انتبهو ع التسلسل وصلنا 11
كل 25 منشور نعمل اختبارات
متفقييين ؟

هذا السحب الاول هو السحب الوريدي
اهم مافيه هو انك تطبق الخطوات صح وتتحسس الوريد الى ان توصل مرحلة ماكو شوف بعد انك تشوفه لا تتحسسه تحس فيه انو شي اسفنجي يصعد وينزل اثناء التحسس

ملاحظات خاطئة مانعملها ❌:-
ممنوع اغلق وافتح اليد
ممنوع اطبطب ع اليد
ممنوع اسحب مباشر
ممنوع ادخل بدون ماتحسس الوريد واغلط
ممنوع اسحب والتورنيكا محكومة لازم تفتح
ممنوع اخرج وارفع يد المريض خلوها بوضعها الطبيعي وخلو لاصق جروح
ممنوع افصل النيدل عن السرنجه اثناء التفريغ

ملاحظه /انواع ادوات السحب :-
Syringe
Butterfly
Cannula
Vacotainer
Lancet
وراح ابينهم الكم ايضا بصور

✅11✅

نكول بسم الله وعلى بركة الله نبلش اليوم كل يوم رح يكون كم منشور وناخذ كذا تحليل ف اريدكم ترسلون البيج الرابط موجود بالوصف لاي شخص من اصدقائكم حتى يستفادو وياكم + تفعلون الاشعارات حتى لا يفوتكم يوم + تسجلون كلشي ورقة وقلم وتثبيت معلومات حتى تستفادون صدكوني…

?سحب الدم كيف اسحب دم ؟ اغلبكم عنده خوف وقلق وتوتر انصحكم تشوفون فيديوات عمليات او دم حتى تقتلون هذا الخوف العدكم لانو انت خلي ببالك بيوم من الايام رح تكون بموقف تحسد عليه وتضطر تسحب دم وسط مجموعه والموقف كلش صعب ف تقوو ع هالشي
نجي كيف اسحب دم ؟
طبق الخطوات ومعليك بعد رح كلشي يجي بسهولة :-

ا)اخلي المريض يجلس واتعرف عليه واعرفه ع نفسي

2)بهالاثناء انا اتكلم معاه احضر بادواتي للسحب

3) اساله هل هو جاي من مسافع بعيده لانو تعبان او صاعد درج او عنده امراض مزمنه او ماكل شي او ماخذ علاجات او خايف كل عذي الامور اسال عنها بهدوء وع كيفي الغرض منها اعرف عنه كلشي واخلي بعين الاعتبار + شوي اعطي وقت للسحب لانو مايصير مباشرة اسحب ++ ملاحظه ابدا لا تتدخل انت بملابسه يعني هو يكف ردانه ويحضرلك ذراعه

4)اقرا تحاليله شنو واحضر تيوباتي واسجل عليهن اسمه

5)اربط التورنيكا بس مو بقوة بس اخليها واربطها بشكل خفيف

6)اعقم القطن بكحول بعيدا عن المريض وامسح ذراعه من الداخل الى الخارج بشكل حلزوني غير هالشي

7)بعد ماعقمت اربط التورنيكا بشكل اقوى واخلي ببالي عندي اقل من دقيقه لازم اجيب الوريد واسحب اذا عبرت الدقيقه خلص افتح التورنيكا خلي يرتاح

8)بعد مربطت قوي تحسسست الوريد حددت اتجاهه اعقم مرة ثانيه الوريد اللي تحسسه وبنفس الاليه من الداخل للخارج

9)ادخل بالنيدل بزاوية 45 او مايناسب الوريد ممكن يكون ظاهر او دييب انتبه ع الچمبر الازرق اول ميجي دم ماسحب افتح التورنيكا يلا اسحب
بعد ماكمل سحب اخرج واخلي قطنه وافرغ الدم اللي عندي بالتيويات بالتسلسل ورح احجيلكم من اي تيوب ابلش وبعد ماكمل اهمل السرنجه كلها بالsafety box طبعا طريقه تفريغ الدم بالتيوبات مباشر من غير مافصل النيدل عن السرنجه

✅10✅

#المختبر_الاول / سحب الدم
عنده 3 انواع للسحب
1)السحب الوريدي اللي كلكم تعرفوه vein

2)السحب الشرياني وهذا يسحب من الشريان artery

3)السحب الشعيري وهذا يكون عن طريق الوخزة من الاذن او كعب القدم او الابهام capillary

