تطبيق الكلم الطيب، أحد أضخم موسوعات الفوائد والحكم والأدعية والأذكار على الأندرويد والآيفون (مجاني وبدون إعلانات)
?اترك لڰ اثرآ وقم بنشـر البرنامج
?اللهــم اجعل التطبيق صدقه جـاريه لارواح المسلمين?

أحساس رهيب?

انا مبسوووطة شديد اليوم ?م كنت فاكرة انو لسسسة في حاجات بتفرح ...
المهم انا لاقيت واحدة من صاحباتي زمان?
بالجد الصداقة القديمة دي ذيها مافي لمن

تشوفهم بتحس كأنو الزمن رجع بيك لي وراء ايام المدرسة والمواقف الطريفة الحصلت فيها? ......
وخوفنا من الامتحانات ومرضنا ايام الامتحانات انا ما عارفة المرض بيتعمد يجينا ايام الامتحانات ولا نحنا البنتعمد نجي?

المهم مهما الايام لفت بينا وشغلتنا وعرفنا ناس جديدين ما ح نعيش معاهم ذي احساسنا
مع اصحابنا القدام .....
ناس نضيفين وعلاقات نضيفة ?خالية من المصالح والحقد وغيرها من الحاجات البقت تخنق في زمنا دا .......

بس نقول الحمدلله?

همسة:
اليك صديقتي عذرا ان شغلتني عنك الايام ...اعتذر عن تقصيري في حقك،ولكن اعلمي انك ستبقين في قلبي الى ابد.أحبك❤️

☄ همسة فرح☄

ام ادم ليها ..

#عبدالله_جميل?‍?

هل فقدت المرأة إحترام الرجل لها ؟؟؟

شبابنا و شابات رجال و نساء .. كل المتابعننا ..
رجعت ليكم من تاني بموضوع شويه كدا امكن يثير جدل بينكم .. بس الموضوع اللي ح اتكلم فيه دا واضح وضوح الشمس .. و ح اخد ثلاثه امثله فقط في تناولي للموضوع دا لتكرارهم بشكل شبه يومي ..
و لكن قبل اي شي ..
هل فعلا فقدت المره احترام الراجل ليها ..
و لو حصل .. السبب يكون شنو
و من منووووو
اسئلة ح تظل معلقه و الاجابه متروكة ليكم ..

ح نجي للامثلة او المواقف اللي ح اتكلم عنها ..
الموقف الاول ..
معروف انه المجتمع السوداني متعاطف لدرجة تفوق الخيال مع المرأة .. تحت مسميات كتيره بعضها منسوب للدين و اخري للشهامه و غيرها ..
و بما ان المجتمع اصلا منقسم لرجل و امرأة فالبتالي في حالتنا دي المجتمع يعني الرجل فقط ..
و قبل ما ابدا سرد المواقف داير اشير لانها كلها حصلت في المواصلات داخل البص و الحافله .. بس علي غير باقي المواقف .. الموقف الجاي دا بالذات للامانه شفته مره واحده بس ..

طيب نجي للموقف الاول ..
في اخر مقعدين - قبل العظمه - في الحافلة المتجهه من بحري للميناء البري قعد راجل و جنبه علي مقعد النص مره .. و في شارع افريقيا قبل مستشفي الاطباء بشويه و اثناء ما كل زول بفكر في غرضه الماشي ليه فجأة قطع حبل التفكير صوت صفعه مدوية . كف خماسي الاصابع اترسم بكل وضوح علي وش مره عمرها ما بين 30-40 و الراجل اكورك بصوت عالي شديد و عمك تقريبا عمره فوق الخمسين .. نبذ مباااالغه لمن برجف و الزبد بطلع من خشمه و الناس كلها مخلوعه حتي المره زاتها .. و الفهمناه من كلام الرجل و ردود فعل المره و طريقه انفعالها انه حصل تحرش او لمس اتفهم انه تحرش من المره تجاه عمك .. و صراحه ما قدرت احكم منو الصح و منو الغلط .. بس اللاحظته انه في كل المواقف المشابهه سابقا كانت الصفعه بتكون عكسيه .. يعني من المره للراجل مش العكس .. و اللفت نظري بشكل واضح انه معظم الشباب و الرجال لو ما كلهم نزلوا اساءات و نبذ في المره و تجريح و كلام تاني .. كل واحد اديها كلمه حتي النسوان اتدخلوا .. و الغريب في الموضوع انه الرجال في حالات زي دي بحاولوا المو الموضوع او احاولوا اقيفوا في موقف حياد .. دا لو ما غلطوا عمك و طلعوه هو الغلطان .. بس ردت الفعل ادهشتني لابعد حد ..
فهل فقدت حواء احترام ادم لها ؟؟؟

