قـنـاة زيـنـب الـواسـطـي
لا نُـجيز حَذف اسماء الشاعرات ابداً ❌
خَادِمة الإمام الحُسين / "زينب الواسطي"
تمَ إنـشاء الـقـنـاة بـتـاريـخ {2022/5/23} يوم الاربعاء✨💫🥀
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months ago
مولود لمولانا الإمام المهدي عجل الله فرجه
🎵على طور "فرحة مهدوية"
"جبريل الليلة ,, يهز بمهد الغالي"
🌹🌹🌹🌹🌹🌹🌹🌹🌹
الملك راد إيطوفه. هلا هلا
نزل باس أچفوفه. هلا هلا
وِرد رد احروفه. هلا هلا
كل ملك بالســـــما ينشد
حروفه تسبيحه او يردد
بيـــــده راية وبيها يعگد
رايـــتــك يـــالــقـــــــائم هلا هلا
هلال عيد اعلينه من هل
والگمر من عنده يخجل
من يصدله نوره يكمل
بــــيــه نـــفــــرح لازم هلا هلا
هيبة انولد گاروكه يشهد وأكماط
امن الزغر هوه صاحب كلمة وازماط
مهده إمامي اعليه الف فطرس حاط
اني اقرا هوسه وانت كمل الربّاط
"جددنه البيعة......لجده حسين انبارك"
✍🏻زينب الواسطي
🌹🌹🌹🌹🌹🌹🌹🌹
زواره جده جينه. هلا هلا
ونبارك بمهدينه. هلا هلا
نجدد عهد والينه. هلا هلا
نبارك ونقره الزيارة
بمولده جتنه البشارة
نستعد ناخذ بثاره
لو نقر ناقوسه. هلا هلا
يصيح جبريل ويكبر
وبالسمه رآياته ينشر
كل موالي عليه ينصر
يجيب سهمه وقوسه هلا هلا
انبارك نطش الورد جبناه الياس
والفرحة عمت بالسمة وكل الناس
ندعي الفرج متوجهين ابعباس
يكشف الغمة وما تظل حسرة وياس
"نزور وندعيله.. يعجل يوم اظهوره"
✍🏻العلوية ام منتظر جمال الدين
🌹🌹🌹🌹🌹🌹🌹🌹
الكون ضوه ابنوره هلا هلا
الساده جتي ازوره هلا هلا
ابجيته مسروره هلا هلا
فرحه صارت بالعشيرة
اليوم ميلاد ابو الغيره
نعلگ اشموع ابمسيره
وعالجدم نمشيله هلا هلا
احله ليله الصار بيها
ماكو بالعالم شبيها
سرعت الشيعه ابمشيها
اتريد بس اتزوره. هلا هلا
ابشاره جيته فرج بيها النه اهواي
يا هله وكل الهله بالي جاي
ندعي الله كون يدوم مجدك مولاي
هالليلة ياشيعه علي فرحوا وياي
بهجة اليوم وفرحه //راح اتعم ابدنيانه
✍️المله ام احمد الساعدي
🌹🌹🌹🌹🌹🌹🌹🌹
انشوفه بعد الغيبه .. هلا هلا
نـدعـي الله يجيبه .. هلا هلا
هـلا بـأبـن الـهـيبه .. هلا هلا
بـمولده عـمت الفرحه
والموالي طاب جرحه
والمؤمل بـزغ صـبحه
بالفرج ندعيله .. هلا هلا
والله مشتاگه الشيعه
الطلعتك يبن الوديعه
تحيي اركان الشريعه
والظلام اتشيله .. هلا هلا
الطلعته كل شيعته مـلهـوفـين
هذا النزل جبريل باس الچفين
هاليوم فـرحان الحسن ويه احسين
اباجمل انشوده رددوا فرحانين
" انزف الفرحه الليلة.... الامه الزهره المظلومه "
أم عــ✍🏻ــلــي الـحـلـفـي
🌹🌹🌹🌹🌹🌹🌹🌹
الليله بين نوره.. هلا هلا
انولد بجمل صوره.. هلا هلا
آية نقره وسوره.. هلا هلا
بجيته فرحانه الحبايب
هذا من نسل الاطــايب
انسى يا شيعي النوايب
كلنا خلي انبايع...هلا هلا
نبايع المهدي وننصره
نهني بي فاطمه الزهره
انعاهده خاتم العتره
المهدي النا شافع .هلا هلا
هاليوم فرحان المحب بيه اهواي
طشوا الورد والياس گوموا وياي
اعلن ولائك گول اهــــلا بالــجاي
نورت دنـيـانا بــوجـودك مـولاي
الليله البهجه عمت....شرف مولانه
الــ✍ــحاجه ام احمد الحچامي
🌹🌹🌹🌹🌹🌹🌹🌹
الفرح عم الوادم. هلا هلا
هلا بنوره القادم هلا هلا
ايغيظ بس الظالم. هلا هلا
انولد سلطان البريه
انبارك الزهره الزجيه
منتشر هالليلة ضيه
وغمرت المعموره. هلا هلا
نوره من اسفر علينه
الحان فرحتنه قرينه
ثوب بهجتنه ارتدينه
والسمه مسرورة. هلا هلا
اليوم انولد شبل الاصيل المعهود
عمرين من الله نـطاه المعبود
اعيونه تظل للشرع دين الله شهود
كوكب نزل فوگ الارض مو مولود
ساعة ميلاده.... العصمه اوياه انولدت
مريم العبوديه اسيرة الاحزان 💔
...........................
