*▫️کوفر و شیرکی بچووك : (٢)*

ئیمام ئەحمەدی کوڕی حەنبەل رحمة الله علیە لە نامیلکەی اصول السنة لە فەقەرەی النفاق و انتقاص الصحابة باسی نیفاق دەکات، پاشان چەند فەرموودەیەك دەھێنێ و ڕایدەگەیەنێت کە کوفری بچووکن، ھەروەکو دەفەرمووێت :

فەرموودەی پێغەمبەر ﷺ : (سێ شت لە ھەرکامێکتان ھەبێت ئەوا ئەو کەسە مونافیقە) ئەمە لە ڕووی توندێتیەوەیە، بەو شێوەیە ڕیوایەتی دەکەین کە ھاتووە و تەفسیری ناکەین، وە فەرموودەی پێغەمبەر ﷺ : (لە دوای من مەبنەوە کافر کە ھەندێکتان لە ملی ھەندێکی ترتان بدەن)، وە ھاوشێوەی ئەمە : (ئەگەر دوو موسڵمان بە شمشێرەکانیان گەشتن بە یەك ئەوا بکوژ و کوژراو ھەردوکیان لە ئاگردان)، وە ھاوشێوەی ئەمە : (جنێودان بە موسڵمان فسقە، وە شەڕ کردن لەگەڵی کوفرە)، وە ھاوشێوەی ئەمە : (ھەر کەس بە براکەی وت ئەی کافر، ئەوا بۆ یەکێکیان دەگەڕێتەوە), وە ھاوشێوەی ئەمە : (کوفر کردن بە الله ئەوەیە کە خۆت بەری بکەی لە ڕەچەڵەکەکەت ئەگەر کەمیش بێت) وە نمونەی ئەم فەرموودانە کە صحیحن و لەبەرکراون، جا ئێمە تەسلیمیان دەبین تەنانەت ئەگەر تەفسیرەکەشی نەزانین، وە قسە و مناقشەی تێدا ناکەین، وە تەفسیری ئەم فەرموودانە ناکەین مەگەر بەو شێوەیە نەبێت کە ھاتوونە، و ڕەتیشیان ناکەینەوە مەگەر بە شتێکی صحیح تر لەمانە.

جا بزانە ئیمام ئەحمەد دەفەرمووێت ئەمانە لە ڕووی توندێتیەوە ھاتوون، واتە پێغەمبەر ﷺ تووند بووە لەسەر ئەم گوناھە و بکەرەکەی نەك ئەوەی بڵیت ئەنجام دەرەکەی کافرە یان مونافیقە، ھەروەھا ئەمەی کە ئیمام ئەحمەد باسی کردووە لە زانایانی پێش خۆی وەری گرتووە نەك ئەوەی کە لە ھەوا و ئارەزووەوە قسەی کردبێت.

فەرموودەی یەکەم کە باسی نیفاق دەکات درێژەکەی ئەوەیە کە دەفەرمووێت : (ئەگەر وەعدی دا دەیشکێنێت، وە ئەگەر قسەی کرد درۆ دەکات، . . ) لە شوێنێکی تر دەفەرمووێت : (ئەگەر ئەمانەتی پێ سپێردرا خیانەتی لێ دەکا، . . )، ئەسڵەن نیفاقی بیروباوەڕ کە نیفاقی گەورەشی پێ دەوترێت ئەوەیە لە ژێرەوە کافر بیت و بە ڕووکەش ئیسلام نیشان بدەیت، ئێ کوا وەعد شکاندن و درۆکردن و ئەمانەت نەپاراستن کوفرن تا بڵێیت ئەوەی کە ئەم سیفەتانەی تێدا بێت مونافیقە؟ جا کەواتە ئەمە نیفاقی بیروباوەڕ نیە نیفاقی عەمەلە و ئەنجام دەرەکەی مونافق نیە .

ھەروەھا کوشتن و جنێو دان و خۆ بەریکردن لە ڕەچەڵەك کوفری گەورە نین، ئەگەر بڵێیت شەڕکردن لەگەڵ موسوڵماندا کوفری گەورەن ئەوا مەجبوری بەشێک لە ھاوەڵانی پێغەمبەر ﷺ بە کافر بزانی لە کاتێکدا کەسانی وایان تێدا بووە کە موژدەی بەھەشتی پێدراوە، چونکە ئەوانیش ناکۆکی و شەڕ لە نێوانیان ھەبووە بەڵام ئێمە نەھیمان لێکراوە باسی ناکۆکی نێوانیان بکەین، وە بە کافردانانی ناحەقیش ئەوە نیە خۆتی پێ کافر ببیتەوە بەڵکو تاوانی ئەو تەکفیرکردنە ناحەقەت دەکەوێتە سەر.