الموقف التاني ..
في موقف جاكسون و في انتظار البص الماشي الثورة بالشنقيطي كان الموقف كاشف و مستف علي اخره .. و اخيرا جاء البص ..
و حصلت الكبسيبه المعروفة .. كراع دا في رقبة دا .. و الكمساري اطرد في الشباب ما اركبوا بباب النسوان .. لكن النسوان زاحموا الرجال في بابهم رغم تخصيص باب ليهم و دا خلي بعض الشباب احتكوا مع الكمساري و اركبوا مع النسوان ببابهم اسوه بيهم ..
المهم الناس كلها ركبت و استوت علي المقاعد و الشماعه مليانه فل ..
بس لاحظت حاجه ..
المعروف انه المقاعد الامامية للنساء و الخلفية للرجال .. بس اللحظة ديك كان الرجال متحكرين تماما في مقاعد النسوان رغم وقوف النسوان شماعه .. و حصلت مشادة بسيطه كدا بين الرجال الوراء مطالبين القدام انه ارجعوا وراء و اخلوا للنسوان مقاعدهم ..
و كان ردهم انه النسوان استغلوا الحاجه دي و بقوا اركبوا في كل مقاعدهم و بوصلوا مرات لغاية اخر مقعد في مقاعد الرجال .. و اضافوا انهم زودوها حبتين في الاستغلال و ضربوا مثل بالحصل قبل دقايق بانه النسوان بركبوا بباب الرجال رغم تخصيص باب ليهم مع منع الرجال من الركوب بباب النساء ..
و اتقفل الموضوع علي كدا و ظلت النسوه واقفاااااات شماعه في مكانهم المخصص ..
فهل فقدت حواء احترام ادم ليها ..

الموقف التالت ..
برضو داخل البص .. ركبت من شمبات متجه للمحطه الوسطي بحري .. و لقيت البص مقفل .. وقفت شماعه و معاي شاب صغير كدا ..
و قريب مستشفي حاج الصافي وقف البص و ركب اربعه نسوان كباااار اعمارهم تجاوزت الخمسين امكن الستين ..
و طبعا البص مليانه مقاعده .. البص اتحرك و النسوان بقن اتلولحن و ما عارفات امسكن وين و اعاينوا ساي للركاب عشان اقوموا ليهم ..
صراحه البص كان معظمه رجال عدا عدد قليل من النسوان و برضوا اعمارهم ما صغيره ..
المهم قامت مره و معاها بت لمرتين و البقيه لسه .. و اللاحظته انه في اولاد صغار طلاب ثانوي و شباب قاعديييين و لا واحد فيهم اتحرك .. و كل واحد بعمل فيها انه ما شايفهم .. و دا لغايه قبل وقت قريب ما كان بحصل نهائي ..
الاتغير شنووووو
فهل فقدت حواء احترام ادم ليها ؟؟؟

اكيد الموقف كتيييييره شديييد
و اكيد كمان انتوا مرت بيكم ..
بس في رايك السبب شنوووو .. ولا نقول السبب منوووووو
فكروا في الاجابه ..

اتمني انه الناس تراجع نفسها و نقدر نعرف مصدر الغلط وين و نقلعه من جذوره ..
لانه دي ما طباعنا ولا اخلاقنا ولا دينا ..
اكيد في شي غلط ..
بس هو شنوووووو

و ح نخلي السؤال معلق كدا لغايه ما نلقي حل او اجابه ..
هل فقدت حواء احتر

ما هي العلاقة بين عدم لبس الطرحة وسواقة العربية؟?

