جديد محرم ١٤٤٦
__

شمس الحرب بزغت
ورحته الوغى افترت
والعساكر وكفت ابو الفضل مولاه

دارت رحى الحومه
وامتطه الملزومه
رجع حيدر يومه ابو الفضل مولاه

ركب مهره باب خيمة زينب ورفرف علم
من زعل فوك الكحيله ضهر الكحيله انكسم
فتح جفه ورجع لمه الحومه صارت من عدم

سمع زينب صاحت
نار الغضب لاحت
على السبعه ودارت. ابو الفضل مولاه

رب الحرب نازل
للعيه وي يقاتل
يسمونه ابو فاضل ابو الفضل مولاه

ركب مهره وغاير
والمعسكر حاير
للحرب جف داير ابو الفضل مولاه

بالحرب وفنونه
رعدن هو عيونه
كلف ويعرفونه ابو الفضل مولاه

فك لثامه ولزم مهره واكف بحدالنهر
والسبع واكف عليها والكلف محد عبر
الشرد من كدام سيفه تايه يدور مفر

مالت ورداها
بجفوفه شالاها
الماتجي جاباها. ابو الفضل مولاه

للوغى رف شاربه
سبع محد عاجبه
محله كسرة حاجبه. ابو الفضل مولاه

ولليل اذا عسس
والصبح اذا اتتفس
عباس ذا اشرس ابو الفضل مولاه

عالنهر دك ثايه
خسف المسنايه
رجع الغزايه ابو الفضل مولاه

بريد السبعين حيله وعالركب سيفه خطف
صاح انا العباس هذا والنهر منه نشف
الما يهاب العيه نشمي نزل يم جدمه رجف

عالركب بتاره
سواها كناره
لله واسراره ابو الفضل مولاه

الباطن الضاهر
الماضي والخاضر
آياته بالعاشر. ابو الفضل مولاه

بالحرايب عاده
يستنكي بالقاده
بس اله ولجداده ابو الفضل مولاه

يتبختر بخيله
هلهلته ام شيله
نومسها بالعيله ابو الفضل مولاه

الخله بينت بالمعسكر ونكسر كسرت غصن
وخطف بتاره عليهم جن مثل طبكت جفن
توسط بوسط العيايه للمرجل كف ردن

كف ردنه طبها
والعليه جابها
بس هو سواها ابو الفضل مولاه

زلمة علي بكيفه
لو عارك بسيفه
سبع ياخذ حيفه ابو الفضل مولاه

_علي غسان المياحي

مولاتي العليله

لملمت هدمي وكلت عود وياهم
ماريد ناكه اتماشه وي ممشاهم

• فرحانه اروحن وي هلي والفرحه ترس عيوني
  ولليل مانمته ابد سهرانه وي ضنوني
  لميت هدمي للسفر بس تالي ماحسبوني
  كوطر ضعنهم بالحمل وبالبيت شو خلوني

طر الفجر والضعن حمل بيهم
محد ذكرني واني كلبي عليهم

جابو هوادج بالفجر وتخيلت الخياله
صعدن خواتي بالركب وانه بخطى ادناله
شيصير لو وحده الي يجبون ناكه جماله
جا هو ليفارك اهل بس الله يدري بحاله

انا وحسرتي ودمعي ضل اليربي
بس على ابوي حسين ينغز كلبي

ايدي عالخدي من مشو بالأيد مامش حيله
وركضت ليه بهمتي كتله انا موش عليله
وياك اروح بسفرتك ودري بسفرته طويله
تخيل مهرته ومن رحل جلبت بيه وبخيله

كضيت بالجام الفرس وردانه
كلالي ماترحين انتي ويانه

جلجل الليل بوحشته ضلمه وخليه ادياره
وهنانه صلى هنا كعد ابجي وشم بكتاره
مهمومه موتني الحزن والدمع بس يتجاره
امنيتي لو وي الهوى وسمع سمع بخباره

بعيوني ضلت صورته مرسومه
طلعت هدمه وكمت اشم بهدومه

علي غسان المياحي

خروج الضعن

لسان حال مولاتي العليله

بالسلامه.. ياهلي رايح ضعنكم.. بالسلامه
بالسلامه.. الليل وحشه وذكرتكم .. بالسلامه

والضعن منيمي شايل
وعيني صدت للمحامل
بسلامه

تصد عيني بضعنكم راح___وكولن بي نقص ناكه
شبدر مني وجفاني حسين___ كلبي يوجعه فراكه

اصعب لحضه اموادع.. خواتي من اودعهن
مامتعوده ع الفركه.. تريض خل اشوفنهن
انا ادري ومايصح ملكه.. عالصدري وخل اضمنهن