ھەروەھا لەم ڕووەوە فەرمودەی: (ھەر کەس گزی لێمان کرد لە ئێمە نیە), یان : (ھەر کەس بە غەیری الله سوێندی خوارد ئەوا کوفر یان شیرکی کردووە) ئەمانە و زۆرێکی دیکە کوفری بچووکن بەڵام ئەگەر ئەم کارانەی لا حەڵاڵ بوو یان ئەو شتەی سوێندی پێ خوارد پێی گەورەتر یان یەکسان بوو بە الله، ئەوا پێی کافر دەبێت، والله تعالی اعلی و اعلم.

ان شاء الله لە داھاتوودا زیاتر لەبارەیەوە قسە دەکەین.

#پۆستی : (٤٩)

*▫️کوفر و شیرکی بچووك : (١)*

کوفر و شیرکی بچوك ئەوەیە کە بە ئەنجام دانی کافر نابیت و لە ئیسلام ناچیتە دەرەوە ھەروەھا پێشی دەوترێت (کُفرٌ دونَ کُفر، یان شرک دون شرک).

لە زۆر فەرموودەی پێغەمبەر ﷺ دەبینی دەستەواژەی کوفر و شیرك بەکار ھاتووە، یاخود ئەنجام دەرەکەی بەوە ناوبردووە کە لە ئەو نییە.

جا ئەمانە و زۆرێکی تریش زانایان لە کتێب و نامیلکەکانیان بۆ ئێمەیان نەقڵ کردووە کە کوفری گەورە نین بەڵکو گوناھانێكن کە پێغەمبەر ﷺ لەسەر بکەرەکەی توند بووە بۆ ئەوەی ئوممەتەکەی لە گەورەیی ئەو گوناھانە ھۆشیار بکاتەوە.

جا ئایا پێغەمبەر ﷺ لە وتنی دەستەواژەی کوفر مەبەستی کوفری گەورە بووە یان بچوك؟ چۆن بیناسینەوە ئێمە؟

تاکە ڕێگا بۆ ناسینەوەیان بریتیە لە گەڕانەوە بۆ زانایانی سەلەفی ئوممەت، چونکە ئەوان شارەزاترین کەس بوون بە کتێبی الله تعالی و فەرموودەکانی پێغەمبەرەکەی ﷺ، چونکە ئەوان یان ئەوەتا ھاوەڵی پێغەمبەر ﷺ بوونە یان شوێن کەوتەی ھاوەڵان بوون یان شوێنکەوتەی شوێن کەوتوان بوون، جا ئاشکرایە کە ئەوان لەسەر دینە ڕاستەقینەکە بوون و جوانتر لە قورئان و سوننەت تێگەیشتوون وەك لە ئێمە.

بەڵام بەداخەوە ئەبینی زۆرێك لە بانگخواز و مەلاکانی ئەمڕۆ کە ئەو مەنھەجەی زانایانی سەلەفی ئوممەتیان تەرك کردووە، لە وتار و وانەکانیاندا دەڵێن ئەوەی فڵانە شت بکات کافر دەبێت! یاخود بمرێ الله بە بێ ئیمانی زیندووی دەکاتەوە! کەچی ھەر ئەوەی کە ئەو خەڵکی لەسەر بە کافر دادەنێت زانایان بە کوفری بچوك دایان ناوە.

بۆیە ئێمەی موسڵمان نە دەبێت توندڕەو بین نە شلڕەو، تەنھا شوێن کەوتنی دەقمان لەسەرە بە تێگەیشتنە ڕاستەقینەکەی سەلەف، جا ان شاء الله تعالی لە پۆستی داھاتوو چەند کوفر و شیرکێکی بچوك باس دەکەین.

