شيصير لو يطلع حلم ماميت انتَ البارحة
وشيصير لو يطلع حلم ما نلگه چادر فاتحة
يا صاحبي وچنت الهوى
وأنطفى بعيوني الضوة
من خبروني جنازتك للنجف باچر رايحة

المفروض الورد يندفن بالبستان
شجابك للگبور شعرفك بيها ؟

سويتلك بينه دهيره
ياواحد حسابك عشيرة

‏ساعات
‏ بتبقى
‏عايز تروح
‏تعيط
‏للشخص
‏ الى هو
‏سبب
‏ عياطك
‏اصلا

ماادري أجرحك لو اداويك
حَنيني وثاري گامنلك سوية !

ماحچيت ولا شكيت بگلبي ضام
ليش ما خليت للعشرة احترام
چنت أريدك بالحلال وما رضيت
هسه أريدك بالحلال وبالحرام
من درت وجهك
درت وجهي ومشيت
ردت أگلك وين رايح وأستحيت
قاومت گدام عينك بس وراك
الله شاهد حتى بالشارع بچيت
وخل أگلك
خاف ما عندك خبر
راد يوگف كلبي بس ربك ستر
ما مصدگ عبرت وهسه انه زين
والله لو ما الله ماطول شهر .

الصبح موجود بس النور مفقود
وحتى الخير من تعود إلي يعود .

ليش غيرك يگعد يفل الگصيبة
وانه چنت مرآيتك مو بس حبيبه
ليش يم غيري وأصيحلك تعال
كلبي ما ينطيني أخونك بالحلال
ليش مو حتى بسواد عيوني شيبه
انه چنت مرآيتك مو بس حبيبه .

انه ردتك ثلج وتطفي هالنار
صرت جمرة وتزيد النار بيه .