تعال سولف عليّ بأسلوبك الساخر
خلّ الحزن ذاك تضحكني تفاصيله

الليلة إنّ كان عندك للمطاف آخر
وصّلني آخر مطاف أحزانك الليلة

• عبدالله آل لزيوح

‏عرّضوا صدري نسيم الغرب لا ذعْذَع مهبّه
‏واتركوا جرحي يكفّ الصوت والشوق يتكلّم

‏والله إن ما اصعب من الفرقا عقب زود المحبّة
‏غير دمعٍ في عيون اللي يحب ولا يعلّم
‏
‏- سلطان الحويقل

تجي مثل البرد، مدري تجي مثل المطر لا صبّ
يداعبك النسيم وينتظرك أيّامه الجايه

أنا مهما بلغت مْن المحبّة والشعور الصبّ
احس إنّي لْين اليوم ما حبّيتك كفايه

- نايف السراهيد

أتوجّع كل ما مرّ دربي عابرين
أنتظر ولا لعب فيّ غير الإنتظار

- خالد مبارك

‏"أنت ما الله خلق منّك سوا نسختين
‏نسخةٍ فوق الأرض، ونسخةٍ فالسماء."
‏
‏—صالح النشيرا.

«صباح الخير يا كلّ الوجيه اللي ترد الروح
ما هي بعض الوجيه اللي ترد الليل لا قفّا»

- فالح الغنامي.

‏الآدمي لا حبّ له واحد.. يحبّ اللي وراه
‏أنا ما كنت أحبّ لي ديرة وصرت أحبّها*

سولف أنت اللحظة اللي معك تشرى
وهرجهٍ ما هي من شْفاك.. مملوله
- صالح الهويملي

تقول ما اعطيتك سوا قلب وأبيات؟
والله لو املك غيرها ما ذخرته

لا عدمت اسمه وطاريه وقفاته وزوله
‏ليت راسي وجسدي بينه وبين اللي يضرّه

-زايد بن ذعار