Tobaki degan so'zimiz bor. Uning qismati ajoyib. Tob so'zining o'zagidagi qizitish, kuydirish ma'nolaridan kelib chiqqan toba(yassi qozoncha. Biz uni tova deymiz), toblanish, obu tob singari kalimalar ko'p.

Tobaki deb toba(tova)da pishirilgan yoki umuman qovurilgan taom aytiladi. Tok bargiga qiyma o'rab tayyorlangan taom ham tavaki deyiladi.

Xullas, tobaki degan so'z safarga chiqib, Rossiyaga bordi va tobaki degan nomni tabaka qilib keldi. Tobada pishgan taom ekani esidan chiqdi va qovurilgan jo'jaga aylandi.

✍ Erkin Vohidov "So'z latofati"

Abduxamidova blogi

#kayfiyat

Yaqinda bir o'rtog'imiz bir gap topib keldi: Argentinani o'zimizning arg'in degan urug'imiz ochgan emish. Argentina - arg'in tingan joy ekan.

Bu kashfiyotga nisbatan bir o'rtog'imiz qochirim qildi:
Gaping to'g'ri. Bu yurtdan chiqqan Maradona o'zimizning Mardon bo'ladi.

Chili - chillakidan, Kuba - Quvadan olingan.

Alyaska ham o'zimizning so'z. Safarga chiqqan o'zbek "qayoqqa ketyapsan?" degan savolga "Olisga" deb javob bergan. Osha ''olisga'' - Alyaska bo'lgan.

Askiya ulanib ketdi:
Bizning qishloqda G'afir va Amir degan sayyohlar chiqqan. G'afir borgan yer - G'afrika, Amir borgan yer - Amerika bo'lgan.

O'sha kuni hazil-huzul bilan dunyoni egallab qo'ydik.

✍Erkin Vohidov "So'z latofati"

Abduxamidova blogi

Oʻzbeklar aytingiz, bizda nima bor?
Bizda bor mutelik, qullik, ozorlar.
Bizda bor qo'llardan ketgan ixtiyor,
Hayqirib yotibdi buyuk mozorlar!

Oʻzbeklar aytingiz bizda nima yo'q?
Bizda yoʻq ittifoq, bizda yoʻq birlik.
Oyoq ostidadir insoniy huquq,
Oyoq ostidadir muqaddas hurlik!

© Rauf Parfi

Abduxamidova blogi

#biroz_kayfiyat turkumidan rasmlar ulashmoqchiman

Qizlar 11 yil mobaynida:
"Bu oddiy maktab o'quvchisi"

Qizlar 25-may kuni:
????‍♀?

Abdukhamidova's blog

Inson baxtiyor holatda uyquga yotishi lozim. Modomiki, uyqu - yarim o'lim bilan teng ekan, u holda har kecha baxtiyor o'lmoq kerak.

✍Tolstoy

Abduxamidova blogi

Assalomu alaykum! Bugun anchadan beri yozmoqchi bo'lgan gaplarimni Sizlar bilan ulashmoqchiman. (Xavfsizlik kamarlarini taqib, mahkamroq o'rnashib oling) To'g'risini aytsam, gapni uzooqdan boshlash niyatim yo'q. Bilamizki, maktab o'quvchilari o'rtasidagi…

Assalomu alaykum!

Bugun anchadan beri yozmoqchi bo'lgan gaplarimni Sizlar bilan ulashmoqchiman. (Xavfsizlik kamarlarini taqib, mahkamroq o'rnashib oling)

To'g'risini aytsam, gapni uzooqdan boshlash niyatim yo'q.

Bilamizki, maktab o'quvchilari o'rtasidagi sevgi-muhabbat mojarolari kutilmagan yangilik yoki hech bilmaydigan sirli mavzu emas, lekin...

