Магнитский рўйхати...

2007 йилда Россия бюджетидан 5,4 миллиард рубл ўғирланган, бу тарихдаги Россия давлат бюджетидан энг катта маблағларни ўғирлаш ҳисобланади.

Ушбу жиноятни биринчи бўлиб кашф этганлар Hermitage Capital Management инвестиция фондининг қонуний манфаатларига хизмат қилувчи Файрстоун Дюнкан (Firestone Duncan) компаниясининг ходимлари эди. Улар орасида Эдуард Хаиретдинов, Владимир Пастухов, Жэймисон Файрстоун (Jamison Firestone) ва Сергей Магнитский бор эди.

Улар бюджет маблағларини ўғирлаш бўйича тергов-суриштирувни бошлайдилар, унинг доирасида жиноятда иштирок этганларнинг рўйхати, шу қаторда Россиянинг турли ижро этувчи ҳокимиятининг ўнлаб ходимлари ҳам аниқланди.

2008 йил 24 ноябрда Сергей Магнитский Эрмитаж сармоясини бошқариш фонди раҳбари Билл Браудерга (William Felix Browder) солиқ тўлашдан бўйин товлашда ёрдам берганликда айбланиб ҳибсга олинади. 11 ойлик тергов ишларидан пайтида Сергей Москва шаҳридаги 1-тергов ҳибсхонасида вафот этади. Уни ҳибсга олиш ташаббуси ўғирликнинг асосий иштирокчиларидан чиққан. Айбимизни билиб қолди деб йўқ қилишган.

2010 йил апрел ойида сенатор Бенжамин Кардин АҚШ Давлат котиби Ҳиллари Клинтондан ушбу ўғирликда ва Сергейнинг ўлимида иштирок этган 60 нафар Россия амалдорлари учун АҚШ визаси йўлагини ёпишни сўраган. Ўша йилнинг май ойида марҳум С. Магнитскийнинг оиласига Президент Барак Обамадан расмий ҳамдардлик билдирилган. 2010 йил сентябр ойида АҚШ Конгресси Кардиннинг ташаббуси учун овоз берди. Кейинчалик Eвропа Парламенти ҳам декабр ойида ҳам шундай қилди.

Мана, қисқача "Магнитский" иборасининг тарихи. Ҳозирда ушбу резолюция кўплаб давлатларда амал қилмоқда.

"Магнитский рўйхати", "Магнитский акти" деган ибораларни эшитсангиз, нима экан бу деб юрманг. Дунёда шунақа рўйхат бор. Ва унга ўз давлати мулкини ноқонуний йўл билан талон-тарож қиладиганлар киритилади. Уларнинг хориждаги барча ҳисоблари музлатилади. Бу рўйхатга киритилганларга виза берилмайди.

Мабодо, сиздан шу рўйхатга мамлакатингиздан кимни киритиш керак деб сўраб қолишса, нима деб жавоб берган бўлардингиз? Илтимос, битта-битта...

Каналга  уланиш?*?*?**Telegram | Instagram | YouTube

YouTube

MA-News

MA-News yangiliklar saytining Youtube dagi rasmiy kanaliga xush kelibsiz! Rasmiy vebsayt: https://manewsagency.uz/ Telegram kanalimiz: https://t.me/manewsagency Instagram da kuzating: https://instagram.com/manews\_agency t.me/manewsagency

Ўзбекистонга 7 ойда $200 млн.лик мобил телефон импорт қилинган

Статистика агентлигига кўра, 2024 йилнинг январь-июль ойларида хориждан қиймати $200,9 млн.га тенг қарийб 2,2 млн дона мобил телефон импорт қилинган.

Мобил телефонлар энг кўп импорт қилинган давлатлар:

— Хитой – 1,7 млн дона
— Вьетнам – 339,4 минг дона
— Ҳиндистон – 59,4 минг дона
— Гонконг – 19,8 минг дона
— БАА – 3,3 минг дона

Каналга  уланиш?*?*?**Telegram | Instagram | YouTube

Қозоғистонда 460 нафар ўқувчи оммавий заҳарланди
Мангистау вилояти Мунайли туманидаги 8-мактабда 460 нафар бола оммавий заҳарланди.

Илк ҳолатлар 6 сентябрь куни қайд этилган. Дастлаб 58 нафар жабрланувчи ҳақида хабар берилган бўлса, 9 сентябрга келиб, уларнинг сони 460 нафарга етди.

83 нафар бола касалхонага ётқизилган, 2 нафари реанимацияда.

Оммавий заҳарланиш юзасидан санитария қоидаларини бузиш билан боғлиқ жиноят иши қўзғатилган.

Каналга  уланиш?*?*?**Telegram | Instagram | YouTube

#Таъзия

Ўзбекистон халқ артисти Бобомурод Ҳамдамов вафот этди

Инна лиллахи ва инна илайхи рожиун

Каналга  уланиш?*?*?**Telegram | Instagram | YouTube

?? Украинанинг Покровскни йўқотиши фронтнинг қулашига олиб келмайди. Асосийси, бу мағлубиятга олиб келиши мумкин бўлган бир қатор офатларга олиб келмайди, - Украина Олий Радаси Миллий хавфсизлик, мудофаа ва разведка қўмитаси котиби Костенко.

Мариуполдаям шундай дейилганди, Мелитополдаям, Баҳмутдаям. Ҳар сафар қаердир қўлдан кетса, бу унча катта ютуқмас дейишяпти.

Ғалатимасми?

Каналга  уланиш*?*??**Telegram | Instagram | YouTube

?Бобур Омонов – икки карра Паралимпия ўйинлари чемпиони!

