زه دي ولي پر دي سختو لارو راوړم
ستا منزل ته خو دا سمه سیده لار وه

د دفتر پسـتو چوکـیو درنه هیر کړه
په ماضي چي دي کوم قول او شعار وه

خپل پر څنګ دي اقربا وي راټول کړي
انقلاب کي چي بزګر اوهم نجار وه

ډلګی مشره هغه ستا ستړي ملګري
چا اخیستي ده رخشه څوک چوکیدار وه

هیڅ نظام آبدي نه دی پاته سوی
بیا به وکړي ډیر ارمان که دي پکار وه

زه سدیـس انتــقاد نه کوم پر ټولو
بعضي بعضي مخاطب مي داشعار وه

ادیب قاری سدیس جرار

م محکومي ورور راسره واوري خوندونه

داخو دجبر سولاغي دي پورته کښته درومي
بیګا مي خوب لیدی جوړه مو وه الله ته ژړل

دپښـتنو درواجــو زولــني مــا ګللي
چي لیونې به مي په زړه وه ما مُلاته ژړل

ادیب سدیس جرار

دسهار ستوری💔

زما په غیږکي زما ارمان دمرګ سلګی وهلي
ته ماته څله دبیلتون کړي ده دردو تعبیرات
.....
ما په سلګو سلګو جانان تر هدیرو وړی دی
که غواړي دربه کړم دماتو قدمو تعبیرات

دخپل ارمان دجنازي لمونځ ما په خپله وکی
هیر به مي نه شي په مات زړه د تکبیرو تعبیرات

غـم دلالـی لکه ښامار زما په زړه را تاو دی
دځواني خوند ایره ایره کی دیادو تعبیرات

دامي تکـل کړی ؤ حال به چاته نه وایمه
خو زما څهري کړو برملا دشبیګرو تعبیرات

دسهار ستوري غوندي پاته یم تنها سدیسه
دیار بیلتون دغم ژوندون کړه په شعرو تعبیرات

ادیب قاری سدیس جرار

زما دزړه لـه دردو ته خبریي
زما دغــټـو ارمـانو خالقه
ستا مخلوقاتو لره حال نه وایم
ته مي مرجع دضمیرو خالقه
....
ته دعشاقو معشوقین پیژني
تاته سپیڅلي مینان معلوم دي
لږ څه سکون زما ژوند ته راکه
وه دښـکــلا دجـوړیـدو خالقه
..
ماداسي چا لره زړګی ورکړی
چي مي په سترګو هیڅ لیدلي نه دی
ته مـي دیار تر کوڅي ورسوه
د اوښـکو اوښـکو اوسجدو خالقه

ته ناممکن ممکن کولای شي ټول
ده یوسف ربه ته زما هم رب یي
دفـراقت تیارو کي ورک پاته یم
وه دیعقــــــوب دشبګیرو خالقه
...
کاش چي ملنګ کچکول په غاړه ولای
دیار دکلي در پر در ګرځیداي
دعنبرینو زلـفـو حس مي کړلای
دمدیـــني پر عـلاقو خالقه

سدیس جرار دجدایي صحرا کي
دګلاب ګل دزړه پر للمه ساتم
درود شبنم شي پر هر پاڼي دګل
کړه مي واصال تر امیدو خالقه

ادیب قاری سدیس جرار

بوره موره

دغه پوري هدیره کي پر سپیرو خاورو تاویږي
دشهید زوي ومزار ته بوره مور پرملا ماتیږي

ورته وایي په سلګو کي ږغ را وکړه دزړه سره
دادَی رنګ دي وینو راوَی خو ستاغم کله زړیږي

ستا دخړ سنګر ملګري تاویل دادي زما ورونه
دا وس تیرشوله رنجرکي تاته ولي نه دریږي

مدرسي کي موداخل کی کشر وروردي طالب شَوَی
ستاتور پاج زه ورته تاؤ کړم پنجشنبي چي روانیږي

نور مي توان دزړګي لاړو غلَی غلَی ورنیږدي شوم
په ژړا سدیس جرارشوم موري خدایه که مي هیریږي

ادیب قاری سدیس جرار

ادیب قاری سدیس جرار رباط سنګی مشاعره کی
ملګرو ډیر غوښتنه ددغه ویډیو کول

إن شاء الله نیژدي وخت کي مکمل ویډیو HDکیفیت کی نشر کوم درته

دحماس سِپه سالاره چا شهید کړي
داسلام دتاریخ ویاړه چا شهید کړي

دغـــــزي پر شهـــدا وو سلام وایه
دشهیدو شهید پلاره چا شهید کړي

پاک الله ته دي څه ستړي ګیلي یوړي
داقصی دغــاړي هاره چا شهـید کړي

دسلطان صــلاح الدین دلاري مل وي
وه زمـــــری دګردګاره چا شهید کړي

نامـردان دي جـــنازي ته ټوله راغله
ټول حکام شوله بيشماره چا شهید کړي

دمیلمه په قـدر پـوه خو هرڅوک نه دی
ناځواني کي دنګ چناره چا شهید کړي

پاک الله دي فرشــتي دبدر ورکړي
ستا کاروان پر نیمه لاره چا شهید کړي

په غیرت دي دښمنان هم نن قایل دی
هنیه شوي افختاره چا شــهید کړي

دسدیس جرار دشعر عنوان نن ته شوي
دمظلوم امت غمخواره چا شهید کړي

ادیب قاری سدیس جرار

نن مي لویه ناروا کړي پوهیږي!
نن مي ښکلي ته خندا کړي پوهیږي

هغه شــوخه کـبرجنه ازادي خو..
صحراني صوفي ملا کړي پوهیږي..

نوي ويډیو درسره شریکوم لیک مو غواړم