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ. / 14 شعبان / 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://t.me/zainabalwasty
مولود لصاحب الأمر عجّل الله فرجه
🎊🎊🎊🧿🎊🎊🎊
بيبي حكيمه تلگته 👏🏻وياسعد عين الشافته
نبارك لأمه الجابته 👏🏻وكل محب ينطر جيته
🎊🎊🎊🧿🎊🎊🎊
استبشرنه والگلب انسعد
من صاحب الأمر انولد
وللنصرة جندي ومستعد
واتمنى احضى بنظرته
✍️العلوية أم منتظر جمال الدين
🎊🎊🎊🧿🎊🎊🎊
فطرس واجيت المولده
وادعي الله قرب موعده
مــهــدينا كــلـنا انـعاهده
وبــــــجيته تفرح شيعته
✍🏻زينب الواسطي
🎊🎊🎊🧿🎊🎊🎊
فرحانه ياشيعه علي
ابجيت امامي وأملي
يله ييمه هلهلي
محله جماله وطلته
✍️ام احمد الساعدي
🎊🎊🎊🧿🎊🎊🎊
نـرجـس تـگـلـه يا هـله
عمر امك ابجيتك حله
الــبـيـت ريــتـه لاخــله
مـنـك ابلـهفه وشالته
خادمة آل البيت ع
🎊🎊🎊🧿🎊🎊🎊
طلته حلوه المنتظر
الكون فرحان ازدهر
مولود ياخير البشر
الاملاك كلها حبته
ام ✍️حسين الحسني
🎊🎊🎊🧿🎊🎊🎊
نور الدنيه ابن الحسن
قانون عـدل الله يسن
والحـور بيـه اتهامسن
من كثر حسنه وهيبته
خادمة آل البيت ع
--------------------
الاملاك حضرت بالمهد
يالمهدي تنادي المدد
كل شيعي يدعي بالعهد
ياربي تقبل دعوته
ام وليـــ✍️ـد الموسوي
......................
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ. / 14 شعبان / 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://t.me/zainabalwasty
?قصيدة لمولاتنا زينب "عليها السلام"
جينه ننشد زينب اشأخبارها
ليــش هل ايــام محـد زارهـا
جينه ننشد جابنه بشوگ الگلب
فـارغ المــــرقد ولا واحـد يطب
گالـوو أيــزيد النـذل عالن حرب
وحرمله الملعون شاعـــل نارها
ــــــــــــــــــــــــــــــــــــــــــ
وحـرمله الملعون وي زمرة يزيد
الحقد بيهم عاد راجع من جـديد
حارس الزينب بطل ماعنـده ايـد
واگـف ومحــد يصل لكتـــــارها
ام وليــ✍ـد الموسوي
ــــــــــــــــــــــــــــــــــــــــــ
واگف اباب اخته والمدمع يكت
شــــافها بحرگه گلب چن تلتفت
تگله شوف شكد قسى اوياي الوكت
حرموا اختك حتى من زوارها
ــــــــــــــــــــــــــــــــــــــــــ
صوت من مرقدها بي ونت ألم
احميها گوم وجيب وياك العلم
عادت اعليها حرگ ذيچ الخيم
والحبال البـعده بيـــهـا آثارها
✍?زينب الواسطي
ــــــــــــــــــــــــــــــــــــــــــ
گوم ياعـــــباس ماني امدلله
شيلو گبري وادفـنوني بكربله
الشام.يـــبن الفحل مااتحمله
وردت اعليه بحقد فجارها
ــــــــــــــــــــــــــــــــــــــــــ
وردو يصيحون يمي اسبوها
هاي اخـت عباس لتخـلوها
بعدو كل زوارها وهظموها
وامحو عن الشيعه كل تذكارها
ام علي البابلي
ــــــــــــــــــــــــــــــــــــــــــ
تمت بعون الله وتوفيقه بأقلام الخادمات
✍?ام وليد الموسوي
✍?ام علي البابلي
✍?زينب الواسطي
لانجيز حذف الاسماء نسألكم الدعاء
❇️عن زيد بن علي عن آبائه عليهم السلام، عن فاطمة بنت النبي صلى الله عليه وآله وعليها قالت:
سمعت النبي صلى الله عليه وآله يقول، ان في الجمعة لساعة لا يوافقها رجل مسلم، يسأل الله عز وجل خيرا الا أعطاه إياه، قالت فقلت يا رسول الله اي ساعة هي؟ قال إذا تدلى نصف عين الشمس للغروب، قال: وكانت فاطمة عليها السلام تقول:
لغلامها اصعد على الظراب فإذا رأيت نصف عين الشمس قد تدلى للغروب، فاعلمني حتى ادعو??