#پۆستی : (٤٨)

*▫️طاغوت : (٣)*

لە پۆستی پێشووتر باسمان کرد کە کەعبی کوڕی ئەشرەف حەڵاڵی حەڕام کردووە و حەڕامی حەڵاڵ کردووە ھەروەھا پێشتر لە زنجیرەی #شیرکی_گەورە لە پۆستی دووەم باسی شیرکی گوێڕایەڵیم کردبوو، لێرەش بە کورتی باسی دەکەمەوە بۆ ئەوەی ڕوونتر بێت :

الله تعالی دەفەرمووێت : | اتَّخَذُوا أَحْبَارَهُمْ وَرُهْبَانَهُمْ أَرْبَابًا مِّن دُونِ اللَّهِ وَالْمَسِيحَ ابْنَ مَرْيَمَ وَمَا أُمِرُوا إِلَّا لِيَعْبُدُوا إِلَٰهًا وَاحِدًا | (التوبة : ٣١)

: واتە گاور و جولەکە حاخام و قەشەکانی خۆیان کردە خوا لە غەیری الله، وە عیسای کوڕی مەریەمیشیان کردبووە خوا کەچی تەنیا فەرمانیان پێ کرابوو یەك خوا بپەرستن کە الله ـیە .

الطبري لە تەفسیرەکەیدا لە بارەی ئەم ئایەتەوە لە ھاوەڵی بەڕێز عەدی کوڕی حاتەمەوە «الله لێی ڕازی بێ» دەگێڕێتەوە :

ھاتم بۆ لای پێغەمبەر ﷺ و خاچێكم لە ملدا بوو، پێغەمبەر ﷺ پێی فەرمووم ئەی عەدی ئەو پەیکەرە لە ملت دابکەنە، عەدی فەرمووی : منیش لە ملم دامکەند و دواتر پێغەمبەر ﷺ ئەم ئایەتەی خوێندەوە «مەبەست لە ئایەتەکەی سەرەوەیە»

منیش وتم ئەی پێغەمبەری الله ئێمە حاخام و قەشەکانمان نەدەپەرست .

فەرمووی : ئەی ئەوەیان بۆ حەڕام نەدەکردن کە الله حەڵاڵی کردبوو ئێوەش حەڕامتان دەکرد؟ وە ئەوەیان حەڵاڵ دەکرد کە الله حەڕامی کردبوو ئێوەش حەڵاڵتان دەکرد؟
وتم : بەڵێ.
فەرمووی: جا ئەوە پەرستنیانە.

کەواتە تێ بگە ڕەحمەتت لێبێت ھەر کەس حەڵاڵێکی ئاشکرای حەرام کرد یان حەرامێکی ئاشکرای حەڵاڵکرد و خەڵکیش شوێنی کەوتن لە حەڵاڵ کردن یان حەرامکردنی شتەکەدا ئەو کەسە دەپەرسترێت لەلایەن ئەوانەی شوێنی دەکەون، ھەر کەسیش بپەرسترێت ئەوا بووەتە طاغوت مادام پێی ڕازیە .

ئەگەر جولەکە و گاور لەسەر ئەم کارەیان لای الله تعالی بووێتن بە طاغوت، ئەی پێت وانیە ئەوانەی ئەمڕۆ لە پەڕلەمان شەریعەت بۆ خەڵك دادەنێن طاغوت نەبن؟ خۆ ئەوانیش حەڵاڵی الله تعالی حەڕام دەکەن و حەڕامی الله تعالی حەڵاڵ دەکەن، وە خەڵکیش بە دەنگدان پشتیان دەگرن و دەیان پەرستن و پشتیوانیان ئەکەن .

بۆیە ڕەحمەتت لێبێت بیر بکەرەوە و دەنگیان پێ مەدە و خۆت لە خۆیان و شوێنکەوتوانیان بەری بکە چونکە کوفر کردن بە طاغوت و ئیمان ھێنان بە الله تعالی بەشێكە لە وەلاء و بەڕائەکەت،  بەبێ وەلاء و بەڕائیش لا إلە الا الله ـکەت دانامەزرێت و موسڵمان نیت تا وەلاء و بەڕائت نەبێت .