وي خواتي.. شيصير لو عالناكه اروحن. وي خواتي
وي خواتي.. وبالدرب لحسين اصدن.. وي خواتي

نعمه من ضلالي فاضل
عيني صدت للمحامل

بسلامه

جفيتوني ونحيل الحال.. وصفيت بروحي بس انعه
مفضوح الجفه يحسين .. اذا ابنادم لزم ضلعه

اكضي لليل اجر ونه.. ونه تخلف الحسره
اكولن مارفع جفه.. يجوز بهاي اله عبره
اثاري باجر منيروح.. تضل بس تسعه موعشره

تصب عيوني .. انا وليل وحسرتي .. تصب عيوني
تصب عيوني.. والهجر طفه شمعتي.. تصب عيوني

والدمع من عندي نازل
عيني صدت للمحامل

بسلامه

ادزلكم رسايل شوك __ وارد مناطره ابابي
ويجرحني الهوه ليفوت __ شايل ريحة احبابي

يبويه الفركه مو هينه.. حرمه بلا ولي صعبه
انا ادري ماترد وتعود.. حياتي صارت بغربه
ادور ذكره لك بالبيت.. عالراسي وهلت التربه

من جفاكم .. عاشرت روحي مصابي .. من جفاكم
من جفاكم .. ابد مافاركته بابي .. من جفاكم

حرمه وبلايه كافل
عيني صدت للمحامل

تعبت من الهجر يحسين .. اتاني وماخبر جاني
عاشرت الحزن والضيم .. الجرح يسكت يفز ثاني

هلي و عفتوني بالغربه .. يماتدروني وزغيره
يصح مثلك حظن دافي.. وانا ادردي ماالي غيره
بعيني والضعن كوطر .. يبويه بهتت الديره

ليه عودو.. الناس ماترحمني بويه ليه عودو
ليه عودو.. عالهجر ماني قويه.. ليه عودو

بويه محد عني سائل
عيني صدت للمحامل

بسلامه

علي غسان المياحي

#للانصار *ونعم زلم لحيود حياهم
بالعرك حار بحار ملكاهم

ونعم زلم الحسين 
 يم الخيم ملتمين
ينطي الامر ومتانين 
يجيبون راس الجيش من اذياله

بالموزمه كلها سباع
واحدهم بجفه اشراع
وبجدمه يخسفها الكاع
رفت الرايه وهدو الخياله

بالعرك لا مايجفون
وعالمنايه يضحكون
فوك العكل ويدوسون
العركه صارت عد زلم عياله

غايضين بنارهم  للحرب شرايه
سيوفهم مرفوعه جنها رفة رايه

**
الزلم شدت انكاب
دخلوها من اكبر باب
دخنت تشتم عطاب
دخن العسكر منه تلهب ناره

صار العرك عالصوبين
الشرده تاهت منين
بيهم احتار السبعين
شجعان ماترهم وياهم جاره

غيمو صارو كالليل
الحومه صرخت ياويل
من فوك يضحك جبريل
يعاين عالجيش شنهي اخباره

سيطرو عالحومه  اتكابلو عالقاده
تالي ذب هدومه  مالحك مشراده

• تطافر اتخاف الناس
  يركض قسم وبلاراس
  شردو ولاكو عباس
  عباس كف ردانه واتعناها

طبلها زلمه عريج
يشرب الموت على الريج
عباس كض لطريج
عباس كال الحومه وشوازها

الكاع شتريد اصير
بالساده لو بيه اتحير
العركه وبكيفي ادير
الرايه بيدي والله هز الواها

الغضب لاح عيونه  الزلم صارت عاجر
الماي باهت لونه   دخيل بختك حاضر

**

جبريل جاب المرسال
من ربك وشنهي الكال
خيال هد وي خيال
الكاع مالت همه جا كلبوها

حسين كلش فرحان
كض مهرته جر لعنان
حي الله ولدك عدنان
الكلفه ماتصعب والي جابوها

عمك يالكبر وفاي
جاب النهر يكطر ماي
عباس للطك عناي
هو وحبيب اتكابلو ذبحوها

حسين شنهي اتريده  امرك منفذينه
لاتتعب روحك الجيش وموتينه

علي غسان المياحي*

محرم الحرام

لسان مولاتي فاطمه الزهراء

ضلعي مكسور .. وانت منحور يمه محنيه
بهمي اجيتك .. بس لكيتك .. شيبه مدميه
موليك الرمح. مشيول برمح
شيبه مدميه

اجيت لمصرعك يحسين بس يحسين شيلمك
اميل بالجروح اتراب شنهي لبيك ميلجمك
يوليدي دبطل النوم
من عندك خذو لهدوم
خواتك ضاعن بغربه واجت تنعاك بس امك

