بروتوكول ثابت :
‏ انا لو اضيق من قلّ السعه واحبي
ما قلت للناس أبي حاجه ولا هم يحزنون

‏عسى وضعي المزري يزينه الزمان الجاي
‏مابي من عطاه الا اني أرجع على خبري

‏- ابن جدلان سعد

‏خلّيتك وحيدٍ فالحنايا ولا لك ندّ
‏يامن قد خذيت القلب فِ شفّك لحالك
‏ㅤ
‏دروب الهوا صوبك تلدّد وفيك تلدّ
‏ولا تبغي إلا منك شوفك ومرسالك
‏ㅤ
‏خيالك بصدري فالوصل بين هات وودّ
‏مثل ما أدري إني في خيالك وفي بالك

‏معي جرحٍ تداويه السنين وضحكة الزوّار
‏وصبرٍ يطوي ظروف الحياه وطاري رجوعك

- صالح بن حمد

غريب أُمنيات وتايهٍ في متاهاتك
‏يدوّر على صدرك وْساده وطرّاحه

‏- مدغم أبو شيبه

‏لا هاج موج البحر واحتار مجدافي
‏من لي عوينٍ على الشدات غير الله

‏- بدر بن عبدالمحسن

‏سهل جدًا ألاقي من يعوض خيبتي ويّاك
‏صعب جدًا مثل صبري على خيباتك تلاقي

‏وعساك اذا لقيت تلاقي اللي مثلك وشرواك
‏مادام الطيبين شوي ، لا تكمل على الباقي

‏شكرت الحظ يوم انه كشف لي عن ثمن فرقاك
‏يطول الوقت قبل يعلمك عن قيمة فراقي

الصدف ماتجمع اثنين لو دار الزمان
‏يكذبون اللي يقولون تجمعهم صدف
‏ ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
‏كل يوم تمر رجلي على ذاك المكان
‏وانا مالي فيه حاجه ولاعندي هدف

‏ينتهي الليل بالشوق ويبدأ الصباح باللهفه

رمشك جهاتي و نظراتك عناويني
وعيناك أرض تمسيني و أصبحها