الله تعالی بە ڕاشکاوانە واجبی کردووە لەسەرت کە کوفر بە طاغوت بکەیت و ئیمان بە خۆی بھێنی، ھەروەکو دەفەرمووێت : | فَمَن يَكْفُرْ بِٱلطَّغُوتِ وَيُؤْمِنۢ بِٱللَّهِ فَقَدِ ٱسْتَمْسَكَ بِٱلْعُرْوَةِ ٱلْوُثْقَىٰ لَا ٱنفِصَامَ لَهَا | (البقرة : ٢٥٦)

: ھەر کەس کوفر بە طاغوت بکات و ئیمان بە الله بھێنێت ئەوا دەستی بە ھۆکارێکی پتەو گرتووە کە پچڕانی بۆ نییە.

ابن وھب لە تەفسیرەکەی خۆی ھێناویەتی کە ابن عباس لە تەفسیری ئەو ھۆکارە قایمەدا دەڵێ : مەبەستی لا الە الا الله ـیە .

کەواتە ئیسلامت نییە بە بێ کوفر کردن بە طاغوت و ئیمان ھێنان بە الله، چونکە ئەگەر وا نەکەیت دەستت نەگرتووە بەو ھۆکارە قایمە کە لا الە الا الله ـیە، ھەڵبەت کوفر کردن بە طاغوتیش بەوە دەبێت کە لە خۆیان و شوێن کەوتوانیشیان بەری بیت وە ڕێبازەکەشیان بە پووچ و بەتاڵ بزانی و بە کافریان بزانیت .

#پۆستی : (٤٧)

*▫️شیرکی گەورە :* ١

شیرك واتە ھاوبەش بڕیاردان بۆ الله تعالی، بە گشتی بریتییە لە ئەنجامدانی ھەر جۆرە پەرستنێك لە پەرستنەکان بۆ غەیری الله عز وجل، پەرستن بە تەنھا سوجدە بۆ بردن و تەواف کردن نییە، بەڵکو چەندین جۆری تریشی ھەیە، هەربۆیە تۆی موسڵمان دەبێت بزانیت جۆرەکانی پەرستن چین تا ھەمووی تەنیا بۆ الله تعالی تەرخان بکەیت و نەکەویتە ناو شرکەوە و کردەوەکانت بەتاڵ نەبنەوە .

*▫️شیرکی داوا و هاوار لێکردن*

بریتییە لەوەی داوا یان هاوار لە غەیری الله عز وجل بکەیت بۆ شتێک کە تەنها الله عز وجل خاوەنیەتی، وا بزانیت گوێی لێتە یاخود بە ھاناتەوە دێت، جا ئەو کەسە یان ئەو شتەی بانگی دەکەیت لە غەیری الله عز وجل یان ئەوەتا کەسێکی مردووە لە پێغەمبەران علیهم السلام و پیاوچاکان، یان قەبرێكە یان بتێکە یاخود کەسێکە کە غائبە و لە نزیکت نییە و دەنگت نایگاتێ .

ئەم شرکە زۆر زۆر باوە لە ناو خەڵکدا، بۆ نمونە ئەڵێت : پێغەمبەر فڵانە شتت بەسەر بێت، یان یا حەزرەتی غەوز، یان دەچنە لای گۆڕەوە داوا لە مردووەکە دەکەن دوعاکانیان بە الله بگەیەنێت! بە بیانووی ئەوەی کە ئەو پیاوچاکەی ناو گۆڕەکە نزیکی ئەکاتەوە لە الله تعالی و خۆی ڕووی نییە ڕاستەوخۆ داوا لە الله عز وجل بکات !!! خۆ کافرەکانی قوڕەیشیش ھەر ئەوانەیان ھەبوو الله تعالی بە کافر و موشریك لە قەڵەمی دان.

ئەوجا با لەم ئایەتانە وردببینەوە بۆ ئەوەی جوانتر تێبگەین، الله تعالی لە بارەی موشریکەکانی قوڕەیشەوە دەفەرمووێت : | مَا نَعْبُدُهُمْ إِلا لِيُقَرِّبُونَا إِلَى اللَّهِ زُلْفَى | (الزمر : ٣)

: واتە ئێمە نایان پەرستین مەگەر بۆ ئەوە نەبێت کە لە الله نزیکمان بکەنەوە.

جا بەڕای تۆ پەرستنی کافرەکانی قوڕەیش بۆ بت و پیاوچاکەکانیان چۆن بووە؟ لە وەڵامدا دەڵێم الله تعالی دەفەرمووێت : | فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ | (العنکبوت : ٦٥)

: واتە جا ئەوان ئەگەر سواری کەشتی بووبان بە تاك و تەنھا و نییەتپاکییەوە داوایان لە الله عز وجل دەکرد و بەس ھاواریان لەو دەکرد، بەڵام کاتێك الله ڕزگاری دەکردن و دەگەیشتنە وشکانی، ئەوا یەکسەر دەستیان دەکرد بە شەریك دانان بۆی.

