‏لاشك ليتك عن وطنّا تشدّين
‏قداّم لاتزعـــل علينا ام نايف

‏- عبدالله بن عون

ياروح روحي مهجة الروح تفداك
‏راحت علىٰ مركب غرامك وساقه

‏واليوم لك غيبات ماعاد شفناك
‏عقب التقارب صار شوفك شفاقه

‏ويش اللذي دلهك عني ونسّاك!؟
‏هاك السوالف والعلوم الدقاقـه
‏
‏هاجوس قلبي مايخليني أنساك
‏أذكرك في نومي علىٰ كل فاقـه

- عبدالله بن عـون

‏تجر ذعذاع الهوى في شليلها
‏كما وردةٍ في مدرج السيل غامسه

‏- ابن عون

‏يالله ياقادر على بعث الاموات
‏يا جاعلٍ بين الاوادم تفاوت

‏وغير التفاوت بالهياكل والاصوات
‏ارزاقهم و عقولهم ما تساوت

‏يارب الارض ويابديع السماوات
‏فرج هواجيسٍ بقلبي تخاوت

‏و افرج لعينٍ ما تهنا بغفوات
‏دايم تشاوتها الطواري مشاوت

عبدالله بن عون

‏"يانجر أبي من طيّب أرياك تزويد
‏يوم أنت جربت الهوى وأكتشفته

‏وساهمت في سوقه بحاضر وتقصيد
‏على النقى ورد العفافه قطفته"
‏-عبدالله بن عون

‏ذكرتني باللي جرالي تراديد
‏عهدٍ من الماضي وحلفٍ حلفته

‏والله ما أخْبر لك عن الحب تجليد
‏لو عنْه يوجد لك علاجٍ وصفته"
‏-نجر العصيمي

‏غرو ٍعلى اول صباه ومستوى عمره
‏جيته وجاني واخذ قلبي وخلاني

‏ابن عون

‏غرو على أول صباه ومستوى عمره
‏جيته وجاني وأخذ قلبي وخلاّني

‏معطيه ربي جمال قاطف ثمره
‏متعزل كن عوده عود ريحاني

‏لو يعترض في طريق الخال ابن عمره
‏مع دربه أشقاه ربي مثل ما أشقاني

‏وإليا علق به صوابه وابتلش بأمره
‏إما أفلح الخال ولا جاه ما جاني

‏- عبدالله بن عون