أكو أبواب بحياتكم مانفتحت لانها مو الكم .
واكو اشخاص اختفوا من حياتكم لان انطوكم درس ودورهم خلص .
واكو امنيات ماتحققت لأنو وكتها ماأجه. واكو قصص مكملت للاخير لان راح يجي بمكانها قصص جديده اصدق بهواي
بالمحصلة..
الله راح يعوضكم عن كلشي وبحياتكم مارح تكونون خسرانين .

- الجَمال بالنسبة الي هوَ الشي الأول
يلي أبني علييييهَ حياتي كلها وانه دائمًا
اركز ؏ هالمسار مرات أشوف الجَمال
بأقبح شي يشوفونهَ العالم . .
الحَياة نخلقت من الجَمال هوَ معقولهكل الناس يكدَرون يشوفونهَ ؟
ويحسسووون بيهَ ؟ .

- الجَمال بالنسبهَ الي هوَ الحياة اي الحياة والله
شنو مَا عدها جَمال مَا اريدها ..
الجَمال بالنسبهَ الي هوَ شي أعلى من شي
اسمهَ الحُب أعلى من السّلام أعلى من السعَادة
أعلى من كلشي من الأخير ..
" الجَمال يلي جاي احچي عليه مو جَمال الشكل
ولا اللبس الجَمال الحقيقي هوَ جَمال "حياتك" انك تشوف حياتك كلها بكل جوانبهَا
تمثل الجَمال انو عَلاقاتك تمثل الجَمال
أعمالك تمثل الجَمال كلامك يمثل الجَمال
أفعالك تمثل الجَمال أبَتسامتك والخ . .

لـ يلي يعَاملني بشكل خاص
   سَوي أشيائات معَينة عِلمودي
يترك مِن عَاداته يلي يسويها دائمًا
  لانو أكرهها أمَيل لـ يلي مَ يهَون
  عليه زعلي ، من يتقبل أخطائي
ويكعد يقنعني أنوُ اني بحَر كلش
چبير وثنينا نعرف بالحَقيقة انو
   أني مرات أصير أنسانة بائسة
   "أميل لـ الگلبّ" يلي يحَاول
    عِلمودي حتلوه چان مَ يكدر
شرف انو يحَاول أعظم من ذاتها
يقبلونك بَـ أسَوأ حالاتك يلي أنت
مَ تتحملها أكو ناس يستاهلون انو
  نكول عليهم أنهم مفضلين عدنا
  هَمه أجمل من مرايتنه يلي نشوف  بيها نفسنه

الي يكول المرة عورة خل يراجع النقص العندة
والي يكول المرة عقلها ناقص خل يتاكد من اكتمال عقله
والي يكول المرة مكانها المطبخ والبيت خل يتاكد من نفسه هو رجال او لا
والي يكول الرجال عيب يبجي يتاكد من نفسه انسان وعندة مشاعر او لا ؟
والي يتعامل وي الرجال بكل قسوة وانانية من باب هو رجال ولازم يتحمل كل شي ترا هو انسان وعندة طاقة مو رجل الي ..
هواي كلام بحق المرة والرجال مو منصف وكل انسان ينطق بهذا الكلام خلي يكون منصف بحق نفسه ويتاكد من نفسه قبل لا ينطق باي كلمة او يفكر هيج تفكير رح يكون الخلل بعقله لان ناقص وممكتمل .

عوفك من اللي حواليك وركّز
بنفسك ، لا تخلي شي ياخذ
مساحة بحياتك غير نفسك
ومُستقبلك ، لا تحاول تعَدّل
من شخصية احد ، او تلوم
شخص على فعل او تاخذ على
خاطرك من قلة إهتمام فلان
عوف اللي مهتم يهتم
واللي ناسي ناسي ..
واللي يتذكر يتذكر واللي
يبتعد ويتغير على راحته عادي
عوف كُل واحد على راحته
وعيش انت هم على راحتك
واشتري راحة بالك ما دام
ما غلطان ، الاكتفاء شيء
مُريح والأهم انو خالي
من هوسة البشر .

مرات لازم تنكسر علمود تعرف توكف وتسند نفسك بنفسك ومرات لازم تنام وأنـتَ في قمة أنكسارك علمود تكعد الصبح شخص ثاني تماماً مو محتاج لأي أحد شخص يعرف ينقذ نفسه بنفسه شخص لو ما خسر ما جان أكتـشف شكد بداخله قوه وأراده وصبر مرات لازم يموت شي بداخلك علمود تعرف تعيش صح تعيش بـ أسلوب جديد تعيش بضحكه جديده ضحكه كلها كبرياء وقوه ونرجع ونكول ﭑلنـاس الي تنام زعلانه راح تكعد متغيره ما راح تكعد راضيه وبس

الك الحق تنهي علاقتك بأي حد، وتطلعه من حياتك..
حركة شجاعة طبعاً !
بس اتمنى تكمل شجاعتك للاخير .
و تكون واضح وياه ، وتحجيله السبب، تشرحله مشكلتك، و عوف اسلوب التهرب، و الحجج الجذابه ، و اللف و الدوران . هذا اسلوب الناس الضعيفة ..
قبل ما تبتعد كون متأكد انك مظالمه .
بلا نكران الجميل .
و لتسوي تصرف انت ما ترضاه ؏ نفسك ! لان مو حلوه بحقك.
ابتعد بسلام ماكو اي داعي تترك بصمة محلوة بداخله .
خليك راقي حتى لما تقرر تبتعد . و كمل شجاعتك للاخر ..
‌أعظم ما انكال على هالشي ..⁩"ولا تَنْسَوا الفضْلَ بينكم".

اكيد لكل قاعده شواذ واكو انسان يستحق تنطي فرصه ثانيه وثالثه بس خليك متاكد انو هالانسان يستاهل ، يستاهل بمعنى الكلمه

كلنا بحياة بعض الناس صفحة ويجي يوم وتنطوي
خل تكون هالصفحة بيضة بيها كلمات حلوة تجبر الناس الي طوتها تندم لان طوت صفحة مهمة بحياتهم .

كبرنه وصرنه نلبس نفس الملابس يومين وثلاثه وعادي كبرنه وصرنه نخاف ؏ اهلنه بدل منخاف منهم بطلنه نجادل شخص حتى لو نعرف احنه الصح, صرنه نترك الايام تثبت وجهة نظرنه ،
كبرنه وصرنه منحجي لأحد شيصير ويانه وشيوجعنه، نزعل واحنه ساكتين نفرح واحنه ساكتين هوايه بسيطين.