil Makkada o‘tkazilgan payg‘ambarimiz hayoti haqidagi biografiyalarni baholash musobaqasida birinchi o‘rin olgan. Kitob, payg‘ambarimizning hayot yo‘li va ularning Islom diniga qo‘shgan hissalari haqida chuqur va batafsil ma'lumot beradi. Musulmon olamida juda mashhur va keng tarqalgan ushbu asar, o‘quvchilarga Payg‘ambar hayoti va fazilatlari haqida chuqur tushuncha beradi. Ingliz tilida oqishni yahshi koradiganlar uchun juda yahshi kitob.

Hali ozbek tiliga tarjima qilinmagan juda ham koplab yahshi kitoblar bor. Tilni bilmaslikni bahona qiladigan zamon emas. Ozgina lekin davomli harakat bilan xoxlagan xorijiy tilni organish mumkin. Misol uchun <https://ibratfarzandlari.uz/> orqali siz koplab chet tillarini tekinga o`rganishingiz mumkin.

Muqaddima kitobini turk tiliga tarjima qilingan varianti. Kopchilik ozbekcha tarjimasini sorashgan ekan, u lekin hali chiqmagan ekan. Turk tili ozbek tiliga yaqin til, ozgina harakat qilsak tushunsak kerak.