Пара енгил атлетика бўйича эркаклар ўртасида F41 классда ядро улоқтириш дастурида Бобур Омонов 14.32 метр натижа қайд этиб, ҳам рекорд ўрнатди, ҳам олтин медални қўлга киритди.

Маълумот учун, Бобур Омонов бундан аввал Токио-2020 ёзги Паралимпия ўйинларида ҳам чемпионликни қўлга киритган эди.

Ҳисобимизда 14 та медаль бор:
? 6 та олтин;
? 4 та кумуш;
? 4 та бронза.

Каналга  уланиш?*?*?**Telegram | Instagram | YouTube

Олдинлари Мустақиллик байрамида дорбозлару полвонлар ҳам бўлган экан.

Фалончи концерт бериши шартмас, мустақиллик ҳақиқий сайл бўлиб кетарди.

Кейинги байрамларга миллий ўйинларни ҳам режага киритиб қўйишса, хурсанд бўлардик.

Каналга  уланиш?*?*?**Telegram | Instagram | YouTube

Кунлардан бир куни Европалик антрополог Африкадаги қабилалардан бирининг болаларига бир ўйинни ўйнашни таклиф этади. У саватга турли хил мевалардан тўлдириб дарахт соясига қўяди ва болаларга ким биринчи бўлиб чопиб келса мева тўла сават ўшаники бўлишини айтади.

Антрополог югуришга старт беради ва болаларга қараб ҳайрон қолади.

Болалар ҳаммалари қўл ушлашиб бир сафда келардилар. Улар барчалари ғолиб бўлган ва меваларни тенг бўлишиб олгандилар. Европалик антрополог болаларга қараб:

- Ахир ким биринчи бўлиб келса барча меваларга эга чиқарди, нега бундай қилдинглар? -
деб савол беради.

Шунда болакайлар бир овоздан жўр бўлишиб - "Убунту" дейдилар.

Бу сўзнинг маъноси - "Бошқалар бахтсиз бўлганда сен ёлғиз қанақа бахтли бўлишинг мумкин?" дегани эди.

Убунту - бу Африка халқининг цвилизациясида - "Улар борлиги учун мен хам бор "деган маънони ҳам беради.

Европалик антрополог ўрнида давлатни, сават тўла мевани эса опенбюджет пуллари деб ўйланг.

Убунту!

Каналга  уланиш???Telegram | Instagram | YouTube

Сўқротнинг фильтрлаш учлиги...

Бугун интернетда турли хабарлар тарқалади. Нафақат ўзбек сегментида, балки бошқа тилли аудиторияда ҳам ишончсиз хабарлар урчиб кетган. Дезинформация болалаб кетди. Ҳамма аравани ўз томонига тортиш билан овораю-сарсон.
Шундай бир пайтда Сўқротнинг ахборотни фильтрлаш учлигини эсда тутишингизни хоҳладим. Ҳар қандай ахборотни шу учта назоратдан ўтказинг. Шошилиб хулоса чиқарманг.
....................................................
- Сўқрот, биласизми, мен шогирдларингиздан бири ҳақида нима эшитган эдим?
- Сабр қилинг, буни айтмасдан олдин, мен "фильтрлаш учлиги" деб номланган синовдан ўтказмоқчиман.
- Учта фильтрми?
- Ҳа, - давом этди Сўқрот. - Менга менинг шогирдим ҳақида бирон бир нарса айтишдан олдин, бир дақиқа ўйлаб, менга айтмоқчи бўлган нарсаларни фильтрлаш яхши бўлар эди. Биринчи фильтр ИШОНЧЛИЛИК. Сиз менга айтмоқчи бўлган нарсангиз ҳақиқатан ҳам аниқлигига аминмисиз?
- Йўқ, Сўқрот, мен бу ҳақда дўстимдан эшитдим ва ўйладимки...
- Демак, - деди Сўқрот, - бу ҳақиқатми-йўқми, аниқ билолмайсиз. Кейин иккинчи фильтрни қўллаймиз - ЯХШИЛИК. Менинг шогирдим ҳақида менга айтмоқчи бўлган нарса яхши нарсами?
- Йўқ, аксинча...
- Шундай қилиб, - дейди Сўқрот, - сиз у ҳақида менга ёмон нарса айтмоқчисиз, лекин бу ҳақиқат эканига амин эмассиз. Аммо, яна бир синов бор - ФОЙДАЛИЛИК. Бу маълумотни айтсангиз, мен истагандай бирон фойда келтирадими?
- Эҳтимол, йўқ...
- Шундай қилиб, - деб хулоса қилди Сўқрот, - агар сиз менинг шогирдим ҳақида бирон бир салбий, ёлғон ва фойдасиз бир нарса айтмоқчи бўлсангиз, балки буни умуман айтиш керакмасдир?
- Ҳа, Сўқрот, ҳар доимгидай, сиз мутлақо ҳақсиз.
..................................................
Ҳурматли мени ўқийдиганлар, ҳар бир гапга лаққа тушадиган пайт эмас ҳозир. Хабарларни юқоридаги кичик бир тестдан ўтказинглар. Сизга хабар берган одам ўз нуқтаи назарини ифодалайди, ҳақиқатни эмас.
Унутманг, энг муҳим хавфсизлик - сизнинг ўз хавфсизлигингиздир. Зомбилар ёки манқуртлар билан эмас, шахсий фикрига эга инсонлар билан жамият қуришимиз керак!

Ўқиганингиз учун раҳмат!

Каналга уланиш?*?*?**Telegram | Instagram | YouTube

YouTube

MA-News

MA-News yangiliklar saytining Youtube dagi rasmiy kanaliga xush kelibsiz! Rasmiy vebsayt: https://manewsagency.uz/ Telegram kanalimiz: https://t.me/manewsagency Instagram da kuzating: https://instagram.com/manews\_agency t.me/manewsagency