https://youtu.be/7Lpobzcoy_8?si=IVZDQBGmTQ74khz9

اليوم سامرّة الكِدَر بعلومها
والأمام العسكري مسمومها
_____
اليوم چَلچَل بالسمه غيَم الكِدَر
والإمام  المهدي  دلّاله  انفطَر
من بني العباس ميشوم الدَهَر
ظلم أولاد الرِده وميشومها
_____
ظلم أولاد الرِده ازداد وطَغه
والبغي اعله الدين والأمّه بَغه
وسَد إذانه وبعد للحگ ماصَغه
وزمرة التضليل بيَّن يومها
_____
زمرة التضليل للحگ رافضه
ولأهل بيت النبوّة مُغرضه
تستغيث الگاع منهم والفَضه
زمرة الشيطان بيده اعلومها
_____
زمرة الشيطان كلها مشيطِنه
بالنفاق وبالجهَل مستوطِنه
اعله الرگاب بسيفها متسلطِنه
وهيّه عالحَگ والعَدِل مزعومها
_____
يوَلّي طاغي يسَلّم لطاغي الأمُر
والظلم عالناس باقي ومستمر
وصار بيد المُعتَمَد راعي الغَدُر
وزادت آلامه بعد مالومها
_____
زادت الدنيا بظلام ومُعتمه
المُعتَمَد من نسل زمره المُجرمه
اتآمَر اعله ابن الزچية وسَمّمه
والإمام العسكري مظلومها
_____
ظلمه سامرّة وطفَت بيها الشمس
والجروح اصواتها وتهمِس هَمِس
اليوم غربه اليوم مايشبه أمِس
والأمام المنتظر مهضومها
_____
علي صابر السراي
نسألكم الدعاء

https://youtu.be/TbkRSaJTlEU?si=SDlOCDEocg1nKXpR

لسان حال الامام المهدي

يا اهل السماوات جدي منذبح مات حُسين
ابچي دمعه لو دم عليه هل محرم حُسين

حجة الله المهدي اني المغيب بأمر ربي
انتظر ساعة ظهوري حتى ابرد نار گلبي
واخذ بثارات جدي وصوت واعيته البي
حين اظهر الا اشهر سيفي واثأر وابدي حربي

بطلبة ثاره موعود و ذا عَهدٌ و معهود حُسين
شمل احزاني يلتم عليه هل محرم حُسين

يوم عاشور بدليلي جرح ما يحصلّه طيبه
كل صباح وكل مسيه تسكن بروحي المصيبه
ما اكابر لا اصابر و الرضيع اسمع نحيبه
اجزع و ألطم و أنادي عالبقت بالطف غريبه

المدمع دم اسيله صعب حال العقيله حسين
عدوها بيها شتّم عليه هل محرم حسين

هل شهر احزان گلبي واني عن الطف مُغيّب
الواقعه بگلبي شفتها من سمعت آهات زينب
عالهزل عباس صاحت و بلسان الحادي تنسب
زينب اول هاشميه عالمتن بالسوط تُضرب

أسرها أعظم مُصيبه و الافجع غريبه حسين
وسوط البيها ألّم عليه هل محرم حسين

بالزيارة الناحيه اقره واشعر بلوعة مُصابك
من اسلم اعليك اسمع امن النحر يرجع جوابك
تحسرت وتأسفت لك لكل سهم يحسين صابك
اعليك لجري دموم عيني و انحب الغصة عذابك

عليك الحسره و الآه حسيناً و آحسيناه حسين
عليك الباري سلّم عليه هل محرم حسين

حسين جدي مات ظامي هذا اليهيج عذابي
وحتى لو بالثار اخذ هم راح ابگه بأغترابي
راح اندبك كل صباحي وكل مسائآ بنتحابي
وادعي ربي بجاه نحرك أظهر ويخلص غيابي

أخذ ثارك مُرادي يا جداه أنادي حسين
بحالك گلبي يعلم عليه هل محرم حسين

الشاعر سيد حسام الحسيني

السلام عليكم ورحمة الله وبركاته
((في حال وجود بعض الأخطاء في طباعة القصائد
بأمكانكم مراسلتي على صفحتي على الفيس بوك وسأكون في خدمتكم))

(ليلة العاشر)

