https://youtu.be/48D1chdbnnw?si=4nnF12WfPsh_Z-2p

ХУШХАБАР!!!

Куни кеча Ўзбекистон бўйлаб тарқалган хушхабар хотин-қиз ижодкорларимизнинг "бўйларини яна бир бўй ўстирди" десам муболаға бўлмас!
Республика Ёзувчилари уюшмаси раиси ўринбосари вазифасига илк бор аёл ижодкор муносиб кўрилди! "Ким" дейсизми?
Сиз танийдиган -- ижод маҳсуллари кўнглингиз мулкига айланган, унинг шеърлари билан айтиладиган қўшиқлар "севимлилар" деган рўйхатингиздан ўрин олган, истеъдодли шоира Фарида Афрўз номини баралла айтишимиз мумкин!
Очиғи, Фарида Афрўз бу "баралла айтиш" ларни хуш кўрмаса-да, мансаб унинг учун "масъуллиги ошган иш" ҳисобланса-да, биз- аёл ижодкорлар Шоирамизни чин дилдан табриклаймиз!!!
"Аёлга не керак меҳрдан бошқа?!" дегандек, Фарида Афрўзда ижодкор аёлларга ғамхўрлик, уларнинг "плюс-минус" ҳолатларини, руҳиятларини тушина олиш иқтидори беназирдир! (Бу масалада эркак мансабдорларимизнинг тортинишларини ҳисобга олишимиз керак, албатта!)
Шунингдек, ижодкорнинг ижодий муҳитини, соғлигини ва моддий аҳволини ҳам доим эътиборида тутувчи инсон сифатида Фарида Афрўзни барча ҳурмат қилади.
Фарида Афрўзнинг ҳеч нарсадан ками ёки камчилиги йўқ. Кимдандир манфаат кутмайди. Доим ҳаммани ўқишга, ўрганишга, ижодга чорлайди. Кўпроқ "тош босадиган" китоблар чиқаришга даъват қилади. Ижодкор аёлларнинг ижод маҳсулларини йиғиб, китоблар чоп эттиради, ижодий учрашувлар ташкил қилади! Мақсад битта: тортинчоқ, аммо "ичи тўла дуру марварид, гўзал инжулар" лим-лим бўлган ЎЗБЕКнинг бетакрор ижодкорларини нафақат юртимизда, шунингдек, дунёга танитишни истайди!
Битта кўйлак кам кийса-да, эшитиш қобилияти пасайган "қўли юпқа" ижодкорнинг қулоғига махсус ускуна, бошқасига кўзининг ўткирлашиши учун дори-дармон ёки кўзойнак, оиласига ёрдам бўлар деб, кармонидаги охирги пулини ҳам бировга кўрсатмасдан секин унинг чўнтагига солиб қўйганларининг гувоҳи бўлганимни айтсам, балки бу кимлар учундир "қизил гап" бўлиб кўринар... Аммо мен таниган ОНА, ОПА, СИНГИЛ, БИР БАҒИР ДЎСТ - У!
Шоира сифатида эса унинг ижоди, хизматлари давлат мукофотларига, элимизнинг меҳру муҳаббати, эътирофу эҳтиромига сазовор бўлган!
Мен бугун нафақат дўстим бўлгани учун, балки салоҳиятли сиёсатчи, илмдор ва нотиқ, юксак истеъдод соҳибаси ҳақида мухтасаргина фикларимни иншо қилар эканман, ЭЗГУ ТИЛАКЛАРИМНИ билдиргим келди:
ПАРИЖОН! Доим "Сенинг кўзларинг- рентген", дейман... Нигоҳларингдаги шу сергаклик йўқолмасин илоҳим! Саломат бўлгину қаламинг юришдан тўхтамасин! Сенинг ортингдан эргашган қалам аҳли ҳам ишончингни оқлашларига ишонаман!!! Аллоҳ мададкор бўлсин, Шоирам!

САНОБАР ФАХРИДДИНОВА,
Ўзбекистон Ёзувчилари ва Журналистлари уюшмаларининг 40 йиллик аъзоси, шоира

Ота уй муборак, шоирам!
Бугун Ўзбекистон тарихида муҳим кун! Яъни хотин-қизларга оид кутилмаган янгилик қалбимизни ғурурга тўлдирди. Ўзбекистон ёзувчилар уюшмаси тарихида илк бор аёл киши раҳбарлик лавозимига тайинланди. Ижод майдонининг бошқарувида энди Нодираи-давронимиз, ўзимизнинг қалби уммон шоирамиз Farida Afruz бор. Бошқарувда аёлларнинг сонини кўпайтиришда нафақат гендер сиёсатига балки меритократияга асосланиб қарор қабул қилингани ўйлайманки албатта ўзининг самарасини беради. Зеро шоирамизнинг бошқарувда ҳали ишга солинмаган имкониятлари бисёр эканлигига кўп бор гувоҳи бўлганмиз. Кўнгилни тоғдек юксалтирадиган, халқни ичидагини топиб гапирадиган шеърюрак ижодкоримизга ўзлари айтганларидек "ОТА УЙ" муборак бўлсин. Халқ шоирлари энди аёллар ҳисобидан ҳам кўпайсин. Ёзувчилар уюшмасида шоирани табриклаш учун келганларнинг кети узилмаяпти. Демак бу кунни ижодкорлар ҳам интиқлик билан кутишган. Қандай яхши кутилган одам бўлиш. Омад ёр бўлсин ШОИРАМ!

Яратганга минг бора шукрлар бўлсинки, ВАТАНИМИЗ МУСТАҚИЛЛИГИ учун курашганларни кўрдик, бирга бўлдик, қўлидан тутдик, йўлидан юрдик!
Улар бизнинг устозларимиз, дилдош ва тилдошларимиз, фикрдошларимиз эдилар!

Ўттиз йилда
бир сулув
она бўлади,

Ўттиз йилда
бир жўмард
жамият боши.

Минг қасамки,
шу икки зот
Ватанни севса,

Ўзбекистон бўлгайдир
жаҳон қуёши!!!

БАЙРАМ МУБОРАК БЎЛСИН, АЗИЗ ЗАМОНДОШИМ!