لسان حال مولانا الهادي مع العسكري في آخر لحظاته

يالعسكري سبوهن... فوك الهزل خذوهن.
اخر لحظاتي.... اذكر عماتي
بالحبل جتفوهن

__**____

والدك اني ارد اسولف عالسبي وذاك الالم
حيل ما ظلالي اني من الدمع حيلي انهدم
تدري عماتك يبويه تجون بنار الخيم
من الحرك تدري يبويه جم طفل لا ماسلم

النار هم جوتهن.... ويلي عله ظيعتهن
تعله وناتي... أذكر عماتي

__**____

فرن بهيمه يويلي وكاع متروسه جمر
منين ماتلتفت زينب تلكه موجود الشمر
بالصحاري هناك وسفه ظاع يابويه الخدر
عطش ظيم وتعب يكتل وااشمس تجوي الظهر
ذبحو كل اهلنه... وتاهن بصحره هنه
تحير صفناتي... اذكر عماتي

__**____

عرجه ذيج النوك جانت وصعدوهن بالدمع
صعبه يالعسكري صعبه شكد صعب ذاك الوظع
شحجي اني شرد اكولن كلب زينب منفجع
المصيبه هناك جانت البجي شكد ينسمع

سمعن حجي الشماته... حسين أنسبن حواته
تحير جلماتي... اذكر عماتي

__**____

السبي يوجع يبويه والحجي ماينحمل
وسفه لاكوهن هناكه بالهلاهل والطبل
الحجي بالشام كله ابد ماظنه سهل
الناس فرحانه يبويه لان بيديهن الحبل

يهوسون جي سبايه... والفرح جنه غايه
انظر أبنياتي... أذكر عماتي

__**____

عدها عيد الشام جانت والحجي كلش صعب
بالحجار وبالسياط أطفال كامت تنظرب
بالأسواق وبلازقه افترن بكل الدرب
وشاب من عمتك يبويه الراس وياه الكلب

بالكوه بس أذيه... وتعبت تره رقيه
وحمره دمعاتي.. اذكر عماتي

__**____

عل خرابه شرد اسولف كعدوهن عالتراب
نوم ماكو وراحه ماكو بس مصايب بس عذاب
وزينب الوحدها جانت ويلي شافت جم مصاب
أنكسر منها ظهرها والكلب من عدها شابب

يالعسكري شكد شافت... متعذبه من ماتت
مختنكه اهاتي... اذكر عماتي

__**____

منتظر صالح الكعبي

دخلو البيتي الغرب.... وشصار بيه
منهو يقبل بالجره.... زلم وتولو مره
__**_____

من دكو عليه الباب... ردت افتح لجنه شصار
وإن اسمع حجه الظالم... فاطم نحرك احنه الدار

وره الباب واسمعه يخطط اذيتي
وانه حرمه يا ناس واجوني ل بيتي
منو سامع مصاب يشابه قضيتي
اعرفت من اجاني يوادم منيتي

هواي اجوني المنزلي... وهجمو عليه
منهو سامع ياتره.... زلم وتولو مره
__**_____

بده يدفع عليه الباب...وذب كل حيله بالدفعه
استند بالحايط ويدفع... وعلي تنظر شفت ربعه

عصرني بعصرته ولا يرحم الحال
مصيبه عظيم ولا مرت بال
ظلع مني احسه بدفعته تره مال
دمه من ظلوعي بعيوني شفت سال..

ظلعي بالعصره انكسر... هاي الرزيه
واني وحدي حايره... زلم وتولو مره
__**_____

وبصدري نبت بسمار... حار ونبتته بقوه..
واحسن محسن من يطيح...وهايه بلوتي بلوه

هوه مني عالكاع تناثر جنيني
اسم الله ييمه ندبته بونيني
عمت عيني عالصار يورده سنيني
ردت يكبر يشوف حبيبي حسيني

شفت محسن من وكع.... متروس اذيه
لزمو عليه سره.... زلم وتولو مره

__**_____

طحت عالكاع بهمومي ...وتلكتني هالسطره
بيا ذنب انسطر اني... وعيني من الصفع حمره

اجه الطاغي ياناس والاعيون صفعهن
وعله وظعي والصار يصبن دمعهن
سنيني بوكعتي طفن كل شمعهن
تخيلت الحسين بناته شوظعهن