تخلص معانات بالآهات ياليلي
...........................
ياليل الجروح للوداع تدعيلي
صرخات الاطفال ملمات تحجيلي
قرآن الآلام بالدموع ترتيلي
توديع الاحباب بالجروح هد حيلي
أنحب واناغيك صحت صوت ياويلي
جم حسره وآهات يهالليل تأويلي
.........................
ياليل الوداع الاحباب جرحوني
.....................
بدموع الالام اويلاه أذوني
اتعذب بآه أخوتي تركوني
باجر يرحلون يويلي يتركوني
ليش الحبايب عجيبه يخلوني
معقوله ياليل يروحون ينسوني
وانه الأحبهم أودهم يدروني
..........................
ياليل الدموع والجروح واللوعه
.........................
هالليله جسام يطفون اشموعه
ويتجرح حسين اذا حار بدموعه
بنجومك الخوف والايتام بالروعه
قصتك بالدموع والاهات مسموعه
باجر أياليل مصيبات موضوعه
جفين أبو الزود عله الماي مكطوعه
..........................
طفيت الشموع والدموع أجريهه
......................
دمعاتي لحسين والعضيد أبجيهه
ومن دم الركاب الجفوف أحنيهه
أنظر للخيام والرجال مابيهه
قصه من الدموع ألك هاي أرويهه
واتصيح الاطفال والسهام تسكيهه
يانار الخيام منو هناك يطفيهه
.............................
ياليل الاوجاع عظيمات أحزاني
.............................
تسبيح الجروح والاحزان بلساني
باجر يروفعون بالرماح خواني
يقرالي آيات عجيبات قرآني
ماتغفه العيون اليمات أشجاني
جمر الغريبات أويلاه جواني
مذبوحة احساس والانفاس تلكاني
.........................
فرض المعانات والجروح صليته
.........................
توديع الاخوان جمر نار حسيته
ومن نحره الحسين يويلي شميته
وبسته اعله جفيه أبوالزود وصيته
من توصل الماي ألك جود خليته
يالجرحي عباس بالاحساس سميته
جمر الصواوين بالوعود طفيته
......................
علي صابر السراي
نسألكم الدعاء

راعي الفخَر    فوكَ البشَر   والله ونعم فارس مضر
متربّع بعرش النور ومن الله هالقُدسية
_________
شانك عَجَب واهل العلِم صفّنها
وتخبط لجن اجفوفك ايصفنها
العاديات شما ألك صفّنها
اتفر الزلم    من تحتدم   يمعلّم فنون العزِم
ولو وجّهت ذو الفقار كل ضربه تعدِل ميّة
____
راي الحرب من رايك ايشاطرها
وبسّ الذكي المنّك يفُر شاطرها
فقارك انصاف الزلم شاطرها
من رهبتك   من هيبتك   اتموت الرجال بصرختك
اتطيح الفحول من اتصول يَمّك علي مَدميّة
___
ياحنضل بريج الحرب يامُرها
نار ويَمُر ذِكرك علي يامرها
فقارك لروس بأمر يامرها
لو مَر خَطُف يكَطف كَطف وروس الزلم صَف صَف يصُف
ضرباته مثل الميزان جيه جفّ علي راعيّه
____
الباري يكَل للي يحبك بُشراك
واتشبَّكَ وطاح اليضدّك باشراك
ضَلّ الحقيقه ويه الله عايش ب اِشراك
أنته الأصل  حبل الوصِل  وي الله أسمك متّصل
أنته النبأ والفُرقان وسِرّ العلي بعاليّه
____
الماعاودَك لا والله أصلاً مَنعود
ومانعترف باللي يضدّك مَن عود؟
ولسجّة الله بلايه حبّك منعود
حبّك درب  حُب وحرب   يجذب جَذب  نبض الكَلُب
صلّى العلي العالي اعليك  وانفاسك العرشيّة
____
أنته العقيدة الصادقة مَنبرها
والماتبرّك ياعلي مَنبرها
والدنيا ماناكل أبد من بُرها
لو مايدكَ  حبّك صدكَ   ويهتف علي نبض العشكَ
من الأولى حبّك بالروح ينبض إلى التاليه
____
كل خير بينه وماتجد شَر بينه
من الذَر الباري محبّتك شَر بينه
حبّك حليب اُمنه وأله شُربينه
ماي بضمه   حامي الحمه   وظل يسري حبّك بالدمه
وظل ساري بينه المفعول ويكبر اشويّه اشويّه
___
واحدنه عالروح وكفو إن تَمنه
غير احنه منّك ياعلي وانته امنه
أنته أبونه ياعلي وانته امنه
بالآخره   ياحيدره   يَم كوثرك نلزم سره
ولشوفتك عطشانين مانعطش اعله اميّه
___
بصدر اليضدّك ياعلي قَد دِسنه
وولايتك كوكب ضوه قد اسنه
جيه الله المقدسك ألك قدّسنه
حُبّك غَرِس   وسط النَفِس  يالقدّسك روح القدس
منّ الأنِس بس الروح منّ الله لاهوتيه
____
لولا انته بترابه الجَهَل درّسنه
حبّك ثمين بكل كَلب دُر اسنه
يالحبك دروس العشگ دَرّسنه
حبك فرض   ينبض نبض   كل حب يحيدر ينقرض
بس انته حبّك موجود ألفيه بعد الفيه
____
جيه الله المقدسَك ألك حبّينه
واولايتك باول نفَس شمّينه
ولولاك لاصمنه ولا صلّينه
والروح بحبّك ساكَيها
_____
يالقدّسك طه وألك قَدّسنه
ومن منبع الحب ياعلي اتأسَّسنه
حاشه جهنَّم يالصميدة اتمسّنه
واسمك لجهنَّم يطفيها
_________
علي صابر السراي
نسألكم الدعاء

