ДАНАЛАРДАН ЖЕТКЕН СӨЗ…

Адам қызғаныштан тез қартаяды.

Реніштен ауру пайда болады.

Ашушаң жүдегіш келеді.

Адамды тәрбиелейтін қаталдық емес, мейірім.

Ұйықтар алдында бәрін кешіріп, таза жүрекпен ұйықтаңыз.

Әр қиындықта--жеңілдіктер, әр көз жасында қуаныш, әр сабырлықта абырой жасырылған.

Бақыт – жарыңыздың адалдығы, бала шағаның амандығы, от басының татулығы.

Адам басына бақтың қонғанын білмейді, ұшқанын біледі.

Ашу ақылсыздықпен басталып, өкінумен аяқталады.

Өзгенің қателігін сынаған, өзінікін байқамайды.

Бәрін түсіндіруге болады, бірақ бәріне емес.

Сізге өсек айтқан адам сіз туралы да өсек айтады.

Ақылды адам біреудің кем-кетігін өзі түзеп жүреді,

Ақымақтар біреудің кем-кетігін жіпке тізіп жүреді.

Біреулер уақытты жеткізе алмайды,

Біреулер уақытты өткізе алмайды.

Сараң алғанына, жомарт бергеніне қуанады.

Сөйлей беретіндер – көп, сөйлей білетіндер – аз.

Ақшасы жоқ адам кедей емес, арманы мен мақсаты жоқ адам кедей.

Жақсылықты жақсы адам ғана бағалай біледі.

Бірінші болып кешірім сұрау әлсіздікті білдірмейді.

Егер жақсы өмір сүргің келсе жақсы адамдарды ізде, ал жақсы адам тапқың келсе жақсы сөйлеп жақсылық жаса.

Басқалардың бақытына қуанып жүретін адам бір күні өзі де бақытқа жетеді.

Біреу тірі жүрсе де жоқ сияқты,

Біреу өліп қалса да бар сияқты.

Өмірдегі жеті керемет: Көру, есту, сезу, сөйлеу, ойлау, қуану, және сүю.

Жаман жағыңды іздеген адам, жақсы жақтарыңды көре алмайды.

Адамның көңіліне қарап сөйлеу адамгершілік белгісі.

Айтылғанша сөзге сіз қожайынсыз, айтылған соң сөз сізге қожайын.

Кешірімді екен деп ренжіте беруге болмайды………………….

https://t.me/tolegenaybergenov

Telegram

Төлеген Айбергенов атындағы 4-мектеп

Бұл канал қазақ әдебиеті поэзия жанрына 50-60 жылдары сүбелі үлес қосып, өлеңге өзгеше түр берген ақын, Төлеген Айбергеновтың өмір жолы жайлы ғылыми мақалалар, оның оқыған мектебі жайлы мәліметтер, ауылы туралы тың мағлуматтар беріліп барылады.

Төлеген ақынның жаңа табылған өлеңі:

Ол рас, көкем өзіңді
Көргенде шылым қаншалық,
Қаншалық тарттым жан салып.
Ірке алам  қалай сезімді
Арманға алыс  жол  салып.

Жаралы мен бір арыстан,
Жәудір көз сен бір құралай.
Құралай тұр ғой  құламай...
Жайымды ұқсаң сұрамай,
Жез таңдай мен бір домбыра,
Келермін күйге бұрамай.

Сенімен бізді бұл тағдыр,
Шомдырыпты ыстық қиялға-ай.
Қиялға шомшы қия алмай..
Сен үшін  жалпақ жапанға
Мен жүрмін тіпті сия  алмай.
Арманыңды айтшы ұялмай.

Жер менен көкті тарихта,
Билеген жалғыз жоқ ешкім.
(Тіпті оған келмес теңескім).
Заманда мынау, сенімен
Тең өстім,  тіпті  тел өстім
Сен үшін жырлар суырсам,
Өзің де артық демессің.

Төлеген Айбергенов

Астана қаласы Қазақ-ұлттық өнер университеті абитуриенті Ринат Хожамуратов бауырымнан келді.

https://t.me/tolegenaybergenov

Ассалаумағалейкум каналымыз ағзалары, құрметті оқырмандар қаншама үзілістен кейінде каналдан шықпай отырғандарыңызға мыңда-мың бір рақмет. Алдағы уақытта қызықты мақалалар мен ақиық ақын Төлеген Айбергенов өлеңдері мен оның шығармашылығына арнап жазылған ғылыми мақалаларды салып барамын. Және да тақырыптан тыс өз мақалаларым және оқырмандардың ой-өрісін, сана сезімін, өмірге деген көз қарасын дамыту мақсатында европалық үлгідегі шағын әңгімелер мен мақалалар да салып барамын. Уақыт Алланың еншісінде, тағы да алда осы каналда ақын шығармашылығына арналған мектеп оқушылары арасында бейне сайыстар да ұйымдастырылатын болады.

https://t.me/tolegenaybergenov

Ешкімге ұнауға міндетті емессің деген сөз дұрыс емес десем, біраз адам қарсы шыққан. Маған сол сөз өзімшілдік пен көргенсіздікті ақтап алу үшін айтылатын сияқты болады да тұрады.)
Мысалы көпшілік ортада тамақ жесем, салпылдатып даусын шығарып жеймін. Шай ішсем алыстан сорып, бүкіл адамның тәбетін қашырам. За то өзіме ұнайды. Біреуге ұнауға міндетті емеспін.
Қонаққа барсам жасы үлкен адам бастасын деп отырмай, бәрінен бұрын тамақ жей беруім мүмкін. Себебі қарным аш. Өзгенің не ойлайтыны ұрмайды мені. Қарным тойған соң бата жасалуын күтпей сыртқа шығып кете салам. Өзім тойдым, басқада не шаруам бар?)
Қоғамдық көлікте үлкендерге орын бермеймін, өзім шаршап келемін. Орын беріп біреуге ұнап қайтем, міндетті емеспін.
Үйлендің ба, әйеліңнің ата-анасына ұнауға міндетті емессің, сен оның әке-шешесіне үйленген жоқсың ғой. Қалай барсың солай қабылдасын. Ұнамаса қызын алып кетсін. Біреуге ұнауға міндетті емессің.
Келінсің ба, қалаған кезде тұр ұйқыдан, біреуге шай беріп ұнауға міндетті емессің. Сен күйеуіңе тидің, оның отбасына емес.
Қалай кетті? Осы дұрыс па?)
Жоқ, атам қазақ "сүймесіңді сүйерсің, сүйгеніңнің көңілі үшін" деген. Өзіңе ұнамаса да өзіңе ұнайтындардың көңілі үшін біраз өзіңе ұнамайтын істерді істеуге мәжбүрсің.
Өмір заңы..

Есет Қалманов

Әжинияз атындағы Нөкіс мемлекеттік педагогикалық институтында Қарақалпақстан Республикасы Қазақ ұлттық мәдени орталығының бастамасымен институттың филологоя факултеті қазақ тілі және әдебиеті кафедрасы оқытушылары және студент жастарының ұйымдастыруымен "Қош келдің — әз Наурыз" атты әдеби композициялық кеш болып жатыр.

https://t.me/tolegenaybergenov