کەواتە پەرستنەکە زیاتر ھاوار لێکردن و بانگکردن بووە واتە شیرکی (دعاء)، وە ئایەتی تر زۆر ھەن لە بارەی ئەوەی کە دەبێ تەنیا ھاوار لە الله تعالی بکرێت، بۆ نمونە (الاحقاف ٥، المؤمنون ١١٧، الجن ١٨).

ئەوجا ھەندێ کەس دەڵێن کاکە ئێوە ئەڵێی ڕقتان لە پێغەمبەر و پیاوچاکانە بۆ نابێ ھاواریان لێ بکەین!!! منیش ئەڵێم باشە دەی ئێوە ڕقتان لە الله تعالی ـیە بۆ بە تەنیا ھاوار لەو ناکەن؟

پێغەمبەران علیهم الصلاة والسلام وە پیاوچاکان رحمهم الله پێگەی خۆیان هەیە لە دیندا و ئەبێت ڕێزیان لێ بگیرێت، بەڵام نابێت ببرێنە ئاستی الله عز وجل، چونکە پیاوچاک هەرچەندە چاک بێت سنوورێکی خۆی هەیە و نابێت لەو سنوورە تێپەڕبێت، وە هەموو پێغەمبەرانیش بۆ ئەوە هاتوون تا بە ئێمە بڵێن تەنها هاوار لە الله عز وجل بکەن. وە تەماشای دووعاکانی رسول الله بکە هەمووی بریتیە لە (اللهم، یان یا ربي)، واتە داوا لە الله تعالی ئەکات .

#پۆستی : (٣٢)

**کوفری گەورە : ٨

▫️ کوفری جێگیر نەکردنی ناو و سیفاتەکانی الله تعالی**

ئەمەیان بریتییە لەوەی کە ئەو ناو و سیفاتانەی کە الله تعالی لە قوڕئان جێگیری کردووە یاخود لە فەرموودەی صحیح پێغەمبەر ﷺ و ئاثاری هاوەڵان رضي الله عنهم بۆیان جێگیر کردووە تۆ بێیت جێگیری نەکەیت بۆی .

لای ئەھلی سوننە جێگیرکردنی سیفاتی الله بریتییە لەوەی کە وەکو خۆی لەسەر ڕووکەش بەبێ گۆڕینی ماناکەی (تحریف و تأویلی گروپە کافرەکان) و بێ ئەوەی بشڵێن نازانین مانای سیفەتەکە چییە (تفویض) جێگیری دەکەن، وە ھەروەھا ناشڵێن ئەو سیفەتە چۆنە و چۆن نییە چونکە چۆنێتییەکەی تەنها الله دەیزانێت، ھەروەھا سیفاتەکان بە ھیچ شێوەیەك ناشوبھێنن بە سیفەت مەخلوقەکانی الله تعالی، چونکە ھیچ شتێك لە الله ناچێت .

جا ئەو گروپانەی کە کەوتوونەتە ناو ئەم کوفرەوە ڕاستەوخۆ ناوێرن بڵێن جێگیری ناکەین بەڵکو دێن لێکدانەوەیەکی بۆ دەکەن و ماناکەی دەگۆڕن .

بۆ نمونە الله تعالی دەفەرمووێت : | قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ | (ص : ٧٥)

: فەرمووی ئەی ئیبلیس چی وای لێ کردیت سوجدە نەبەیت بۆ ئەوەی کە بە دوو دەستی خۆم دروستم کردووە . . . .

لێرە و لە چەند ئایەتی دیکە الله سیفاتی دوو دەست بۆ خۆی جێگیر دەکات، ئەھلی سوننە وەکو خۆی بۆی جێگیر دەکەن بە بێ ئەوەی چۆنێتییەکەی بزانن چونکە دەستی الله تعالی لە ھی دروستکراوەکانی ناچێت و بەس خۆی دەزانێت دەستی چۆنە، بەڵام گروپە گومڕا و زەندیقەکان ناوێرن بە ئاشکرا بڵێن دەستی نییە بەڵکو دەڵێن دەست لێرە مەبەستی دوو نیعمەتە !!!