دم بقه يصب المتن... وبلا حميه
هالعصابه الفاجره ...زلم وتولو مره

__**_____

دخلت بيتي هالعدوان ... ويا وادم تره جبيره
ما رحموني لا والله... ولا عدهم ابد غيره

شعلو حطبهم واجت ليه هالنار
وعلي من اجاني شفت وحده احتار
كباله ويظربوني وصعبه تره الصار
المصايب بدت من اجوني عله الدار

جتفو حامي الحمه... بهاي المسيه
كبالي جتفو حيدره... زلم وتولو مره

__**_____

نفسه اللي دفع بابي.... باجر يسحك اعله حسين
يسحكون الجسم بالخيل.. وين الكه حبيبي وين

بعد سحك الحسين وبعد كطعت الراس
المصيبه يباجر تشيب هالاحساس
تظل زينب بلايه خيمه ولا عباس
مثل الاجوني يجوها تره الناس

وجم مره باجر تنسطر... اه يارقيه
وبعد كطعت منحره... زلم وتولو مره

__**_____
منتظر صالح الكعبي

(كربلائي)

باجر للزجيه نروح.... لمن يظهر الموعود
ونقيم العزاء هناك... ويصعد يقره الرادود

__**_____

باجر يظهر المهدي... وعله المخفي يدلينه
يله كلنه خل نمشي... يصيح بصوته مهدينه
وجمعتنه بظريح حسين... ونرفع رايه بيدينه

نزور حسينه ونمشي
وابد ما نهتم الكلشي
يشيب من الدمع رمشي

أفواج احنه من نطلع.... كل خطوه عددنه يزود

__**_____

مواكب نلكه منصوبات... وكلها تخدم الزهره
هذا بيده يطبخ زاد... وتاكل منه الفقره
وَهذا اللي يوزع ماي... ومنها يطلب النظره

وملائكته السمه ترحب
هلا بيكم تظل تندب
بعددنه تنترس يثرب

وجبرائيل هم نلكاه... يخدم بالصحن موجود

__**_____

حلم كل عاشك بهاليوم...يطب ويلزم شباج
ويزهره انتي كل محتاج.. تنطينه اذا حاجاج
يمته هالحلم يصير... يل بالشده هم نلكاج

نريد بصحنج احنه نطوف
يام الكرم والمعروف
وحك فظلج الما موصوف

الصابر واصل لحد حده... يمته يرجع النه الزود

__**_____

اللي عاداج يالزهره...باجر هوه يتندم
ينادي بصوته ابوصالح.. تحظرو يله للماتم
بنص الصحن خنقيمه...مجلس والدمع من دم

يرتب بالعزه المهدي
وبالقران من يبدي
ويكلج هذا الج وعدي

وأنواع الحظور هناك... الوعد للمهدي ظل مشهود

__**_____

وبعد ما ينتهي القرآن.... يحاظر يصعد القائم
يحجي اللي جره والصار ... عله امه بالحزن فاطم
وي كل كلمه هوه يصيح...العنو بحبها كل ظالم

وسيد جاسم الينعه
(انه جويعده) نسمعه
وصوته تباركه البظعه

يذكرنه بظعون حسين... بصوته نرجع احنه اردود

__**_____

وعبد الرضا هم نلكاه... يصعد يقره كعديه
وكل اهل التراث هناك... كلمن يقره لطميه
حمزه يقره عل ميمون... وتصير شلون روحيه

ويصير اللطم عالراس
ويحظر بالعزه العباس
وبزنوده يروي الناس

وعابس احنه ننظرله... بنص ذاك العزه شادود.

__**_____

منتظر صالح الكعبي

لسان حال أمير المؤمنين.. بفقد الزهراء

اليدفن حبيبه بالترب
يشيب راسه والكلب
ويبقه يون يوميه. ويا مشيته المحنيه
__**_____

جبنه العمر كله سوه... بروح وحده عشنه
جانت الي مثل النفس... نورين احنه جنه
الكلشي حسبنه سوه... وللفركه ما حسبنه
الوادم بكت طول الدهر... تحجي فقط عن حبنه

من حبنه ابد لا ماكو حب
حته الهوه سوه يطب
الجانت اليه الريه.. ويا مشيته المحنيه
__**_____

