لما بديت نخدم توكا تامة من الصبح لا الليل وأغلب الوقت واقف قعدت نتأمل في شي!! ان جسمي صحيح وقادر نوقف ساعات طويله للعمل ،لكن لما نجي نصلّي نختار في أقصر سورة باش تنتهي الصلاة بسرعة ..

رغم إنّي جسدياً قادر نوقف أكثر ف الصلاة ..لكن بعد ما تأملت ف الموضوع طُلعت المسألة في قلبي ..قلبي هوا اللي مش قادر يستمتع بالصلاة

أول ما ندقق في صلاتي طول يجي علي بالي كيف أنا مُقصر ف صلاة الفجر و عذري فيها ان انا راقد ،رغم أن أيام القراية نفيق من الساعة 7 الصبح باش نمشي لثانوية ، معناها مشكلتي مش على خاطر مش قادر انوض بكري ، المشكلة في قلبي مش قادر يصحى لله عزو جل

وتوا حالياً قادر على ان نقلب التيك توك كله والفيسبوك واليوتيوب بالساعات طويلة عادي جداً ،لكن معنديش وقت حتى نص ساعة نقرا فيها قرآن وندبّره أكتشفت ان العلّة برضوا في قلبي

حنا  گ بشر لما نلقوا وقت لضحك واللعب والمرح والعمل والمشاكل والآكل ومُقصرين في حق الله عز وجل مش معناها معندناش الوقت الكافي لطاعة الله العلّة مش ف الوقت العلّة ف قلوبنا اللي مشغولة بالحياة وزينتها

فاللهم أصلح فساد قلوبنا ولا تُخزنا يوم يبعثون
عبدالرؤوف القاسمي✍?

امسحوا ذنوبكم قبل النوم:
"من قال حين يأوي إلى فراشِه: لا إلهَ إلا الله، وحده لا شريكَ له، له الملك، وله الحمد، وهو على كلِّ شيءٍ قدير، لا حول ولا قوة إلا بالله العلي العظيم، سبحان الله، والحمدُ لله، ولا إله إلا الله، واللهُ أكبر.
غُفرت له ذنوبُه وإن كانت مثل زبَد البحر."?

1-يناير-2024

النصحية الأبدية :
لا تخاطر بالجنة لأجل أي شيء في هذا العالم.

من يسمع الأغاني يردد :
" اللهم إنزع من قلبي حب لحن الغناء،وإزرع فيه حب آيات القرآن "

-مـا الحُبّ إلا وعد والوعدُ دين ،لايسدُه إلا الشريف.

-كل إنسان متقلب :
كيفف!؟
يعني يتقلب بين معصية وتوبة تخش الاستوديو تلقى فيديوات قرآن  تفتح سلة المحذوفات تلقى فيديوات أغاني عادي جدًا
هل معناها منافق لا!
متناقض لا طبعًا!
هذا اسمه مجاهد يعني يجاهد في نفسه وفي شهواته وفي الناس كلها وأيضاً أكبر عدو الي هو الشيطان
ففي داخله معركة كبيرة مرة ينتصر الباطل ومرات ينتصر الحق
بس الشيء المهم والأهم أنك تقعد في طريق الحق وتموت عليه،
فإذا كنت هكي أفرح بضميرك وبترددك وادعي ربي يهديك ويثبتك ونسأل الله حسن الخاتمة?.

-شيماء.

-مَا فَائِدة الطَّريق الطَّويل وَالحَياةُ المديدة؛
مَا لم نَصل إلَى الجنَّةِ!