المحبّة مو كافية لبناء حياة كاملة أو شراكة صداقة. فعلًا المحبّة مو كافية إذا أحد الأطراف ما فاهم أن سِعة المحبّة متستوعب سوء التصرّفات، بس تستوعب حجم الظروف و تهوّنها مهما چانت صعبة.

ممكن يتحمّل تصرفاتك و ظروفك أثنينهن مع بعض، بس واحد إله حدود و الثاني بلا حدود. طاقة الإنسان هيچ، من يوصل لنقطة يطلب يبتعد لأن إلّي خلّص طاقته هو أنت مو ظروفك.

العطاء -بالنسبة للإنسان المُحِب- مستمر، و إن مطرت الدنيا نيران، و تحت أي ظرف ممكن يقدّم و يقدّم مجرّد ما شايف تقدير، و شُكر، و تبادل، لأن حُسن التصرّف اتّجاه العطاء هو الوقود إلّي يحرّك و يخلّي هذا العطاء مستمر. بس سيئ التصرّف رح يجففّ المحرّك و كلشي يتوقف و ينتهي.

-هالة الجبوري

رايحة انام واكعد من وكت اكمل لان الصداع دمرني 👌🏻

على كد ما الدنيا صغيرة ومُرعبة تخليك تاكل اصابيعك ندم على كل مرة ضيعت وقتك ويا البشر ان باي شي وتركت علاقتك برب العالمين وبالاخير نرجع لرب العالمين مثل المذلولين الي ما عدنا تبرير رب العالمين هو وحده الي يستاهل وقتنا الي دنضيعه على أشياء مو مهمة ابد

محتاجة انام نومة ميتة تعب

على سهرة اليوم باجر احتاج اشرب دبل اسبريسو حتى اكون مصحصحة بالمحاضرات 👌🏻

طفت الكهرباء ادري مو جاي اقرا 😒

عقلي يكلي روحي نامي صارلج يومين بدون نوم
وضميري يكول بلشي ادرسي فسلجة
وما بين عقلي وضميري أنا محتارة

أولًا و أخيرًا تظل المواقف أصدق الأدلة

ما احب التمر ما اتقبل طعمه احسه حيل حلو

نسيت اللابكوت بالبيت ☺️ هاي اشارة حتى ما احضر