جا ئەی موسڵمان ڕەحمەتت لێبێت ھەر سیفاتێك لە قوڕئان و فەرموودە ھەبوو وەکو خۆی جێگیری بکە بۆ الله کە دیارترینیان بریتیە سیفەتی علو، سیفەتی علو واتە الله تعالی بە ذاتی خۆی لەسەر عەرشە وەک چۆن لە دەیان ئایەتی قورئان و سەدان فەرموودە و هەزاران ئاثاری سەلەفدا هاتووە، وە مەیشوبھێنە بە مەخلوقەکانی، ئەگەر ئەمەت جێبەجێ کرد ئەوا خۆت پاراستووە لە کوفری پەکخستنی سیفاتەکانی الله تعالی .

لەو گروپە کافرانەی سیفەتەکانی الله تعالی پەک ئەخەن بریتین لە جەهمی و موعتەزیلی و ئەشعەری و ماتوریدی و کوللابی و رافضە ـکان .

#پۆستی : (٣١)

**کوفری گەورە : ٧

▫️من لم یکفر الکافر فھو کافر**

واتە ھەر کەس کافر بە کافر نەزانێت ئەوا خۆی کافرە، سەرەتا دەمەوێت بڵێم ئەم قاعیدەیەم لە گیرفانی خۆم دەرنەھێناوە ئەمە لە زانایانی ئیسلامەوە وەرم گرتووە و ئەوان بە کاریان ھێناوە .

واتاکەی ئەوەیە بە بەڵگەی ڕوون و ئاشکرا دەرکەوێت کافرە بەڵام تۆ بێیت بڵێی من بە کافری نازانم, ئەگەر وات وت ئەوا خۆت کافر دەبیتەوە، بۆ نمونە لە لای ھەندێك بە ناو بانگخواز دەبینی دەڵێ ناتوانین نەسڕانی و جولەکە بە کافر بزانین !!!!

دەی والله بەم قسەیە خۆت کافر دەبیتەوە چونکە الله تعالی لە چەندین شوێنی قوڕئان بە کافریان دادەنێت، وە ئەگەر تۆ بە کافریان دانەنێیت ئەوا قوڕئان بە درۆ دەخەیتەوە .

الله تعالی دەفەرمووێت : | لَّقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ | (المائدة : ٧٣)

: واتە ئەوانە کافربوون کە وتیان الله یەکێکە لە سێ خواکە (واتە نەسڕانیەکان) .

یان دەفەرمووێت : | إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا أُولَٰئِكَ هُمْ شَرُّ الْبَرِيَّةِ | (البینة : ٦)

: واتە ئەوانەی کە کافر بوون لە ئەھلی کتاب و ئەوانەش کە شەریکیان بۆ الله بڕیاردا ئەوا لە ئاگری جەھەننەم دەمێننەوە بە ھەتاھەتایی وە ئەوانە خراپترینی دروستکراوەکانن .

ئەھلی کتاب واتە گاور و جولەکە، وە زۆرێك لە بەڵگەی دیکە ھەیە لەسەر کافربوونیان، جا تۆ ئێستە چۆن جورئەت ئەکەی ئەوانە بە کافر نەزانیت؟ ئێستە تۆ کەسێك کە بڵێ لا إلە إلا الله و کوفرت لێی نەدیبێت جورئەت ناکەی بە کافری بزانی دەی ڕەحمەتت لێبێت تۆ کە کەسێك دەبینی بە ئاشکرا کوفر دەکا تۆ چۆن جورئەت دەکەی بە موسڵمانی بزانیت؟!!!

جا بزانە ڕەحمەتت لێبێت ھەر کەس کوفر بکا با پێشتریش وتبێتی لا إلە إلا الله، کافر دەبێتەوە چونکە ھەر وەك چۆن ئاو و ئاگر کۆنابنەوە بە ھەمان شێوە کوفر و ئیمانیش کۆنابنەوە لە دڵێکدا، تۆش بە کافری دابنێت و بۆ ئەوەی کە خۆت کافر نەبیتەوە .

#پۆستی : (٣٠)

لە عبداللە بن ٲبي الهذیل ـەوە کە بیستویەتی لە ابن مسعودەوە کە فەرموویەتی:

بەڕاستی اللە پێ ئەکەنێ بۆ ئەوانەی لە بازاڕەکان یادی ئەکەن.