Hamma narsa shu "lekin"dan keyin boshlanadi. Opalarim maktabda o'qigan paytda yigit bilan qizning gaplashishi(nutqiy jarayon ma'nosida emas, sevgili sifatida) eng uyatli ish bo'lgan. Akam o'qigan paytda gaplashish uyat chegarasidan chiqdi, lekin pinhonaligini saqlab qoldi. Men maktabda o'qiganimda pinhonalik ham yo'qoldi. Ukamning davrida esa maktabda sevishib yurish obro' hisoblanib qoldi.

Maktabda o'qituvchilar ko'p siquvga olgani uchun bechora "Romeo" va "Julyettalar" o'quv markazlariga ko'chib o'tishdi.

Mahalladagi bitta ayol onamga nolib, shikoyat qilyapti(onam ham o'qituvchi): Qizim 3 yildan beri repetitorga boradi, lekin sertifikat ololmadi.

Olomaydiyam-da, "Repetitordan kech chiqdim" deb kechqurun yigiti bilan qo'l ushlashib ko'chaning boshida xayrlashadigan qizning xayoliga o'qish sig'armidi?

Bolalik - beg'uborlik derdik. Hozir boshlang'ich sinfdagilar ham "birinchi sevgilim", "yangi sevgilim" deb og'zini to'ldirib gapirsa, katta bo'lgani sari ahvol og'irlashmasmikin?

Oxirgi paytda ba'zi blogerlar "mentallilet" deb uni eskilik sarqiti sifatida baholashdi, lekin milliy mentallitetimizda bugun o'rnak olishim kerak bo'lgan jihatlar yo'q emas. Masalan, yigit bilan qizning mushtdek boshidan sevishib yurishi, qiz bolaning 18 ga to'lmasdan "erim", "qaynonam" deb gapirishi nafaqat mentallitet, umuman hech bir axloq qoidasiga sig'maydi.

Amir Nihonni "Xotinjon" deb chaqirishi holva ekan, ba'zi bitiruvchilarning yashirin profilida "zamujem" degan yozuv, kontaktida "jonim", "asalim" degan odamlar turadi.

Oldin o'zbek erkaklari ayoliga ismi bilan ham murojaat qilmagan, katta farzandini ismini aytib, ayolini chaqirgan. Katta farzandi "Zilola" bo'lsa, erkak ayolini "Zilola" deb chaqirgan. Agar qizi bilan ayoli uyda bo'lib, qizi javob bersa, "kattangni aytaman, kattangni chaqir" deyishgan.

Shunaqa gaplar hurmatli Девушкахон va Akaxonlar!

Yoshlik g'animat. Bitta ustozim: Inson umrining har soniyasi uchun javob beradi, yoshlik payti uchun esa alohida so'raladi, chunki Alloh unga yoshlikdagi kuch-g'ayrat, shijoatni ilm olish, xayrli ishlarning boshini tutish uchun ato qilgan" degan edi.

"U meni chindan, haqiqatdan, rostdan sevadi" deydiganlar uchun Iqbol Mirzoning "Bonu" romanini tavsiya qilaman.

Abduxamidova blogi

#Navoiyga_ehtirom

Ilohi, dardi holimni har kimga aytsam,
Rad etsa, senga tavajjuh etgaymen.
Va agar sen rad etsang, netgaymen,
Va kimga ketgaymen...

✍Alisher Navoiy

Abduxamidova blogi

"Chuqur" serialining 1-faslidan keyin shu serialni umuman ko'rmayman dedim, chunki to'y sahnasida menga yoqqan bir nechta qahramonlar vafot etgandi.

Serialning 2-faslida Sena, Aksin o'ldi.
Endi serial reytinglari tushib ketsa kerak dedim.

3-4-fasllarda ham sevimli qahramonlarim birin-ketin dunyoni tark etaverdi. Selim, Kemal, Idris, Karaca, Celasun...

"Chuqur" finalidan keyin mening seriallarga bo'lgan ishqibozligim ham yakun topdi.(bunaqada 20 ga to'lmay yuragimni oldirib qo'yishim aniq bo'lib qoldi)

Xullas, kitob o'qigan yaxshi, lekin baribir "Chuqur" - Legenda.