كرامات .. ذكرها الله ونبيه
كرامات .. عدد هاي البريه
كرامات .. الك حامي الحميه

1
من النبيين اخذ ربنه بيك ميثاقه العلي
بعالم الارواح كَلهم لا فتى الا علي
واخذ ميثاق الولايه وانته صرت الهم ولي
وسورة آل عمران تشرح هذا بالنص الجلي
نبوّات .. لجن باسمك ختمها
نبوّات .. بعد عندك علمها
نبوّات .. ومواثق أُخرويه

2
الله من نوره وعظمته خلقنه انه وحيدره
النبي كال وكبل آدم والقلم خط وجره
بعدد ألفين وسنينه من سنين الآخره
يعني حيدر انته اول والخليقه ليوره
روايات .. تنص بهالحقيقه
روايات .. صرت للحق طريقه
روايات .. نستها الجاهليه

3
ياللي آمنت بحمد (ص) من كَبل خلق البشر
وانخلقتو بنور واحد كَبل لا يبدي الدهر
انته قرآن الجلاله وذكرك بكل السور
بجفك الكون بعظمته وبيدك تفرّ القدر
يآيات .. ذكرها الله بكتابه
يآيات .. يجهلوها الصحابه
يآيات .. تنص بالأولوية

4
الباري عن بيت القداسه أُمر مريم بالسَفَر
وبت أسد فاطمه أمك ألها بيت الله انشطر
وانولدت ابيت ربنه وراسك ابيته انطبر
بأجل موضع واجل ساعه وأجل ليله وي شهر
علامات .. توضّح هالكرامه
علامات .. على عظم الأمامه
علامات .. تعددها الزجيه

5
يا أجل وارفع وأقدس واعظم وأطهر نفِس
اتشرفت بيك الخليقه وخادمك روح القدس
بسورة الأحزاب الله طهّرك من الرجس
والاكوان بطوع أمرك ياللي رديت الشمس
سماوات .. انكتب أسمك عليها
سماوات .. تندبك يا وليها
سماوات .. وجنان الله العليّه

6
وطه بالمعراج ربنه بصوتك انته كلّمه
وعنّك وعن اليتبعك بالمنازل علّمه
والحروب اتصيح باسمك والمواقف والدمه
يا علي والما يشوفك عينه صاباها العمه
نهايات .. يمن صرت البدايه
نهايات .. يمن صرت النهايه
نهايات .. مراتب حيدريه

_______

علي صابر السراي ...... ( اسالكم الدعاء )