اشملونا بدعواتكم ??
?️?▪️ مقطوعة شعرية للسيدة زينب "عليها السلام" بِـعنوان حروف المواجع ▪️
حـــروفــج ارد افــســـرها بمـعــانيــها
حسب فهم العقل احجي الجره اعليها
ما گلكم العترة ولا كتاب الله
من تفسير عقلي رايد أرويها
الزاي اول مصيبه الي بدت وياج
زجــــر وسياط گالوا بيد اعاديها
والياء اليسر واليتم ها يم عون
تِتَعِّـــــب طبت الشام وأراضيها
والنــون بوصفها احتارت الافـــكار
محاجي هواي بيها وفشلة أحجيها
الناس تصيح مو هايه اخت عباس
عجـيبه شـلــون طبت دار طاغـيها
لبـوة حيدرة وتدخل لعد ديوان
صعبة ام الستر والكل نظر ليها
النار البيچ شبت منچ تخاف
وبصبــرچ يحرة انت طفِيتيها
والــبـاء بذكرها حيـرت لعقول
بيد الظالم اخت حسين تاليها
عـذراً ثــم عــذراً زيدت لِجروح
لچن هاي الحقيقة وكل مآسيها
ــــــــــــــــــــــــــــــــــــــــــــــــ
تمت بعون الله تعالى
بقلمـي المتواضع زينب الواسـطي
نسال الله التوفيق والقبول
نسٲلكم الدعاء
?القصيدة على طور قصيدة ((حبيبة گلب أخوها)) الرادود كرار الكربلائي
زينب والـمواجـع
مثل روح وتنازع
شگد موجوعه يم عون
حزنج يعمي العيون
زينب والمواجع 2
ـــــــــــــــــــــــــــــ?ــــــــــــــــــــــــ
ورث حزنج يزينب هذا أخذتي
من امج الزهره
اخوچ احسين گولي شلون شفتي
من گطعوله نحره
يون عاري عله التربان عفتي
ضامي ايريد گطرة
من كثر الهظم ظهرج حدبتي
جبل ونج يفطره
بــهـجر العمر مملوح
شيضمدها الجروح
زينب والمواجع 2
ـــــــــــــــــــــــــــــ?ــــــــــــــــــــــــ
حزن امج وحزنج نفس المصاب
شفتنها المصايب
امــج ضيــمــها من ضــربت الباب
وانت امن الخرايب
غصـب عنج مشــيتي وي الاغراب
واخواتج عالترايب
بـس الــروس وياج الگلــب شاب
راووچ العجايب
من فارگتي الاقمار
عمرچ صار طشار
زينب والمواجع 2
ـــــــــــــــــــــــــــــ?ــــــــــــــــــــــــ
مگدر يالعقيله ثوب الاحزان
عليـچ من الولاده
لاشفتي فرح دگ بابج وفات
ولاشفتي السعاده
من زغرچ ربيتي ويه الاهات
الگلب اعلن حداده
بده حزنچ بفگد المصطفى وغاب
بدر سيد الساده
ودموعج جريه
لحد يوم المنيه
زينب والموجع 2
ـــــــــــــــــــــــــــــ?ــــــــــــــــــــــــ
كل عمرج گضه باحزان والالام
ودموع ومناحه
من ساعة السطره وضربة الباب
الگلب تنزف جراحه
وهامة حيدره وبوكت الاذان
ابد ماشفتي راحه
يعينه الله يزينب گلبچ شلون
وشچم سهم لاحه
وعاشور ومصابه
ورقيه تصيح بابه
زينب والمواجع 2
ـــــــــــــــــــــــــــــ?ــــــــــــــــــــــــ
رقية وقصص ماتنعد وعدها
شفتي ذبح اخوتج
تعالي يم حسن يمه تعالي
صارتلج سلوتج
بكل ماتم ارددها بالونين
بالزهرة نخوتج
تدور خنصره وياچ وتواسيچ
ماصارت بلوتچ
شكتب يخت الحسين
شگد صدرت دواوين
زينب المواجع 2
ـــــــــــــــــــــــــــــ?ــــــــــــــــــــــــ
