وە ئێمە پێویستمان بەوەیە کە کەمێک بوەستین لە کۆکردنەوە و، ئەو زانیارییە دروستانەی کە وەرمان گرتووە و کاریگەرییان ئەبێ لەسەر گۆڕینی دین و ژینمان؛ بیکەین بە قەناعەت ...!

گەر بە حەق خوامان خۆش بوێ
هەستکردنی بە چاودێریی خوا لامان ئەبێتە گەورەترین ئامانج ...!!

خۆ گەر گەیشتی بەو ئامانجە و لە هەموو دەقەیەک هەستت بە چاودێریی خوا کرد، ئەو کات خۆت خەیاڵ بکە کە دڵ و کار و ژیانکردنت چۆن ئەبێ!

خوشکی من
حەزی دەرکەوتن و نمایشکردنی خۆت؛ ئەمما بە بەرداکردنی بەرگی دین و دەعوە بەو حەزەت، کۆکردنەوەی دوو موسیبەتە، زۆۆر ئاگاداربە ....

(وَنَبْلُوكُمْ بِالشَّرِّ وَالْخَيْرِ فِتْنَةً)

زۆرن ئەوانەی وا لە تاقیکردنەوە بە شەڕ و ئازار و ناڕەحەتی دەرئەچن، ئەمما کەمن ئەوانەی کە ئەسڵەن هەست بەوە بکەن کە ئەو خێر و خۆشیەی کە تیایان تاقیکردنەوەین؛ چ جای ئەوەی لەو تاقیکردنەوە قورسەش دەربچن ....

خوایە وەک چۆن لە تاقیکردنەوەی شەڕ و بەڵا و ناخۆشی صبر و خۆڕاگریمان پێ ئەبەخشی، ئاوەهاش لە جۆری تاقیکردنەوەی دووەم کە زۆر قورسترە ئاگاییمان پێ ببەخشە کە هەست بە گەورەیی ئەو نیعمەتانە بکەین و لە تاقیکردنەوەکەشت دەربچین و لە ئاست پێبەخشینی ئەو نیعمەتانە بین و حەقی خۆیان پێ بدەین ....

سەرچاوەی ژەهرەکانیش بە ڕێژەی سەدا نەوەد بە هۆی چاو و گوێوەیە، هەم لە واقیع، هەم لە سۆشیالمیدیاش

جا خۆت لە فلتەر بدە، بزانە تا چەنێ ئەو ژەهرە لە دڵ مێشکت بوونی هەیە، بەتاڵی بکەرەوە، انجا دەسکە بە پڕکردنەوەی بەوەی ئەتەوێ لە کار و قسەی خێر ....

هەر حیجابێک سەرنج ڕابکێشێت، نیشانەی ئەوەیە کە مەبەست و داواکراوەکە نییە، هەتتا گەر نیقابیش بێت.

ئافرەتی سەنگین و بە حەیاش ڕقی لەوەیە کە سەرنجی پیاو بەلای خۆیا ڕابکێشێ و حەز بەوە بکا کە پیاو تەماشای بکەن ....!