شلّت ريت ايمينه.. من صوب والينه.. وصرنه ويه الأحزان
من طاح ابمحرابه.. السيف اهتز بگرابه.. وضل يبچي القرآن
واللي صابه.. صوّبانه.. وابوداعه.. عذّبانه
__
لمن صاب الراس.. صوّب بينه احساس.. عذبنه وأذّانه.. بطبرة نور العين
جارح بينه گلوب.. يحرمنه المحبوب.. دم الوالي بسيفه.. ويفترّ بيه البين
ذابحنه الملعون.. فجّر بينه عيون.. أَفجع رب العزه.. وكل العليّين
مفجوعه الأملاك.. مكدوره الافلاك.. وحيرة زينب حيره.. واتعاين لحسين

مجروحه او موجوعه.. مقهوره او مفجوعه.. وتندب حامي الجار
والدها الاذاها.. والعباس وياها.. يعاين للفقار
يتّماها.. ويتمانه.. وابوداعه.. عذبانه
__
من طاح الكرار.. شبّت بينه النار.. وصاحت صوت الدمعه.. يا روح الإسلام
چن نار النمرود.. والاهات شهود.. والحسرات اتنادي.. بگلوب الايتام
شينومه المجروح.. شيضمده المذبوح.. ما ترجع نبضاته.. حتىٰ ويه الاحلام
متألم رمضان.. محزون الرحمٰن.. صاح الفرض بصيحته.. وفطّر كل اصيام

لمن طاح الغالي.. صاح بصوت العالي.. هدموها الاركان
ظهر الهادي اتكسّر.. گلب الزهره اتفطّر.. وي گلب الايمان
والفرض ون.. وي آذانه.. وابوداعه.. عذبانه
__
مجروحه الاحباب.. مخضوب المحراب.. وگلب الدين اينادي.. شبّو بيه الويل
واتصيح الآيات.. نور العالم مات.. و الفرقان احروفه.. دم عالوالي اتسيل
العرش ايواسي اللوح.. وي دمعه المسفوح.. وضاعت كل انجومه.. وهندس صار الليل
ظل ينحب جبريل.. لحسرت ميكائيل.. و التشريع اتهدم.. واركان التنزيل

والاسلام بحيره.. طبرو راس الغيره.. وشبت نار الآه
وجه الكون اتغير.. يبچي لحالة حيدر.. بدموع الويلاه
اتنوح ارضنه.. وي سمانه.. وابوداعه.. عذبانه
__
دنيانه الحسرات.. والهم والاهات.. ويه الفاگد تقسه.. وما ترحم بالحال
الفاگد بيها ايعيش.. چن طير بلا ريش.. شيطيره بلا جنحه.. وعمره اعله الترحال
يموته احساس الخوف.. وتعمي ادموعه الشوف.. بذبح احبابه اتيسر.. واتچتف بحبال
كل ذكره اتبچيه.. والغربه اتأذيه.. منهو يضمد اجروحه.. وضعن احبابه الشال

يتناغه ويه اهمومه.. ودنيانه الميشومه.. اتلجمه وهوّه ايصيح
يخوه ويذبل عوده.. بدنيانه المعهوده.. ويهتز ويّه الريح
وگلبه يجفل.. من مچانه.. وابوداعه.. عذبانه
__
والغالي لو راح.. ما نهده او نرتاح.. من حگنه لمولانه.. احنه اندگ اصدور
لحيدر احنه أيتام.. وطبرو منه الهام.. والدنه واليبچي.. عالوالد معذور
شلون انهيد اشلون.. وما نعميله عيون.. وحيدر سر الباري.. بمكنونه المستور
طبروه او من طاح.. طاحت بينه ارماح.. وكل شيعي ايناديله.. بگليبه المكسور

أرواح المشتاگه.. ما بيها اعله فراگه.. واگليب الحسّاس
وافراگه ايأذينه.. هوّه الروح البينه.. ويجري ويه الأنفاس
ولجرحنه.. يا دوانه.. وابوداعه.. عذبانه
__
علي صابر السراي
( اسالكم الدعاء )