[نقض الدارمي علی المریسي]

بِسْمِ ٱللَّهِ ٱلرَّحْمَٰنِ ٱلرَّحِيمِ

{لَعَلَّكُمْ تَتَّقُونَ}

گرینگـتریـن و گـەورەتـریـن و پێـویستریـن
سیـفاتـی ئـافـرەتـی سـاڵیحـە ئیـمانـی ڕاستـەقینـەی دڵیـەتـی
بـاش بزانـین و دڵنیـابـین ڕەحمـەتی پـەروەردگـار تـان لـێ بێت ..
تـاکـە سـەرچـاوەو بـەھێـزتریـن ڕێگـایـەک بـۆ دروسـت بـوونی ئیـمان وجێگیر بوونی لــە
دڵ بـەبـێ گـۆڕانکـاری ئـەوە قــورئــانـەکـەی پـەروەردگـارە...
واللە خـوشـکانی بـەڕێـزم بـاش بـزانـین ئـەم قــورئــانە کـتابی ھیـدایـەت و چـاک بـون و
پـەروەردەیـە.
بـۆ خـەڵکـی بـەگشتـی بـۆ ئیـمانداران بـەتـایبـەت .
جـا پـەروەردگـار لــەم ئـایـەتـەی الممتحنة ئـەیـەوێـت ئـافـرەتـی چـاکـەکـار دروستـکات و
پـەروەردەیـانکـات لــە سـەر ئیمـان.
چـونـکە دڵنیـابـن کـەس نـاتـوانـێ چـاک بێت و دوور بێت لــە گـونـاح تـەنھـا بـە ئیـمانێکـی
بـە ھێـزو جێگـیر نـەبـێـت
لــەبـەر ئـەوەیە پێغەمبەر ((صلى اللە علیە وسلم))
یـەکـەم شـت سـەحابـەکـانی لــەسـەر پـەروەردە کـرد ئیمان بوو.
بـەشێـوەیـەک کـاتێک ئـایـەتی حیجاب دابـەزی شـەو بـوو بـۆ نـوێـژی بـەیـانی ھـەرچـی
ئـافـرەتـی مـەدینـە بوون بـە بـاڵاپـۆش❗
ئـەوە گـەر ئیـمان نـەبـوایـە چـۆن وا یـەکسـەر بـێ دوو دڵـی بـێ بیـرکـردنەوە لـە قسەی
خـەڵکـی بـوونـە بـاڵاپـۆش، ئینجا پەروەردگار پێمان دەڵێت گەر نەتوانن ئیمان لە دڵ
دروستبکەن ،
بێگومان ئەوە شوێنی شەھوەت و ھەوا پەرستی و مـۆدیل و نەزەرو عیشق و غەرام و تا
کۆتایی بەرەو کاری ناشەرعی دەبات، بۆیە پێویستە لە ئیمان تێبگەین وەکوو خۆی و
دوایی لەدڵمان جێگیرو بەھێزی بکەین ، تـا بتوانین بـەھــۆی ئەم ئیمانـە سیـفەتـەکانی تـر جێ
بـەجێ بــکەیـن،

داوا دەکەم لەپەروەردگارم ئیمانێکی تەواوو جێگیرو بەھێزو بەردەوام بەھەموومان ببەخشێت اللهم امین

**بــەشی شـەشـەم.....

نوسین و ئامادەکردنی
دایکی عبداللە**

هەرگیز نوێژەکەت بەکەم مـەزانە و لەکۆڵی مەکەرەوە،
بە ئارامی دەستنوێژ بگرە،
بەجوانی سوورەتی فاتیحە بـخوێـنە،
کاتی تەواو ببەخشە بە ڕکوع،
بەجوانی مافی سوجدەکەت بـدە...
‏
پەلەی چیتە، پەلەی ئیش و کارتە؟!
تۆ لەبەردەم ئەو زاتەدایت کە هەموو کارەکانتی بـەدەسـتە.
‏
بیرت بێت، ملیۆنەهـا کەس لەگۆڕەکـانیاندا
تاکە ئاواتیان ئەوەیـە
لە جێگەی تۆ بن و سوجدەیـەک بۆ خودا ببەن...❤

و: ئەیاد فەهمی