وجهي مشبوح وانت مذبوح .. ونايم برمله
خنصرك وين احجيلي يحسين.. اكعد سم الله

يا اول جرح مشيول برمح
شيبه مدميه

طحت بس عيني يمه تشوف يكلها من الخيم طلعي
نقص والخنصر المفكود وتاشر للخيم رجعي
للخيمه زحف تحبي
والزينب جفن يربي
وبكيت محيره بهل الساع وجفني الماكطع دمعي

بحيره زينب .. ناري تلهب.. يمه حاجيني
جروحك هواي.. تشوف عيناي يمه دليني

دليني الرمح .. ياوجه الصبح

شيبه مدميه

يراس عالرمح محطوط بحجر ومصوب الكصه
ينايم عالرمل مطروح جسم وتقسمو حصه
عالشذره كطع خنصر
عالدرهم كعد ينحر
ماضلت ولا خيمه وكلب زينب الف غصه

بكلبي ناره .. على الحياره .. وانت نايم
ماهو راسك .. لا ثيابك .. عكلي هايم

مو ليك الذبح .. مشيول برمح

شيبه مدميه.

شغت من شفتك موذر عالصدرك دايس الحافر
واكولن هوى مو هوى شصاير يمه بالعاشر
عالصدرك يمه خياله
وحيد اهوايه جتاله
طحت يمه وغدت زينب ينضر ليها كل عابر

ركضت اختك . ما جزتك .. وكفت عليك
من المخيم ... ريحه تشتم.. تعرفت ليك

ياوجه الصبح. مشيول برمح

شيبه مدميه

علي غسان المياحي

عيت الحومه بريح صرصره
هرجت الفرسان هذا حيدره

خسف بيها الكاع صارت من نزل بيها الفحل
ركض انمار المعاره ابو ريشه من نزل
كلشي بالدنيا ونضير وبو فاضل ماله حل
بسيفه ملج الموت كشر عاده جن يوم الجمل

جيمه سوه الطف يحوس بجمره
عيت الحومه بريح صرصره

يسابك الريح بشكرته من يجر الجامها
سيفه وجه وكفه يذبح لو يطر ازلامها
مالت الدنيا بطلعته وغير جفه مالها
الحرب نثيه وابو فاضل للحرب خيالها

شرد الجماغه ليث قسوره
عيت الحومه بريح صرصره

ترجل بوسط الحرايب يمه تمشي مهرته
متنه وي النخل لايح فوكه رفت رايته
الزعل بعيونه تباين يكتل هو بخزرته
للنهر ماثنه رجله برمحه نزل جربته

دخن العباس غيره مبخره
عيت الحومه بريح صرصره

زمجر بوسط المعارة ابن ليث حروبها
عصب الخيل ودخلها وحده داس دروبها
بريد الجيش ابمجانه بعينه صاد كلوبها
الكابل العباس ميت القادة ذبت ثوبها

الحرب ثخنت والجيوش مشوشره
عيت الحومه بريح صرصره

علي غسان المياحي

مسلم بالحرب ليكابله منين
وأمضى من سيفه هو خزره العين
لذي واجه عيونه رجع مصيوب
ابن عم ابو فاضل هو وحسين

كام هوس بيها .. وعليها.. فر خيله
رادو يلاكونه .. وبعيونه.. رد جيله
بالحرب خلاسها... وهوواسها وذب حيله

العسكر بالحرب رادو يشردون
مامش كل درب واحتارو شلون
عكد جفيه خظره ونزل خيال
شال الحومه بيده ورجف الكون

تريس على الكوفه ... وبجفوفه... شالاها
الكاع مالت بيهم ... وعليهم ... ذباها
تخيلاها بيومه ... وعلومه ... محلاها

مغضب بالحرايب زلمه خيال
اذا تسطر جفوفه تكول زلزال
اذا عمه علي جا يطلع شلون
الي مصاحب كفيل يصير كفال

كام طر حطيانها .. وميدانها.. وشلامها
سوه بيهم جوله.. وجم صوله.. بزلامها
بيها سوه الغاره .. كنارها.. بعلامها

كبيدي وعالطريده يفتر يحوم
الحرب مابيها زلمه يكابله اليوم
ماتو والشرد ينحسب رجال
اليسطره بجفه ميت ماضن يكوم

صفك بيها جناحه بالساحه. دك ثايه
حيل الله بزوده. بزنوده رف رايه
دخيل رب الغيره شك ديره بحجايه

علي غسان المياحي

مولاي مسلم ابن عقيل

حيهم يغيرة هاشم نزل والصارم بيمينه عله
مسلم عزم بجفوفه تصيح الكوفه هلا بمرجله

هلا بزودك يالشوفتهم _علي رد بيومه
بعينك انت من خزرتهم _ الزلمه ذب هدومه

هلا بشمرة حيدر يتوكر على الصيده
الكوفه مالت بيهم وسيفه جنه رعيده
سرفن الها اردانه والحرايب عيده

