https://youtu.be/EtO6fWVH4Fw?si=7Mlx0fMimdK7gXwR

https://t.me/matamalredaa

https://youtu.be/Musio3O28Q4?si=I-GyW7D_fBxL_yDq

موشح نجفي

يا جواد اهل الكرم و المرجلة
عالعراق ادّنت اطهر قافلة
كون هالمرة الضعن نستقبلة
بيا هلا وننذر نهر لعيالة

كون هاي السنة العاشر يختلف
وتصعد السبعين عالسبعين الف
والخيم ما بيهة نيران ونزف
وغير هاشم ما تضل خيّالة

وكون انادي گبالهم لمّن يجون
هذا وكتك يالتريد تصير جون
اليوم لا ينفعُ مال ولا بنون
تعبر بدمعاتك الهمّالة

انه عاشوري وربيت من الصغر
عندي وي جدر الطبخ عشرة عمر
من جريت دموعي ما راحن هدر
بيهن ايروّي الحسين اطفالة

كون ما يخطف على عيوني الوسن
وابقه فص اتراب بدروب الضعن
ما اكف من الحزن طول الزمن
للذبيح الفاطمة تنعالة

وهالسنة النيران ما تحرگ خيم
ومو طفل عبد الله ويذبحة سهم
يكبر وعباس ينطيه العلم
وما يعطشون الضعينة بجالة

كون ما يبقه الوضع مثل الوضع
وشمس ابو السجاد عالوادم تشع
وبفرح يتبدل الهم و الدمع
لو محرم هل علينة اهلالة

يا جواد اليمة بيك ارد استعين
حلمي اصيرن مثل ولد ام البنين
وانطي كلشي الخاطر عيون الحسين
الزلمة غير ايبين امن افعالة!