صراحة العنوان الفوق دا ما من عندي ?

دا لفحتو من قناة هنا ..

مش قلت ليكم ح اسرق
الموضوع منتهي

دا م الموضوع
الموضوع بالجد ليييييه معظم - ركز علي كلمة معظم دي عليك الله عشان تاني ما تشغلها لينا - معظم البنات المرطبات و السايقات عربات بتلقاهن سايقات و فاكات الشعر و الطرحة في الكتف او في الكرعين تحت ..

ليييييه ؟؟
في شنووووو ؟؟
تقيله ؟؟؟
طرحة ولا ؟؟
بلاش قطامه معاك

اها طيب يا ستنا
يا اختنا
يا بتنا
الفهم شنو
ورينا .. احكي لينا .. برري ساي ..
قولي اي حاجه بنقبلها منك
و الله بقبلها

اوعي الشغله تكون برستيج
ولا امكن تكون مسخنه
لالا سخانه شنو يا زول
الزوله مقفله القزاز و مشغله التكييف

اها طيب الحنك شنووووو
والله احترنا معاك ..
طيب يكون نظام انه البت روشه و كدا يعني
برضو ما اظن
اها طيب شنوووووو

ياخ مالك انت حشري كدا الدخلك شنو انت في الموضوع
دي خصوصيات و كدا
بالله
هو الموضوع كدا قلت لي ..
لا كان كدي خلاص
الموضوع منتهي ..

طيب يا اختنا . يا ست الطرحة
ست الطرجة .. الشايله الطرحة .. ما عارفه كاتلانا الفرحة ..
كاتلانا الفرحة

مع الاعتذار لاغنية البلابل لون المنقه ..

دا ما الموضوع ..
الموضوع انه يا اختنا لو عايزه تطلعي طرحتك و مضايقاك .. ما محتاجه تنتظري لمن تعملي عربيه او لمن تركبي عربيتك الخاصه عشان تطلعيها ..
الموضوع عادي يعني
طلعيها هسا
من بيتكم ما تطلعي بيها
ياخ من السوق ما تشتريها .. و ليه تكلفي ابوك زاتو . اكتفي بانك تقولي ليه دي الموضه و هو ح يفهم علي طول .. ح يكون انبسط منك كيف
عشان وفرتي ليه حق الطرحه
ما هو كدا كدا ما لابساها . طيب ح تشتريها لييييه .. خراب قروش ساي يعني ؟؟
اما بالنسبه للشارع و المواصلات و الجامعه و الشغل و كدا يعني
فااااااااا انا بالانابه عنهم كللللهم بقول ليك اخدي راحتك تتتتتب . زول اسالك مافي ..
و اسالوك ليه ما دام الوليان من البيت مدنك الضوء الاخضر من البيت ..
اخدي راحتك تتتتتب

الموضوع منتهي ..

يلا ما تقدوا راسنا عليكم الله
شوفوا لينا موضوع تاني .
ودعتكم الله

#عبدالله_جميل?‍?

طبعا انا بعشق حاجة اسمها تليجرام .. و سبب العشق منشورات قنواتنا السودانيه الخفيفه و المكتوبه من بنات افكار اصحاب القنوات دي ..
فاااااا عشان كدا كتير بدخل مهما كنت مشغول و مهما كنت مدبرس عشان اتسلي و تفك لي دبرستي علي الاقل ..

لكن من ناحيه انا ساكن هنا دي فااااااا انا ساكن هنا ..
الموضوع منتهي ..

فااااااا الكلام دا لزومو شنو هسا
الناس دي ح تستفيد منو شنوووو

ما ح يستفيدوا جاجه بس حبيت اقول ليهم انه في حاله لقيتوني سرقت لي منشور او فكره و بديت اخربش فيها ما تعصروا علي ..

خلوا اخوكم اتفسح شويه
يا دوووووب جاي من وقفه طويييييله و المفصلات دايره تزييت

عموما ح نتقابل كتيييير
و نتكلم كتييييير
و ح اطرح بعض المواضيع الجادة احيانا
و ح اقول فيها راي
كمان نشوف اراكم ..

انتظروني ..

#عبدالله_جميل?‍?