✅9✅

نقسم المختبر الى وحدات حتى نكدر انو نكمله بسلاسه وترتيب :-
مختبر سحب الدم
مختبر امراض الدم
مختبر مصرف الدم
مختبر السيرولوجي
مختبر الطفيليات
مختبر المناعه
مختبر الانسجه
مختبر الهورمونات
مختبر الفايروسات
مختبر الكيمياء السريريه
مختبر الاحياء المجهرية
رح ناخذ مختبر مختبر ونكمل
بس اذا شاركتوني بشي بالتعليق حتى اذا فاهمين اكتبو حتى اعرف انكم معي

✅8✅

كيف اجمع العينات ؟

1)السوائل مثل مگلنا اختصاص مو انتو لانو كله داخل الجسم واماكنها جدا حساسه ويتم السحب بسرنجة كبيرة والدخول يكون دقيق جدا

2)الخزعة تؤخذ ايضا من نسيج او من عضو او من طرف مصاب هذي ايضا تكون لذوات الاختصاص بس احنه نتعرف ع هذي الامور تفيدكم معلومات الكم

3)الخزع اللي ناخذها من الاظفر او الشعر او الجلد هذي لتحليل الفطريات والبكتريا الخارجيه بعمل قشط للاظفر او قطع شعره ووضعها ع سلايد ومن ثم ترطيبها تستخدم في مختبر الاحياء المجهريه لانو ممكن بعدها يصير زرع

4)السائل المنوي نطلب من الشخص الرجل احضار عينة ب كب cup لغرض تحليلها

5)القشع او البلغم هي عن طريق ال swap يشبه اعواد الاذان لكن بشكل اكبر واذا شايفين المسحات في وباء كورونا هو نفس الالية

6)الخروج ايضا ب كب خاص لتشخيص الامراض المعويه نتطرق لها في مختبر الطفيليات

7)عينة الادرار وتفضل صباحا ولها كب خاص او تيوب رح يكون اله شرح خاص مفصل بالطفيليات
8)الدم ورح نبلش بي وبتيوبات جمع الدم

✅7✅

(نوع العينات المختبرية)
1-Blood (الدم)
@ serum(سيرم من مكونات الدم)
@ plasma (بلازما من مكونات الدم)
2-urine (الادرار)
3-stool (الخروج)
4-Semenal fluid (السائل المنوي)
5-sputum (القشع)
6-Biopsy (خزعة)
7-Scraping of (nails,hairs,skin..) مسحة او خزعه من اظفر اوشعر وغيرها
8-another fluid:- سوائل اخرى
@ cerebrsl spinal fluid النخاع الشوكي
@ pleural fluid السائل البلوري
@ Pericardial fluid سائل التامور
@ Peritoneal fluid سائل التجويف البطني
@ Joint fluid سائل المفصل
@ sweat chloride سائل التعرق
@ Amniotic fluid سائل السلى

ملاحظة/ السوائل ماعدا السائل المنوي هي تطلب من اختصاص يعني انت كمختبري ماتقدر تجمع هيج سوائل ولكل سائل مكان خاص بي ويستخدم لتشخيص امراض خاصه بي
اما العينات التي قبل السوائل ف هذا من اختصاصك

✅6✅

?ثانيا//جمع العينات
رح ناخذ شلون نجمع العينات ؟
شنو هي العينات اللي نحتاجها ؟
شكد نحتاج عينات للشخص الواحد ؟
شنو الاجراءات اللازم توفرها قبل الجمع ؟
✨✨✨✨✨✨✨✨✨✨✨✨
اول مايجيني المريض (patient ) وحامل معاه ورقه او نسميها report كاتبله الطبيب او الاخصائي مجموعه تحاليل انا اول ما اتاكد من الاسم واخلي ببالي عنده تحاليل مثلا كيمياء وتحليل ادرار. تحليل صوره دم احضر التيوبات اللي احتاجها لجمع العينات
رح ناخذ التحاليل كل قسم الها تيوب خاص بيها ماممكن ان اخليها بتيوب ثاني
شكد احتاج مقادير العينة ايضا رح نعرفها
العينه اللي احتاجها هنا شنو نوعها ممكن دم ممكن خروج ممكن ادرار ممكن خزعة ممكن شعرة ممكن سائل منوي وغيرها
كذلك اعرف شنو الاشياء الي اسويها قبل لا اجمع العينه مثلا اسال عن اخر مره اكل لان اكو تحاليل تتطلب صيام واذا ماصائم ماتفيدني ممكن اساله عن امراضه المزمنه او اذا ماخذ علاجات او جاي من مسافه بعيده وتعبان او خايف كل هذي الامور رح نتطرقلها
هذا بحاله اذا اجاك الطبيب محددله تحاليل
اما اذا يجيك مستطرق ويكلك اريد اعمل تحاليل رح نساله احنه ورح نساله عن اعراضه ونكتبله التحاليل حسب الاعراض

✅5✅