بتشيعها امشي كمت... بس امشي وانه محني
ماادري هيه البل نعش... لو روحي هيه بوني
راح اني اعوفنها بكبر... وللموت اكضي حزني
احتاج فاطم كل وكت...والذكريات اذني

عازتها جن عازت هوه
جن ليل ومظيع ضوه
وايامي بس ليليه... ويامشيته المحنيه
__**_____

من نزلتها اني الكبر... شفت انخطف كل لوني
بلكوه كمت انكل جدم... وشابت رموش اعيوني
سلمان والمقداد اجو... وبمشيتي يعينوني
يا حالي ابد ما ينوصف... بعد الحبيبه شلوني

لمن عفتها بالكبر
اعرفت الحزن طول العمر
وايامي جن مكظيه... ويامشيته المحنيه
__**_____

بالكوه صارت مشيتي... وبالكوه أجر انفاسي
لون البياض البلكمر... مثله صبح كل راسي
فاطمه روحي وكل هلي.. فاطم اعز كل ناسي
روحي وحياتي ودنيتي... واحساسها احساسي

شم الهوه أصبح صعب
يا كلبي صرت بلا كلب
هيه اهلي واللي بيه... ويا مشيته المحنيه
__**_____

رديت للبيت وشفت... صارت حياتي مظلمه
كابلت زينب كمت اون...واصرخ ارجعي فاطمه
بليل تكعد زينبج... تبجي وتون وهايمه
عفتيني بله اليا حزن... وبلكبر وسفه نايمه

للمهدي خلي ننتظر
يمته يحل ذاك الأمر
ندعيله بس بالجيه.... ويامشيته المحنيه
__**_____

منتظر صالح الكعبي

(٣ دكات)
لسان حال الزهراء مع صاحب الزمان.. ص

يالمهدي اريد اليوم أروي الرزيه
دفعو عليه الباب وبلا حميه
_______
دكو عليه الباب وبداري وحدي
ردت افتح اني الباب شو كلها ظدي
ظل يدفع الملعون تدري يمهدي
يدفع بقوته الباب يمه عليه
*_______
يدفع بقوته كام وبصدري بسمار
حكك تون كل يوم علي جره وصار
بلا حمه لا دين يالمهدي أشرار
سب وشتم والألم فوك الاذيه
*_______
يمه جنيني طاح شاهدته عالكاع
لا حظن هالمدلول لا كلمه وداع
بالعصره يمه طاح من عندي بساع
وبيا ذنب بالباب طاح من اديه
_______
بحقده اجه الملعون سطراني عالعين
ماهمي حالي صار كل همي ابو حسين
خوفي يشوف الصار وبكلبه نارين
اشكي بقيت اليوم لرب البريه
*_______
داري اشتعل بالنار ياحالي يصعب
بيتي غدت هالنار يالمهدي تلهب
الله يعين هناك بنيتي زينب
يوجوها ادري النار بالغاظريه
*_______
شفت الوصي بالعين جتفو بالاحبال
وزينب بيوم الطف مشدوها الحال
وبكربله يعطشون يايمه الاطفال
الله يعين هناك عمتك رقيه
__**_____
منتظر صالح الكعبي

موشح..

راح أسولف قصتي لاحبابي
لمن وكفت هالعصابه بابي

__**____

أنه الزهره وراح آسولف قصتي
بيوم هجمو عله الباب وعصرتي
شلون جانت راح اسولف وكعتي
من اجوني جنت يم محرابي

__**____

دكه الباب أعرفتها أني
موش خير الدكه دكه جاني
يظحك ويشمت سمعته الثاني
واعرفت هالحظه يبدي مصابي

__**____

أنه حرمه وهمه زمره ياخلك
بفعلته هاي تره كلشي أختنك
كمت أحس الكون اعليه انطبك
انطبك بابي وهمي جان احجابي

__**____

والوحي بهذا الفعل شفته انفجع
محسن من العصره تدرونه وكع
تحيرت بين ابني مابين الوجع
وابني احسه مجلب وبثيابي

__**____

طحت فوك الكاع من كثر الألم
ظلعي لو ظلع الوحي هسه انهشم
بيتي وجو نار وكلشي ما سلم
بيا علي للنار جان جوابي

__**____

كتله اني الزهره شو كلي وأن
قنفذ بصوطه اجه وطك المتن
بس حزن ظل مملي كلبي بس حزن
ما يفيد وياهم اني اعتابي

