#boğdan

Ишқ учун ўлишмас, яшамоқ керак. Шудир масала!

@qaydburchak

#nazm МАЛАК

Қизлар атрофимда гирдикапалак,
Жонон чеҳраларни ёғдирар фалак.
Бари гўзалларнинг ичидан аммо
Сени излайвердим, эй малак!

Юлдузлар баргмисол шитирлаб ёғар,
Дарёлар қўйнидан ой балқиб боқар.
Қуёшга термулиб, оҳ, шому саҳар
Сени излайвердим, эй малак!

Боғ қўйни лолазор, сочар латофат,
Булбул ошиғидан сўрар садоқат.
Бу гулшан ичра ҳам фақат ва фақат
Сени излайвердим, эй малак!

Китоблар ўқидим тунлар яширин,
Англамоқ бўлдим-ей муҳаббат сирин.
Лек менга ёкмади Лайлию Ширин,
Сени излайвердим, эй малак!

Яшаб қил устида, тинмай чекиб ғам,
Йўлимдан қайтмайман азоб кўриб ҳам!
Ҳатто йўқлигингни билиб туриб ҳам
Сени излайвердим, эй малак!

“Суянчиқ” Хайрулла Ҳамидов

@qaydburchak

#nazm ИЧИНДА

Бўлсанг агар жуда зўр,
Чин зўрларга ўхшаб кўр -
Яхши бўлиб яшаб кўр
Ёмонларнинг ичинда!

Ҳаёт - чиндир, ҳазил йўқ,
Шубҳа қилма, узр йўқ.
Зулматлар кўп, манзил йўқ
Гумонларнинг ичинда!

Севги ҳижрон биландир...
Фироқ - қонли гиламдир!
Висол қадри баланддир
Армонларнинг ичинда.

Ҳукм беришдан олдин,
Бил ўшал инсон дардин:
Баъзан кўринмас олтин
Сомонларнинг ичинда!

Ўзни сезсанг ёлғизлар,
Кўкка бок тун, кундузлар!
Куёшу ой, юлдузлар
Осмонларнинг ичинда!

Қанча чекма қайғу, мунг,
Пушмонда коларсан сўнг.
Ҳақиқат йўли энг ўнг-
Томонларнинг ичинда!

Тўғри бўл, эй Хайрулло,
Умринг безасин ҳаё!
Сени кўрай, илоё,
Омонларнинг ичинда!

“Суянчиқ” Хайрулла Ҳамидов

@qaydburchak

#qayd

Сендан ҳам зўрлар борлиги сенинг зўрлигингни инкор қилмайди.

Сендан иқтидорлилар борлиги сенинг иқтодорингни инкор қилмайди.

Сендан яхшилар борлиги сенинг яхшилигингни инкор қилмайди.

@qaydburchak

#nazm КЎНГЛИМ

Олов кўнглим, тўфон кўнглим, дўл кўнглим,
Мана қара, кўз ёшларим кўл, кўнглим,
Топсанг бўлмасмиди ахир тенгингни,
Маликага кўнгил қўймай ўл, кўнглим!

Қара, қоши уйилган-е, таъма бор,
Ҳар гапида найза санчар шаъма бор,
Саройида сен гадога нима бор?
Маликага кўнгил қўймай ўл, кўнглим!

Қара, зинҳор эшитмайди ноламни,
Кўрмайдилар кўздан оққан жоламни,
Гўзаллиги бузай дейди оламни,
Маликага кўнгил қўймай ўл, кўнглим!

Қара, шу давралар сенга зормиди,
Чўпон кўнглим, бийдек даланг тормиди?
Бу чорбоғда сенга бало бормиди...
Маликага кўнгил қўймай ўл, кўнглим!
Ана энди нима бўлсанг бўл, кўнглим!

“Суянчиқ” Хайрулла Ҳамидов

@qaydburchak

Мутолаа ва ҳаёт
Бир марта яхши нарса ўқиб, ўзингиз учун бир умрга яхшилик қилган бўласиз. Инсон ўқиганларини вақт ўтгани сайин, йиллар давомида мағзини чақиб, олдин пайқамаган жиҳатларини пайқаб, бошқа ракурслардан боқиб, турли маъноларни англаб бораверади.

Ҳақиқий асарларни бир марта ўқисангиз ҳам умрингиз охиригача татийди, қўлингиздан тутади, улар билан биргаликда сўнгги нафасгача борлиқни, ўзликни кашф қилаверасиз. Сиз учун ҳамиша қайнар булоқ, йўлчи юлдуз бўлиб хизмат қилади. Сербулоқ, серюлдуз бўлишингиз дуоси ила

Бетахаллус, беном, беисм

@qaydburchak )

Очлик баҳона болалик лаззати шоҳона)

Қорним бирдан очқаб қолганида (ҳатто 01:00 да ҳам) маза қилиб, яхши кўриб қиладиган енгил тамаддим (кулманглар лекин) новвотли кўкчойга юмшоқ нон ботириб ейиш ёки картошка қайнатиб ейиш. (Кулманглар дедим). Иложи бўлганида чўғда пиширардим, муҳаббати болаликдан мерос.

Кимдир уйидан хас-чўп олиб чиқарди, кимдир гугурт, кимдир туз, кимдир картошка. Кейин чуқур қазиб, олов ёқиб, чўғига картошкамизни кўмиб қўярдик. Бироздан кейин пишган қайноқ картошкамизни артиб, туз билан паққос туширардик. Дунёдаги энг лаззатли таом эди.

Хўш, буюк зотларимиз-чи, қоринлари бирдан очқаб қолганида (ҳатто 01:00 да ҳам) неларни маза қилиб, яхши кўриб тамадди қиладилар?

??(Изоҳларга расмини юборсангизам бўлади, балки идеа олармиз.)

@qaydburchak

#savol

Билмадим, сизларнинг хаёлингизга ҳам зўр-зўр саволлар келадими, йўқми. Менимча, келар-ов, чунки кўр кўрни қоронғида топади.

Сизлар ҳам бурчагимизни қоронғида топиб келгансизлар, демак, сизларнинг буюк бошларингизга ҳам зўр-зўр саволлар келади. Фақат сал уятчанроқсизлар чоғи.)

Бу сафар кечқурун ухламай ўтирганимда бир савол келди:

Камина фақирни қаер(лар)дан ва қандай жойлардан топса бўлади?

Ким қанчалик билади, синчиков, бир кўрамиз.)

@qaydburchak

Даволанинг

Қанча қалблар жаҳлини бошқара олмайдиган касаллар касрига қолиб, вайрон бўлади.

“Жаҳл келганда, ақл кетади, узр-да энди” деб ўзингизни оқламанг. Жаҳлингизни бошқара олмай, вайронкорлик йўлларини тутадиган бўлсангиз, шифокорга бориб даволанинг.

@qaydburchak