✍
Аҳли Огоҳ:

***ШАБИ ЯЛДО

Сени топган эрдим Шаби Ялдодан,
Энди излаюрман Шум ал-Видодан.
Барака топмадим ул Узун Тундан,
Кўраримни кўрдим Айёр Рўёдан.
Минг узун бўлса ҳам, умр – бевафо,
Умр тиламайман сенга Худодан.
Тилагим ижобат бўлса мабодо,
Ишқ Нури ёғилсин сенга Мавлодан.
Дунё тун қўйнида, бироқ мен учун
Кундузлар тўкилсин Ойдек Сиймодан.
Ёришсин Узун Тун, мен эса ёнай
Сенда ловуллаган Ҳусну Ҳаёдан…
21.12.2015*

@AhliOgoh

ДЕКАБРЬ (12)  -- ЧИНГИЗ АЙТМАТОВ ТУҒИЛГАН ОЙ

**ЧИНГИЗ АЙТМАТОВ ХЎРСИНИҒИ

... Озодлик радиосининг мухбири Ёрқин опа:
-- Чингиз оға, Сизга яна битта савол берсам майлими?-- деди.
-- Майли, сўранг..., -- деди Чингиз Айтматов.
Шунда тушмагур опамиз:
-- Чингиз оға, Сиз, менимча, Бибисорани севганчалик ҳеч бир аёлга кўнгил қўймаганга ўхшайсиз-а?-- деб қолса бўладими!
Бунақа саволни кутмаган Чингиз оға ҳаяжондан бир қалқиб, тирсаги билан столга суянди. Мен бўлсам, анг-танг  бўлиб, адибнинг ёнида тош қотиб турардим.Тилим калимага келмасди, чунки қўшни хонада Чингиз Айтматовнинг турмуш ўртоғи бор эди.
Чингиз оға ўриндиққа ўтириб оғир хўрсинди ва қисқа, аммо ўта қатъий қилиб:
-- Ҳа, шундай, -- деди.
Бу оғир хўрсинишда мен фақат Чингиз Айтматовгагина хос буюк муҳаббатнинг сўнмас қудратини, соғинч, ғам-андуҳ, бахт, қайғу, афсус-надомат ва қувончни ҳис қилдим. Бу хўрсинишда абадият овозини туйдим, чунки фақат боқий хотирагина бизни биз истаган манзилга, фирдавс боғларига, биз севган инсонларимиз ёнига бошлаб кетади...
Бу хўрсиниш ҳали-ҳамон қулоғим остидан кетмайди...
Бу хўрсиниш  буюк инсоний севгининг нафаси эди...
✍
Султон Райев,
Туркий халқлар маданияти халқаро ташкилоти Бош котиби, Қирғизистон халқ ёзувчиси**
-----------------------

@AhliOgoh

✍
Аҳли Огоҳ:

СЎНГГИ НУҚТА
Айланиб-айланиб барча гап
Қабристонга келиб тўхтади.
Бу ердаги дўнг-тепачалар
Баайни энг сўнгги нуқтадир...
1991

@AhliOgoh

✍
**Аҳли Огоҳ:

ИТАЛИЯ ВА РИМ
(Ҳазил шеър)

*Асло ташлаб кетмагил мени,
Ягонамсан,
Бетакрорингман.
Қизғанаман ўзгадан сени,
Италия сену мен Римман.

Сен ҳам рози бўлмассан, балки
Ғазабингга тор келар жаҳон,
Кетиб қолсам агар бир янги
Зеландия ё Орол томон...
1985*
@AhliOgoh

✍
Аҳли Огоҳ:

Раҳматжон Қурбонов ижросида
"Қолмади" қўшиғи

~~???~~???
Қўшиқни эмас,
ундаги мазмунни тинглаймиз,
мазмунни туямиз,
мазмунни ичамиз,
мазмунни киямиз.
мазмунга борамиз,
мазмунда қоламиз,
мазмунда яшаймиз!...
Ўшандагина
биз -- аҳли башар бир-биримизни тушунамиз, бир-биримизни қадрлаймиз ва бир-биримизни бағримизга босиб йиғлаб юборамиз!!!
12.12.2024
@AhliOgoh

БУГУНГИ ЁҒАЁТГАН ҚОР МУҲАММАД СОЛИҲ СЎЗЛАРИНИ ЁДИМГА ТУШИРДИ...

?❄️?❄️?❄️?❄️?
✍
Муҳаммад Солиҳ: ❄️ҚОР❄️
Қор, сира тўхтама, сира тўхтама,❄️
Кўчага чиқарма сен мени букун --❄️
Ўтирғаз курсига, хонага қама,❄️
Бир зум ўйламоққа айлагин ҳукм.❄️
❄️ ❄️ ❄️
Тўхтама, тўхтама, тўхтамагин, қор,❄️
Сершовқин дунёни бир зум алдаб тур.❄️
Кўчага ҳеч кимни қўймагин бир бор,❄️
Бир зум эшикларга оқ тамғангни ур.❄️
❄️ ❄️ ❄️
Деразадан сенга тикилганча жим,❄️
Бир зум тин оларкан сенинг оқингда,❄️
Бир зум ўйга чўмсин одамлар, бир зум,❄️
Бир зум ўзи, бир зум ўлим ҳақида!..*❄️
?*❄️❄️❄️❄️❄️❄️❄️?

@AhliOgoh

✍ **Аҳли Огоҳ:

МАШРАБ ОСИЛГАН ДОР
Машраб осилган дор бамисли осмон,
Унга ҳар кимни ҳам осиб бўлмайди.
Бу дор -- олий мақом, ҳаётбахш макон,
Бу дорга осилган асло ўлмайди.**
@AhliOgoh

✍
*Аҳли Огоҳ: ГАЛЛЮЦИНАЦИЯ

Шаббодадек ҳурсан, сулувсан,
Вужудингда нурлар жилваси.
Севинчсану яна ғулувсан,
Еру кўкнинг сенда ҳаваси.

Одам пайдо бўлгандан буён
Бўлмагандир сендек ҳусни шан.
Чеҳранг шундоқ ёруғ - чароғон,
Ҳатто кўрга кўрингай равшан...

... Хаёлимда яратиб қўйиб,
Дийдорингга тўя олмадим.
Сени - тушни ўнгимга йўйиб,
Изламаган жойим қолмади.1987*

@AhliOgoh