__**____

فوك كل هذا الي صاير والجره
كبال عيني جتفو لن حيدره
ولمن شاهد حالي هم دمعه جره
خلو ابن عمي صحت طلابي

__**____

منتظر صالح الكعبي

(شوط كربلائي)

أودعج يالعقيله اليوم .. واريدج مني اتسمعين
اسولفلج على العباس .. والمهدي اليگر العين

__**____

انامن راح انه بكبري... بس ظلعي اليأذيني
دفعو بابي ذاك اليوم... وصحت يافظه سنديني
وبكبري تره بهاليوم... يبقه معتلي ونيني

الظلع يأذيني انه بكبري
والبسمار البصدري
ودم السطره هاليجري

كلهن ذني ياذني... بس انتو المهم عدلين

__**____

بعد جم عام يا زينب... يجي عباس اليكفلج
گلبه ينهظم تدرين... اذا مهظومه ويصدلج
وحين الكربله ترحون... بخدمتج زينب يكلج

ويامحله الكمر عباس
يزينب بي ارفعي الراس
راعي الغيره والنوماس

وياج بكربله موجود .. بوجوده ما تصدلج عين

__**____

اشوفه بكربله يطلع... يازينب على العسكر
يفرحني اكيد هناك... نشمي ولا ميتعذر
يطب للجيش طبة موت... الشرد من عده ما يكدر

اشوفن باجر بطبته
تنكط غيره من كصته
افرحي بكافلج يخته

تره اسمي شعاره هناك... وانتي باجر تشوفين

__**____

يصيح باسمي والعسكر... ميسلم اي بشر بيهم
خيال الكافل واسمي... يرعبهم تعرفيهم
اخوج بزوده من يمشي... ابوفاظل يبجيهم

اشوف بكربله الشرده
منه اليلبد يرصده
بيده وكلشي ماعنده

لجن باجر يغدرونه  .. ويضحي بعينه والجفين

__**____

من هسه ابجي عالعباس.. ووحده الفرحه بس عندي
من اسمع هتف جبريل.. ظهر يا فاطمه المهدي
يصلب بيده من يظهر... ذاك اللي صفع خدي

اتنطر يجي يا يوم
ويفرح كل بشر مهموم
هذا واضح ومعلوم

ويجبر كسر ضلعي .. وبيده يصلب الجبتين

__**____

يجيني باجر الكبري...وخدم وياه مشايه
من كربله يتعنون .. وبيده ترفرف الرايه
بشوك انتظره هذا اليوم... وخدم تتنطره هوايه

خدم وياه يتعنون
مواكب تعزيه ينصبون
ويلطمون ويخدمون

ويا محله انطلاقتهم ... من صحن الذبيح حسين

__**____

بسلامه باجر الموعود.... لمن هوه يوصلي
يظهر كبري لاحبابي .. وجمعه بيهم يصلي
ويبنيلي صحن بيده .. وتأمرين أسمع يكلي

وكل الشيعه يتعنون
واملاك السمه ينزلون
وي المهدي يتحزمون

ويبنون الصحن وياه .. ذوله اربات ابو الحسنين

__**____

ما تطفه ابد ناري .. ناري تبقه لهابه
تبرد ناري من يظهر... ابني الطول غيايه
وارتاح من اسمعه يصيح .. اه يحسين ومصابه

فرحتي بجيته وانتظره
يوم اللي يحين أمره
هاذي فرحة الزهره

الله يعجل اظهوره ..  ادعيله ظهوره ايحين

__**____

الشاعر
منتظر صالح الكعبي

جروح مولاتنا السيدة زينب(ع)
(عكيلي)

فراكج شيحمله يالزهره
__**____

زينب أني وخمسه سنيني
روحي أنتي يالزهره وعيني
مهظومة أنتي وتأذيني
يأذيني ظلعج والكسره

__**____

كليلي فراكج شيحمله
نفارك نورج لا مو سهله
بعدج تلفيني جم عله
ما ترحمني هاي الزمره

__**____

راح دير الدنيه عليه
وكلها ليل بلا صبحيه
هم مثلج باجر مأذيه
وعالراس أشبج أني العشره

__**____

شلون أحجيلج حال اخواني
لجيتج كل واحد امتاني
لو سكتو ابقه انعاج اني
انعاج بونه وبحسره
__**__
والدنه شحجيلج وظعه
عجب هالكونين السبعه
لاماكف الون والدمعه
يمشي بأيده يكض بظهره

منتظر صالح الكعبي

موشح..