بالحد وكف كل حيله _ بداها العيله _ عليهم هجم
مسلم يحوم عليها _كلب عاليها _ طواها الزلم

الجيش مصطف على الحد الكوفه _ وانت وحدك نازل
شاهر الباشط وكلها تشوفه_ اله محد واصل

السبع بيهم واكف ماوصل يم الصارم
الشرد طرف الكوفه هم شارد وماسالم
النام منهم ليله من الرعب فز حالم

للطك يكف ردانه _يكلهم انه_ على حدها وكف
سيطر عليها بكيفه_ بيمينه سيفه _ عليهم خطف

مالت ومسلم يلولح سيفه_ من دماهم ناكع
حيل اذاهم بسطرة ايده _ والشرد ضل نازع

عيت ودخان صارت بالحرب دك ثايه
والهواشم بالكلايف دوم الهم رايه
جيشهم رد خايب رجع الغزايه

رب المراجل بيها _ بده بتالها _ ورجع على الصدر
بحيله طوها الحومه_ على الملزومه _ عليهم يكر

**
خلصت ومامش زلم لتشوفه __ والسلم كض راسه
وصل لجيش على طرف الكوفه__ بطرف خيله وداسه

الكاع خسفت بيهم والركض منهم صايح
تعب الملزومه ومن الكد هل الواضح
مسلم وهل سيفه مارحم بالصايح

رجع عليهم غاره شهد بتاره كطفها الركب
كالو علي رد بينه وقسم يكضينه نفاها العرب

علي غسان المياحي

**زلزال العباس

.... ألستم تعرفوني ... أنا هيبة الجبار

أنا طلبة الكرار أنا سيف صاحب ذوالفقار

والله لو كنت وحدي لأحامي عن السيد الكريم وأذكركم غدا زلازل يوم عظيم

غدا والله أحير جبرائيل ..غدا والله أدهش عزرائيل

لأهل الشام أحفر حفرا بحافر فرسي

قادر على المقدره.. شيخ وعلى الكنطره
عباس يابالفضل.. يبتسم للاخره

شهم ونزل حومته فارس يرف رايته
عباس يابالفضل.. وعالراس حط ريشته

زعزع الملزومه وجفه للطك زاهب
ماضن على المهره على الريح وراكب
كطع درب الحومه بطوله واكف راعب

يا ابالفظل
اذا جاء نصره والفتح.. الروس توصل للسمه
زلمه يطب ساحة حرب.. وبيها يسوي المحلمه
بعيونه تقرأ بس رعب.. والطف يترسه بس دمه
يبدي البدايه بالعرك.. ويرجع يسوي الخاتمه

• طلع بيده العلم ... يضحك من الخيم
  عباس يابالفضل... ياناموس الشيم

بعينه يحله الزعل ... ونعم من كفل
عباس يابالفضل ... عاده يوم الجمل

ركض الخياله شرداها من النهر
الهوى الجان هناكه عالمخيم ماعبر
مالت بجفينه ورجع عدلها الكمر

يابالفضل

رجله تخط من الفرس .. رب المراجل بالوغى
زلمه تجف ماينعبر.. يمه وكف حتى الهوى
بعيونه ايات الغظب.. نصرا من الله بالوى
بصغره كطعها الكنطره.. بكبره كطعها نينوى

**

سيطر على الهوى .. بمتنه رف الوى
عباس يابالفضل .. منه شع الضوى

واكف على النهر وجربته على الضهر
عباس يابالفضل .. منه محد عبر

وصل يم اجروفه مدري شنهي الصاير
الزلم من شافته هناك صارت عاجر
مايجرد سيفه اله بس جف ساطر

يابالفضل
من جرد السيف وهجم .. سواها جنها الواقعة
جلت قدرته من خلق .. بعباسه سوه القارعه
بخزره كطع نسل الزلم .. منه الشراسه نابعه
بفعله تريس على الحرب .. بحيله كطعها المشرعه

**

بسيفه كض الحرب .. كاطع هو الدرب
عباس يابالفضل .. خلاها على الترب

الزلم مالاكته .. يخبل بغيريته
عباس يابالفضل.. تشرد الاكته

هاي خلفت حيدر للعرك مريوده
الكابله بلا راسه يرجع ومشهوده
الشرد اكبر فارس والبقه ممدوده

يابالفضل
سيفه يشب منه الغظب.. معروفه خلفت حيدره
من الصبه ويهوى العرك .. مشهوده يوم الكنطره
تخيل وطشرها إلزلم.. لاكها ملكه القسوره
امجاد حيدر بالحرب .. سواها يوم الزمجره

علي غسان المياحي**