شگد نكتب الچ مانوصل الصار
تعجز كل الاقلام
خطينة القصيدة بدمعة العين
وأتندبچ الخدام
عنوان الرسالة الچ يم عون
تشرح كل الالام
بكل حرف انكتب النة تسجلين
بجاه حسين والشام
بدموع العليلـــة
نقسم يالعقيلــة
زينب والمواجع 2
ـــــــــــــــــــــــــــــ?ــــــــــــــــــــــــ
تمت بعون والله وتوفيقه بـقلم الخادمات
#ام عـلـي الـبابلـي
#ام وليد الموسوي
#زينـب الـواسـطي
لا نُجيز حذف الاسماء ?
نسال الله التوفيق
?ونسالكم الدعاء?
?قصيدة لمولاتنا الزهراء "عليها السلام" على طور "توأم يا زمان"
زمــــرة انتقام
ماتــعرف حرام
نقضوا ابعهد الرسول وحرگوا الدار
.....................
هجموا أعله الدار هجمه.ضلوعها طحنوها أُمنه..والوكت ليل
وين ننطي الوجه صحنه..فضه أجت واكعدت يمها والدمه يسيل
ينچوي گلبي البچيها..مات محسن بين اديها وتصرخ الويل
لو تريد اتگوم سكته تخفي من عدنا ألمها وبالمشي اتميل
يرضا الله الرضاج...ظالم ما رعاج
والوصية قيدت حيدر الكرار
✍?زينب الواسطي
.....................
آه يا أمنه مصابج ، بالگلب چانون ناره سنين يسعر
بعيني شفت الصار كله من هجم وي العصابة الحطب وجّر
ظالم وميخاف ربه ولا استحى من منكراته بحقده عبّر
مأمن ومرتاح باله هاجم ويمشي يتبختر موّصى حيدر
تخسأ يا جبان … تأشر بالبنان
هذا حامي دخيله هذا حامي الجار
✍️العلوية أم منتظر جمال الدين
..................
يخسأ الطاغوت يوصل باب امي ورحمة الله لولا الكتاب
وياقلم بالك تكتبه حيدره مادافعلها وياك الي إعتاب
هز ابن صهاك هزه اقره ابن قيس و مجلسي تلگه الجواب
اكتب اوجوه الحقيقه الصار باسرار الخليقه باچر احساب
سجّل بالمداد..تاريخ السواد
العن العنها الذيابه واصرخ الثار
ام عــــــــــ✍?ـــــــلي البابلي
.....................
اصرخ بثــار الوراثه وألعن الزمرة الثلاثه من فعلـهم.
وجهه يم الباري اسود الضرب بضعة محـمد نحچي عنهم.
كلهم، لطگـوو ضلعها هالعصابه الله جمعها هنا حشرهم
حطب لنار وجهنم جنة الباري ميشتم اي جعلهم
النار الهم مكان ..ويعـيد الزمـــان
الهم التاريخ يشهد ماجره وصار
ام وليـــ✍ـد الموسوي
.....................
يشهد التاريخ الهم والجهنم صفوا كلهم ما يفوزون
النقض بيعة نبينه وحاربانه ونكر دينه يربح اشلون
الما اخذ صك الولايه واعترف بالزهره ايه انحسب مجنون
هاي ريحانت ابوها البضعه حيف ايبضعوها مركز الكون
من عز الشباب .... لاحضان التراب
بعد ماينفع عتاب وتنفع اعذار
خادمة آل البيت عليهم السلام
.....................
✍?✍?تمت بعون الله وتوفيقه بأقلام الخادمات
زينب الواسطي
العلوية ام منتظر
ام علي البابلي
ام وليد الموسوي
خادمة آل البيت عليهم السلام
نسألكم الدعاء
https://t.me/zainabalwasty
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months ago