🔹 إعلان معايير إعفاء طلبة #السنة_الأولى_المشتركة من دراسة مقررات اللغة الإنجليزية للفصل الدراسي الثاني علماً أن الموعد الأخير لتقديم طلب الإعفاء يوم الخميس 1446/7/30هـ الموافق 2025/1/30م.

صباح الخير ، بداية الاختبارات النهائية كل التوفيق لكم وفالكم الدرجات العليا 💙💙

📛 انتهت فترة الاعتذار عن فصل وعن مقرر .

جالسة توصلنا رسايل عبر تويتر ناس تسأل عن تمديد الاعتذار وانه ممكن يتمدد لين الثلاثاء او لين الخميس وانه كانت الجامعة تمدد والخ… من هذا القبيل .

النقطة الأولى وهي بخصوص التمديد و للي يعشّمون، لا تعشّم شخص ماكل هم ومحتاج وتورطه وتتسبب عليه وتحرج نفسك معه وتعطيه أمل ويطلع غير صحيح ويقول ليتني اعتذرت، السنوات الماضية كان الاعتذار يقفل قبل الفاينل باسبوعين، الحين الاعتذار صار يقفل قبل الفاينل باسبوع ، يعني نقدر نقول ان فترة التمديد صارت ضمن الفترة الطبيعية ولهذا فرصة التمديد اضعف بكثييييير جداً .

النقطة الثانية وهي للطالب الي يسأل والي يسمع من الطلاب، لاتتبع السوالف والسيناريوهات الغير مؤكدة وتترك الإجابة الرسمية والدقيقة، تم الإعلان أن الويكند هذا بيقفل الاعتذار عن فصل وعن مقرر اتّبع والتزم بهذا الموعد لأنه المؤكد، اذا سيناريو التمديد 1٪ فهل تترك 99٪ وتمشي على 1٪ وممكن تتضرر ؟ ولين تورطت تقول ليتني وليتني؟ ما نعتقد انه شيء صحيح.

كل التوفيق لكم💙

.