راح أسولف قصتي لاحبابي
لمن وكفت هالعصابه بابي

__**____

أنه الزهره وراح آسولف قصتي
بيوم هجمو عله الباب وعصرتي
شلون جانت راح اسولف وكعتي
من اجوني جنت يم محرابي

__**____

دكه الباب أعرفتها أني
موش خير الدكه دكه جاني
يظحك ويشمت سمعته الثاني
واعرفت هالحظه يبدي مصابي

__**____

أنه حرمه وهمه زمره ياخلك
بفعلته هاي تره كلشي أختنك
كمت أحس الكون اعليه انطبك
انطبك بابي وهمي جان احجابي

__**____

والوحي بهذا الفعل شفته انفجع
محسن من العصره تدرونه وكع
تحيرت بين ابني مابين الوجع
وابني احسه مجلب وبثيابي

__**____

طحت فوك الكاع من كثر الألم
ظلعي لو ظلع الوحي هسه انهشم
بيتي وجو نار وكلشي ما سلم
بيا علي للنار جان جوابي

__**____

كتله اني الزهره شو كلي وأن
قنفذ بصوطه اجه وطك المتن
بس حزن ظل مملي كلبي بس حزن
ما يفيد وياهم اني اعتابي

__**____

فوك كل هذا الي صاير والجره
كبال عيني جتفو لن حيدره
ولمن شاهد حالي هم دمعه جره
خلو ابن عمي صحت طلابي

__**____

منتظر صالح الكعبي

مجتوفة عالنوك ...مروني بالسوك
عودي انكسر...من القهر
وشحجيلك اني شبية

....

بالحلم شفتك بس ردت ... احجيلك اني شبية
ذبلت اغصاني من التعب... وبيهن حفر رجلية
شتحمل وشصبر بعد ... وكل حيل لا ما بية
بداعت سوالفنة القبل ... ارجع يبوية علية

ارجعلي يحسين...ختشوفك العين
بالكي ترد ...طال البعد
واشتاكلك  يومية

....

الشام ما يرحم ابد ... وشسوة بوية بينة
باب وكفونة شكثر ... يضحكون بوية علينة
وجوهنا من الشمس ... تكشرت من يحمينة
هم تدري يابوية بعد... خدامة راد سكينة

تمرجل يزيد...خدامة الة يريد
طالبها الة ... المدللة
سكنة ترة مسبية

...

فوكانة موجود الشمر ... شلون بس كلي نام
من حظنك السوط النذل ...دارتنة وسفة الايام
بطبول وأفراح ورقص ... استقبلوني اهل الشام
يهوسون جي مسبي الظعن...يابوية كلش ظلام

الشام فرحان  .... وكل احنة نسوان
ارجع اللي ...يابوي علي
وشوف الحبل بيدية

....

أطفالهم يمي اجت ... ونسوان بية تمشتن
كللي ثوبج بي حرك ...وبقوة يابوية ضحكن
جابن تراجي من ذهب .. كللي شوفي من اجن
ماعندج انتي ظل ابو ... وصاحن بصوت وهلهلن

مدللتك اليوم ... والينها الكوم
ذبلت بعد .... بس الجسد
ومن القهر محنية

....

شحجيلك هواي الحجي ... وهواي بية اللي صار
من السطح شفت الزلم...ذبو علينة مي حار
تقبلها زينب تنشتم ... وتقبلها زينب تحتار
الما شافها واحد قبل... يشمروها بوية بحجار

حجار وعلة الراس... ماترحم الناس
كل الحجي ... ما ينحجي
وانشتمت العلوية

....
السوك شراية حجي ...سمعت الحجي الما ينكال
نسوان الحسين الاجن... ومجتفيهن بحبال
معقوله زينب هالاجت...وحدها وبلا كفال
بنص الزلم اني عثرت...وشاهد رقية بيا حال

ما ظلي كل حيل ...وهالخلص ليل
فوك النحر...موتي بقهر
ونتلاقة بالمنية

....
منتظر صالح الكعبي