مصحفي  وقرآني  قرآني  قرآني
ومعتقد  أيماني  أيماني  أيماني
عمق الاسرار  ديني ديني والأمل
حروفك الروح  بيها بيها من نزل
...................................
مصحفي وفرقان عمري   أمل شلته ويه زغري
يمكنوني ويسري  حبيبي  يروحي  حبيبي
ياحسين يصيح نبضي   أريد ايامي تكضي
ألك بس خلكي يفضي  حبيبي  أميري حبيبي
فوق كل شبهه اعتقادي    يسر عقلي وفؤادي
حي  ميت  أنادي   حبيبي  أمامي  حبيبي
مؤمن بسرك يواحد   وباليعاديك جاحد
يسر الأحد واحد  حبيبي  وحبيبه  حبيبي
يافرض  صليته  صليته  صليته
وبالمهد  أديته  أديته  أديته
عقدة الكون  أنته  أنته ألها حل
حروفك الروح  بيها بيها من نزل
..................................
عالم الأرواح يشهد    يأعظم من تعبد
يكوكب من محمد    يغالي  يوالي  يغالي
عالم اللاهوت أنته   يمنهاج وحفظته
عظيم بروحي شلته   يغالي  يعالي  يغالي
بعالم الذر انه شفتك    يمحبوبي وندبتك
الخلق لاجلك عرفتك    يغالي  يغايه يغالي
بعالم الأرواح روحي   تندبك أنته روحي
ابتساماتي وجروحي   يغالي  الغوالي يغالي
يا أمير احساسي أحساسي أحساسي
يقدسك   عباسي  عباسي  عباسي
بيدك الروح  عمري عمري والأجل
حروفك الروح  بيها بيها من نزل
..............................
يا أمر مستصعب  انته    رغم ذلك فهمته
حلم من مهدي شفته   حسيني  انتمائي حسيني
يالخشعلك كلشي بيه   يأعظم من قظيه
يزاكي من الزكيه    حسيني  مليكي  حسيني
ياعظيم شكد عظمتك    أطيعك ماعبدتك
يرب لجروحي شفتك   حسيني نجاتي حسيني
يامرام  لهالحناجر    يقرآن المنابر
يسلطان المشاعر    حسيني هويتي حسيني
رتلت  بحروفه  بحروفه  بحروفه
وارتوي  بجروفه  بجروفه  بجروفه
هلال الاكوان  ومضه ومضه منه هل
حروفك الروح  بيها بيها من نزل
..................................
انه مومثل اليطوفك   اختلف عن اليشوفك
بوضوء اذكر حروفك   يديني  يعيني  يديني
انه مومثل البريه    أشوف الغاضريه
أشوفك كلشي بيه    يديني  يعقلي  يديني
انه اقدسك بس اقدسك   عكس كل اليقدسك
أنا بكل شي أحسك    يديني  يطاهر يديني
انه مومثل اليحبك    أحبك بس احبك
عكس كل اليحبك    يديني  وهيامي  يديني
يانفس  شميته  شميته  شميته
ياملك   حبيته  حبيته  حبيته
ذكرك انفاس  خيره خيره بالعمل
حروفك الروح  بيها بيها من نزل
..............................
يا أمام اعله الجوانح    بحروفك عقلي سارح
يأعظم من  يسامح     أمامي  مليكي  أمامي
يا أمام اعله الجوارح   لطريقك كلبي شابح
يأعظم من يناصح     أمامي  سلامي  أمامي
من وحي حروفك خشوعي  وحي دموعك دموعي
يشمسي وضي شموعي   أمامي  ضيائي  أمامي
انته ياسجدة صلاتي    لا أنته صلاتي
يتسبيحة حياتي    أمامي  قنوتي  أمامي
ياوحي  بكلماتي  كلماتي   كلماتي
ياحبل  دعواتي  دعواتي  دعواتي
كلبي والروح  ناسي ناسي والأهل
حروفك الروح  بيها بيها من نزل
.................................
انت دين الله حفظته   تره الباري بعظمته
بدونك ماعبدته      يغايه  يآيه  يغايه
انته غايه ومو وسيله    للاسرار الجليله
حبيب الله وخليله      يغايه  جليله  يغايه
ياصراط الله المعظم    يأسم الله الاعظم
العمر لولاك أظلم    يغايه  عظيمه  يغايه
إنت دين الله الاقوم    الكلب باسمك تكلم
الملك منك تعلم    يغايه  يسوره  يغايه
من عمق  أسراري  أسراري  أسراري
ياحبيب   الباري  ألباري  ألباري
واليعاديك  خله  خله  بالجهل
حروفك الروح  بيها بيها من نزل
...........................
علي صابر السراي
نسألكم الدعاء